Axwɛwɛwa 14:26 - ONUGBÙ NYƐNYÃ VUVƆ

²⁶ Denɔ Attalia nɛɛ ba za kenia bha etsodzi avɛ Antiɔkɛ, ɔkɛlɛ gɛ ba yɛkɔa lɛ akpɛ ahwɛ kɔ Kpaya ɛyamyuyɔ kɔ kɛxwɛ nɛ gɛ be ti beke nɛ ɔtsɔ̃ nɛ mɛ.

Axwɛwɛwa 14:26 ပူးပေါင်းရင်းမြစ်များ

Axwɛwɛwa 11:19

Ɔtsɔ̃ nɛɛ bagɛ balɛ mɛ lakpɛ ozi nɛ Stefano tɛkpɛkpa tɔnɔ nɛ mɛ na ga kidzo avɛ ede ku Foenisia, Siprɔsɛ anɛ Antiɔkɛ, klɛ ba ɖɔ kibui nɛ etsre Yuɖa nɛ nɛ ko.

Axwɛwɛwa 11:20

Pɔ nɛ banɔ nɛ teli gɛ bede Siprɔsɛ Sirene, na shɛ vɛ Antiɔk klɛ bada kpa kaɖɔ ɖɔ tsre Grikianɛ nɛ tsyɛ, edenɔ Apalete Yesu kibui dzyɔgo nɛ shu.

Axwɛwɛwa 11:23

Gɛ ede ku ɔkɛlɛ amɔ Kpaya ɛyamyuyɔ nɛ kɛdɔbhɛbhɛtɛ nɛ ɔkɛlɛ, klɛ so amɔ same klɛ akpɛa lɛ petee bugɛganɛ sɛ ba za kɛgbam nɛ Apalete anɛ balɛ idzyi petee.

Axwɛwɛwa 11:26

klɛ gɛ amɔɛ nɛɛ, agbanɛ yɛ amɛna Antiɔkɛ. So nɛ kɛgɔ zɛzɛ petee mɛ Banabas nɛ Saul ba tsya nɛ busɔlɛɔha nɛ mɛ klɛ bakasɛ banɔɛ dɔ nɛ tikpikpem. Badɔkpasɛ nɛ, Antiɔkɛ be bhusoa lɛ kulu sɛ Kristoanɛ.

Axwɛwɛwa 11:27

Nɛ kibe lɛ nɛ mɛ nɛ batɔnu teli ba lɔ denɔ Yerusalɛm avɛ Antiɔkɛ.

Axwɛwɛwa 14:19

Ɔkɛlɛ Yuɖanɛ teli de Antiɔkɛ anɛ Ikonio aba klɛ ba ba wɛ̃ banɔɛza nɛ etsyina. Be hu Paolo aklãgbu klɛ be he yɛ ebu avɛnɔ ɔmagbla nɛede, be di asɛ etsi.

Axwɛwɛwa 14:21

Baɖɔ kibui dzyɔgo nɛ ɔmagbla lɛ nɛm klɛ badɔkpasɛ nɛ tɛkpikpem gelee. Ɔkɛlɛ be tsodzi avɛ Listra, Ikonio nɛ Antiɔkɛ,

Axwɛwɛwa 14:23

Paolo anɛ Banabasɛ edzu beshishe nɛ busɔlɛɔha ɔkanyaka nu klɛ, ɔyɛkɔ plɛnɔ onugbunyɛnya anɛ kpayakuklum, ayɛkɔa lɛ akpɛ ahwɛ kɔ Apalete, gɛ yɛabha la yɛkɛ aŋa.

Axwɛwɛwa 15:22

Ɔkɛlɛ Yesu Banɔkpɛkpɛ nɛ beshishe, busɔlɛ nɛ petee, ba trɔ sɛ be be bu balɛ nahwɛ mɛ banɔ tɛ ba sɛsɛ alɛ nɛ Antiɔkɛ ɔyɛkɔ plɛnɔ Paolo nɛ Banabasɛ. Be bu Yuɖas (gɛ be klua sɛ Basabbasɛ) nɛ Silasɛ, gɛ be dzi bagbɛgbanɔ nɛ ɔha nɛ shi.

Axwɛwɛwa 15:30

Ba kpɛ banɔ nɛ asɛsɛ klɛ ba vɛ ede zhieku Antiɔkɛ, ɔklɛ bede xogo busɔlɛha klɛ ba yɛkɔ keplukpa ŋuŋlɔmɛ nɛ akpɛ ahwɛ kɔa lɛ.

Axwɛwɛwa 15:40

pɔ nɛɛ Paolo aba gbanɔ Silasɛ klɛ ba shɛ, ɔha mɛɛanɛ na aɖɔ kaɖɔ dzyɔgo nɛ Paolo anɛ Silasɛ shu akpɛ Apalete nɛ ɛyamyuyɔm.

Axwɛwɛwa 20:32

“Ɔtsɔ̃ nɛɛ ɛyɛkɔ nɔ kpɛ Kpaya nɛ yɛ ɛyamyuyɔ bui nɛ ahwɛ, gɛ kɛ ba bhɔ nɔ trɔ, klɛ kɛ ba kɔ nɔ ɔŋakɔ nɛ bagɛ balɛ shu la danɛ nɛ shi.

Romanɛ 15:19

ganɔ kɛdɔmumɔ anɛ ebuiyiyinɔanɔ kemi nɛa bha, ganɔ Ɔfufɔɛ nɛ kemi mɛ. So denɔ Yerusalɛm kidzo nɛa bha petee ɔvɛnɔ Ilirikumɛ, ɛtɛ bu Kristo kibuidzyɔgo nɛ ɖɔ petee.

2 Kɔrintioanɛ 1:12

Ɔtsɔ̃nɛ kɛnɛ kɛlɛ nu bulɔ ishufifeke: Bulɔ tɔkpuimɛ tsre lɔ sɛ bu nyɛna shu nɛ kanɔ nɛ mɛ, klɛ ɔyɛkɔdɛana terikpo bhɛbhɛtɛ nɛ nɔ, nɛ tɛbhubhui anɛ kibui gbɛgbla bhɛbhɛtɛ gɛ kide Kpaya kɔ. Bu bhɛtɛ kibui nɛ ana ganɛ nɛ kanɔmɛ kibuinyinyi shu pɔ nɛ Kpaya kɛdɔkukɔ shu.

Galatianɛ 2:11

Gɛ Petro aba Antiokɛ, ɛlɔ kititi nɛ yɛ shu nɛ yɛamɛ, alasɛ kɛlɛmɛ bhui wee sɛ abhɛtɛ kibui kpã.

Koloseanɛ 1:25

Ɛba dzi kɛlɛ axwɛdɛ ganɔ Kpaya ahwɛ tɛtɛtrɔ abha gɛ akɔ mɛ tɛ ɛyɛkɔ Kpaya kibui kɔ nɔ nɛ kɛlɛ tɛkpikpe mɛ—

Koloseanɛ 1:28

Bu ɖɔ yɛ kibui kana, butsrenɔ klɛ bukasɛ anɔnyanɔ kɛdɔ nɛ kibuinyinyi petee mɛ, sɛ tɛ bu ba kɔ anɔnyanɔ tɛ edzi adzyɔgo nɛ Kristo mɛ.

Koloseanɛ 4:17

Tsre Arkipu: “Di kɛlɛ ɔkɔ sɛ nɔ wa kɛxwɛ nɛ gɛ nɔ yɛ kɛ nɛ Apalete nɛ mɛ beke.”

2 Timotio 4:2

Ɖɔ Kibui; bala kɔ ebe nɛ gɛ aba nɛ ebe nɛ mɛ tɛ kukuei; dzyɔanɔ, tsrenɛ anɔ tɛ ɔkpɛ anɔ kemi—nɛ tɛdudɔfɔ̃ piim anɛ awɔ̃lulu nɛ kɛdɔkɛkasɛ mɛ.