Axwɛwɛwa 14:22 - ONUGBÙ NYƐNYÃ VUVƆ

²² nɛ bugɛganɛ kpɛkpɛ badɔkpasɛ anɛ kemi zɛza sɛ tɛ ba nyɛna kabhayɛyɛkɛŋa nɛm nɛ kɛgba. Baɖɔ sɛ, “Kɛ lɛ sɛ tɛ bu ga ebui gɛganɛ mɛ fla sɛ tɛ bu tsoku Kpaya bukusi ɔŋakɔ nɛm.”

Axwɛwɛwa 14:22 ပူးပေါင်းရင်းမြစ်များ

Mateo 10:38

klɛ anɔnyanɔ gɛ adɛ yɛkɔ yɛnahwɛ butsiosi pɛ aaza mɛe de adɛ na kɔ mayɛ tɛdzidzi.

Mateo 16:24

Ɔkɛlɛ Yesu etsre yɛ badɔkpasɛ nɛ asɛ, “Onu gɛ anɔ teli asɛ aba za mɛe de, alasɛ tɛ ashɛ̃nahwɛ yɛshu nɛ shu tɛ ayɛkɔ yɛ butsiosi (atitsoga) tɛ aza mɛe de.

Mateo 19:24

Ɛkaa tsre nɔ sɛ, kɛ lɛ bubɔɛbɔɛ kɔ kipuaga sɛ tɛ aga kɛtsa ozim ɔyɛkɔ dɛ sɛ tɛ ehoeyielete etsoku Kpaya bukusiɔŋakɔ nɛ mɛ.”

Marko 10:30

pɛ ata yɛkɛ kɛdɔ gelee adɛ nɛ kɛfɔɛfɔ mɛ nɛ ɛkpã nɛ mɛ, (bapa, badzya, bada, beni, beyi nɛ kaya kapɛ mɛ— klɛ ɔyɛkɔ plɛnɔ alɛ kititilulɔ) klɛ nɛ agɔ gɛ aba tɛ ba nɛ mɛ, ɛkpã gɛ tɛba beke ba za.

Marko 9:47

Klɛ onu gɛ wɔ kɛwɔ̃hũ tili kɔ sɛ ɔbhɛtɛ kibuikpã, kpa kɛlɛ obu. Kɛpɛ kɔ wɔ sɛ tɛ otsoku Kpaya bukusi ɔŋakɔ nɛ kɛwɔ̃hũ tirikpo ɔyɛkɔ dɛ sɛ tɛ awɔ̃hũ tabha aza wɔ ahwɛ tɛ ba yɛkɔ wɔ ada tɛɛ̃ akpɛ kifu gɛ tɛ ba ni di mɛ.

Luka 24:26

Kɛma sɛ tɛ, Kristo amɔ ebuianɛ petee butɔ, klɛ tɛ etsoku yɛ kabhakpɛkpɛ nɛ mɛ?”

Yohanɛsɛ 15:18

“Onugɛ kanɔ ne gu nɔ, nɔ yɛkɔ lɛ ɔkpɛ kɛtɔkpu mɛ sɛ mɛ ke putɔ egu.

Yohanɛsɛ 15:20

Nɔ baka kibui nɛ gɛ ɛɖɔ tsre nɔ: ‘Axwɛdɛ atɛ be triadɛ yɛ Apalete.’ Onugɛ ba kpatɔnɔ mɛ, ba ba kpatɔnɔ wunɔ tsyɛ. Onugɛ babhɛtɛ atrɔ mɛ kɛdɔkɛkasɛ nɛabha, ba ba bhɛtɛ atrɔ wunɔ yɛ tsyɛ abha.

Yohanɛsɛ 16:33

“Itsre nɔ ebuianɛ, sɛ tɛ nɔ yɛkɛ ishuyuyɔ. Nɛ kanɔa nɛ mɛ nɔ bɔ mɔ butɔ. Pɔ nɔ vu idzyi kpɛ te! Ɛŋa kanɔ nɛabha.”

Yohanɛsɛ 3:5

Yesu ebui lɛ nu asɛ, “Itsre wɔ kɛgbɛagba sɛ, anɔnyanɔ atɛ be tsoku Kpaya bukusiɔŋakɔ odɛ nu sɛ be ditsodzi yɛ amɔ nɛ́ buni nɛ̀ Ɔfufɔɛ.

Axwɛwɛwa 11:23

Gɛ ede ku ɔkɛlɛ amɔ Kpaya ɛyamyuyɔ nɛ kɛdɔbhɛbhɛtɛ nɛ ɔkɛlɛ, klɛ so amɔ same klɛ akpɛa lɛ petee bugɛganɛ sɛ ba za kɛgbam nɛ Apalete anɛ balɛ idzyi petee.

Axwɛwɛwa 11:26

klɛ gɛ amɔɛ nɛɛ, agbanɛ yɛ amɛna Antiɔkɛ. So nɛ kɛgɔ zɛzɛ petee mɛ Banabas nɛ Saul ba tsya nɛ busɔlɛɔha nɛ mɛ klɛ bakasɛ banɔɛ dɔ nɛ tikpikpem. Badɔkpasɛ nɛ, Antiɔkɛ be bhusoa lɛ kulu sɛ Kristoanɛ.

Axwɛwɛwa 11:29

Badɔkpasɛ, akanyaka nɛ yɛ tɛzɛzam nu, na trɔ sɛ ba ba kɔ balɛ adzyalɛ nɛ ga lɛ Yuɖia nɛ tɛpɛplɛnɔ.

Axwɛwɛwa 13:43

Gɛ be hle busɔlɛha nɛ beke, Yuɖanɛ gelee anɛ bagɛ tsyina etsoku Yuɖaɔha nɛm na za Paolo anɛ Banabasɛ ede, gɛ ba za ɖɔ kaɖɔ nɛ balɛ klɛ be tsrea lɛ asɛ ba vɛ kɛlɛa bha nɛ Kpaya ɛyamyuyɔ nɛm.

Axwɛwɛwa 14:20

Pɔ klɛede gɛ badɔkpasɛ nɛ ba kana yɛ tsya nɛɛ, evu alɔ klɛ etsodzi avɛ ede tsoku ɔmagbla nɛm. Kiwi bhla nɛɛ yɛ nɛ Banabasɛ ashɛ̃ avɛ Dɛbi.

Axwɛwɛwa 14:28

Klɛ ba za ɔkɛlɔ kibe dzidze nɛ badɔkpasɛ.

Axwɛwɛwa 15:32

Yuɖasɛ anɛ Silasɛ gɛ balɛ nahwɛ ne nu batɔnu so nɛɛ, baɖɔ kaɖɔ gelee ayɛkɔ akpɛ badzya nɛ kite anɛ bugɛganɛ nɔ.

Axwɛwɛwa 15:41

Aga Siria anɛ Silisia ekoeyi, klɛ akpɛ busɔlɛha nɛ bugɛganɛ.

Axwɛwɛwa 18:23

Nɛ kibe tilie de nɛ Antiɔk nɛɛ, Paolo ebe koeyi afla nɛ ɛklɛ klɛ aga kidzo denɔ ɔkɔ toli avɛ ɔkɔ toli ganɔ Galatia anɛ Frigia kɛdɔ nɛm, aakpɛ badɔkpasɛ nɛ bugɛganɛ.

Axwɛwɛwa 6:7

So nɛɛ Kpayɛbui nɛ ba nɛ. Badɔkpasɛ nɛ tikpikpe nɛ mɛ ba wu kabha nɛ Yerusalɛm zia zia, klɛ kpayanɔ gelee aba ta tɔ nɛ tɛyɛyɛkɛŋa.

Axwɛwɛwa 9:16

Ɛba kasɛ yɛ kana gɛ kɛ lɛ sɛ tɛ atɔ ebunɔ nɛ mɛ kinyi nɛ tɔkpu.”

Romanɛ 8:17

Ɔtsɔ̃ nɛɛ, onu gɛ buu nu banuvɔ, klɛa lɛ bu nu beyi gɛ aba ŋa Kpaya ɔzakɔ, Kpaya ɔŋakɔeyi anɛ ɔŋakɔeyi plɛnɔ Kristo, onu gɛ kɛɛ lɛ lɛm sɛ bu plɛnɔ nɛ yɛ batɔ́ nɛ mɛ sɛ tɛ bulɔ tsyɛ ba za yɛ ishu bhuibhui nɛ mɛ plɛnɔ yɛ.

1 Kɔrintioanɛ 1:8

Aba kɔ nɔ za gɛganɛ ɔdɔtɔnɔ tɛbibeke mɛ, sɛ tɛ batɛ mɔ kizizi nɛ wunɔ shu anɛ bulɔ Apalete Yesu Kristo tɛbɛba wui nɛabha.

Filipianɛ 1:29

Alasɛ ba tɛ trɔ ahwɛ nɛ lɛabha kɔ nɔ nɛ Kristoe nyi mɛ ganɛ sɛ tɛ nɔ yɛkɛ yɛabhaŋa tite ko pɔ tɛ nɔ mɔ butɔ nɛ yɛ tɔkpu,

Koloseanɛ 1:23

onugɛ nɔ za wɔnɔ tɛyɛyɛkɛŋa abha, nɔ kpɛ kɛdɔesi nɛ́ tɛgɛganɛ, nɔ ti koeyi nɛ kidzoenudidi gɛ nɔ nyana nɛ kibui dzyɔgo nɛ mɛ. Kɛnɛ kɛlɛ nu kibui dzyɔgo gɛ nɔ nu klɛ kidzi kɛgɛ ba ɖɔ kɔ kɛdɔnyɛdɔ gɛ kɛ lɛ owũsise nɛesi, klɛ Mɛ, Paolo, ɛba dzi axwɛdɛ.

1 Tɛsolonianɛ 3:13

Kɔ yɛ agɛganɛ wɔnɔ idzyi sɛ tɛ kɛpɔ tɛ za nɔ shu tɛ wɔnɔ shu bhui nɛ bulɔ Kpaya anɛ Aka nɛ amɛ kibe lɛ gɛ bulɔ Apalete Yesu aba ba nɛ yɛ banɔ gɛ balɛ shu bhui nɛ petee.

2 Timotio 1:8

So nɛɛ, tɛ si kɛwɛ̃ nɛ kibuimumɔɖɔ denɔ bulɔ Apalete nɛ shu, ɔdɔgɔsɛ osi kɛwɛ̃ nɛ mɛ yɛ evuza nɛ shu. Pɔ plɛnɔ mɛ nɛ kibuidzyɔgo anɛ butɔ nɛ mɛ, ganɔ Kpaya kemi mɛ,

2 Timotio 3:12

Nɛ kɛgbɛagba mɛ, anɔnyanɔɛ di gɛ apɛa sɛ tɛ aza kpaya tɛzɛzam nɛ Kristo Yesu mɛ ba ba kpatɔnɔ yɛ,

1 Petro 2:21

Kɛnɛ nɛ so gɛ be klu nɔ, alasɛ Kristo amɔ butɔ nɛ wũnɔɛ tɔkpu, klɛ abhɛtɛ dɔ akasɛ elu kɔ nɔ sɛ tɛ nɔ za yɛ ɛtsrɛ bubuede.

1 Petro 5:10

Klɛ ɛyamyuyɔ petee Kpaya, gɛ eklu nɔ avɛnɔ yɛ mabekemabeke ishubhubhui nɛ́ Kristoe mɛ, nɛ kɛlɛede gɛ nɔ mɔ butɔ nɛ kibe bhliyi mɛ, yɛnahwɛ ebe tsodzi wũnɔ dzu kititi klɛ aba kɔ nɔ gɛganɛ, mɔmɔ klɛ nɔ bɔ dzu ishuesi.

1 Petro 5:9

Nɔ wlãnkɛ nɛ yɛ, nɔ za gɛganɛ nɛ́ tɛyɛyɛkɛŋa mɛ, alasɛ nɔ nyi sɛ wũnɔ badzyalɛ nɛ kanɔnɛmɛ petee ba mɔ butɔɛ nɛɛ di.

2 Petro 1:11

klɛ nɔ bɔ yɛkɛ kedziŋɛŋa tɛyɛyɛkɛ ɔkpɛ bukusiɔŋakɔ mabekemabeke nɛ́ bulɔ Apalete anɛ Yesu Kristo gɛ ebhulɔayɛkɛ.

Yuɖa 1:3

Ɛbhɛyalɛ dzyɔgo mɔ, kɛnyalɛ kɛlɛ mɛ sɛ ɛtrɔ gɛganɛɛ sɛ tɛ ɛŋlɔmɛ kɔ nɔ denɔ tɛyɛyɛkɛkɔ nɛ gɛ bu mɔ nɛ shu, ɛmɔ nɛ mɛ ishum sɛ alasɛ tɛ ɛŋlɔmɛ tɛ ɛyɛkɔ tsre nɔ sɛ tɛ nɔ wɛlãnkɛ kɔ tɛyɛyɛkɛŋa nɛ gɛ ba yɛkɔ nɛ kibe tirikpo mɛ petee akpɛ kpayabanɔ nɛ ahwɛ.

Tɛbubukasɛ 1:9

Mɛ, Yohanɛsɛ, wɔnɔ adzya anɛ apɛplɛnɔ nɛ butɔ anɛ bukusiɔŋakɔ anɛ tɛdudɔfɔ̃ kitekpɛkpɛ gɛ le nu bulɔa yɛ nɛ Yesu mɛ, gɛ aza Patmosɛ kenimokpo nɛa bha ɔkpɛ Kpayɛbui nɛ tɛmumɔɖɔ nɛ Yesu shu so.

Tɛbubukasɛ 2:10

Ti si kifu nɛ butɔ nɛ gɛ ɔbɔ mɔ. Itsre wɔ, ɔfufɔɛkpã nɛ ɔbɔ yɛkɔ wɔnɔ beteli ɔkpɛ buvu sɛ tɛ lo feke nɔ odi, klɛ nɔ bɔ tɔ nɛ tɛkpɛkpatɔnɔ mɛ nɛ ewi lɔfɔ mɛ. Nɔ za tɛyɛyɛkɛŋa mɛ, ɔyɛkɔ ɔdɔ nanɔ butsi fãa, klɛ mɛ ba kɔ wɔ ɛkpã kabhaŋɛŋa kikutu.

Tɛbubukasɛ 7:14

Ibui lɛ nu asɛ, “Apalete, onyi.” Klɛ aɖɔ asɛ, “Banɛ balɛ nu bagɛ de ekoeyi nɛ butɔ gbla nɛ mɛ; be ti plu balɛ bawidzidze klɛ ba bhɛtɛ alɛ le fuli nɛ Obhoshieyi nɛ dzyosu mɛ.