Axwɛwɛwa 14:19 - ONUGBÙ NYƐNYÃ VUVƆ

¹⁹ Ɔkɛlɛ Yuɖanɛ teli de Antiɔkɛ anɛ Ikonio aba klɛ ba ba wɛ̃ banɔɛza nɛ etsyina. Be hu Paolo aklãgbu klɛ be he yɛ ebu avɛnɔ ɔmagbla nɛede, be di asɛ etsi.

Axwɛwɛwa 14:19 ပူးပေါင်းရင်းမြစ်များ

Axwɛwɛwa 13:14

Denɔ Pɛga ba shɛ avɛ Antiɔkɛ Pisidian. Nɛ kimuenewi nɛa bha nɛɛ be de tsoku oxogokɔvu nɛm ada za kesi.

Axwɛwɛwa 13:45

Gɛ Yuɖanɛ na mɔ banɔɛza nɛɛ, be yuku nɛ kawɔ̃kpɛ klɛ ba kpa anɔ kukula ebui ɖɔ nɛ ebui nɛ gɛ Paolo aaɖɔ shu.

Axwɛwɛwa 14:1

Nɛ Ikonio nɛɛ anasɛ gɛ kɛɛ za nɛɛ Paolo nɛ Banabas eze de tsoku Yuɖanɛ oxogokɔvu nɛm. Ɔkɛlɛ ba ɖɔ kaɖɔ klɛ bakasɛ kɛdɔ mɔɔ mɔ gɛ kɛ kɔ sɛ banɔ tɛkɛklam kpi gɛ be nu Yuɖanɛ anɛ bagɛ be di nu Yuɖanɛ ba yɛkɛ aŋa.

Axwɛwɛwa 14:18

Nɛ ebuiɖuɖɔa nɛm tsyɛ, kɛ gɛganɛ kɔa lɛ sɛ tɛ be xe banɔɛza nɛ kidzo kɔ kɛdɔ yɛyɛkɔ kɔ Banabasɛ anɛ Paolo.

Axwɛwɛwa 14:2

Pɔ Yuɖanɛ nɛ gɛ adɛ pɛa sɛ tɛ ba yɛkɛ aŋa nɛ de feke bagɛ edi nu Yuɖanɛ nɛ edzu klɛ zi kɛtɔkpum kɔa lɛ sɛ tɛ ba lɔ kititi nɛ bagɛ ayɛkɛ aŋa nɛ shu.

Axwɛwɛwa 14:21

Baɖɔ kibui dzyɔgo nɛ ɔmagbla lɛ nɛm klɛ badɔkpasɛ nɛ tɛkpikpem gelee. Ɔkɛlɛ be tsodzi avɛ Listra, Ikonio nɛ Antiɔkɛ,

Axwɛwɛwa 14:26

Denɔ Attalia nɛɛ ba za kenia bha etsodzi avɛ Antiɔkɛ, ɔkɛlɛ gɛ ba yɛkɔa lɛ akpɛ ahwɛ kɔ Kpaya ɛyamyuyɔ kɔ kɛxwɛ nɛ gɛ be ti beke nɛ ɔtsɔ̃ nɛ mɛ.

Axwɛwɛwa 14:4

Banɔ nɛ ɔmagbla nɛm ba ma, be teli atrɔ Yuɖanɛ nɛa bha, ba gɔgɔɛ na trɔ banɔkpɛkpɛ nɛa bha.

Axwɛwɛwa 14:5

Tɛnyɛnya za bagɛ di nu Yuɖanɛ anɛ Yuɖanɛ nɛ mɛ nɛ tɛkpukpum, ɔyɛkɔ plɛnɔ bagɛ ba gbanɔa lɛ, sɛ tɛ ba nyãgba nɛ balɛ tɛ be hua lɛ aklãgbu.

Axwɛwɛwa 15:26

banɔ gɛ ba yɛkɔ balɛ ɛkpã ne tsye nɛ bulɔ Apalete Yesu Kristo kinyi nɛ kɛtɔkpu.

Axwɛwɛwa 17:13

Kibe lɛ nɛ gɛ Yuɖanɛ nɛ ga lɛ Tesalonika nɛ benu asɛ kana Paolo ada ɖɔ Kpaya kibui nɛ Bɛrea nɛɛ, batɔnɔ avɛ ɔklɛ tsyɛ, klɛ bada kpɛ banɔɛza nɛ bunuhu anɛ puipui.

Axwɛwɛwa 22:20

Klɛ nɛ kibe lɛ mɛ gɛ be bu wɔ ebuimɔɖɔ Stefano dzyosu nɛɛ, ɛza ɔklɛ klɛ mɛ za kide kɔ banɔ nɛ gɛ bee yi yɛ klɛ mɛ nyɛna bagɛ bee yi yɛ nɛ bawi nɛ vunɔ kɔa lɛ.’

Axwɛwɛwa 7:58

be vui klɛ be he yɛ ekoeyi nɔ nɛ ɔmagbla nɛm klɛ ba kpa yɛ aklãgbu hu. Nɛ kɛlɛ mɛ bebuimɔɖɔ nɛ be bu balɛ bawi nɛ ayɛkɔ lu ayɛsɔ̃ teli ɔbha gɛ be klu sɛ Saolo.

Axwɛwɛwa 9:16

Ɛba kasɛ yɛ kana gɛ kɛ lɛ sɛ tɛ atɔ ebunɔ nɛ mɛ kinyi nɛ tɔkpu.”

1 Kɔrintioanɛ 15:31

Ɛtsi kiwuinyɛwui—Kana mɛ ɛɖɔ—anasɛ kɛgbɛagba kabhaŋɛŋa lɛ ma hwɛ nɛ Kristo Yesu bulɔ Apalete mɛ.

2 Kɔrintioanɛ 11:23

Kristo baxwɛdɛ lɛ nu? (Ɛmamɔ sɛ tɛ ɛɖɔ kaɖɔa nɛ di.) Ɛdɛ́ alɛ. Ɛtɛ waɛxwɛ gɛganɛ dɛ, ɛza vu gelee ziazia, be tu mɛ ebe gelee, klɛ be tii mɛ akpɛ butsi mɛ etsodzi etii akpɛ.

2 Kɔrintioanɛ 11:25

Atɛ tata lɛ tu mɛ nɛ kɛɖashi, be hu mɛ aklãngbu buhu trukpo, atɛ tata keniabha ipupu ɔyɛ nɛ mɛ, ɛza aƒu abha akpɛkpa kiwui tirikpo nɛ elishi terikpo.

2 Kɔrintioanɛ 11:26

Ɛgaedzo ebe gelee. Ɛmɔ butɔ nɛ beni tsutsɔkɛ mɛ, ɛmɔ butɔ nɛ bezi ahwɛ mɛ, ɛmɔ butɔ nɛ mɛnahwɛ ɔmamɛanɛ nɛ ahwɛ mɛ, ɛmɔ butɔ nɛ bagɛ be dinu Yuɖanɛ nɛ ahwɛ mɛ, ɛmɔ butɔ nɛ ɛmagbɛgbla nɛ mɛ, ɛmɔ butɔ nɛ ɛma bhlibhli nɛ mɛ, ɛmɔ butɔ nɛ aƒu abha, ɛmɔ butɔ nɛ itro badzya ahwɛ mɛ.

1 Tɛsolonianɛ 2:14

Wɔnɔ, madzyalɛ mɔ, no bo dzi banɔ gɛ no di Kpaya basɔlɛha nɛ Yuɖia, gɛ ba kpasɛ Kristo Yesu mɛ: Nɔ tɔ denɔ wɔnɔ nahwɛ ɔkɔayɛ nɛ ahwɛ mɛ, ebuianɛ nɛ di mɛ basɔlɛha nɛ tsyɛ ba mɔ nɛ Yuɖanɛ nɛ ahwɛ mɛ,

2 Timotio 3:11

tɛkpɛkpatɔnɔ, batɔ—ebui nɛɛ di gɛ aba mɛa bha nɛ Antiɔkɛ, Ikonio anɛ Listra, tɛkpɛkpatɔnɔ nɛ nu gɛ ɛza. Tsyɛ pɛ Apalete nɛ ebu mɛ nɛ alɛ nɛ petee mɛ.