Axwɛwɛwa 14:15 - ONUGBÙ NYƐNYÃ VUVƆ

¹⁵ “Banɔ mɔ, kide so pɛ nɔ bhɛtɛ kana? Bulɔ tsyɛ banɔdzyrame ko lɔ nu, ansɛ wɔnɔa na. Bɔɔ mɛna nɔ kibui dzyɔgo, butsre nɔ sɛ no tsyina kede ɔkpɛ ebuia nɛdi gɛ la ma kibuinyɛbuim nɛ tɛbhɛbhɛ vɛnɔ Kpaya lulu nɛ ɔkɔ, gɛ abhɛtɛ owũsise anɛ kesukpa anɛ aƒu anɛ kɛdɔnyɛdɔ gɛ kpasɛ alɛ mɛ.

Axwɛwɛwa 14:15 ပူးပေါင်းရင်းမြစ်များ

Mateo 16:16

Simɔnɛ Petro ebui lɛ nu asɛ, “Wɔ nu Kristo, ɛkpã Kpaya nɛ yɛ Eyi.”

Yohanɛsɛ 5:26

Alasɛ anasɛ gɛ ɛkpã lɛ Aka yɛnahwɛ mɛ, kanake akɔ Eyianyɛ ɛkpã sɛ lɛza yɛnahwɛ mɛ.

Yohanɛsɛ 7:18

Anɔ nɛ gɛ aɖɔaɖɔ nɛ yɛ nahwɛshu ahwɛ apɛɛ tɛgbɛgbla kɔ ishu, pɔ anɔ gɛ awa kɛxwɛ kɔ agɛ akpɛ yɛ, sɛ tɛ akpɛ yɛnyi nɛabha, enu anɔ gɛ aɖɔ kibui gbɛagba, kibuinyɛbui dɛ zi nɛ yɛ shu.

Axwɛwɛwa 10:26

Pɔ Petro etsre yɛa sɛ, “Lɔ kititi, Mɛ nahwɛ tsyɛ anɔ tite mɛ enu.”

Axwɛwɛwa 13:32

“Bu tsre nɔ kibui dzyɔgo nɛ sɛ: Kɛdɔnɔ nɛ gɛ Kpaya aɖɔa sɛ aba bhɛtɛ kɔ blɔa ka lɛ nɛɛ,

Axwɛwɛwa 14:21

Baɖɔ kibui dzyɔgo nɛ ɔmagbla lɛ nɛm klɛ badɔkpasɛ nɛ tɛkpikpem gelee. Ɔkɛlɛ be tsodzi avɛ Listra, Ikonio nɛ Antiɔkɛ,

Axwɛwɛwa 14:7

nɛ ɔkɛlɛ gɛ ba vɛ kibui dzyɔgo nɛ tɛɖuɖɔa bha.

Axwɛwɛwa 16:30

Ɔkɛlɛ eklua lɛ ebu eyinɔ klɛ ebisi asɛ, “Bapalete mɔ, klɛ mɛ ba bhɛtɛ pɛ eba mɔ ɛkpã?”

Axwɛwɛwa 27:10

“Banyɛ mɔ, ɛmɔ sɛ blɔ kidzo gɛga nɛ ba ba dzi bunuhu klɛ kɛ ba mɛna agbaŋɛŋa pim kɔ kenia bha opupu anɛ ɔlɛ mɛ etuku, anɛ bulɔ ɛkpã.”

Axwɛwɛwa 27:21

Nɛ banɔ nɛ tɛzɛza anɛ kɛdɔ maŋamaŋa ewi gelee de, Paolo aba lɔ kititi nɛ balɛ amɛ klɛ aɖɔ sɛ: “Banyɛ mɔ, analo nɔ tɛ yɛkɛ mɛ kibui nɛ gɛ etsre nɔ sɛ nɔ tɛ yɛkɔ keniabha kidzo nɛ odenɔ Krete; analo nɔ gɛ tɔ bɔ kpɛ wɔnɔ shu nɛ kɛdɔzizi anɛ kɛdɔlɛla nɛ di mɛ.

Axwɛwɛwa 27:25

So nɛɛ, banyɛ mɔ, nɔ nyɛna wɔnɔ kemikpɛkpɛ nɛm ovunɔ, alasɛ tɛyɛyɛkɛŋa lɛ mɛ ahwɛ nɛ Kpayam sɛ kɛ ba ba kɛlɛm ansɛ gɛ etsre mɛ.

Axwɛwɛwa 4:24

Gɛ banɔ nɛ nu kibui nɛɛ, balɛ peteea kpɛ ketsu ebu balɛ ilim eyinɔ nɛ Kpaya kuklum. Baɖɔ sɛ, “Kabhaŋɛŋa Apalete,” “wɔ bhɛtɛ owũsise anɛ kesukpa anɛ aƒu, anɛ kɛdɔnyɛdɔ gɛ kpasɛa lɛm.

Axwɛwɛwa 7:26

Nɛ kiwi bhla nɛa bha Mose aba tsyanɔ Izraɛlanɛ tɛabha teli gɛ be dzi ata ekpli. Etsyina ahwɛ sɛ tɛ akpalɛ terikpo ganɔ kaɖɔ ɖuɖɔ sɛ, ‘Banyɛ mɔ, badzya no nu, kide so pɛ nɔ pɛ sɛ tɛ nɔ kpɛ ɔhaglɔ apɔ?’

1 Kɔrintioanɛ 8:4

So nɛlɛmɛ, denɔ kɛŋɛŋa gɛ ba kɔ kɛdɔbhubhɔ shu: Bu nyi sɛ kɛdɔbhubhɔ kidi nu kɛdɔnyɛdɔ kura nɛ kanɔ nɛ mɛ klɛ Kpaya bhlatɔ avama pɔ terikpoa nɛ ko.

Efesoanɛ 4:17

So itsre nɔ kibui nɛ, klɛ ɛkatrɔ kɛlɛabha sɛ nɛ Apalete nɛ mɛ, sɛ nɔ tɔ za nɛkpã anasɛ bagɛ bɛdinu Yuɖanɛ na za, nɛ balɛ kibuiesi manumanu.

1 Tɛsolonianɛ 1:9

alasɛ balɛ nahwɛ nɛ aɖɔ tɛyɛyɛkɛ nɛɛ di gɛ nɔ kɔ lɔ. Ba ɖɔ kana gɛ no tsyina tɔ Kpaya pɛ no tsodzi nɛ kɛdɔbhubhɔ nɛede sɛ tɛ nɔ bɔ wa kɛxwɛ ɔkɔ ɛkpã anɛ kɛgba Kpaya,

1 Timotio 3:15

onu gɛ ɛzɛ ba wɔɛ de tsyɛ, tɛ no ti kana gɛ alasɛ tɛ banɔ aga nɛ balɛ shu nɛ Kpaya bupa nɛ mɛ, gɛ nu ɛkpã Kpaya anɛ busɔlɛɔha, gɛ enu buvuosi nɛ kesikpɛkpɛ kɔ kɛgba.

Hebriuanɛ 3:12

Badzya mɔ, nɔ di mɔ sɛ, ebuizizi, mayɛkɛŋa dzyi atɛza wɔnɔmɛayɛ nyɛmayɛ ahwɛ tɛ etsyinaede nɛ ɛkpã Kpaya shu.

Yakobo 5:17

Eliya edzi anɔ ko ansɛ bulɔ. Eklukpaya gɛganɛɛ asɛ subha atɛ dɔ, klɛ adɛ dɔ abalɛ kesukpa nɛ agɔ tata nɛ kapɛ mɛ.

Tɛbubukasɛ 14:7

Aɖɔaɖɔ nɛ oli mɛ gɛganɛɛa sɛ, “Si Kpaya tɛ ɔkɔ yɛ kabhakpɛkpɛ, alasɛ yɛ kebhuikuklu ɔɖɔ nɛ mɛ ɔba. Kpɛtɔkpuesi ɔkɔ yɛ gɛ abhɛtɛ owũsise, kesukpa, aƒu anɛ beni nɛ gɛ ba ta de tisi mɛ.”

Tɛbubukasɛ 19:10

Nɛ kɛɛ nɛ nɛ shu ɛwɔlɛdɔ yɛ butsrukpɔ nu sɛ tɛ ɛkpɛ kɛtɔkpuesi kɔɛ. Pɔ aɖɔ etsre mɛ asɛ, “Tɛ bhɛtɛ lɛ! Mɛ tsyɛ nu wɔhayɛ axwɛdɛ plɛnɔ wɔ nɛ wɔadzyalɛ gɛ ba nyɛna ebui nɛ gɛ ba mɔa ɖɔ nɛ Yesu shu nɛ mɛ evunɔ. Kpɛ kɛtɔkpuesi kɔ Kpaya! Alasɛ ebui nɛ gɛ ba mɔa ɖɔ nɛ Yesu shu nɛ enu kibuiɖuɖɔlu ɔfufɔɛ.”

Tɛbubukasɛ 19:19

Ɔkɛlɛ mɛ mɔ agavuga anɛ kesukpa bha bekusi anɛ balɛ behudugbani gɛ be xogo sɛ tɛ ba ta keyu nɛ agɛ etsri sɔ nɛa bha anɛ yɛ behudugbani.

Tɛbubukasɛ 22:9

Pɔ etsrem asɛ, “Tɛ bhɛtɛ lɛ! Mɛ tsyɛ nu axwɛwa plɛnɔ wɔ anɛ wɔadzyalɛ batɔnu anɛ bagɛ ba nyɛna keplukpɛa nɛm ebui nɛ evunɔ. Kpɛtɔkpuesi kɔ Kpaya!”

Tɛbubukasɛ 4:11

“Wɔ kedziŋɛŋa kalɛ wɔ, bulɔ Apalete anɛ Kpaya, tɛ ɔyɛkɛ ishubhubhui anɛ kabhakpɛkpɛ anɛ kemi, alasɛ wɔ bhɛtɛ kɛdɔnyɛdɔ petee, klɛ ganɔ wɔ tɛdɛdɛmɛ mɛ la bhɛtɛ lɛ klɛ ba mɔ balɛ tɛzɛzam.”