Axwɛwɛwa 13:43 - ONUGBÙ NYƐNYÃ VUVƆ

⁴³ Gɛ be hle busɔlɛha nɛ beke, Yuɖanɛ gelee anɛ bagɛ tsyina etsoku Yuɖaɔha nɛm na za Paolo anɛ Banabasɛ ede, gɛ ba za ɖɔ kaɖɔ nɛ balɛ klɛ be tsrea lɛ asɛ ba vɛ kɛlɛa bha nɛ Kpaya ɛyamyuyɔ nɛm.

Axwɛwɛwa 13:43 ပူးပေါင်းရင်းမြစ်များ

Mateo 23:15

“Butɔ kɔ wɔnɔ, ɛshãdɔkasɛ anɛ Farisianɛ, wɔnɔ betroni! Nɔɔ ga kidzo nɛ kesukpa anɛ aƒu abha sɛ tɛ no tsyina anɔ terikpo, klɛ onu gɛ eedzi wɔnɔ mɛayɛ teli beke, nɔ bɔ bhɛtɛ yɛ aba tsɔmɔ ɛzakɔ tɛbha dɛ ansɛ kifu mabeke mabeke mɛ eyi nɛ gɛ no nu.

Axwɛwɛwa 11:23

Gɛ ede ku ɔkɛlɛ amɔ Kpaya ɛyamyuyɔ nɛ kɛdɔbhɛbhɛtɛ nɛ ɔkɛlɛ, klɛ so amɔ same klɛ akpɛa lɛ petee bugɛganɛ sɛ ba za kɛgbam nɛ Apalete anɛ balɛ idzyi petee.

Axwɛwɛwa 13:50

Pɔ Yuɖanɛ nɛ zi batɔm akɔ badzɛ nɛ gɛ avɛ otugba nɛ banyɛ nɛ ga lɛ otugba kɔ banɔ nɛ ɔmagbla nɛm. Ba kɔ sɛ ba kpatɔnɔ Paolo anɛ Banabasɛ, klɛ ba kɛka lɛ ebu nɛ balɛ kibe.

Axwɛwɛwa 14:22

nɛ bugɛganɛ kpɛkpɛ badɔkpasɛ anɛ kemi zɛza sɛ tɛ ba nyɛna kabhayɛyɛkɛŋa nɛm nɛ kɛgba. Baɖɔ sɛ, “Kɛ lɛ sɛ tɛ bu ga ebui gɛganɛ mɛ fla sɛ tɛ bu tsoku Kpaya bukusi ɔŋakɔ nɛm.”

Axwɛwɛwa 14:3

So Paolo anɛ Banabas be zi kibe gelee nɛ ɔkɛlɛ, klɛ ba ɖɔ kaɖɔ nɛ kitekpɛkpɛ kɔ Apalete, gɛ atrɔ kɛklãgbu nɛ yɛ ɛyamyuyɔ kibui nɛa bha ganɔ balɛ kɛdɔmumɔ anɛ ebuiyiyinɔ anɔ kɛdɔmumɔ nɛ gɛ ba bhɛtɛ nɛm.

Axwɛwɛwa 16:14

Bagɛ bala ta tɔ nɛ bulɔ nɛ teli enu adzɛ gɛ beklua sɛ Liɖia, gɛ aga apɔtɛ ŋɛŋaedzi kedzi alasɛ ehoeyi aza yɛahwɛ, klɛ ede Taɛtira ɔmagbla nɛm, klɛ enu anɔ gɛ akpɛ kɛtɔkpue si kɔ Kpaya. Apalete na danɛ yɛ idzyi akɔ sɛ tɛ evu Paolo kibui nɛ asɔlɛ.

Axwɛwɛwa 17:17

Klɛ so nɛ aza ɖɔ kaɖɔ nɛ Yuɖanɛ anɛ Grikanɛ gɛ esi Kpaya kifu nɛ oxogokɔvu nɛm anɛ budzim banɔ kiwinyɛwi nɛ banɔ nɛ gɛ bala ba ɛklɛ.

Axwɛwɛwa 17:34

Banɔ kɛbɔɛ gɛ bayɛkɛ kibui nɛa bha aŋa ne dzi banɔ gɛ aza Paolo ede. Balɛ mɛayɛ teli edzi Dionisius, gɛ enu beshishe ɔha nɛ mɛayɛ teli, ɔyɛkɔ plɛnɔ adzɛ teli gɛ be klua sɛ Damaris, anɛ bagɔgɔɛ nɛ teli.

Axwɛwɛwa 17:4

Yuɖanɛ teli gɛ kibui nɛ mɛ danɛ kɔa lɛ nɛ tsoku kɛlɛm aplɛnɔ Paolo anɛ Silasɛ, ansɛ gɛ Grikanɛ gelee gɛ benu banɔ gɛ besi Kpaya kifu nɛ tsyɛ ayɛkɛ kibui klɛ badzɛgbla gelee tsyɛ ba yɛkɛ kibui.

Axwɛwɛwa 18:7

Ɔklɛ nɛɛ Paolo ashɛ̃ nɛ oxogokɔvu nɛm klɛ avɛ Titius Yustus gɛ eli yɛ kevude gɛ enu anɔ gɛ akpɛ kɛtɔkpuesi kɔ Kpaya nɛ bupa mɛ.

Axwɛwɛwa 2:10

Frigia anɛ Pamfilia, Egibte anɛ Libia bupɛ nɛm gɛ ebunɔ Sirene ɔbha, befu nɛ gɛ ede Roma

Axwɛwɛwa 28:23

Banɔ na ba trɔ kiwi tili sɛ tɛ ba ba tsyanɔ Paolo, klɛ la ba ba nɛ tɛkpikpe gblam nɛ ɔkɛlɛ gɛ aza. Denɔ kɛvulɔ ɔdɔnanɔ owluago nɛɛ, ebu ebuim kɔ banɔ, klɛ ebu aɖɔa etsrea lɛ denɔ Kpaya bukusiɔŋakɔ nɛ shu, klɛ etsyina ahwɛ sɛ tɛ be nu Yesu kibui nɛ denɔ Mose Ɔshã nɛ denɔ Batɔnu nɛ ɔkɔ.

Axwɛwɛwa 6:5

Tɛtɛtrɔɛ nɛ ku banɔɛha nɛ petee awɔ̃. Be bu Stefano, gɛ enu anyɛ teli gɛ eyuku nɛ Ɔfufɔɛ Dzyɔgo anɛ tɛyɛyɛkɛŋa, ɔplɛnɔ Flipo, Prokorusɛ, Nikanɔ, Timɔnɛ, Parmenasɛ, anɛ Nikolasɛ gɛ ede Antiɔkɛ, pɛ ebe tsyina edzi Yuɖaɔha mɛ anɔ.

Romanɛ 11:6

Klɛ onu gɛ kɛɛ nu eshutukubui didi, kɛlɛ alɛ kɛ da nu sɛ ganɔ kɛxwɛ wɛwa mɛ, onu ki nu kana, eshutukubui didi etie dzi eshutukubui didi. onu gɛ kɛɛ nu ana, kɛxwɛ tɛa dzi kɛxwɛ.

Romanɛ 3:24

klɛ ba tɛ mɔ tɛwũwũse ganɔ yɛ eshutukubui didi mɛ ganɔ Yesu Kristo anɔ bhubhuiyɛkɛ mɛ.

Romanɛ 5:2

ganɔ yɛa bha lɔ mɔ kidzo ganɔ tɛyɛykɛŋa pɛ bu tsoku eshutukubui didia nɛ mɛ gɛ bu li titi ɔtsɔ̃. Klɛ bu mɔ same nɛ kidzoenudidi nɛ Kpaya ishubhubhui mɛ.

Romanɛ 5:21

sɛ tɛ, ansɛ gɛ buzizi ŋa kabha nɛ butsi mɛ, kana ke eshutukubui didi tsyɛ aba ŋa kabha ganɔ tɛnɛnam sɛ tɛ ɛkpã mabeke mabeke lɛ ba ganɔ Yesu Kristo bulɔ Apalete nɛa bha.

2 Kɔrintioanɛ 5:11

Denɔ, kibelɛlɛ, bu nyi kɛdɔnɔ gɛ nu kɛfusisi nɛ Apalete nɛ shu, bu wlãnkɛ tɛ bu wɔɛ banɔ nu. Kɛdɔnɔ gɛ bu nu Kpaya enyi lɛ wee, klɛ idi kidzoenu sɛ nɔ nyi lɛ wee nɛ wunɔ shuimɛ.

2 Kɔrintioanɛ 6:1

Anasɛ Kpaya baxwɛwa bu bisi denɔ nɛ wunɔ ahwɛ sɛ nɔ tɛ yɛkɛ Kpaya kɛdɔkukɔ nɛ kuã.

Galatianɛ 5:1

Ishuahwɛzɛza so gɛ Kristo ebe bhulɔayɛkɛ. Nɔ za ishu mɛ gɛganɛ, nɛ kɛlɛede, klɛ nɔ tɔ kɔ sɛ ba fla ba trɔ nɔ anɔdzidzi ɔkpakasi kituku.

Galatianɛ 5:4

Wɔnɔ bagɛ nɔ wlãkɛ sɛ tɛ nɔ dzi badzyɔgo nɛ ɔshã nɛ mɛ nɔ bhui shu obu nɛ Kristo shu, nɔ wɔlɛ okoeyi nɛ kɛdɔkukɔ shu.

Efesoanɛ 2:8

Alasɛ ganɔ ɛyamyuyɔ mɛ be bhui nɔ ayɛkɛ, nɛ tɛyɛyɛkɛŋa mɛ—klɛ kɛnɛ kɛ di de wɔnɔ nahwɛ ɔkɔ, kɛ nu Kpaya kɛdɔ gɛ akɔ—

Filipianɛ 3:16

Nɔ kɔ lɔ za liabha ko kɔ kɛgɛ bu tɛ za tsã.

Filipianɛ 4:1

Kɛlɛso, madzyalɛ mɔ, wɔnɔ bagɛ ɛdɛmɛnɛnɔ klɛ ɛpɛɛ sɛ tɛ ɛmɔ nɔ, mɛ same anɛ ekusikutu, mɛ ɛbhɛyalɛ mɔ kana kɛlɛ sɛ nɔ za gɛganɛ nɛ́ Apalete nɛ mɛ.

Koloseanɛ 1:23

onugɛ nɔ za wɔnɔ tɛyɛyɛkɛŋa abha, nɔ kpɛ kɛdɔesi nɛ́ tɛgɛganɛ, nɔ ti koeyi nɛ kidzoenudidi gɛ nɔ nyana nɛ kibui dzyɔgo nɛ mɛ. Kɛnɛ kɛlɛ nu kibui dzyɔgo gɛ nɔ nu klɛ kidzi kɛgɛ ba ɖɔ kɔ kɛdɔnyɛdɔ gɛ kɛ lɛ owũsise nɛesi, klɛ Mɛ, Paolo, ɛba dzi axwɛdɛ.

Koloseanɛ 1:28

Bu ɖɔ yɛ kibui kana, butsrenɔ klɛ bukasɛ anɔnyanɔ kɛdɔ nɛ kibuinyinyi petee mɛ, sɛ tɛ bu ba kɔ anɔnyanɔ tɛ edzi adzyɔgo nɛ Kristo mɛ.

Titusɛ 2:11

Alasɛ Kpaya ɛyamyuyɔ nɛ gɛ ɔmɛna tɛbhubhuiyɛkɛ nɔ tɛ wɛ̃ kɔ banɔ petee.

Hebriuanɛ 12:15

Nɔ di lɛ sɛ anɔnyanɔ adɛ shɛ̃ lɔ Kpaya ɛyɛmɛyuyɔ klɛ sɛ osiogu kɛtɛkɛtɛ lɔ tɛ dɔ she tɛ lɔ kpɛ butɔ anɛ tɛ lɔ zi be gelee.

Hebriuanɛ 13:9

Nɔ tɛkɔ kɛdɔ kɛkasɛ bhlatɔ dinyɛdi kɛ gbanɛ nɔ koeyi nɛ kidzo dzyɔgo nɛabha. Kɛbɔ sɛ tɛ kɛdɔkukɔ kpɛ lɔ idzyi kemi, anɛ kibenyɛbe dɔ ŋɛŋa gɛ kɛdɛ plɛnɔ bagɛ baŋa lɛ.

1 Petro 5:12

Nɛ̀ tɛpɛplɛnɔ denɔ Silas kɔ, agɛ ɛyɛkɔ kɛlɛ anasɛ tɛyɛyɛkɛŋa adzya, ɛtɛ ŋlɔmɛ sɛsɛnɔ gugunu, ɛkpɛ nɔ kemi klɛ mɛ ɖɔ sɛ kɛnɛ kɛlɛnu Kpaya ɛyɛmɛyuyɔ gbɛagba. Nɔ za lɛ mɛ gɛganɛ.

2 Petro 3:14

Kɛlɛso, ɔtsɔ̃ nɛ ɛbhɛya mumɔa, denɔ kibelɛlɛ gɛ no di otugba kɔ kibuinɛ, bhɛtɛ kɛkanyaka sɛ tɛ ba tɛmɔ ɔpɔɛzizi, tɛtsitsirenɔ nɛ tɛ nɔ za ishuyuyɔ mɛ nɛ yɛ.

1 Yohanɛsɛ 2:28

Klɛ ɔtsyɔnɛ, banuvɔ mumɔa, nɔ za kɛlɛa bha nɛ yɛ mɛ, sɛ tɛ kibenɔ gɛ abe koeyi idzyi aba za bulɔ mɛ klɛ tɛ kɛwɔɛ̃ tɛku lɔ nɛ yɛ amɛ nɛ́ yɛ tɛbɛba mɛ.

2 Yohanɛsɛ 1:9

Anɔnyanɔ gɛ esi afla vɛ otugba klɛ ata za Kristo kɛdɔkɛkasɛ nɛede adɛ yɛkɛ Kpaya, ánɔ nɛgɛ aza kɛdɔkɛkasɛ nɛabha ayɛkɛ balɛ tɛabha Aka anɛ Eyi.