Axwɛwɛwa 13:26 - ONUGBÙ NYƐNYÃ VUVƆ

²⁶ “Badzya mɔ, Abraham yɛeyia lɛ mɔ, ganɛ wɔnɔa gɛ odinu Yuɖanɛ pɛ no si Kpaya kifu, blɔ so pɛ ba sɛsɛ anɔbubu kibui.

Axwɛwɛwa 13:26 ပူးပေါင်းရင်းမြစ်များ

Mateo 10:6

Nɔ vɛ Izraɛlanɛ ibhoshi nɛ gɛ lɛla nɛ ɔkɔ.

Mateo 3:9

Klɛ nɔ tɛ bhɛtɛ kɛtɔkpum sɛ nɔ bɔ na wɔnɔ shu ɖɔ tsre sɛ, ‘Abraham alɛ bulɔ ahwɛ ansɛ aka.’ Itsre wɔnɔ sɛ denɔ aklãgbua nɛ mɛ Kpaya aba na beyi bu kɔ Abraham.

Luka 1:69

Efeke ewunɔ anɔ gɛganɛ gɛ aba yɛkɛ akɔ lɔ, nɛ yɛ axwɛdɛ Daviti bupa nɛ mɛ

Luka 1:77

tɛ akɔ yɛ banɔ kibuititi denɔ tɛyɛyɛkɛkɔ shu ganɔ balɛ ebuikpã tɛtsyitsye,

Luka 24:47

klɛ kitemɛ tsyitsyina nɛ ebuizizi tsyitsye, ba baɖɔ nɛ yɛ nyimɛ kɔ amadi nɛ petee, kesikpɛkpɛ nɛ Yerusalɛm.

Yohanɛsɛ 6:68

Simɔn Petro ebulɛnu akɔ yɛ asɛ, “Apalete, ane yɛ ɔkɔ bu ba vɛ? Wɔ ahwɛ ɛkpã mabekemabeke ebui na lɛ.

Axwɛwɛwa 10:2

Yɛ anɛ yɛeshopoalɛ nɛ petee be dzi banɔ gɛ bayɛkɔ ishu akɔ klɛ be si Kpaya; akɔ banɔ kɛdɔ nɛ ɛyamyuyɔ banɔ bagɛ alasɛ ba kɔɛ dɔ klɛ bee klu Kpaya kibenyɛbe.

Axwɛwɛwa 10:35

so ayɛkɛ banɔ edenɔ kɛmadi kanyakam gɛ esi yɛ kifu klɛ ba bhɛtɛ kɛgɛ nu kɛdzyɔgo.

Axwɛwɛwa 13:43

Gɛ be hle busɔlɛha nɛ beke, Yuɖanɛ gelee anɛ bagɛ tsyina etsoku Yuɖaɔha nɛm na za Paolo anɛ Banabasɛ ede, gɛ ba za ɖɔ kaɖɔ nɛ balɛ klɛ be tsrea lɛ asɛ ba vɛ kɛlɛa bha nɛ Kpaya ɛyamyuyɔ nɛm.

Axwɛwɛwa 13:46

Ɔkɛlɛ Paolo anɛ Banabasɛ ebu etsrea lɛ nɛ kifu masimasim asɛ: “Alasɛ tɛ bu ɖɔ Kpaya kibui nɛ tsre nɔ putɔnɔ. Gɛ no ti gbe lɛ klɛ nɔ dɛ mɔ nɔ shu sɛ nɔ na kɔ ɛkpã mabeke mabeke nɛɛ, ɔtsɔ̃ nɛɛ bu tsyina tɔ bagɛ edi nu Yuɖanɛ.

Axwɛwɛwa 16:17

Adzɛnuvɔɛ anɛ aza Paolo anɛ bulɔ bagɔgɔɛ nɛe de nɛ igugu asɛ, “Banɔa nɛ benu Ɔɖɛɖamakɔ dɛ nɛ Kpaya anɛ baxwɛdɛ, gɛ ba kasɛ wɔ kidzo nɔɔ nɛ gɛ ɔbɔ ga pɛ bebe bu wɔ.”

Axwɛwɛwa 22:5

anasɛ gɛ kpayanɔgbla anɛ Beshisheha nɛ petee tsyɛ ba ba mɔɛlɛ aɖɔ. Mɛ ɛyɛkɛ klɛ shu buplukpa denɔ balɛ ahwɛ ɛyɛkɔ vɛnɔ balɛ dzyalɛ nɛ Damaskosɛ, klɛ mɛ tɔnɔ vɛ ɛda gbanɔ banɔa nɛ ɛmɛna anasɛ bevuza nɛ Yerusalɛm kɔ butɔtɛtɛta.

Axwɛwɛwa 28:28

“Kɛlɛ shu so nɛɛ ɛpɛ sɛ tɛ no ti sɛ Kpaya anɔbubu nɛ atɛ vɛ kɔ bagɛ be di nu Yuɖanɛ, klɛ balɛ ba ba ta atɔ!”

Axwɛwɛwa 3:26

Gɛ Kpaya efeke yɛ axwɛdɛ nɛ, ebhuso yɛ asɛsɛ wɔnɔ sɛ tɛ aba yula nɔ ganɔ wɔnɔ tɛ tsyitsyina anɛ wɔnɔ atɔkpum edzokpã nɛa bha.”

Axwɛwɛwa 4:12

Ba tɛ ba mɔ okoeyikɔ nɛ anɔnyanɔm, alasɛ kinyinyɛnyi va ma owũsise nɛesi gɛ ba yɛkɔ kɔ banɔdzyrame gɛ kɛlɛ shu la ba ga pɛ be be bua lɛ.”

Axwɛwɛwa 5:20

Axwɛdɛ nɛ etsrea lɛ asɛ, “Nɔ vɛ, nɔ dɔ za busɔlɛvu kɛma nɛm,” “tɛ nɔ dɔ ɖɔ ɛkpã vuvɔɛ nɛ kibui petee otsre banɔ.”

Romanɛ 1:16

Kɛwɛ̃ tɛɛ kum nɛ kibuidzyɔgo, alasɛ kɛlɛ nu Kpaya kemi kɔ anɔnyanɔ gɛ ayɛkɛaŋa nɛ tɛbubu, putɔnɔ kɔ Yuɖanɛ, ka kɔ bagɛ edi nu Yuɖanɛ nɛe.

Efesoanɛ 1:13

Klɛ wɔnɔ tsyɛ be klu nɔ akpɛ Kristo mɛ kibe lɛlɛ nɛ gɛ nɔ nu kibui gbɛagba, kibui dzyɔgo kɔ nɔ tɛbhubhuiyɛkɛ. Tɛyɛyɛkɛŋa kede, bakpɛ nɔ susu nɛ yɛ mɛ nɛ̀ kɛklãgbu tɛtɛtrɔ, tɛ nɔ yɛkɛ Ɔfufɔɛ Dzyɔgo ɖuɖɔlu,

Koloseanɛ 1:5

tɛyɛyɛkɛŋa anɛ̀ tɛdɛdɛmɛnɔ gɛ ki koeyi denɔ kidzoenudidi gɛ ba bala lu kɔ nɔ nɛ owũsise klɛ kɛ lɛ sɛ wɔnɔ no ti nu kibuigba nɛ dɔ, gɛ nu kibui dzyɔgo