Axwɛwɛwa 13:25 - ONUGBÙ NYƐNYÃ VUVƆ

²⁵ Kibe lɛ gɛ Yohanɛsɛ awa yɛ kɛxwɛ nɛ beke nɛɛ, aɖɔ sɛ: ‘Anee wɔnɔ atɔkpu nɛm aɖɔa sɛ yɛ mɛ nu? Anɛ mɛ nu yalɛlɛ. Owo, pɔ aba ba nɛ mɛede, yɛ butsrukpɔɛklɔ ohui tsyɛ edɛ na kɔ bulɛ tɛbublue.’

Axwɛwɛwa 13:25 ပူးပေါင်းရင်းမြစ်များ

Mateo 3:11

“Ɛɛkpɛuni kɔ wɔnɔ nɛ buni kɔ kite mɛ tsyitsyina. Pɔ mɛede anɔ nɛ gɛ alɛ kemi adɛ mɛ aba ba, yɛ butsrukpɔaklɔ tsyɛ ɛdɛ na gɛ ɛba vunɔ. Yɛ aba kpɛuni kɔ nɔ nɛ Ɔfufɔɛ Dzyɔgo anɛ kifu.

Marko 1:7

Klɛ yɛ kibui nɛ gɛ evunɔ kɛlɛ dzi sɛ, “Mɛe de nɛɛ anɔ teli abaa ba, gɛ alɛ kemi adɛ mɛ, anyɛa lɛlɛ nɛ afukpaohui tsyɛ ɛtɛ ba naa zhikpla kɔ ɔlɛ tɛbublue.

Yohanɛsɛ 1:29

Kiwui bhla nɛ Yohanɛsɛ amɔ Yesu aba yɛ ɔkɔ klɛ aɖɔ sɛ, “Di, Kpaya Obhoshieyi, agɛ yɛ ayɛkɔ kanɔɛmɛ ebuizizi nɛ ashɛ̃nɔ!

Yohanɛsɛ 1:34

Ɛmɔ klɛ ɛmɔɖɔ sɛ yɛe nu Kpaya yɛ Yi.”

Yohanɛsɛ 1:36

Gɛ amɔ Yesu afla, aɖɔ asɛ, “Nodi, Kpaya Obhoshieyi!”

Yohanɛsɛ 4:34

Yesu aɖɔ asɛ, “Mɛ dɔŋɛŋa, ” kɛlɛ nu sɛ “tɛ ebhɛtɛ trɔ agɛ akpɛ mɛ nɛ tɛpɛpɛɛ abha klɛ tɛ ɛwa yɛ axwɛ nɛ beke.

Yohanɛsɛ 7:18

Anɔ nɛ gɛ aɖɔaɖɔ nɛ yɛ nahwɛshu ahwɛ apɛɛ tɛgbɛgbla kɔ ishu, pɔ anɔ gɛ awa kɛxwɛ kɔ agɛ akpɛ yɛ, sɛ tɛ akpɛ yɛnyi nɛabha, enu anɔ gɛ aɖɔ kibui gbɛagba, kibuinyɛbui dɛ zi nɛ yɛ shu.

Axwɛwɛwa 13:36

“Alasɛ gɛ Daviti atɛ wa Kpaya kɛxwɛ nɛ yɛ nahwɛ kibe nɛɛ, gɛ aba vɛ tram nɛɛ, ba vubɔ yɛ nɛ yakalɛ ɔbha klɛ yɛ anɔosi nɛ ɔtsɔmɔ.

Axwɛwɛwa 19:4

Paolo aɖɔ sɛ, “Yohanɛsɛ bunikpɛkpɛ nɛ nu kitem tsyitsyina yɛ. Etsre banɔ na sɛ ba yɛkɛ agɛ yɛa ba nɛ yɛe de nɛa bha aŋa, yɛ enu Yesu.”

Axwɛwɛwa 20:24

Pɔ, ɛmɔ mɛ ɛkpã nɛ sɛ kedziŋɛŋa kanyaka ma lɛ akɔm, onu gɛ ɛba na odu nɛ bu si beke klɛ mɛ ba beke kɛxwɛ nɛ gɛ Apalete Yesu akɔ mɛ—kɛxwɛ nɛ gɛ ba bu Kpaya ɛyamyuyɔ kibui dzyɔgo nɛ kasɛ.

2 Kɔrintioanɛ 4:5

Alasɛ bu tɛɖɔ kibui denɔ bulɔnahwɛ shu, pɔ Yesu Kristo anasɛ Apalete, klɛ bulɔnahwɛ anasɛ wunɔ axwɛdɛ nɛ Yesu tɔkpu.

2 Timotio 4:7

Ɛtɛ gɔnɛ ibue dzyɔgo, iti si odu nɛ beke, ɛtɛ nyɛna tɛyɛyɛkɛŋa nɛ mɛ vunɔ.

Tɛbubukasɛ 11:7

Ɔtsɔ̃ kibe lɛ gɛ ba bhɛtɛ balɛ ebuimumɔɖɔ nɛ beke, agavuga nɛ gɛ ebe de koeyi nɛ Ozidzudzu nɛ mɛ aba dɔa lɛa bha, klɛ aba ŋalɛabha klɛ ebe yia lɛ.