Axwɛwɛwa 13:16 - ONUGBÙ NYƐNYÃ VUVƆ

¹⁶ Gɛ Paolo alɔ kititi nɛɛ, ebu ɔhwɛ klɛ aɖɔ asɛ: “Izraɛlanɛ mɔ nɛ wɔnɔa gɛ odi nu Yuɖanɛ gɛ nɔ kpɛ kɛtɔkpuesi kɔ Kpaya, nɔ ta matɔ tɛ no nu!

Axwɛwɛwa 13:16 ပူးပေါင်းရင်းမြစ်များ

Mateo 11:15

Anɔɔ nɛ gɛ batɔ alɛ yɛ, tɛ enu.

Luka 1:22

Gɛ ebe koeyi, adɛ na kaɖɔ ɖɔ akpɛ balɛ kɔ. Ba mɔ sɛ amɔ ɔfufɔɛmɛdɔ nɛ kpayavu nɛ mɛ, alasɛ nɛ ɛhwɛ ko ayɛkɔ akasɛ dɔ nɔ, pɔ awɔ kaɖɔ maɖɔmaɖɔ.

Luka 1:50

Yɛ eshutukubui didi alɛ kɔ banɔ nɛ gɛ besi yɛ fu, denɔ tɛmumɔ ɔvɛnɔ tɛmumɔ mɛ.

Luka 23:40

Pɔ anɔ akpã abhla akpa yɛ asɛ, “Oto si Kpaya fu, aɖɔ sɛ, nɛɛ lɛ mɛ otinyi sɛ ɔlɛ kɛpɔ bubui lɛlɛ nɛ mɛ?

Axwɛwɛwa 10:2

Yɛ anɛ yɛeshopoalɛ nɛ petee be dzi banɔ gɛ bayɛkɔ ishu akɔ klɛ be si Kpaya; akɔ banɔ kɛdɔ nɛ ɛyamyuyɔ banɔ bagɛ alasɛ ba kɔɛ dɔ klɛ bee klu Kpaya kibenyɛbe.

Axwɛwɛwa 10:35

so ayɛkɛ banɔ edenɔ kɛmadi kanyakam gɛ esi yɛ kifu klɛ ba bhɛtɛ kɛgɛ nu kɛdzyɔgo.

Axwɛwɛwa 12:17

Klɛ mɛ nɛ Petro akasɛ alɛ ahwɛ sɛ ba da onugbu ba tɛ ɖɔ kaɖɔ, klɛ akplahwɛ kana gɛ Apalete nɛ ebu yɛ nɛ buvu. Klɛ aɖɔ sɛ, “No tsre Yakobo nɛ yɛadzyalɛ nɛ tsyɛ kibui, ko klɛ Petro ashɛ̃ avɛ ɔkɔ bhlatɔ.

Axwɛwɛwa 13:26

“Badzya mɔ, Abraham yɛeyia lɛ mɔ, ganɛ wɔnɔa gɛ odinu Yuɖanɛ pɛ no si Kpaya kifu, blɔ so pɛ ba sɛsɛ anɔbubu kibui.

Axwɛwɛwa 13:46

Ɔkɛlɛ Paolo anɛ Banabasɛ ebu etsrea lɛ nɛ kifu masimasim asɛ: “Alasɛ tɛ bu ɖɔ Kpaya kibui nɛ tsre nɔ putɔnɔ. Gɛ no ti gbe lɛ klɛ nɔ dɛ mɔ nɔ shu sɛ nɔ na kɔ ɛkpã mabeke mabeke nɛɛ, ɔtsɔ̃ nɛɛ bu tsyina tɔ bagɛ edi nu Yuɖanɛ.

Axwɛwɛwa 19:33

Yuɖanɛ nɛ tii Alɛxanda akpɛ otugba, klɛ banɔɛza nɛ tili kpɛ ogugu klɛ be tsre yɛ kibui nɔ nɛ gɛ aba ɖɔ. Klɛ Akasɛ alɛ ahwɛ sɛ badɔfɔɔ̃ akɔɛ tɛ awɛlakɛshu nɛ banɔ nɛ amɛ.

Axwɛwɛwa 2:14

Ɔkɛlɛ Petro alɔ kititi nɛ banɔ Lɔfɔntoli, klɛ adanɛ yɛ olim klɛ aɖɔ kaɖɔ kɔ banɔɛza na sɛ: “Mɛɔhayɛalɛ Yuɖanɛ nɛ wɔnɔ petee gɛ nɔ lɛ Yerusalɛm, kɔ mɛ bu kibuii nɛesi kɔ nɔ, nɔ ta batɔ mɔɔ mɔ nɛ kibui nɛ gɛ ɛba ɖɔ.

Axwɛwɛwa 2:22

“Izraɛlanɛ mɔ, nɔ tatɔ kibui nɛ, Yesu Nazarɛtɛ eyi nɛɛ edzi anɔ gɛ Kpaya ebu kɔnɔ ganɔ ebui gɛ abhɛtɛ bi mɛ, ebui yiyinɔanɔ nɛ kɛdɔmumɔm gɛ Kpaya abhɛtɛ nɛ wɔnɔɛ shi ganɔ yɛa bha, ansɛ gɛ wɔnɔ nahwɛ no nyi.

Axwɛwɛwa 21:40

Gɛ ayɛkɛ kidzo kukɔ nɛ beke denɔ behudugbani aka nɛ ɔkɔ nɛɛ, Paolo alɔ kititi nɛ okpo nɛa bha klɛ abhɛtɛ ɔhwɛ akasɛ banɔɛza nɛ asɛ badɔ sɛ̃ɛ, klɛ aɖɔ kaɖɔ etsrea lɛ nɛ Aramaɛk bunuhu mɛ.

Axwɛwɛwa 22:22

Banɔɛza nɛ dzi aza ta yɛatɔ mɔɔ mɔ ɔdɔ nanɔ kibe lɛ mɛ gɛ aɖɔ sɛ Apalete nɛa kpɛ yɛ ko, oblo ku banɔ klɛ bakpa igugu kpɛ nɛ yɛa bha klɛ la ɖɔ sɛ, “Nɔ fla nɛ yɛ nɛ ɔkɛ̃! Edi dzyenɔ sɛ tɛ afla za nɛ ɛkpã!”

Axwɛwɛwa 3:12

Gɛ Petro amɔ kibui, etsre balɛ asɛ, “Izraɛlanɛ mɔ, kide so pɛ kibui nɛ bhɛtɛ wɔnɔɛ bi? Kide pɛ noo yele lɔ ansɛ kɛdɔ gɛ bulɔ nahwɛ kemim ɔdɔgɔsɛ ɔfufɔɛ mɛzɛza nu lɔ yɛkɔ bhɛtɛ anyɛ nɛ pɛ aga?

Tɛbubukasɛ 2:11

Aanɔ nɛ gɛ batɔ alɛ yɛ, kɔ yɛ enu kɛgɛ Ɔfufɔɛ nɛ ɔɔɖɔ tsre busɔlɛha. Aanɔ nɛ gɛ aŋɛabha butsi bhla nɛ tɛ ba zi kɛdɔnyɛdɔ nɛ yɛ shu.

Tɛbubukasɛ 2:17

Aanɔ gɛ batɔ alɛ yɛ, kɔ yɛ enu kɛ gɛ Ɔfufɔɛ nɛ otsre basɔlɛha. Agɛ yɛ aŋɛabha, ɛba kɔ yɛ mɛ tɛkpukpu mɛ ofomɛŋɛŋa. Ɛba kɔ yɛ tsyɛ kɛklãgbu fufu nɛ gɛ ba ŋlɔmɛ kinyi vuvɔ atrɔ kɛlɛa bha, gɛ agɛ yɛ ayɛkɛ lɛ nɛ ko yɛ enyi lɛ.

Tɛbubukasɛ 2:29

Agɛ yɛ batɔ alɛ yɛ ahwɛ, kɔ yɛ enu kɛgɛ Ɔfufɔɛ nɛ ɔɔɖɔ tsre basɔlɛha.

Tɛbubukasɛ 2:7

Anɔ nɛ gɛ batɔ alɛ yɛ, nɔ kɔ yɛ enu kɛgɛ Ɔfufɔɛ nɛ ɔɔɖɔ tsre busɔlɛha. Aanɔ nɛ gɛ yɛaŋɛabha, ɛba kɔ yɛ kidzo sɛ tɛ aŋa kɛdɔ edenɔ ɛkpãosi nɛ mɛ, gɛ ɔlɛ Kpaya buka mɛ.