Axwɛwɛwa 13:15 - ONUGBÙ NYƐNYÃ VUVƆ

¹⁵ Nɛ kibe lɛ gɛ bakla kɛdɔ edenɔ Ɔshã anɛ Batɔnu nɛ ɔkɔ bagɛ ba ŋɛabha nɛ oxogokɔvu nɛmɛ ne tsre Paolo anɛ yɛadzyalɛ nɛ odu aaɖɔ asɛ, “Badzya mɔ, onu kibui tili gɛ kɛ ba kpɛ anɔ nɛ otugba ba za wɔnɔ ahwɛ kɔ banɔ nɛɛ, tɛ nɔ ɖɔ.”

Axwɛwɛwa 13:15 ပူးပေါင်းရင်းမြစ်များ

Marko 5:22

Ɔkɛlɛ anɔgbla teli gɛ eedi oxogokɔ nɛa bha gɛ bee klu asɛ Yairusɛ, nɛ aba ɔkɛlɛ. Gɛ amɔ Yesu, ezhiadɔ nɛ yɛ otugba

Luka 16:16

“Ɛshã anɛ Bebuiɖɔlu nɛ ebui ba ɖɔ alɛ ɔdɔtɔnɔ Yohanɛsɛ be. Denɔ kɛbelɛlɛ, ba ɖɔ kɛbui dzyɔgo denɔ Kpaya kusiɔŋakɔ nɛ shu, klɛ anɔnyanɔ wlãkɛ yɛ dzo sɛ tɛ etsoku lɛ mɛ.

Axwɛwɛwa 1:16

klɛ asɛ, “Badzya mɔ, alasɛ tɛ Kpayɛbui ŋuŋlɔmɛ nɛ ba kɛlɛm gɛ Ɔfufɔɛ Dzyɔgo nɛ ɔɖɔ kukuuku ganɔ Daviti onugbu mɛ denɔ Yuɖasɛ nɛ gɛ akɔ bagɛ be vu Yesu nɛ tɛpɛplɛnɔ.

Axwɛwɛwa 13:27

Yerusalɛmanɛ anɛ balɛ bekusi na dɛ mɔ Yesu edzyesi, pɔ nɛ kibe lɛ gɛ bee bu yɛ atɛ̃ɛ nɛɛ, baa bhɛtɛ atrɔ ebui nɛ gɛ batɔnu na ɖɔ pɛ baa kla kibenyɛbe nɛ Kimuenewi nɛa bha.

Axwɛwɛwa 15:21

Alasɛ batɛ ɖɔ Mose kibui nɛ ɔmagbla kanyakam denɔ ebe tutɔpu nɛm klɛ ba kla kɛlɛ nɛ ixogokɔevu nɛm nɛ Kimuenewi kanyakɛa bha.”

Axwɛwɛwa 15:7

Nɛ ebui nyɛnyɛnadi gelee de, Petro ebe vu alɔ klɛ aɖɔ kaɖɔ akɔa lɛ asɛ: “Badzya mɔ, no nyi ɔsɛ, nɛ kibe tili gɛ ba fla nɛ mɛ Kpaya ebu anɔ teli edenɔ wɔnɔm sɛ tɛ baga dɛ nu Yuɖanɛ nɛ tsyɛ be nu edenɔ mɛ onugbu mɛ kɛgɛ kibui dzyɔgo nɛ vunɔ tɛ ba yɛkɛ aŋa.

Axwɛwɛwa 18:17

Ɛklɛ nɛ balɛ petee be tsyina atɔ Sostenes gɛ edi oxogokɔvu nɛa bha klɛ be tu yɛ nɛ kebhui oklukɔ nɛ amɛ. Pɔ Gallio adɛ yɛkɔ kibui nyɛbui nɛ klɛm.

Axwɛwɛwa 18:8

Krispusɛ, gɛ enu anɔ gɛ aŋa oxogokɔvu nɛa bha, anɛ yɛ bupa mɛ banɔ nɛ petee ba yɛkɛ Apalete nɛa bha aŋa; klɛ Kɔrintioanɛ gelee gɛ benu yɛ kɛdɔ kɛkasɛ nɛ ba yɛka aŋa klɛ ba kpɛ buni akɔa lɛ.

Axwɛwɛwa 2:29

“Madzyalɛ mɔ, ɛba tsre nɔ nɛ ishua bha yɛyɔkɛ̃am sɛ bulɔ akashishe Daviti etsi klɛ ba vubɔ yɛ, klɛ yɛ odzre nɛ ɔkɔ lɛ ɔkɛ̃ nɛ ɔbɔ nanɔ oboe wi.

Axwɛwɛwa 2:37

Gɛ banɔ nɛ nu kibui nɛɛ, kibhui balɛ kite mɛ ohui klɛ baa ɖɔ tsre Petro anɛ Banɔkpɛkpɛ gɔgɔɛ nɛ asɛ, “Badzya mɔ, kide lɔ ba bhɛtɛ?”

Axwɛwɛwa 2:4

Balɛ petee be yuku nɛ Ɔfufɔɛ Dzyɔgo klɛ la kpa kaɖɔɔ ɖɔ nɛ benuhu bhlatɔ mɛ ansɛ gɛ Ɔfufɔɛ nɛ oyɛkɔalɛ.

Axwɛwɛwa 20:2

Aga kidzo akana kibe lɛ nɛm petee, nɛ kitekpɛkpɛ kaɖɔ ɖuɖɔ kɔ banɔ, klɛ gɔgɔɛ nɛɛ avɛ ede ku Grisɛ,

Axwɛwɛwa 22:1

“Madzyalɛ anɛ Makalɛ mɔ, ɛba bu ishu nu, ɔtsɔlɛ nɔ ta batɔ tɛ no nu mɛ shu nu tɛbubu.”

Axwɛwɛwa 4:36

Yosɛfu gɛ enu Levaɛtɛ eyi denɔ Siprɔsɛ, gɛ banɔkpɛkpɛ nɛ klua sɛ Banabasɛ (kɛlɛesi nu sɛ Eyi gɛ akɔ Kemi),

Axwɛwɛwa 7:2

Ebui lɛ nu aɖɔ sɛ, “Madzyalɛ anɛ mɛakalɛ mɔ, nɔ tatɔ tɛ nɛ mɛ! Ishu dɛdanɛ Kpaya nɛ ebu ishu akasɛ bulɔ Aka Abraham nɛ kibe lɛ gɛ aka lɛ Mesopotemia, flogo pɛ aba za Haran.

Romanɛ 12:8

onu kɛ nu kemikpɛkpɛ, kɔ yɛ akpɛ anɔ kemi, onu kinu kɛdɔdzyudzyɔ kɔ banɔ bhlatɔ, kɔ akɔɛ lɛ nɛ yɛ yam petee, onu kinu anɔnuzɛza, kɔ yɛ agbanɛ anɔ mɔmɔ; onu kinu eshutukubui didi, kɔ abhɛtɛ lɛ nɛ same.

1 Kɔrintioanɛ 14:3

Pɔ anɔnyanɔ gɛ aɖɔɛbuielu aɖɔaɖɔ kɔ banɔ kɔ balɛ tɛshishe atrɔ, kemikpɛkpɛ nɛ ɛyamyuyɔ.

2 Kɔrintioanɛ 3:14

Pɔ balɛ amɛ dɔ otumu, alasɛ ɔdɔtɔnɔ obowui nɛabha kɛdɔ kukumu lɛlɛ nɛ wɔ kɛbelɛlɛ gɛ ba kla tɛnyɛnya kuku keplukpa. Kɛ dɛ tsɛ nɛ balɛ amɛ, alasɛ Kristo terikpo mɛzɛza la ba tsɛ lɛ bu.

1 Tɛsolonianɛ 2:3

Alasɛ bulɔ tɛbibisi nɛ gɛ bu bhɛtɛ nɛ di de kito mɛ pɛ ɔdɔgɔsɛ kɛtɔkpum kpã mɛ, pɛ kɛ ba dzi sɛ bu bhɛtɛ sɛ tɛ bu wɛɛ nɔ nu.

Hebriuanɛ 13:22

Ma dzyalɛ, ɛkpɛtɔkpuesi kɔ nɔ tɛ nɔ bhɛtɛ trɔ mɛ kaɖɔɖuɖɔ abha, alasɛ keplukpa kplita ko mɛ ŋlɔmɛ kɔ nɔ.