Axwɛwɛwa 12:10 - ONUGBÙ NYƐNYÃ VUVƆ

¹⁰ Baga bepupo tutɔpu nɛ babhla nɛ ɔbha afla klɛ ba ba tɔnɔ ɛɖa kedunu gɛ ɔfla ko pɛ obo tsoku ɔmagbla nɛm. Kedunu nahwɛ na danɛ kɔa lɛ, klɛ la ga fla. Gɛ ba ga vɛ otugba nɛ kidzogbla tidzidzem nu, ko klɛ Kpaya axwɛdɛ nɛ ashɛ̃ alɔ yɛ.

Axwɛwɛwa 12:10 ပူးပေါင်းရင်းမြစ်များ

Yohanɛsɛ 20:19

Nɛ kiwui tɛtɔpu nɛ ɔgɔnɛ nɛ mɛ owulago, gɛ badɔkpasɛ nɛ be xogo, pɛ ba da ipupu nɛ akpɛ shu, alasɛ be si Yuɖanɛ nɛ fu so, Yesu aba ebe tsoku balɛ shi klɛ aɖɔ sɛ, “Ishuyuyɔ za plɛnɔ nɔ!”

Yohanɛsɛ 20:26

Ɔgɔnɛ zɛzɛ ede yɛ badɔkpasɛ ba za bupa nɛ mɛ, klɛ Toma aza balɛ shi. Kɛlɛlɛmɛ sɛ bevu nɛ da, pɔ Yesu etsoku bale shi klɛ aɖɔ sɛ, “Nɔ lɛ mɔmɔ!”

Axwɛwɛwa 12:4

Gɛ evu Petro beke, ada yɛkɔɛ akpɛ buvu, klɛ aza bepupo etsu talɛ ahwɛ mɛ, keyutugbani tɛalɛ balɛ abhɛtɛ kitsu zɛzɛ. Heroɖesɛ atrɔ sɛ tɛ ayɛkɔɛ amɛna tɛ beklu kebhui nɛ yɛ nɛ ɔtɔ nɛ Tɛfɛflɛ̃wi nɛe de.

Axwɛwɛwa 16:26

Nɛ kɛ ba tilim ko kesukpahuhuwa gɛganɛɛ tieli ba gɛ ke shuku buvu nɛm gɛ ba kpasɛ nɛ bulɛ igu tsutsɔmɔ tsɔmɔ. Nɛ kɛba tilim ko buvu nɛ opupu nɔ danɛ vua, klɛ anɔnyanɔ buɖɛ nɛ bule nɛ yɛ butsrukpɔ.

Axwɛwɛwa 5:19

Pɔ nɛ elishi nɛ mɛ Apalete nɛ axwɛdɛ aba danɛ buvu nɛ budunu klɛ ebua lɛ eyinɔ.

Tɛbubukasɛ 3:7

“Kɔ kpayaxwɛdɛ nɛ Filadelfia busɔlɛɔha nɛ mɛ sɛ: Ebui ɖuɖɔa nɛ alɛ nu agɛ yɛ shu bhui kɛlɛ enu kɛgba nɛ ayɛ, gɛ evunɔ Daviti kedunuaɖɛ. Kɛdɔnɔ nɛ gɛ adanɛ anɔnyanɔ atɛ ba naa da, klɛ kɛdɔnɔ nɛ gɛ ada anɔnyanɔ atɛ ba naa danɛ.