Axwɛwɛwa 11:26 - ONUGBÙ NYƐNYÃ VUVƆ

²⁶ klɛ gɛ amɔɛ nɛɛ, agbanɛ yɛ amɛna Antiɔkɛ. So nɛ kɛgɔ zɛzɛ petee mɛ Banabas nɛ Saul ba tsya nɛ busɔlɛɔha nɛ mɛ klɛ bakasɛ banɔɛ dɔ nɛ tikpikpem. Badɔkpasɛ nɛ, Antiɔkɛ be bhusoa lɛ kulu sɛ Kristoanɛ.

Axwɛwɛwa 11:26 ပူးပေါင်းရင်းမြစ်များ

Mateo 28:19

Kɛlɛ so, nɔ vɛ tɛ nɔ dɔ bhɛtɛ amadi nɛ petee tɛ le dzi badɔkpasɛ, tɛ nɔ kpɛ buni kɔ banɔ nɛ Aka anɛ Eyi nɛ nyi mɛ anɛ Ɔfufɔɛ dzyɔgo,

Yohanɛsɛ 2:2

klɛ Yesu anɛ yɛ badɔkpasɛ nɛ tsyɛ be klu alɛ kɔ adzɛ gbɛgbanɔ.

Axwɛwɛwa 1:15

Nɛ ewi alɛlɛ nɛm nɛɛ Petro alɔ kititi nɛ bagɛ bayɛkɛaŋa nɛ shi, (banɔ gɛ balɛ tɛkpɛkpem ba za ansɛ kɛfɔɛfɔ nɛ afɛtabha)

Axwɛwɛwa 11:20

Pɔ nɛ banɔ nɛ teli gɛ bede Siprɔsɛ Sirene, na shɛ vɛ Antiɔk klɛ bada kpa kaɖɔ ɖɔ tsre Grikianɛ nɛ tsyɛ, edenɔ Apalete Yesu kibui dzyɔgo nɛ shu.

Axwɛwɛwa 11:22

Busɔlɛ ɔha nɛ Yerusalɛm obo nu kibui, klɛ ba kpɛ Banabas asɛsɛ Antiɔkɛ.

Axwɛwɛwa 11:27

Nɛ kibe lɛ nɛ mɛ nɛ batɔnu teli ba lɔ denɔ Yerusalɛm avɛ Antiɔkɛ.

Axwɛwɛwa 11:29

Badɔkpasɛ, akanyaka nɛ yɛ tɛzɛzam nu, na trɔ sɛ ba ba kɔ balɛ adzyalɛ nɛ ga lɛ Yuɖia nɛ tɛpɛplɛnɔ.

Axwɛwɛwa 14:20

Pɔ klɛede gɛ badɔkpasɛ nɛ ba kana yɛ tsya nɛɛ, evu alɔ klɛ etsodzi avɛ ede tsoku ɔmagbla nɛm. Kiwi bhla nɛɛ yɛ nɛ Banabasɛ ashɛ̃ avɛ Dɛbi.

Axwɛwɛwa 14:22

nɛ bugɛganɛ kpɛkpɛ badɔkpasɛ anɛ kemi zɛza sɛ tɛ ba nyɛna kabhayɛyɛkɛŋa nɛm nɛ kɛgba. Baɖɔ sɛ, “Kɛ lɛ sɛ tɛ bu ga ebui gɛganɛ mɛ fla sɛ tɛ bu tsoku Kpaya bukusi ɔŋakɔ nɛm.”

Axwɛwɛwa 14:23

Paolo anɛ Banabasɛ edzu beshishe nɛ busɔlɛɔha ɔkanyaka nu klɛ, ɔyɛkɔ plɛnɔ onugbunyɛnya anɛ kpayakuklum, ayɛkɔa lɛ akpɛ ahwɛ kɔ Apalete, gɛ yɛabha la yɛkɛ aŋa.

Axwɛwɛwa 14:27

Nɛ balɛ ɔkɛlɛ tɛkuku mɛ, be klu basɔlɛha nɛ exogo klɛ ba ɖɔ etsrea lɛ ebui nɛ petee gɛ Kpaya abhɛtɛ ganɔ balɛa bha nɛ kana gɛ adanɛ tɛyɛyɛkɛŋa kidzo akɔ bagɛ be di nu Yuɖanɛ.

Axwɛwɛwa 14:28

Klɛ ba za ɔkɛlɔ kibe dzidze nɛ badɔkpasɛ.

Axwɛwɛwa 18:27

Kibelɛ gɛ Apollosɛ apɛa sɛ tɛ ashɛ̃ avɛ Atsyia nɛɛ, badzya na kpɛ yɛ kemi klɛ ba ŋlɔmɛ asɛsɛ badɔkpasɛ nɛ ɔklɛ sɛ ba yɛkɛ yɛ mɔɔ mɔ. Nɛ yɛ ɛklɛ tɛ kuku mɛ nɛ, ede dzi tɛpɛplɛnɔ gelee kɔ bagɛ ganɔ Kpaya tɛpɛpɛ mɛ gɛ ba tɛ yɛkɛ kibui nɛa bha ŋa.

Axwɛwɛwa 19:9

Pɔ be teli be dzi banɔ gɛ ba dɛ kpɛ abhla kɔ kibui; ba dɛ dɛmɛ ayɛkɛ kibui klɛ nɛ anɔnyanɔ amɛ nɛɛ ba gba kɛdɔ ada klɛ Kidzo. Klɛso nɛ Paolo ashɛ̃ alɔa lɛ. Agbanɔ badɔkpasɛ nɛ aplɛnɔ ishu klɛ aga ebuim nɛ balɛ kiwinyɛwi nɛ kɛdɔ kɛkasɛvu nɛm nɛ Tirannus.

Axwɛwɛwa 20:1

Kibe lɛ nɛ gɛ ozikpɛkpɛ nɔ fla beke, Paolo akpɛ odu nɛ badɔkpasɛ nɛesi, klɛ gɛ akpɛa lɛ kite beke nɛɛ, akɔa lɛ ɔvɛ ɛsɛnɔa lɛ klɛ atɔnɔ Makedonia kidzo.

Axwɛwɛwa 20:30

Nɛ wɔnɔ nahwɛ tɛkpikpem tsyɛ banɔ aba lɔ kititi klɛ le be futsu kɛgba nɛ akpɛ sɛ tɛ be yinɔ badɔkpasɛ nɛ gɛ ba lɛ kɛlɛede nɛ kide.

Axwɛwɛwa 21:4

Gɛ bu da mɔ badɔkpasɛ nɛ ɔklɛ nɛɛ, bu za plɛnɔa lɛ ewi tegene. Ganɔ Ɔfufɔɛ Dzyɔgo nɛa bha ba kpɛ ɔshã kɔ Paolo sɛ atɛ vɛ Yerusalɛm.

Axwɛwɛwa 26:28

Ɔkɛlɛ Agrippa ebisi Paolo asɛ, “Ɔyɛkɛ ɔŋa sɛ nɛ kibe bhli nɛ mɛ nɛ ɔbɔ na mɛ bu tsyina dzi Kristoa yɛ dza?”

Axwɛwɛwa 6:1

Nɛ kibe lɛ nɛm gɛ badɔkpasɛ ne be kpe, Griki Yuɖanɛ gɛ ba kpasɛ balɛ shi nɛ bhui Hebriu Yuɖanɛ nɛ nu alasɛ balɛ bagɛ betsianyɛ nɛɛ ba shɛ̃nahwɛ balɛ kiwinyɛwi kɛdɔŋɛŋa kukɔ shu.

Axwɛwɛwa 6:5

Tɛtɛtrɔɛ nɛ ku banɔɛha nɛ petee awɔ̃. Be bu Stefano, gɛ enu anyɛ teli gɛ eyuku nɛ Ɔfufɔɛ Dzyɔgo anɛ tɛyɛyɛkɛŋa, ɔplɛnɔ Flipo, Prokorusɛ, Nikanɔ, Timɔnɛ, Parmenasɛ, anɛ Nikolasɛ gɛ ede Antiɔkɛ, pɛ ebe tsyina edzi Yuɖaɔha mɛ anɔ.

Axwɛwɛwa 9:19

klɛ nɛ lɛe de gɛ aŋa kɛdɔ, etsodzi amɔ yɛ ishum gɛganɛ. Saolo aŋa ewi gelee nɛ badɔkpasɛ nɛ Damaskosɛ.

Axwɛwɛwa 9:38

Lidda etsoebunɔ Yoppa; so gɛ badɔkpasɛ nɛ nu sɛ Petro alɛ Lidda nɛɛ ba kpɛ banɔ tɛa bha nɛ yɛesi klɛ betsrea sɛ, “Bu dzu kɛtɔkpue si kɔ wɔ ba ɔtsɔtsiɔ̃!”

1 Kɔrintioanɛ 11:18

Nɛ ɔzakɔ tutɔpu, ɛnu sɛ kibenɔ gɛ nɔ xogo anasɛ basɔlɛɔha, tɛmɛma za wɔnɔɛ shi, klɛ nɛ kapɛ tieli mɛ ɛyɛkɛ kɛlɛa bha ŋa.

1 Kɔrintioanɛ 12:12

Ishuidzya lɛ nu kɛdɔ tirikpo, kɛlɛlɛmɛsɛ bu nu bupɛpɛpɛ gelee klɛ kɛlɛlɛmɛsɛ bulɛ bupɛpɛpɛ bu kpe, bu bhɛtɛ ishuidzya tirikpo. So kana tsyɛ kɛ lɛ nɛ Kristo.

1 Kɔrintioanɛ 14:23

Kɛlɛso onugɛ busɔlɛha petee bexogo klɛ anɔnyanɔ aɖɔ ɔfufɔɛmɛaɖɔ, klɛ beteli be tee nu kɛlɛesi ɔdɔgɔsɛ bagɛ ba dɛyɛkɛŋa nɛ aba, ba ta ɖɔ sɛ wunɔɛ tɔkpu ma?

1 Kɔrintioanɛ 4:17

Nɛ kibui nɛ so ɛsɛsɛ nɔ Timotio, mɛ yi gɛ ɛdɛmɛnɔ, gɛ enu ayɛyɛkɛŋa nɛ Apalete mɛ. Aba baka nɔ mɛ kpã dzo gɛ ɛyɛ kɔ za Kristo Yesu ede, gɛ kɛsɔnɔ kɛdɔ gɛ ɛkasɛ nɛ ɔkɔnyɔkɔ nɛ busɔlɛ kanyaka mɛ.

Efesoanɛ 3:15

denɔ agɛ yɛ kɔ yɛ bupa petee nɛ owũsise anɛ kesukpa gɛ bebu yɛ kɛnyi nɛ denɔ.

Yakobo 2:7

Ganɛ balɛ ezi anɔ nɛ gɛ yayɛ no nu nɛ kinyigbla nɛ mɛ?

1 Petro 4:14

Onugɛ ba kula nɔ nɛ Kristo kinyi nɛ shu, ba yula nɔ, alasɛ Ɔfufɔɛ shu bhubhui anɛ̀ Kpaya kitsri wɔnɔ abha.

1 Petro 4:16

Pɔ, onugɛ nɔ mɔ butɔ anasɛ Kristoayɛ, nɔ tɛ kɔ kɛwɔɛ̃ ku nɔ, pɔ nɔ kpɛ Kpaya kinyi nɛabha sɛ nɔ dɛmɛ kinyi lɛlɛ.

1 Yohanɛsɛ 2:27

Wɔnɔ xũ nɛ, bubɔsɛsra nɛ gɛ nɔ yɛkɛ denɔ yɛ ɔkɔ bu wɔ nɔɛ mɛ, klɛ nɔ dɔ pɛɛ anɔnyanɔ sɛ tɛ akasɛ nɔɛ dɔ. Pɔ anasɛ gɛ yɛ bubɔsɛsra kasɛ nɔ nɛ ebui nɛ petee shu klɛ anasɛ gɛ bubɔsɛsra nɛ nu kɛgbɛagba, ganɛ kɛdɔ gɛ kɛyi dɔ—anasɛ gɛ kɛ kasɛ nɔ, nɔ wɔ yɛ mɛ.

Tɛbubukasɛ 3:18

Ɛkasɛ wɔɛdɔ sɛ tɛ odzi ɔfufɔɛ mɛ sɛkadzɛdzã gɛ be plui nɛ kifu mɛ, sɛ tɛ obo dzi ehoeyielete, nɛ apɔtɛ fufu sɛ tɛ onyumu, sɛ tɛ ɔyɛkɔ ɔda wɔ kɛwɛ̃ buzholia, anɛ bubɔ gɛ ɔbɔ kpɛ anhũm sɛ tɛ ɔzɔɔ mɔ.