Axwɛwɛwa 11:24 - ONUGBÙ NYƐNYÃ VUVƆ

²⁴ Edzi anɔ dzyɔgo, gɛ eyuku nɛ Ɔfufɔɛ Dzyɔgo nɛ tɛyɛyɛkɛŋa, klɛ ba gbanɔ banɔ nɛ tikpikpe gbla tilim amɛna Apalete.

Axwɛwɛwa 11:24 ပူးပေါင်းရင်းမြစ်များ

Mateo 12:35

Anɔ dzyɔgo ebu ebui dzyɔgo edenɔ yɛ ebui dzyɔgo nɛ gɛ abala nɛ yɛ mɛ, klɛ anɔkpã edenɔ yɛ ebuikpã nɛ gɛ abala nɛ yɛ mɛ.

Mateo 19:17

Yesu ebisi yɛ asɛ, “Kide so pɛ obisi mɛ kibui nɔɔ nɛ gɛ ki nu kɛdzyɔgo?” “Kpaya terikpo ko yɛ enu adzyɔgo. Onu gɛ ɔpɛ sɛ tɛ ɔmɔ ɛkpã, klɛ bhɛtɛ ɔtrɔ ɛshã nɛa bha.”

Luka 23:50

Ɔtsɔ̃ nɛ anyɛ teli gɛ be klu sɛ Yosɛfu, enu Bamani teli, adzyɔgo klɛ yɛ shu bhui,

Yohanɛsɛ 7:12

Nɛ banɔɛza nɛ shi kaɖɔ hunihuni eyi denɔ yɛ shu. Beteli aɖɔ sɛ, “Enu anɔ dzyɔgo.” Babhlatɔ tsyɛ asɛ, “Owo, awɔɛ banɔ.”

Axwɛwɛwa 11:21

Apalete nɛ ɔhwɛ ɔza plɛnɔa lɛ, klɛ banɔ nɛ tikpikpe gblam ayɛkɛ aŋa klɛ be tsyina tɔ Apalete.

Axwɛwɛwa 2:4

Balɛ petee be yuku nɛ Ɔfufɔɛ Dzyɔgo klɛ la kpa kaɖɔɔ ɖɔ nɛ benuhu bhlatɔ mɛ ansɛ gɛ Ɔfufɔɛ nɛ oyɛkɔalɛ.

Axwɛwɛwa 2:47

nɛ Kpaya kabhakpɛkpɛ anɛ samɛ mumɔ nɛ ɔhayɛ eshutukubui didi mɛ denɔ banɔ nɛ petee ɔkɔ. Klɛ Apalete nɛ abhɔ tikpikpe nɛm atrɔ kiwinyɛwi ɔplɛnɔ bagɛ be ti bu.

Axwɛwɛwa 24:16

Klɛso nɛ kibenyɛbe nɛɛ ɛlɛ nɛ kitem dɛdanɛ nɛ Kpaya anɛ Anɔdzyrame amɛ.

Axwɛwɛwa 5:14

Pɔ kɛ za kɛlɛm sɛ, banyɛ anɛ badzɛ gelee ba ba yɛkɛ Apalete nɛa bha aŋa klɛ ba yɛkɔa lɛ ata plɛnɔ balɛ tɛkɛkla nɛm.

Axwɛwɛwa 6:3

Badzya mɔ, nɔ bu banɔ tiegene denɔ wɔnɔm gɛ benu banɔ gɛ be yuku nɛ Ɔfufɔɛ anɛ kibuititi. Bu ba yɛkɔ kɛdɔŋɛŋa mɛma nɛ kpɛ balɛ ahwɛ

Axwɛwɛwa 6:5

Tɛtɛtrɔɛ nɛ ku banɔɛha nɛ petee awɔ̃. Be bu Stefano, gɛ enu anyɛ teli gɛ eyuku nɛ Ɔfufɔɛ Dzyɔgo anɛ tɛyɛyɛkɛŋa, ɔplɛnɔ Flipo, Prokorusɛ, Nikanɔ, Timɔnɛ, Parmenasɛ, anɛ Nikolasɛ gɛ ede Antiɔkɛ, pɛ ebe tsyina edzi Yuɖaɔha mɛ anɔ.

Axwɛwɛwa 6:8

Ɔtsɔ̃ Stefano, edzi anɔ teli gɛ eyuku nɛ Kpaya ɛyamyuyɔ anɛ kemi, abhɛtɛ ebui yiyinɔanɔ gbɛgbla anɛ ebui gɛ abhɛtɛ bi kɛdɔmumɔ nɛ banɔɛ shi.

Axwɛwɛwa 9:31

Klɛ busɔlɛha nɛ Yuɖia, Galelia anɛ Samaria petee ba za ishu yuyɔm. Busɔlɛɔha nɛ ɔgɛganɛ ɔtrɔ; klɛ Ɔfufɔɛ Dzyɔgo nɛ lɔ kpɛ alɛ kemi, lo she nɛ tikpikpem, ba za nɛ kifusisim kɔ Apalete.

Romanɛ 15:15

Ɛtɛ ŋlɔmɛ kɔnɔ wee nɛ ebui teli shu, ansɛ tɛ ɛfla baka nɔ nɛ alɛ shu, alasɛ Kpaya eshutukubui nɛ gɛ edi mɛ

Romanɛ 5:7

Kɛ dɛ dozi sɛ tɛ anɔ teli etsi nɛ anɔnɛna tɔkpu, kɛ ba nyaa za sɛ anɔ teli ebe di asɛ tɛ etsi nɛ anɔdzyɔgoe tɔkpu.