Axwɛwɛwa 11:20 - ONUGBÙ NYƐNYÃ VUVƆ

²⁰ Pɔ nɛ banɔ nɛ teli gɛ bede Siprɔsɛ Sirene, na shɛ vɛ Antiɔk klɛ bada kpa kaɖɔ ɖɔ tsre Grikianɛ nɛ tsyɛ, edenɔ Apalete Yesu kibui dzyɔgo nɛ shu.

Axwɛwɛwa 11:20 ပူးပေါင်းရင်းမြစ်များ

Mateo 27:32

Gɛ ba vɛ yɛ ɔkplasɔ kɔ, ba tsyanɔ anyɛ teli gɛ ede Sirene, gɛ be kulu asɛ Simɔnɛ nɛ kidzo nɛ mɛ, klɛ ba trɔ anyɛ nɛa bha sɛ tɛ ayɛkɛ butsiosi nɛ etuku akɔ yɛ.

Yohanɛsɛ 7:35

Yuɖanɛ be bisi balɛ ɔhaglɔ asɛ, “Fakɔ anyɛa nɛ atrɔ sɛ tɛ avɛ gɛ bɔ tɛ ba mɔ yɛ? Pɛnɔ aba vɛ ɔkɛlɛ gɛ bulɔ banɔ da pɔɛhle ku Helanɛ nɛshi, gɛ ba kasɛ Hela bunuhu?

Axwɛwɛwa 11:19

Ɔtsɔ̃ nɛɛ bagɛ balɛ mɛ lakpɛ ozi nɛ Stefano tɛkpɛkpa tɔnɔ nɛ mɛ na ga kidzo avɛ ede ku Foenisia, Siprɔsɛ anɛ Antiɔkɛ, klɛ ba ɖɔ kibui nɛ etsre Yuɖa nɛ nɛ ko.

Axwɛwɛwa 11:22

Busɔlɛ ɔha nɛ Yerusalɛm obo nu kibui, klɛ ba kpɛ Banabas asɛsɛ Antiɔkɛ.

Axwɛwɛwa 11:26

klɛ gɛ amɔɛ nɛɛ, agbanɛ yɛ amɛna Antiɔkɛ. So nɛ kɛgɔ zɛzɛ petee mɛ Banabas nɛ Saul ba tsya nɛ busɔlɛɔha nɛ mɛ klɛ bakasɛ banɔɛ dɔ nɛ tikpikpem. Badɔkpasɛ nɛ, Antiɔkɛ be bhusoa lɛ kulu sɛ Kristoanɛ.

Axwɛwɛwa 11:27

Nɛ kibe lɛ nɛ mɛ nɛ batɔnu teli ba lɔ denɔ Yerusalɛm avɛ Antiɔkɛ.

Axwɛwɛwa 13:1

Nɛ Antiɔkɛ busɔlɛ mɛha nɛ mɛ batɔnu anɛ badɔkasɛ aza: Banabasɛ, Simeɔnɛ gɛ be klua yɛ sɛ Anɔtutu, Lusiusɛ gɛ ede Sirene, nɛ Manaɛn (edzi anɔ gɛ be he aplɛnɔ Heroɖesɛ gɛ edzi ekusi) nɛ Saolo.

Axwɛwɛwa 14:26

Denɔ Attalia nɛɛ ba za kenia bha etsodzi avɛ Antiɔkɛ, ɔkɛlɛ gɛ ba yɛkɔa lɛ akpɛ ahwɛ kɔ Kpaya ɛyamyuyɔ kɔ kɛxwɛ nɛ gɛ be ti beke nɛ ɔtsɔ̃ nɛ mɛ.

Axwɛwɛwa 15:22

Ɔkɛlɛ Yesu Banɔkpɛkpɛ nɛ beshishe, busɔlɛ nɛ petee, ba trɔ sɛ be be bu balɛ nahwɛ mɛ banɔ tɛ ba sɛsɛ alɛ nɛ Antiɔkɛ ɔyɛkɔ plɛnɔ Paolo nɛ Banabasɛ. Be bu Yuɖas (gɛ be klua sɛ Basabbasɛ) nɛ Silasɛ, gɛ be dzi bagbɛgbanɔ nɛ ɔha nɛ shi.

Axwɛwɛwa 15:23

Ɔyɛkɔ plɛnɔa lɛ ba sɛsɛ keplukpa sɛ: Bulɔ, banɔkpɛkpɛ anɛ beshishe nɛ, anɛ wɔnɔa dzyalɛ nɛ ɔkɔ, bu sɛnɛ nɔ bulɔ badzya nɛ petee gɛ be di nu Yuɖanɛ gɛ ba lɛ Antiɔkɛ, Siria anɛ Silisia.

Axwɛwɛwa 15:30

Ba kpɛ banɔ nɛ asɛsɛ klɛ ba vɛ ede zhieku Antiɔkɛ, ɔklɛ bede xogo busɔlɛha klɛ ba yɛkɔ keplukpa ŋuŋlɔmɛ nɛ akpɛ ahwɛ kɔa lɛ.

Axwɛwɛwa 17:18

Epikuirianɛ anɛ Stoikanɛ bebuiti teli ba kpa kibui wlɔ̃akɛ nɛ yɛ. Beteli ebisi asɛ, “Kide anuvɔaɖɔ anɔa nɛ apɛa sɛ tɛ aɖɔ?” Banɔ bhlatɔ teli tsyɛa kpɛ onugbu nɛ klɛ mɛ asɛ, “Edzi ansɛ awlɔ̃akɛ amadi bhlatɔ mɛ ibuidi kɛtɔkpu.” Ba ɖɔ kana alasɛ Paolo aza ɖɔ kaɖɔ edenɔ kibui dzyɔgo nɛ Yesu anɛ yɛ tɛlulɔ denɔ butsi mɛ nɛ shu.

Axwɛwɛwa 18:22

Gɛ ede ku Sizeria nɛɛ, ewu avɛ ada sɛnɔ busɔlɛha klɛ ezhi afla vɛ Antiɔk.

Axwɛwɛwa 2:10

Frigia anɛ Pamfilia, Egibte anɛ Libia bupɛ nɛm gɛ ebunɔ Sirene ɔbha, befu nɛ gɛ ede Roma

Axwɛwɛwa 4:36

Yosɛfu gɛ enu Levaɛtɛ eyi denɔ Siprɔsɛ, gɛ banɔkpɛkpɛ nɛ klua sɛ Banabasɛ (kɛlɛesi nu sɛ Eyi gɛ akɔ Kemi),

Axwɛwɛwa 5:42

Kiwi nyɛ wi di ko, nɛ busɔlɛvu nɛ kɛma mɛ, denɔ bupa mɛ ɔvɛnɔ bupa mɛ, ba dɛ zukɔlɔ kɛdɔ nu kasɛ, ba vɛ kibui dzyɔgo nɛ tɛɖuɖɔa bha sɛ Yesu yɛ nu Kristo.

Axwɛwɛwa 6:1

Nɛ kibe lɛ nɛm gɛ badɔkpasɛ ne be kpe, Griki Yuɖanɛ gɛ ba kpasɛ balɛ shi nɛ bhui Hebriu Yuɖanɛ nɛ nu alasɛ balɛ bagɛ betsianyɛ nɛɛ ba shɛ̃nahwɛ balɛ kiwinyɛwi kɛdɔŋɛŋa kukɔ shu.

Axwɛwɛwa 6:5

Tɛtɛtrɔɛ nɛ ku banɔɛha nɛ petee awɔ̃. Be bu Stefano, gɛ enu anyɛ teli gɛ eyuku nɛ Ɔfufɔɛ Dzyɔgo anɛ tɛyɛyɛkɛŋa, ɔplɛnɔ Flipo, Prokorusɛ, Nikanɔ, Timɔnɛ, Parmenasɛ, anɛ Nikolasɛ gɛ ede Antiɔkɛ, pɛ ebe tsyina edzi Yuɖaɔha mɛ anɔ.

Axwɛwɛwa 6:9

Kititi lulɔ ba ba, pɔ, denɔ banɔ nɛ gɛ be nu ishuahwɛ zɛzanɔ oxogokɔvu nɛm ɔkɔ (ansɛ gɛ beklua lɛ) Yuɖanɛ ge de Sirene anɛ Alɛksandrɛa ɔkɔ plɛnɔ Silisia anɛ Asia amadi nɛm. Banɔa na ba kpa ebui wɛlãkɛ nɛ Stefano,

Axwɛwɛwa 8:35

Klɛ Flipo akpɛ kɛsi nɛ kɛdɔ nɛ gɛ akla denɔ Kpay keplukpa nɛ mɛ klɛ aɖɔ Kpaya kibui dzyɔgo nɛ denɔ Yesu shu etsre yɛ.

Axwɛwɛwa 8:5

Flipo ede tsoku Samaria ɔmagbla nɛm klɛ ede bu Kristo kibui nɛ aɖɔ nɛ ɔkɛlɛ.

Axwɛwɛwa 9:20

Tsɛɔ̃ ko Saolo agbla kpa Kpayɛbui nɛ ɖɔ nɛ oxogokɔ bevugbla nɛm asɛ Yesu yɛenu Kpaya yɛ Eyi.

Axwɛwɛwa 9:29

Aaɖɔ kaɖɔ klɛ ebu ebuim nɛ Griki Yuɖanɛ, pɔ baa pɛɛ kidzo sɛ tɛ be yi yɛ.

1 Kɔrintioanɛ 2:2

Alasɛ gɛ ɛza wunɔ bha, ɛbhɛtɛ sɛ tɛ ɛdzɛkɛ kibuinyɛbui ɔdɛ Yesu Kristo nɛ yɛ tɛkpɛkplasɔ.

Galatianɛ 2:11

Gɛ Petro aba Antiokɛ, ɛlɔ kititi nɛ yɛ shu nɛ yɛamɛ, alasɛ kɛlɛmɛ bhui wee sɛ abhɛtɛ kibui kpã.

Efesoanɛ 3:8

Kɛlɛ anasɛ enu ebhliyi dɛ Kpaya banɔ bhliyi, yɛ kɛdɔ kuku ba kɔ mɛ: sɛ tɛ ɛɖɔ kibui dzyɔgo nɛ kɔ bagɛ bedinu Yuɖanɛ Kristo kedziŋɛŋa gɛ ɔtɛ bɔ pɛɛɔ mɔ,