Axwɛwɛwa 10:42 - ONUGBÙ NYƐNYÃ VUVƆ

⁴² Akpɛ blɔ sɛ tɛ buɖɔ yɛ kibui nɛ tsre banɔ tɛ bu bu kasɛa lɛ sɛ yɛ enu anɔ nɛ gɛ Kpaya akɔ sɛ tɛ eklu kebhui nɛ baga lɛ nɛ ɛkpã anɛ be tsitsi.

Axwɛwɛwa 10:42 ပူးပေါင်းရင်းမြစ်များ

Luka 16:28

alasɛ badzya tieti ba lɛ mɛ ahwɛ. Kɔ yɛ akpɛ balɛ ɔshã, sɛ tɛ balɛ tsyɛ batɛ ba ba butɔ ɔzakɔ nɛ.’

Luka 22:22

Anɔdzyrame Yi aba shɛ̃ anasɛ gɛ ba kpɛ elu, pɔ butɔ kɔ anɔ nɛ gɛ aba yɛ kɔ yɛ akpɛahwɛ.”

Axwɛwɛwa 1:2

ɔkɔ dɔ nanɔ kiwi lɛ nɛ gɛ ba yɛkɔ yɛ avɛnɔ owũsise, nɛ kibe lɛ nɛ gɛ aɖɔ kɛxwɛ nɛ gɛ ba baa wa nɛ ganɔ Ɔfufɔɛ Dzyɔgo nɛa bha nɛ etsre yɛ banɔkpɛkpɛ gɛ eklu.

Axwɛwɛwa 1:8

Pɔ nɔ bɔ yɛkɛ kemi onu gɛ Ɔfufɔɛ Dzyɔgo nɛ ɔɔba wɔnɔa bha, klɛ no bo dzi mɛ bebuimɔɖɔ nɛ Yerusalɛm, klɛ nɛ Yuɖia petee anɛ Samaria, ɔyɛkɔ ɔdɔnanɔ kesukpa nɛ ibekekɔ.”

Axwɛwɛwa 17:31

Alasɛ atɛ trɔ kiwi nɔ nɛ gɛ ebe klu kebhui nɛ kanɔ nɛ kɛgbam ganɔ anɔ nɛ gɛ eti bu nɛa bha. Atɛ trɔ kɛklãgbu nɛ ebuia nɛa bha kɔ banɔ nyanɔ ganɔ yɛ tɛfifeke denɔ butsi mɛ.”

Axwɛwɛwa 24:25

Gɛ Paolo aɖɔ kaɖɔ denɔ tɛzɛzam dzyɔgo, ishua bhaŋɛŋa anɛ kebhui kuklu nɛ ga ba ba, Felikisi esi kifu klɛ aɖɔ asɛ, “Agɛ ɔɖɔa na bɔ gbɔ! Ɔbɔ shɛ faã. Kɛɛ ba dɔ kɔm tsyɛ, ɛba kpɛ anɔ nɛ wɔesi.”

Axwɛwɛwa 5:20

Axwɛdɛ nɛ etsrea lɛ asɛ, “Nɔ vɛ, nɔ dɔ za busɔlɛvu kɛma nɛm,” “tɛ nɔ dɔ ɖɔ ɛkpã vuvɔɛ nɛ kibui petee otsre banɔ.”

Romanɛ 2:16

Kibui nɛ ba ba kɛlɛm nɛ kiwi nɛa bha gɛ Kpaya ebe kuluebhui nɛ banɔ nɛ ebuikpukpu ganɔ Yesu Kristoa bha, anasɛ gɛ mɛ kibuidzyɔgo nɛ buɖɔ.

2 Kɔrintioanɛ 5:10

Alasɛ bulɔ petee bu ba wɔ̃ɛ nɛ Kristo kebhuikuklu kegbu nɛ amɛ, sɛ tɛ anɔ kanyaka aba yɛkɛ kɛgɛ lɛ kɔ yɛ kibelɛlɛ nɛ gɛ aza ishuidzya mɛ, kɛbadzi kɛdzyɔgo pɛnɔ kizizi.

2 Timotio 4:1

Nɛ Kpaya anɛ Kristo Yesu amɛ, bagɛ ebe kulu kebhui nɛ belulu anɛ betsitsi, klɛ nɛ yɛ tɛwɛwɛ̃ anɛ yɛ bukusiɔŋakɔ nɛ mɛ, ɛyɛkɔ ebuia nɛ kpɛ wɔahwɛ sɛ:

2 Timotio 4:8

Ɔtsɔ̃ nɛɛ tɛzɛzamnɛna kikutu nɛ lɛ kɛdɔ ɔbalakɔ kɔ mɛ, gɛ Apalete, ebhuiklu nɛna, nɛ aba yɛkɔ akɔ mɛ nɛ kiwi lɛ nɛa bha—klɛ ganɛ kɔ mɛ tite, pɔ kɔ banɔ nɛ petee gɛ bee di kidzoenu kɔ yɛ tɛwɛ̃wɛ̃ nɛ tsyɛ.

1 Petro 4:5

Pɔ ba be tɛ bushunu kɔ agɛ yɛ abala sɛ tɛ ɛklu kebhui nɛ belulu anɛ betsitsi.

Tɛbubukasɛ 1:7

Di! aaba nɛ ɔmunɔ, klɛ kɛwɔ̃hũ nyɛwɔ̃hũ ba mɔ yɛ, bagɛ ba shɔ yɛ dɔ nɛ tsyɛ, klɛ banɔ nɛ petee nɛ kesukpa nɛa bha nɛ ba za anhũdzɛdzam ɔkpɛ yɛ so. So kana kɛ ba za! Tɛlɛbɛlɛm.

Tɛbubukasɛ 22:12

“Di, ɛba kpataa! Mɛ kɛbhɛbubuya nɛ lɛ mɛahwɛ, klɛ ɛba kɔ anɔnyanɔ nɛ kɛbhɛtɛ nɛ gɛ abhɛtɛ nɛ nu.