Axwɛwɛwa 10:38 - ONUGBÙ NYƐNYÃ VUVƆ

³⁸ Kana gɛ Kpaya asrabɔ akɔ Yesu Nazarɛtɛ eyi nɛ Ɔfufɔɛ Dzyɔgo anɛ kemi, anɛ kɛkana nɛ gɛ aga ka na nɛ ebui dzyɔgo tɛbhɛbhɛtɛ nɛ bagɛ za ɛfufɔɛ kpãesi nɛ banya tɛbibeke, alasɛ Kpaya aza plɛnɔ yɛ.

Axwɛwɛwa 10:38 ပူးပေါင်းရင်းမြစ်များ

Mateo 12:15

Ansɛ gɛ kɛ lɛ tɛtiti mɛ kɔ yɛ, Yesu etsoekoeyi nɛ ɔklɛ. Banɔ gelee ba za yɛe de, klɛ ebeke balɛ banya,

Mateo 12:28

Pɔ onu gɛ mɛ ɛkɛka ɛfufɔɛkpã ganɔ Kpaya Ɔfufɔɛ nɛa bha, kɛlɛ alɛ Kpaya bukusiɔŋakɔ nɛ ɔba wɔnɔa bha naa lɛlɛ.

Mateo 9:19

Yesu alɔ klɛ aza anyɛ nɛe de avɛ, klɛ yɛ badɔkpasɛ nɛ tsyɛ atɔnɔ yɛ.

Mateo 9:35

Yesu aga ɛma anɛ ɛmabhli nɛ petee mɛ, aakasɛ dɔ nɛ ixogokɔevu nɛ mɛ, klɛ aaɖɔ kibui dzyɔgo nɛ edenɔ bukusiɔŋakɔ nɛ shu klɛ eebeke banyanyanya nɛ banɔ mɛ.

Marko 6:6

Kɛbhɛtɛ yɛ kibi sɛ yɛeletealɛ nɛɛ, tɛyɛyɛkɛŋa ma balɛ mɛ. Ɔkɛlɛ Yesu anyɔ akana anɛ yɛ kɛdɔkɛkasɛ denɔ ɛmabhli mɛ ɔvɛnɔ ɛmabhli mɛ.

Luka 3:22

klɛ Ɔfufɔɛ dzyɔgo nɛ ozhi ɔba yɛabha nɛ gɔgɔwi tɛzɛza mɛ. Klɛ olimɛ toli oyi denɔ owũsise sɛ: “Wɔ nu mɛ Eyianyɛ, gɛ ɛdɛmɛnɔ, nɛ wɔ shu same eku mɛ mɔmɔ.”

Luka 4:18

“Apalete nɛ Ɔfufɔɛ tsri mɛ abha, alasɛ abalɛ bubɔ nɛ mɛ abha tɛ aɖɔ ebui dzyɔgo kɔ betsutsukpɛ̃. Akpɛ mɛ asɛ ɛbaɖɔ ishu ahwɛzɛza bui kɔ bagɛ ba kpɛ buvu nɛ tɛ adanɛ awɔ̃hu kɔ awɔ̃hu pupu elete, tɛ ebu butɔ nɛ banɔ shu,

Luka 9:42

Gɛ anyɛnuvɔɛ aba tsyɛ, ɔfufɔɛ kpã nɛ lɔ zo vui ehuesi nɛ tɛnununɔ mɛ. Pɔ Yesu akpɛ ogugu nɛ ɔfufɔɛ kpã nɛabha, akɔ anyɛnuvɔɛ nɛ shu bhui klɛ etsodzi ayɛkɔ yɛ akɔ yɛ aka.

Luka 9:56

klɛ ba shɛ avɛ kɔxoe bhlatɔ mɛ.

Yohanɛsɛ 10:32

pɔ Yesu etsre alɛ sɛ, “Ɛbhɛtɛ ebuiyinɔanɔ gelee kasɛ nɔ denɔ Aka nɔ kɔ. Kiɖueɖu shu so gɛ nɔ hu mɛ aklãgbu?”

Yohanɛsɛ 16:32

“Pɔ kibe tili ba klɛ kɛ tɛ ba, gɛ nɔ bɔ pɔɛhle nɛ mɛ shu, anɔnyanɔ avɛ yɛ ɔma mɛ. Nɔ bɔ shɛ̃ lɔ mɛ Terikpo lu. Pɔ anɛ mɛ terikpo mɛ lɛ, alasɛ mɛ Aka alɛ mɔ bha.

Yohanɛsɛ 3:2

Aba Yesu ɔbha elishi teli klɛ aɖɔ sɛ, “Rabbi, bunyi sɛ wɔnu adɔkasɛ gɛ ede Kpaya kɔ. Alasɛ anɔnyanɔ atɛ bana ebuiyinɔanɔ kɛdɔmumɔ nɛ gɛ ɔbhɛtɛ nɛ abhɛtɛ, onugɛ Kpaya ama plɛnɔ yɛ.”

Yohanɛsɛ 3:34

Alasɛ anɔ nɛ gɛ Kpaya asɛsɛ aɖɔ Kpaya ebui, alasɛ Kpaya akɔ Ɔfufɔɛ gɛ lɔ tɛ beke.

Yohanɛsɛ 6:27

Nɔ tɔwa kɛxwɛ kɔ kɛŋɛŋa gɛ kɛ bazi, pɔ nɔ pɛɛ kɛdɔ ŋɛŋa gɛ kɛbakɔ ɛkpã mabeke gɛ Anɔdzyrame Yi aba kɔ nɔ. Nɛ yɛabha Aka Kpayɛa atrɔ ahwɛ.”

Axwɛwɛwa 10:37

Sɛ no nyi kɛdɔnɔ nɛ gɛ ba klɛm ganɔ Yuɖia, gɛ kɛkpɛe si nɛ Galelia anɛ buni kpɛkpɛ nɛ gɛ Yohanɛsɛ aɖɔ nɛede.

Axwɛwɛwa 2:22

“Izraɛlanɛ mɔ, nɔ tatɔ kibui nɛ, Yesu Nazarɛtɛ eyi nɛɛ edzi anɔ gɛ Kpaya ebu kɔnɔ ganɔ ebui gɛ abhɛtɛ bi mɛ, ebui yiyinɔanɔ nɛ kɛdɔmumɔm gɛ Kpaya abhɛtɛ nɛ wɔnɔɛ shi ganɔ yɛa bha, ansɛ gɛ wɔnɔ nahwɛ no nyi.

Hebriuanɛ 1:9

Ɔdɛmɛ kɛdɔ dzyɔgo bhɛbhɛtɛ klɛ ɔdɛpɛɛ kɛtɔkpu mɛ gɛganɛ, kɛlɛso Kpaya, wɔnɔ Kpaya, akɔ nɔ nɛ otugba same dɛ anɛ bubɔ sɛsra ɛnɔabha nɛ same mɛ,”

1 Petro 5:8

Nɔ nyɛnashu klɛ tɛ nɔ bala. Ɔfufɔɛkpã agɛ atapɛ wũnɔɛ bui ebe tsi kana anasɛ gɛ adzyata egu apɛ anɔ sɛ tɛ evu atã zia.

1 Yohanɛsɛ 2:20

Pɔ nɔ yɛkɛ bubɔ sɛsra denɔ Ishubhubhui Anɔ nɛ ɔkɔ, klɛ wũnɔ petee nɔ nyi kɛgbɛagba.

1 Yohanɛsɛ 3:8

Anɔ nɛ gɛ abhɛtɛ kibuizizi enu ɔfufɔɛkpã ayɛ, alasɛ ɔfufɔɛkpã nɛ lɔ bhɛtɛ kizizi denɔ kesikpɛkpɛ ke. Kibui nɛ so gɛ Kpaya yɛ Yi aba kɛlɛ nu sɛ tɛ ezi ɔfufɔɛkpã nɛ kɛxwɛwɛwa.