Axwɛwɛwa 10:37 - ONUGBÙ NYƐNYÃ VUVƆ

³⁷ Sɛ no nyi kɛdɔnɔ nɛ gɛ ba klɛm ganɔ Yuɖia, gɛ kɛkpɛe si nɛ Galelia anɛ buni kpɛkpɛ nɛ gɛ Yohanɛsɛ aɖɔ nɛede.

Axwɛwɛwa 10:37 ပူးပေါင်းရင်းမြစ်များ

Mateo 2:1

Kɛlɛede gɛ ba mɔ Yesu beke nɛ Betlehem anɛ Yuɖia, anɛ Ekusi Heroɖesɛ kibe, bebuiti teli be de kiwiɔyɛkɔ aba Yerusalɛm

Mateo 3:6

Be bu balɛ buzizi nɛ aɖɔ, klɛ akpɛ buni akɔa lɛ nɛ Yɔɖan Keni nɛm.

Luka 23:5

Pɔ ba za lɛabha sɛ, “ Akpɛ ebla nɛ banɔ petee gɛ balɛ Yuɖea shi ganɔ yɛ kɛdɔkɛkasɛ mɛ. Akpɛesi nɛ Galelia klɛ atɔnɛ dzo aba ɔkɛ̃ nɛ.”

Luka 4:14

Yesu etsodzi avɛ Galelia nɛ Ɔfufɔɛ nɛ kemi nɛ mɛ, klɛ ebui denɔ yɛ shu nɛ yi kana amadi petee mɛ.

Axwɛwɛwa 1:22

denɔ Yohanɛsɛ bunikpɛkpɛ nɛ kesikpɛkpɛ ɔbɔ nanɔ kibe lɛ gɛ ba yɛkɔ Yesu ashɛ̃nɔ nɛ bulɔ ɔbha. Kɛlɛ so alasɛ tɛ banɔa nɛ teli edzi ebuimɔɖɔ plɛnɔ lɔ nɛ yɛ tɛlulɔ denɔ bekpum nɛ shu.”

Axwɛwɛwa 10:36

Sɛ no nyi igbe nɛ gɛ Kpaya asɛsɛ Izraɛlanɛ, gɛ ba ɖɔ ishuyuyɔ kibui dzyɔgo nɛ aganɔ Yesu Kristoa bha, gɛ enu Apalete nɛ akɔ anɔnyanɔ.

Axwɛwɛwa 10:38

Kana gɛ Kpaya asrabɔ akɔ Yesu Nazarɛtɛ eyi nɛ Ɔfufɔɛ Dzyɔgo anɛ kemi, anɛ kɛkana nɛ gɛ aga ka na nɛ ebui dzyɔgo tɛbhɛbhɛtɛ nɛ bagɛ za ɛfufɔɛ kpãesi nɛ banya tɛbibeke, alasɛ Kpaya aza plɛnɔ yɛ.

Axwɛwɛwa 2:22

“Izraɛlanɛ mɔ, nɔ tatɔ kibui nɛ, Yesu Nazarɛtɛ eyi nɛɛ edzi anɔ gɛ Kpaya ebu kɔnɔ ganɔ ebui gɛ abhɛtɛ bi mɛ, ebui yiyinɔanɔ nɛ kɛdɔmumɔm gɛ Kpaya abhɛtɛ nɛ wɔnɔɛ shi ganɔ yɛa bha, ansɛ gɛ wɔnɔ nahwɛ no nyi.

Axwɛwɛwa 26:26

Ekusigbla nɛ enyi ebuia nɛ di mɔɔ mɔ, klɛ ɛba na kaɖɔ ɖɔ tsre yɛ bɔbɔɛ bɔɛ. Ɛyɛkɛŋa sɛ kɛkanyaka dɛ gba yɛ kide sɛ adɛ mɔ klɛ, alasɛ ganɛ okpukpukɔ la bhɛtɛ alɛ.

Axwɛwɛwa 28:22

Pɔ nɛɛ bu pɛ sɛ tɛ bu nu denɔ wɔkɔ kana gɛ wɔ kɛdɔmumɔ nɛ lɛ, alasɛ bu nyi sɛ banɔ nɛ ɔkɔnyɔkɔ naa ɖɔ kaɖɔ kpã nɛ ɔha nɛ shu.”