Axwɛwɛwa 10:22 - ONUGBÙ NYƐNYÃ VUVƆ

²² Banyɛ nɛ bu ishu nu sɛ, “Kɔnelius gɛ enu Italia keyuovulo aka nɛ ɔkɔ lɔ de. Enu anɔ dzyɔgo klɛ esi Kpaya kifu, klɛ Yuɖanɛ nɛ petee akɔ yɛ ɔzakɔ. Axwɛdɛ nɛna teli etsre yɛ asɛ akɔ wɔ ɔba yɛ bupa mɛ tɛ enu ebui nɔɔ nɛ gɛ alɛ wɔ ahwɛ pɛ ɔbɔ ɖɔ.”

Axwɛwɛwa 10:22 ပူးပေါင်းရင်းမြစ်များ

Mateo 1:19

Alasɛ Yosɛfu gɛ edzi Maria yɛenyine nɛ enu anɔ dzyɔgo so nɛɛ, adɛ pɛɛ sɛ tɛ akpɛ Maria kɛwɛ̃ so, atrɔ nɛ kɛtɔkpum asɛ aba shɛnahwɛ Maria shu kɛdzyɛɛ.

Mateo 2:12

Klɛ gɛ beti bu akasɛ alɛ nɛ bulɛla mɛ sɛ be tee tsodzi avɛ Heroɖesɛ ɔkɔ so, ba da ga kidzo bhlatɔ avɛ balɛe pi.

Marko 6:20

alasɛ Heroɖesɛ eesi Yohanɛsɛ kifu, so nɛ akpɛ buka akpɛ yɛ, gɛ enyi yɛ asɛ anɔnɛna klɛ yɛshu bhui. Onu gɛ Heroɖesɛ enu Yohanɛsɛ ebuiɖuɖɔ nɛ eshuku, tsyɛ apɛ asɛ tɛ ezee nu yɛ ebui.

Marko 8:38

Onu gɛ mɛ anɛ kibui nɛ ba ku anɔ teli kɛwɛ̃, nɛ aglɔbui anɛ buzizi kanɔa nɛ mɛ, klɛ anɔɔ nɛ tsyɛ ebe ku Anɔdzyrame yɛ Eyi nɛ kɛwɛ̃ onu gɛ ebe ku nɛ yɛ Aka nɛ kabhakpɛkpɛ mɛ ɔplɛnɔ kpayaxwɛdɛ nɛ gɛ balɛ shu bhui.”

Luka 2:25

Ɔtsɔnɛ anyɛ tɛli aza Yerusalem gɛ be klu asɛ Simeon, gɛ yɛ shu bhui klɛ aza gɛganɛ nɛ busɔlɛ mɛ. Epo agɛ aba yɔ dzyi kɔ Izraɛlanɛ, klɛ Ɔfufɔɛ dzyɔgo nɛ otsri yɛabha.

Luka 23:50

Ɔtsɔ̃ nɛ anyɛ teli gɛ be klu sɛ Yosɛfu, enu Bamani teli, adzyɔgo klɛ yɛ shu bhui,

Luka 9:26

Onugɛ anɔ teli kɛwɔɛ̃ ku yɛ nɛ mɛ nɛ̀ mɛ ebui, Anɔdzyrame yɛ Eyi ebe si yɛ wɔɛ̃ kibe lɛ gɛ aba nɛ yɛ kabhakpɛkpɛ anɛ Aka nɛ̀ kabhakpɛkpɛ anɛ baxwɛdɛnɛ gɛ balɛ shu bhui.

Yohanɛsɛ 13:20

Itsre nɔ gbɛagba sɛ, anɔ nɛ gɛ ayɛkɛ anɔnyanɔ gɛ ɛkpɛ, ayɛkɛ mɛ, klɛ anɔ nɛ gɛ ayɛkɛ mɛ, ayɛkɛ agɛ akpɛ mɛ.”

Yohanɛsɛ 17:20

“Mɛ kpayakuklu edi nu kɔ ba lɛ tite ko. Iklukpaya kɔ bagɛ ba ba yɛkɛ mɛabhaŋa ganɔ ba lɛ ebui ɖɛɖɔ tsyɛ abha,

Yohanɛsɛ 17:8

Alasɛ ɛkɔ alɛ ebui gɛ ɔkɔ mɛ klɛ ba yɛkɛ alɛ. Be nyi nɛ kɛgbɛagba sɛ ɛde wɔ kɔ klɛ ba yɛkɛŋa sɛ wɔ kpɛ mɛ

Yohanɛsɛ 5:24

“Itsre nɔ kɛgbɛagba, ànɔ nɛ gɛ enu mɛ ebui klɛ ayɛkɛ agɛ akpɛ mɛ nɛabha ŋa ɛkpã mabeke lɛ yɛ ahwɛ klɛ beti be bhui kɛpɔ akɔ yɛ, adɔfla butsi avɛ ɛkpãmɛ.

Yohanɛsɛ 6:63

Ɔfufɔɛ nɛ ɔkɔ kpã, ishuidzya kɛ dɛ nu kɛdɔnyɛdɔ. Ebui nɛ gɛ ɛɖɔ tsre nɔ le nu ɔfufɔɛ klɛ le nu ɛkpã.

Yohanɛsɛ 6:68

Simɔn Petro ebulɛnu akɔ yɛ asɛ, “Apalete, ane yɛ ɔkɔ bu ba vɛ? Wɔ ahwɛ ɛkpã mabekemabeke ebui na lɛ.

Axwɛwɛwa 10:2

Yɛ anɛ yɛeshopoalɛ nɛ petee be dzi banɔ gɛ bayɛkɔ ishu akɔ klɛ be si Kpaya; akɔ banɔ kɛdɔ nɛ ɛyamyuyɔ banɔ bagɛ alasɛ ba kɔɛ dɔ klɛ bee klu Kpaya kibenyɛbe.

Axwɛwɛwa 10:21

Petro ezhi avɛ klɛ ede tsre banyɛ na sɛ, “Mɛ nu anɔ nɛ gɛ nɔ pɛɛ. Kibui ɖueɖu nɔ mɛna mɛ ɔkɔ?”

Axwɛwɛwa 10:30

Kɔneliusɛ ebui lɛ nu asɛ: “Nɛ ewi talɛ̃ gɛ aba fla nɛ mɛ ɛza mɛ bupa mɛ ɛklukpaya nɛ kemuze ɛɖa tɛtam. Ɔkɛlɛ ko ɛmɔ anyɛ teli gɛ enyumu kɛdɔ fufu gɛ kɛta shiãshiã

Axwɛwɛwa 10:33

Klɛ so pɛ ɛkpɛ anɔ nɛ wɔesi kɛkpɛ tili, klɛ kɛpɛ sɛ ɔba. Ɔtsɔ̃ nɛɛ blɔ petee li Kpaya amɛ nɛ ɛkɛ sɛ tɛ bu tatɔ nɛ kibui nyɛbui gɛ Apalete nɛ ayɛkɔ kpɛ wɔ ahwɛ sɛ otsre lɔ.”

Axwɛwɛwa 10:6

Alɛ Simɔnɛ nɛ gɛ abhɛtɛ buzaplukpa nɛ ɔkɔ, gɛ yɛ bupa nɛ lɛ aƒu nɛ shu.”

Axwɛwɛwa 11:14

Aba mɛna wɔ ɔklasɔ toli gɛ ganɔ ɔlɛa bha wɔ anɛ wɔ pamɛ elete nɛ petee nɔ bɔ mɔ tɛbubu.’

Axwɛwɛwa 22:12

“Anyɛ teli gɛ be klua sɛ Ananias aba klɛ aba mɔ mɛ. Enu anyɛ teli gɛ ayɛkɔ ishu akɔ ɔshã klɛ Yuɖaeyi kanyaka akɔ yɛ amɛ nɛ ɔkɛlɛ.

Axwɛwɛwa 24:15

klɛ kabha yɛyɛkɛŋa lɛ mɛ ahwɛ nɛ Kpayam anasɛ banɔa nɛ, sɛ tɛlulɔ ba za kɔ banɔ dzyɔgo anɛ atɔkpum gɛganɛ elete.

Axwɛwɛwa 6:3

Badzya mɔ, nɔ bu banɔ tiegene denɔ wɔnɔm gɛ benu banɔ gɛ be yuku nɛ Ɔfufɔɛ anɛ kibuititi. Bu ba yɛkɔ kɛdɔŋɛŋa mɛma nɛ kpɛ balɛ ahwɛ

Romanɛ 1:17

Alasɛ nɛ kibuidzyɔgo nɛ mɛ tɛzɛzam dzyɔgo denɔ Kpaya ɔkɔ nɛ bu kasɛ, tɛzɛzamdzyɔgo gɛ ganɔ tɛyɛyɛkɛŋam denɔ kesikpɛkpɛ ɔvɛnɔ obekekɔ, ansɛ gɛ kɛ ŋlɔmɛ li sɛ: “Anɔnɛna aba za ganɔ tɛyɛykɛŋam.”

2 Kɔrintioanɛ 5:18

Anɛ petee de Kpaya kɔ, yɛ abhɛtɛ terikpo nɛ lɔ aganɔ Kristo abha klɛ akɔ lɔ kɛxwɛwɛwa nɛ terikpobhɛbhɛtɛ shu,

1 Timotio 3:7

Edzi anɔ gɛ kishopo dzyɔgo kpasɛ yɛ nɛ baga lɛ odubha nɛ shi, sɛ tɛ atɛ ba wɔlɛ eku busukpa mɛ anɛ ɔfufɔɛkpã nɛ kɛgba mɛ.

Hebriuanɛ 10:38

Pɔ mɛ anɔnɛna aba za nɛ ɛkpã ganɔ tɛyɛyɛkɛŋa abha. Klɛ onugɛ etsodzi ɔvɛ kede, same etibeku mɛ nɛ yɛ.”

Hebriuanɛ 11:2

Kɛnɛ kɛlɛ shu la ɖɔ kaɖɔ dzyɔgo nɛ bakakuku nɛ shu akɔ.

Hebriuanɛ 12:23

kɔ beyi tɛtɔpu busɔlɛɔha, gɛ balɛ enyi ba ŋlɔmɛ lu owũsise. Nɔ ba Kpaya kɔ, gɛ enu ebhuiklu kɔ banɔ petee, kɔ banɔ dzyɔgo nɛ ɔfufɔɛ gɛ bana,

2 Petro 3:2

Ɛpɛɛ sɛ tɛ nɔ baka ebui nɛ gɛ batɔnu bhubhui naɖɔ bafla nɛ̀ ɛshã gɛ bulɔ Apalete anɛ̀ Ayɛyɛkɛkɔ aganɔ wunɔ banɔkpɛkpɛ nɛabha.

3 Yohanɛsɛ 1:12

Anɔnyanɔ aɖɔaɖɔ dzyɔgo nɛ Demetrio shu-klɛ kibuigbɛagba nahwɛ tsyɛ ɖɔ. Bulɔ tsyɛ bu ɖɔ yɛ bui dzyɔgo, klɛ no nyi sɛ bulɔ kibuiɖuɖɔ denɔ yɛ shu kinu kɛgbɛagba.

Tɛbubukasɛ 14:10

yɛ tsyɛ, aba wɛ̃ Kpaya oblo mɛ bulu, gɛ ba balɛ gɛganɛɛ akpɛ butɔ kantse nɛ mɛ. Ba ba kpɛ yɛ butɔ nɛ kɛklãgbuifu tɛtã mɛ nɛ kpayaxwɛdɛ nɛ gɛ balɛ shu bhui anɛ Obhoshieyi nɛ amɛ.