2 Timotio 4:8 - ONUGBÙ NYƐNYÃ VUVƆ

⁸ Ɔtsɔ̃ nɛɛ tɛzɛzamnɛna kikutu nɛ lɛ kɛdɔ ɔbalakɔ kɔ mɛ, gɛ Apalete, ebhuiklu nɛna, nɛ aba yɛkɔ akɔ mɛ nɛ kiwi lɛ nɛa bha—klɛ ganɛ kɔ mɛ tite, pɔ kɔ banɔ nɛ petee gɛ bee di kidzoenu kɔ yɛ tɛwɛ̃wɛ̃ nɛ tsyɛ.

2 Timotio 4:8 ပူးပေါင်းရင်းမြစ်များ

Mateo 24:36

“Anɔnyanɔ eti nyi kiwi nɔɔ pɛ ɔdɔgɔsɛ ɔɖɔ nɛ mɛ, baxwɛdɛ nɛ owũsise tsyɛ ti nyi, Kpaya yɛ Eyi nɛ tsyɛ eti nyi, Aka nɛ owũsise nɛ ko yɛe nyi.

Mateo 7:22

Bee gelee aba ɖɔ etsre mɛ nɛ kiwi lɛ nɛa bha sɛ, ‘Apalete, Apalete ganɛ wɔɛ nyi mɛ lɔɔ ɖɔ ebui lu, klɛ lɔ kɛka ɛfufɔɛkpã bu klɛ bu bhɛtɛ ebui gɛ eyinɔ anɔ gelee?’

Luka 10:12

Itsre nɔ sɛ, kɛ baza bubɔɛ nɛ́ kiwui lɛlɛ nɛabha kɔ Sodom dɛ ɔma lɛlɛ.

Romanɛ 2:5

Pɔ akpɛ wɔ batɔ matamata nɛ wɔ kitem matsyina matsyina idzyi nɛ so, oxogo batɔtɛtɛta kɔ ishu kɔ Kpaya batɔtɛtɛta wi, nɛ gɛ be be bu yɛ kebhui kuklu dzyɔgo nɛ akasɛ.

Romanɛ 8:23

Ganɛ kana tite ko, pɔ bulɔ nahwɛ, nɛ gɛ Ɔfufɔɛ nɛ eyuyu tutɔpu nɛ alɛ lɔ ahwɛ, bu nimi nɛ kɛmɛ flogo pɛ bu dzi po gɛganɛɛ bulɔ tɛyɛyɛkɔ dzi ansɛ beyi, kɔ bulɔ ishuidzya nɛ tɛbubu.

1 Kɔrintioanɛ 2:9

Pɔ, anasɛ gɛ ba ŋlɔmɛ lu: “Kɛwɔ̃hu kanyaka dɛ mɔ, batɔ kanyaka dɛ nu, kɛdɛ ba anɔnyanɔ kɛtɔkpui mɛ kɛ gɛ Kpaya abhɛtɛ elu kɔ ba gɛ ba dɛmɛnɔ nɛ yɛ”—

1 Kɔrintioanɛ 3:13

yɛ kɛxwɛ nɛ ba kasɛ kɛdɔnɔ gɛ kɛ nu, alasɛ Kiwui nɛ ba bui lɛ yinɔ. Be be bui lɛ akasɛ nɛ kifu, klɛ kifu ba feke anɔnyanɔ kɛxwɛ nɛ tɛpɛpɛ̃ mɛ edi.

1 Kɔrintioanɛ 9:25

Anɔnyanɔ gɛ awlãkɛu nɛ buwɔfu nɛ mɛ etsoku tɛkpɛkpasɛ gɛganɛ mɛ. Ba bhɛtɛ lɛ asɛ tɛ ba yɛkɛ kabhaŋɛŋa kɛkutu gɛ kɛ tɛ baza gelee, pɔ bulɔ bubhɛtɛ sɛ tɛ bu yɛkɛ kabhaŋɛŋa kɛkutu gɛ kɛbaza ɔvɛnɔ mabekɛ mɛ.

2 Kɔrintioanɛ 5:2

Nɛlɛmɛ bu guhuũ, bu pɛɛ sɛ tɛ ba be nyumu owũsise mɛ zɛza kɔ lɔ,

Filipianɛ 3:11

klɛ so, kɛlɛmɛ sɛ, tɛ ɛbamɔ tɛnyɛnyɛmɛ denɔ bekpui mɛ.

Koloseanɛ 1:5

tɛyɛyɛkɛŋa anɛ̀ tɛdɛdɛmɛnɔ gɛ ki koeyi denɔ kidzoenudidi gɛ ba bala lu kɔ nɔ nɛ owũsise klɛ kɛ lɛ sɛ wɔnɔ no ti nu kibuigba nɛ dɔ, gɛ nu kibui dzyɔgo

1 Tɛsolonianɛ 1:10

tɛ no po Yɛeyi nɛ gɛ ede owũsise, gɛ anyɛmɛ edenɔ bekpu mɛ—Yesu, nɛ gɛ ebe bu lɔ edenɔ obulo nɛ gɛ ɔba nɛ mɛ.

1 Tɛsolonianɛ 5:4

Pɔ wɔnɔ, badzya mɔ, nɔ ma otumu mɛ sɛ tɛ kiwi nɛ ba yinɔ nɔ ansɛ ezi.

2 Tɛsolonianɛ 2:8

Klɛ ɔkɛlɛ flogo pɛ be be bu agɛ ama ɔshã mɛ nɛ akasɛ, agɛ yɛ Apalete Yesu nɛ aba tsɛ atɛ̃ nɛ yɛ onugbu mɛ ɔfufɔɛ klɛ yɛ tɛbɛba anɛ yɛ tɛpupudi nɛ ba zi yɛ.

1 Timotio 6:19

Ganɔ kidzoe nɛa bha la ba bala kɛdɔ kɔshu ansɛ kesikpɛkpɛ gɛganɛ kɔ kibe nɛ gɛ ba, sɛ tɛ ɛkpã nɛ gɛ nu ɛkpã gbɛagba nɛ ku balɛ ahwɛ.

2 Timotio 1:10

pɔ ɔtsɔ̃, be be bu kɛlɛ akasɛ ganɔ Ayɛyɛkɛkɔlɔ, Kristo Yesu tɛwɛ̃wɛ̃ nɛ mɛ, gɛ ebe zi butsi klɛ ayɛkɔ ɛkpã anɛ matsimatsi amɛna ɔtɔ ganɔ kibuidzyɔgo nɛ mɛ.

2 Timotio 1:12

Kɛlɛ so pɛ ɛɛtɔ ansɛ gɛ ɛlɛ. Tsyɛ kɛwɛ̃ tɛɛ ku mɛ, alasɛ inyi aanɔ nɛa bha gɛ ɛyɛkɛŋa, klɛ kixui mɛ sɛ aba na kɛgɛ ɛyɛkɔ kpɛ yɛahwɛ nɛ bunyɛna kɔ kiwi lɛlɛ.

2 Timotio 1:18

Kɔ Apalete nɛ atrɔ ahwɛ sɛ tɛ amɔ eshutukubui didi edenɔ Apalete nɛ ɔkɔ nɛ kiwi lɛlɛ nɛa bha! Onyi mɔmɔ edzo tashɛ̃ nɔɔ nɛa bha gɛ aplɛnɔ mɛ nɛ Efesosɛ.

2 Timotio 2:5

Kana tsyɛ, onu gɛ anɔ teli enu anɔ gɛ awlãnkɛ ansɛ anɔ gɛ akpɛsi, atɛ yɛkɛ kabhaŋɛŋa kikutu gɛ odinu sɛ awlãnkɛ nɛ ɛshã nɛ gɛ be lu nɛ nu.

2 Timotio 4:1

Nɛ Kpaya anɛ Kristo Yesu amɛ, bagɛ ebe kulu kebhui nɛ belulu anɛ betsitsi, klɛ nɛ yɛ tɛwɛwɛ̃ anɛ yɛ bukusiɔŋakɔ nɛ mɛ, ɛyɛkɔ ebuia nɛ kpɛ wɔahwɛ sɛ:

Titusɛ 2:13

nɛ kibe lɛ gɛ bu dzi zi po kidzoenudidi yuyula, nɛ bulɔ Kpaya gbla anɛ Yesu Kristo Agɛ ayɛkɛ kɔ lɔ, nɛ tɛwɛwɛ̃,

Hebriuanɛ 12:11

Butɔ tɛtɛta budu nu kɛdɔ gɛ kiku same nɛ kibelɛlɛ nɛ mɛ, pɔ kinu kɛdɔ gɛ kɛpuɛ. Kɛlɛede, nɛlɛmɛ ba babhɛtɛ ishubhubhui anɛ ishuyuyɔ kɔ bagɛ bayɛkɛ batɔ tɛta.

Hebriuanɛ 9:28

so Kristo akɔ yɛ be yi yɛ bu yi trukpo sɛ tɛ ebu banɔ gelee ebuizizi nalɛ shu, klɛ azia ba bubhla, ganɛ sɛ tɛ aba bhɛtɛ kibuinyɛbui denɔ ebuizizi shu, pɔ amɛna ishu bhubhuiyɛkɛ kɔ bagɛ be po yɛ.

Yakobo 1:12

Ba yula anɔ nɛ gɛ akpɛemi nɛ yɛ tɛfifekedi mɛ, alasɛ onu gɛ ana kɛlɛ nu za nɛɛ, aba yɛkɛ ɛkpã kikutu nɛ gɛ Kpaya aɖɔ asɛ aba kɔ bagɛ ba ɖɔ yɛ.

1 Petro 1:4

klɛ bu di otugba kɔ kededɔŋɛŋa gɛ kɛtɛ ba tsi, kɛtɛbazi, pɛnɔ kɛbakpã—gɛ babala lu kɔ nɔ nɛ owũsise,

1 Petro 5:4

Klɛ kibenɔ gɛ Agbɛgbanɔ Ekusi ebe koɛyi, nɔ bɔ yɛ kɛ kabhaŋɛŋa kikutu gɛ kɛtɛ ba klo.

Tɛbubukasɛ 1:7

Di! aaba nɛ ɔmunɔ, klɛ kɛwɔ̃hũ nyɛwɔ̃hũ ba mɔ yɛ, bagɛ ba shɔ yɛ dɔ nɛ tsyɛ, klɛ banɔ nɛ petee nɛ kesukpa nɛa bha nɛ ba za anhũdzɛdzam ɔkpɛ yɛ so. So kana kɛ ba za! Tɛlɛbɛlɛm.

Tɛbubukasɛ 19:11

Ɛmɔ owũsise gɛ ɔdanɛ oli klɛ nɛ mɛ amɛ ɛsɔ fufu eli, gɛ agɛ etsri yɛa bha be kulua sɛ Tɛyɛyɛkɛŋa anɛ Kɛgba. Plɛnɔ tɛnɛna mɛ ekluebhui klɛ ata keyu.

Tɛbubukasɛ 2:10

Ti si kifu nɛ butɔ nɛ gɛ ɔbɔ mɔ. Itsre wɔ, ɔfufɔɛkpã nɛ ɔbɔ yɛkɔ wɔnɔ beteli ɔkpɛ buvu sɛ tɛ lo feke nɔ odi, klɛ nɔ bɔ tɔ nɛ tɛkpɛkpatɔnɔ mɛ nɛ ewi lɔfɔ mɛ. Nɔ za tɛyɛyɛkɛŋa mɛ, ɔyɛkɔ ɔdɔ nanɔ butsi fãa, klɛ mɛ ba kɔ wɔ ɛkpã kabhaŋɛŋa kikutu.

Tɛbubukasɛ 22:20

Anɔ nɛ gɛ amɔaɖɔ nɛ ebuia nɛ shu nɛ aɖɔ sɛ, “Ee, Ɛba kpataa.” Tɛlɛbɛlɛm. Ba Apalete Yesu.

Tɛbubukasɛ 4:10

banɔ shishe afɛtabha anɛ tɛalɛ̃ nɛ awɔlɛ adɔ nɛ yɛamɛ gɛ edzi bukusiegbu nɛa bha, klɛ ba kpɛ kɛtɔkpuesi kɔ agɛ alɛ mabeke mabeke. Ba yɛkɔ balɛ bukusiekutu nɛ elu bukusiegbu nɛ amɛ klɛ la ɖɔ sɛ:

Tɛbubukasɛ 4:4

Bukusigbu afɛtabha nɛ tɔlɛ̃ bhlatɔ kana tierikpoa lɛ nɛ atsya, klɛ nɛ bulɛa bha banɔ shishe afɛtabha nɛ tɛalɛ̃ be zhedzi. Ba kpasɛ bawi fufum klɛ sɛkadzɛdzã bukusiekutu etsri balɛ ada mɛ.