2 Timotio 4:1 - ONUGBÙ NYƐNYÃ VUVƆ

¹ Nɛ Kpaya anɛ Kristo Yesu amɛ, bagɛ ebe kulu kebhui nɛ belulu anɛ betsitsi, klɛ nɛ yɛ tɛwɛwɛ̃ anɛ yɛ bukusiɔŋakɔ nɛ mɛ, ɛyɛkɔ ebuia nɛ kpɛ wɔahwɛ sɛ:

2 Timotio 4:1 ပူးပေါင်းရင်းမြစ်များ

Mateo 16:27

Alasɛ Anɔdzyrame yɛ Eyi nɛ aba ba nɛ Yaka ishu bhubhui mɛ nɛ yɛ baxwɛdɛ, klɛ aba buya kɛbhɛ kɔ anɔnyanɔ nɛ kana gɛ awa kɛxwɛ nɛ nu.

Luka 19:12

Aɖɔse, “Anɔgli teli avɛ odzidzɛkɔ ma toli mɛ sɛ tɛ ada ŋa bukusi tɛ etsodzi aba.

Luka 19:15

Pɔ be dzu yɛ bukusi nɛ flogo pɛ etsodzi aba kepi. Klɛ ebe klu banɔ nɛ gɛ akɔ kɔba sɛ tɛ be be tsre yɛ kɛwa nɛ gɛ bawa kɔba nɛ shuɛxwɛ.

Luka 23:42

Klɛ aɖɔ sɛ, “Yesu, baka mɛ bui kibenɔ nɛ gɛ odoku wɔ bukusiɔŋakɔ.”

Axwɛwɛwa 10:42

Akpɛ blɔ sɛ tɛ buɖɔ yɛ kibui nɛ tsre banɔ tɛ bu bu kasɛa lɛ sɛ yɛ enu anɔ nɛ gɛ Kpaya akɔ sɛ tɛ eklu kebhui nɛ baga lɛ nɛ ɛkpã anɛ be tsitsi.

Axwɛwɛwa 17:31

Alasɛ atɛ trɔ kiwi nɔ nɛ gɛ ebe klu kebhui nɛ kanɔ nɛ kɛgbam ganɔ anɔ nɛ gɛ eti bu nɛa bha. Atɛ trɔ kɛklãgbu nɛ ebuia nɛa bha kɔ banɔ nyanɔ ganɔ yɛ tɛfifeke denɔ butsi mɛ.”

Romanɛ 2:16

Kibui nɛ ba ba kɛlɛm nɛ kiwi nɛa bha gɛ Kpaya ebe kuluebhui nɛ banɔ nɛ ebuikpukpu ganɔ Yesu Kristoa bha, anasɛ gɛ mɛ kibuidzyɔgo nɛ buɖɔ.

Koloseanɛ 3:4

Gɛ Kristo, agɛ enu ɛkpã abe koeyi, kɛlɛ wɔnɔ tsyɛ no bo koeyi nɛ̀ yɛ nɛ tɛbhubhui mɛ.

2 Tɛsolonianɛ 2:8

Klɛ ɔkɛlɛ flogo pɛ be be bu agɛ ama ɔshã mɛ nɛ akasɛ, agɛ yɛ Apalete Yesu nɛ aba tsɛ atɛ̃ nɛ yɛ onugbu mɛ ɔfufɔɛ klɛ yɛ tɛbɛba anɛ yɛ tɛpupudi nɛ ba zi yɛ.

1 Timotio 5:21

Ibisi denɔ wɔnɔ ahwɛ mɛ, nɛ Kpaya anɛ Kristo Yesu anɛ kpayaxwɛdɛ nɛ gɛ be bu nɛ amɛ, sɛ nɔ nyɛna ebuia nɛ kɛdɔkɛkasɛ nɛ mɛ ovunɔ anɔamɛ madi madi, klɛ nɔ tɛ bhɛtɛ kibuinyɛbui ganɔ anɔɖuɖɔdɛ mɛ.

2 Timotio 1:10

pɔ ɔtsɔ̃, be be bu kɛlɛ akasɛ ganɔ Ayɛyɛkɛkɔlɔ, Kristo Yesu tɛwɛ̃wɛ̃ nɛ mɛ, gɛ ebe zi butsi klɛ ayɛkɔ ɛkpã anɛ matsimatsi amɛna ɔtɔ ganɔ kibuidzyɔgo nɛ mɛ.

2 Timotio 2:14

Zɔ baka lɛ ebuia. Tsrenɔ balɛ nɛ Kpaya amɛ nɛ eblapɛpɛ denɔ ebuiɖɔɖuɖɔ shu; kedziŋɛŋa kanyaka ma kɛlɛ shu, klɛ bu zi ko kɛ ba zi dɔ nɛ bagɛ enu kɛlɛ nɛ shu.

2 Timotio 4:18

Apalete nɛ ebe bu mɛ nɛ kititilulɔ tsutsɔmɔ kanyakaɛ di mɛ klɛ aba gbanɔ mɛ amɛna fuflɔ̃fuflɔ̃ aba kpɛ yɛ owũsise bukusɔŋakɔ nɛ mɛ. Ishubhubhui lɛ kɔ yɛ denɔ ɔtsɔ nɛ ɔyɛkɔ vɛnɔ. Tɛlɛbɛlɛm.

2 Timotio 4:8

Ɔtsɔ̃ nɛɛ tɛzɛzamnɛna kikutu nɛ lɛ kɛdɔ ɔbalakɔ kɔ mɛ, gɛ Apalete, ebhuiklu nɛna, nɛ aba yɛkɔ akɔ mɛ nɛ kiwi lɛ nɛa bha—klɛ ganɛ kɔ mɛ tite, pɔ kɔ banɔ nɛ petee gɛ bee di kidzoenu kɔ yɛ tɛwɛ̃wɛ̃ nɛ tsyɛ.

Titusɛ 2:13

nɛ kibe lɛ gɛ bu dzi zi po kidzoenudidi yuyula, nɛ bulɔ Kpaya gbla anɛ Yesu Kristo Agɛ ayɛkɛ kɔ lɔ, nɛ tɛwɛwɛ̃,

1 Petro 1:7

Anɛ na ba sɛ tɛ wũnɔ tɛyɛyɛkɛŋa—kɛŋaɛdzi gbɛgbladɛ kɔba dzɛdzã, gɛ etsi nɛlɛmɛ sɛ ba yɛ kɔ kifu eŋuse lɛ nɔ—gɛ kɛbakasɛ sɛ kɛnu kɛdzyɔgo klɛ kɛbakɔ tɛkpɛkpɛabha, samɛ kpɛkpɛ anɛ tɛfifeke kabhakpɛkpɛ kɛbelɛlɛ gɛ Yesu Kristo aba ba.

1 Petro 4:5

Pɔ ba be tɛ bushunu kɔ agɛ yɛ abala sɛ tɛ ɛklu kebhui nɛ belulu anɛ betsitsi.

1 Petro 5:4

Klɛ kibenɔ gɛ Agbɛgbanɔ Ekusi ebe koɛyi, nɔ bɔ yɛ kɛ kabhaŋɛŋa kikutu gɛ kɛtɛ ba klo.

2 Petro 1:11

klɛ nɔ bɔ yɛkɛ kedziŋɛŋa tɛyɛyɛkɛ ɔkpɛ bukusiɔŋakɔ mabekemabeke nɛ́ bulɔ Apalete anɛ Yesu Kristo gɛ ebhulɔayɛkɛ.

2 Petro 1:17

Alasɛ ayɛkɛ kabhaŋɛŋa anɛ tɛbhubhui denɔ Aka Kpaya kɔ nɛ kibelɛlɛ gɛ kaɖɔɖuɖɔ nɛ aba kɔ yɛ denɔ Kabhakpɛkpɛ Gbɛgbladɛ ɔkɔ, kaɖɔ sɛ, “Ye nu mɛ Eyianyɛ, gɛ ɛdɛmɛnɔ, nɛ yɛ ɛpɛɛ yɛ bui mɔmɔ.”

1 Yohanɛsɛ 2:28

Klɛ ɔtsyɔnɛ, banuvɔ mumɔa, nɔ za kɛlɛa bha nɛ yɛ mɛ, sɛ tɛ kibenɔ gɛ abe koeyi idzyi aba za bulɔ mɛ klɛ tɛ kɛwɔɛ̃ tɛku lɔ nɛ yɛ amɛ nɛ́ yɛ tɛbɛba mɛ.

Tɛbubukasɛ 1:7

Di! aaba nɛ ɔmunɔ, klɛ kɛwɔ̃hũ nyɛwɔ̃hũ ba mɔ yɛ, bagɛ ba shɔ yɛ dɔ nɛ tsyɛ, klɛ banɔ nɛ petee nɛ kesukpa nɛa bha nɛ ba za anhũdzɛdzam ɔkpɛ yɛ so. So kana kɛ ba za! Tɛlɛbɛlɛm.