2 Timotio 3:8 - ONUGBÙ NYƐNYÃ VUVƆ

⁸ Anasɛ gɛ Yanɛsɛ anɛ Yambrɛsɛ ba lɔ kititi nɛ Mose shu, kana tsyɛ banɔa nɛ balɔ kititi nɛ kɛgba nɛ shu—be nu banɔ gɛ atɔkpu mɛ adɛ na kɔa lɛ, gɛ, nɛ tɛyɛyɛkɛŋa nɛ nu, be ti bua lɛ atɛ̃.

2 Timotio 3:8 ပူးပေါင်းရင်းမြစ်များ

Tɛbubukasɛ 2:20

Pɔ, kibui lɛ mɛ ahwɛ nɛ wɔ: Adzɛ alɛlɛ Yezebɛl ɔkɔ yɛ amɛ, gɛ ekulu shu as enu adzɛ atɔnu. Ganɔ yɛ kɛdɔkɛkasɛ nɛ nu agbanɔ mɛ baxwɛdɛ ada kpɛ azhuzhɔlɛbui bhɛbhɛtɛ mɛ anɛ ibuidi dɔŋɛŋa mɛ.

1 Timotio 6:5

anɛ ebui tsɛtsrakɛ kibenyɛbe nɛ banɔ atɔkpum zizi elete, gɛ ba nyɛna kɛgba nɛ ezuru nɛ balɛ ahwɛ klɛ ba bhɛtɛ kɛtɔkpum sɛ kpayamzɛza nɛ enu kidzoenu kɔ ehoeyi dɔ mumɔ.

Titusɛ 1:16

Bee bu aɖɔa sɛ be nyi Kpaya, pɔ ganɔ balɛ ebui bhɛbhɛtɛ nɛ mɛ ba dɛ yɛkɛ yɛ. Be nu banɔ gɛ ba kpalɛɔha, ba ta taa tɔ klɛ ba dɛ na kɔ kibui dzyɔgo kanyaka tɛbhɛbhɛtɛ.

1 Yohanɛsɛ 4:1

Ɛbhɛalɛ mumɔa, nɔ tɛ yɛkɛ ɛfufɔɛ ɛkanyaka abhaŋa, pɔ feke ɛfufɔɛ nɛ odi tɛ nɔ mɔ sɛ lɛ de Kpaya kɔ, alasɛ itro batɔnu gelee ba tɛ ga ekoeyi etsoku kanɔ nɛ mɛ.

2 Petro 2:14

Balɛ aŋɔhu yuku nɛ aglɔbui, ba dɛ zukɔlɔ ebuikpã bhɛbhɛtɛ, ba wɔɛ bagɛ bebotso akpɛ kɛgba mɛ, benyi kɛdɔ gbɛgbla pɛpɛɛ—ba ɖɔ kibuikpã akpɛ alɛ!

2 Timotio 4:15

Wɔ tsyɛ luawɔ̃ nɛ yɛ shu, alasɛ alɔɛ titi gɛganɛɛ nɛ bulɔ kibui nɛ shu.

Efesoanɛ 4:14

Kɛlɛ bu tɛa dzi banɛvɔ, gɛ kɛlɛɛ ba wanya vɛnɔ kede anɛ otugba klɛ kɛdɔkɛkasɛ kɛlɛɛ ba fu lɔ vɛnɔ ɔkɛ̃ anɛ mɛna ɔkɛ̃ ganɔ banɔ anɔwuwɔɛ anɛ bushɛ edzo bhɛbhɛtɛ mɛ.

1 Timotio 4:2

Kɛdɔkɛkasɛ nɛɛ di nɛ de anɛkɛtabha betroni nɛ ɔkɔ, gɛ balɛ idzyi nɛ mɛ edzi ansɛ ba pɔɛ yɛ nɛ ɔɖakpɛkpɛ.

1 Timotio 1:19

tɛ ɔnyɛna tɛyɛyɛkɛŋa nɛ mɛ vunɔ anɛ idzyim dzyɔgo. Beteli adɛ yɛkɛ ebuia klɛ ba yɛ balɛ tɛyɛyɛkɛŋa.

Romanɛ 16:18

Alasɛ banɔa lɛ nɛɛ di na taa dɛ kɛxwɛ kɔ bulɔ Apalete Kristo, pɔ kɔ balɛ nahwɛ ahali mɛ. Ganɔ onugbum zɛzandzyɛ anɛ bugã kpɛkpɛanɔ mɛ ba yɛkɔ awɛɛ bagɛ be ti nyi kibuinyɛbui.

Tɛbubukasɛ 2:6

Pɔ kɛɛ nɛ nɛ lɛ gɛ kɛ trɔ wɔa bha: Ɔdɛ pɛɛ Nikolatanɛ ebui bhɛbhɛtɛ nɛ bui, gɛ alɛ mɛ tsyɛ ɛdɛ pɛɛ.

1 Yohanɛsɛ 2:18

Banuvɔ mumɔa, ɔɖatɛta gugɔɛ mɛ na nɛ, klɛ anasɛ gɛ nɔ tɛ nu sɛ otrokristo aba, ɔtsɔ̃nɛ kuratsyɛ otrokristo atɛ ba. Kana lɔ nyi kɛ nu ɔɖatɛta gugɔɛ.

Titusɛ 1:10

Alasɛ banɔ dzyidzyeaga gelee alɛ, kaɖɔɖuɖɔte elete nɛ banɔ gɛ bawɛ anɔ, ɔyɛkɔdɛ nɛɛ bagɛ ba kpasɛ Yuɖanɛ bugu nɛ mɛ.

Romanɛ 1:28

Ɔyɛkɔ vɛnɔ otugba, gɛ ba dɛ bhɛtɛ kɛtɔkpum sɛ tɛ ba nyɛna Kpaya tɛtitim evunɔ so, ashɛ̃nahwɛ balɛ shu akɔ kɛtɔkpum manamana, gɛ kɔ sɛ tɛ ba bhɛtɛ kɛgɛ ma sɛ tɛ ba bhɛtɛ.

Axwɛwɛwa 15:24

Bunu sɛ banɔ teli be koeyi nɛ bulɔ mɛ nɛ bulɔ kidzo makɔ makɔa lɛm klɛ ba kpɛ wɔnɔ bunuhu, ba kpɛ wɔnɔ atɔkpum bunuhu nɛ balɛ ebui nɛ gɛ ba ɖɔ.