2 Timotio 2:3 - ONUGBÙ NYƐNYÃ VUVƆ

³ Za gɛganɛɛ nɛ butɔ mɛ nɛ bulɔ ansɛ Kristo Yesu keyutugbani dzyɔgo.

2 Timotio 2:3 ပူးပေါင်းရင်းမြစ်များ

Axwɛwɛwa 23:31

Klɛso behudugbani, nɛ igbe nɛ gɛ bakɔa lɛ nɛ nu, ba gbanɔ Paolo aganɔ elishi nɛm klɛ ba mɛna yɛ ebe kunɔ popopo nɛ Antipatris.

1 Kɔrintioanɛ 13:7

Akpɛ buka akpɛ lɔ kibenyɛbe, tɛyɛyɛkɛŋa kibenyɛbe, kidzoenudidi kibenyɛbe, anyɛna lɔ evunɔ kibenyɛbe.

1 Kɔrintioanɛ 9:7

Ane yɛ awa kɛxwɛ anasɛ keyutugbani gɛ abuya kɛbhɛ kɔ shu? Ane gɛ adɛ vãyɛ̃ buya klɛ atɛ ŋa yɛ eyuyu? Ane gɛ anyɔnɔ baga gɛ atɛ wɔɛ balɛ bumɔni?

2 Kɔrintioanɛ 1:6

Onugɛ ebui atrɔ bulɔ abha, la lɛ kɔ nɔ ɛyamyuyɔ anɛ tɛyɛyɛkɛkɔ, onugɛ bulɔ ɛyamyuyɔ, kɛ kɔ nɔ ɛyamyuyɔ, gɛ kɛ kɔ nɔ tɛdɛdɔfɔ̃ awɔ̃dzudzu anɛ butɔ lɛlɛ nɛ gɛ bulɔ bumɔ.

1 Timotio 1:18

Meyianyɛ, Timotio, itsre wɔ kibui nɛ kɛnyɛna nɛ gɛ ɔbɔ nyɛna ebui nɛ gɛ ba ɖɔelu nɛ wɔ shu nɛm ovunɔ, sɛ tɛ ganɔ alɛede zɛza tɛ ɔbɔ gɔnɛ tɛgugɔnɛ dzyɔgo,

2 Timotio 1:1

Paolo, gɛ enu Kristo Yesu anɔkpɛkpɛ ganɔ Kpaya tɛpɛpɛ mɛ, anɛ ɛkpã nɛ bui gɛ Kristo Yesu aɖɔ elu nɛ nu,

2 Timotio 1:8

So nɛɛ, tɛ si kɛwɛ̃ nɛ kibuimumɔɖɔ denɔ bulɔ Apalete nɛ shu, ɔdɔgɔsɛ osi kɛwɛ̃ nɛ mɛ yɛ evuza nɛ shu. Pɔ plɛnɔ mɛ nɛ kibuidzyɔgo anɛ butɔ nɛ mɛ, ganɔ Kpaya kemi mɛ,

2 Timotio 2:10

Kɛlɛ so ɛdzrɔ nɛ kibuinyɛbui nu nɛ agɛ be kulu nɛ tɔkpu, sɛ tɛ balɛ tsyɛ ba mɔ tɛbubu nɛ gɛ kpasɛ Kristo Yesu mɛ, ɔplɛnɔ ɔfufɔɛ mɛ ishubhubhui.

2 Timotio 2:9

gɛ kɛlɛ shu so pɛ ɛɛtɔ ɔdɔnanɔ ɔkɛlɛ gɛ ba ba kpaka mɛ nɛ buɖɛ mɛ ansɛ anɔ gɛ ezi buzikpã. Pɔ ba dɛ kpaka Kpaya kibui.

2 Timotio 3:11

tɛkpɛkpatɔnɔ, batɔ—ebui nɛɛ di gɛ aba mɛa bha nɛ Antiɔkɛ, Ikonio anɛ Listra, tɛkpɛkpatɔnɔ nɛ nu gɛ ɛza. Tsyɛ pɛ Apalete nɛ ebu mɛ nɛ alɛ nɛ petee mɛ.

2 Timotio 4:5

Pɔ wɔ, nyɛna ishu nɛ ebuinyɛbui di mɛ, za gɛganɛɛ nɛ butɔ́ mɛ, wa kɛxwɛ ansɛ anɔ gɛ akaka kibui, wa wɔ axwɛ nɛ petee gɛ ba kɔ wɔ nɛ Kpayɛxwɛ nɛ mɛ.

Filimɔnɛ 1:2

kɔ Afia bulɔ ada, kɔ Atsyipus bulɔ keyutugbaniglɔ kɔ busɔlɛɔha nɛ gɛ ooxogo nɛ wɔ bupa nɛ mɛ:

Hebriuanɛ 10:32

Nɔ baka ewui nɛ gɛ la ba fla gɛ nɔ yɛkɛ Kpaya yɛ bui nɛ beke, gɛ nɔ za wɔnɔ ɔzakɔ nɛ tɛwɛ̃wlãnkɛ gɛganɛ anɛ ebuiamɛ mumɔ mɛ.

Hebriuanɛ 11:27

Tɛyɛyɛkɛŋa so ashɛ̃ nɛ Egipte, ekusi nɛ obulo odi ku yɛ kifu, alasɛ anyɛna agɛ ata mɔ gɛganɛ anasɛ bumɔ yɛamɔ yɛ.

Hebriuanɛ 6:15

Klɛso gɛ aze po nɛ tɛdɛdɔfɔɔ̃, Abraham ayɛkɛ bunuwã kpɛkpɛ dɔ.

Yakobo 1:12

Ba yula anɔ nɛ gɛ akpɛemi nɛ yɛ tɛfifekedi mɛ, alasɛ onu gɛ ana kɛlɛ nu za nɛɛ, aba yɛkɛ ɛkpã kikutu nɛ gɛ Kpaya aɖɔ asɛ aba kɔ bagɛ ba ɖɔ yɛ.