2 Tɛsolonianɛ 3:14 - ONUGBÙ NYƐNYÃ VUVƆ

¹⁴ Onu gɛ anɔ teli adɛ ta batɔ nɛ bulɔɛ bui nɛ keplukpɛa nɛ mɛ, no vu anhũ teli di nɛ yɛ. Nɔ tɛ ga nɛ yɛ, sɛ tɛ kɛwɛ̃ kui.

2 Tɛsolonianɛ 3:14 ပူးပေါင်းရင်းမြစ်များ

Mateo 18:17

Onu gɛ adɛ ta balɛ tsyɛ batɔ, yɛkɔ kibui nɛ ɔkɔ busɔlɛɔha, klɛ onu gɛ adɛ ta ɔha nɛ tsyɛ atɔ, klɛ tɛ ɔyɛkɔ yɛ ansɛ anɔ gɛ adɛ sɔlɛ klɛ enu ansɛ adɔdzyɔ gɛ edzyini anɔa kpɛ.

Romanɛ 16:17

Badzya mɔ, itsre nɔ, no vu anhũ nɛ bagɛ balɛ amɛna tɛpupɔɛhle klɛ baa yɛkɔ kɛgɛ ba kpatanɔ nɔ nɛ elu wɔnɔɛ dzo mɛ gɛ enu agɛ alɔɛ titi nɛ kɛdɔkɛkasɛ nɛ gɛ nɔ tɛ kpasɛ nɛ shu. Nɔ za odzidzekɔ nɛ balɛ ɔbha.

1 Kɔrintioanɛ 4:14

Ɛtɛɛ ŋlɔmɛ kɛ dɔɛnɛ tɛ ɛyɛkɔ kpɛ nɔɛwɔɛ nɔ, pɔ tɛ ɛyɛkɔ tsrenɛ nɔ anasɛ me yialɛ.

1 Kɔrintioanɛ 5:11

Pɔ ɔtsɔnɛ ɛŋlɔmɛ sɛsɛ nɔ sɛ nɔ tɔ ganɔ nɛ anɔnyanɔ gɛ ɛklu yɛ shu sɛ adzya pɔ abhɛtɛ aglɔbui pɛnɔ kɛdɔ gbɛgbla pɛpɛɛ, obudielete, anɔshu zizi, eluwɔ̃ɛ pɛnɔ ezi. Anɔa nɛdi tɔ ŋa ɛdɔ kura tsyɛ nɛ yɛ.

1 Kɔrintioanɛ 5:9

Ɛtɛ ŋlɔmɛ kpɛ keplukpa nɛ gɛ ɛkɔ wɔ nɛ mɛ sɛ ɔtɛ kpɛɔha nɛ bagɛ ba bhɛtɛ azhuzhɔlɛbui—

2 Kɔrintioanɛ 10:6

Klɛ bu ba za tɛ bɛbala mɛ kɔ batɔtɛtɛta kɔ bagɛ ba ta ta tɔ nɛ balɛ ebuibhɛbhɛtɛ shu, kibelɛlɛ nɛ gɛ batɔtɛta nɛ ana.

2 Kɔrintioanɛ 2:9

Kɛbui nɔ nɛ so gɛ ɛŋlɔmɛ sɛsɛ nɔ kɛlɛ nu sɛ tɛ ɛmɔ onugɛ nɔ bɔ ŋa tɛfifekedi nɛ abha klɛ nɔ bɔ tatɔ nɛ́ ebui petee mɛ.

2 Kɔrintioanɛ 7:15

Klɛ yɛ tɛdɛdɛmɛnɔ kɛlɛ petee ba tridɛ kibelɛlɛ gɛ abaka sɛ wunɔ petee nɔ dzi batɔ tɛta elete, nɔ yɛkɛ yɛ nɛ kifusisi anɛ tɛshushuku.

Filipianɛ 2:12

Kɛlɛso, mɛ ɛbhɛalɛ mumɔanɛ, anasɛ gɛ nɔɔ taatɔ kɛbenyɛbe— ganɛ nɛ mamɛ tite ko, pɔ gelee ɔdɛ nɛ mɛede ɔtsɔ̃ nɛ—nɔ za kɛlɛabha ozo tsyina ahwɛ nɛ wɔnɔ tɛbubu nɛ shu anɛ kifu nɛ tɛshushuku mɛ,

Koloseanɛ 4:16

Keplukpa anɛ tɛkɛklae de kɔ nɔ, no di lɛ ɔkɔ sɛ ba kla kalɛ tsyɛ nɛ Laodikeanɛ busɔlɛɔha nɛ mɛ klɛ tɛ nɔ dɔ tsodzi ɔkla denɔ Laodikea nɛ nɔ kɔ.

1 Tɛsolonianɛ 4:8

Kɛlɛ so, anɔ nɛ gɛ adɛ yɛkɛ kɛdɔkɛkasɛ ganɛ anɔ yɛ adɛ yɛkɛ, pɔ Kpaya, nɛ gɛ aakɔ nɔ yɛ Ɔfufɔɛ Dzyɔgo.

2 Tɛsolonianɛ 3:6

Nɛ Apalete Yesu Kristoe nyi mɛ, badzya mɔ, bu bisi denɔ wɔnɔ ahwɛ mɛ sɛ, no tsuɔvɛ nɛ adzyanyadzya gɛ avɔ nɛ ɔbha klɛ ata za nɛ ɛkpã nɛ kɛdɔkɛkasɛ nɛ gɛ nɔ yɛkɛ denɔ bulɔ ahwɛ nɛ nu.

Titusɛ 2:8

klɛ wɔ kaɖɔɖuɖɔ kana, gɛ ba tɛ ba na kalɛ bu tɛ̃, sɛ tɛ bagɛ balɔ kititi nɛ wɔshu kɛwɛ̃ kua lɛ alasɛ kibui tsutsɔmɔ kanyaka ma balɛahwɛ gɛ ba baɖɔ nɛ bulɔ shu.

Titusɛ 3:10

Kpɛ ɔshã bukpɛ turukpo kɔ anɔ nɛ gɛ apɔɛ banɔɛ shi, tɛ ɔflɔ kpɛ yɛ ɔshã bubhla. Kɛlɛe de, kibuinyɛbui taa za wɔ ahwɛ kɔ yɛ.

Filimɔnɛ 1:21

Nɛ wɔa bha yɛyɛkɛŋa anɛ batɔ tɛta mɛ, ɛŋlɔmɛ kɔ wɔ, klɛ mɛ nyi sɛ ɔbɔ bhɛtɛ ɔkɔ mɛ ɔdɛ kana gɛ ibisi.

Hebriuanɛ 13:17

Nɔ ta tɔ nɛ bagɛ alɛ nɔ nu tɛ nɔ zhinɔ shu kɔ alɛ kabhaŋɛŋa. Be di nɔabha anasɛ banɔ gɛ ba bebhui nɔ nu. Nɔ ta lɛ batɔ sɛ tɛ same eku balɛ axwɛwuwa, ganɛ tɛ kɛdzi kituku kɔ alɛ, alasɛ kɛtɛ baplɛnɛ nɔ.

2 Yohanɛsɛ 1:10

Onugɛ anɔ teli aba wɔ kɔ klɛ adɛ mɛna nɔ kɛdɔkɛkasɛ nɛ, nɔ tɛ yɛkɛ yɛ akpɛ wɔnɔ bupa mɛ ɔdɔgɔsɛ nɔ kɔ yɛ wola.