2 Tɛsolonianɛ 2:9 - ONUGBÙ NYƐNYÃ VUVƆ

⁹ Agɛ ama ɔshã kanyaka mɛ nɛ tɛbɛba nɛ ba za nɛ Satana kɛxwɛwɛwa nɛ nu gɛ be bu akasɛ ganɔ itro ebui nɛ petee gɛ abhɛtɛ bi nɛ mɛ,

2 Tɛsolonianɛ 2:9 ပူးပေါင်းရင်းမြစ်များ

Mateo 12:22

Ɔkɛlɛ ba gbanɔ anyɛ teli gɛ ɛfufɔɛkpã tsri yɛa bha gɛ akɔ sɛ eku omumu klɛ epu awɔ̃hũ tsyɛ amɛna yɛ, klɛ Yesu ebeke yɛ banya, pɛ akpa kaɖɔɔ ɖɔ klɛ akpa mɔ tsyɛ.

Mateo 24:24

Alasɛ itro be Kristo nɛ itro batɔnu nɛ ba ba wɛ̃ klɛ ba ba bhɛtɛ kɛdɔmumɔ gbɛgbla nɛ ebui gɛ abhɛtɛ bi sɛ tɛ ba yɛkɔ awɛɛ bagɛ be klu nɛ tsyɛ—onu gɛ kɛ ba kɛlɛ mɛ ana.

Mateo 4:10

Yesu etsre yɛ asɛ, “Tsuɔvɛ nɛ mɛ ɔbha, Satana! Alasɛ kɛ ŋlɔmɛ li sɛ, ‘Kpɛ kɛtɔkpuesi kɔ Apalete wɔ Kpaya, tɛ ɔdɛ yɛ tite koe xwɛ.’ ”

Marko 13:22

Alasɛ Kristo itroayɛ anɛ batɔnu itroa yɛ nɛ be koeyi klɛ ba baa bhɛtɛ ebuimumɔ anɛ ebuiyiyinɔ anɔ, sɛ tɛ ba yɛkɔ awɛɛ bagɛ be kulu, onu gɛ kɛɛ ba za bɔbɔɛbɔɛ.

Luka 11:25

Kɛbelɛlɛ nɛ gɛ lɔ vɛ lɔ, bɔ mɔ sɛ ba gba bupa nɛ mɛ lu bu bhui klɛ bu lɛ mɔmɔ.

Yohanɛsɛ 4:48

Yesu etsre ye asɛ, “Odi nu sɛ nɔ mɔ ebui nɛ gɛ eyinɔanɔ anɛ ebui gɛ abhɛtɛbi, nɔ tɛ bɔ yɛkɛŋa.”

Yohanɛsɛ 8:41

Nɔ bhɛtɛ ebui nɛ gɛ wɔnɔ aka nahwɛ nɛ ábhɛtɛ.” “Anɛ kɛglɔ mɛ beyi lɔ nu.” ba lɔɛtiti nɛ lɛ shu. “Aka Terikpo ko gɛ alɛ blɔ ahwɛ yɛ nu Kpaya nahwɛ.”

Yohanɛsɛ 8:44

Wunɔ aka, gɛ enu Abɔnsam, ye yialɛ nɔ nu klɛ nɔ pɛɛ sɛ tɛ nɔ bhɛtɛ ɔtrɔ wunɔ aka tɛpɛpɛɛ nɛabha. Enu akpɛnɛ denɔ kesikpɛkpɛ nɛ ke, kibui gbɛagba ma yɛ ahwɛ, alasɛ kibui gbɛagba ma yɛ mɛ. Kibenɔ nɛ gɛ ehu otro, ehu yɛ epi bunuhu, alasɛ enu otroelete klɛ yɛ enu itro lete petee aka.

Axwɛwɛwa 13:10

“Wɔ, ɔfufɔɛkpã nɛ yɛeyi onu, klɛ ɔlɔ kititi nɛ kibui dzyɔgo kanyakaɛ di shu! Wɔ oyuku nɛ anɔ wɛwɛ edidedi anɛ kɛtɔkpum kpã. Klɛ so ɔtɛ bɔ zukɔlɔ Apalete nɛ edzo dzyɔgo nɛ bu tsyina?

2 Kɔrintioanɛ 11:14

Klɛ kɛdɛyinɔ anɔ, alasɛ Satana nahwɛ etsyina anasɛ axwɛdɛ gɛ atɛ̃fu.

2 Kɔrintioanɛ 11:3

Pɔ isifu sɛ anasɛ gɛ eblidzya bushɛ wuwa wɔɛ Eva, wunɔ tɔkpuimɛ kɛba na tsyina lɛla denɔ wunɔ kɛmumɔ nɛ kɛdzyɔgo kɔ Kristo.

2 Kɔrintioanɛ 4:4

Kanɔanɛ mɛ kpaya nɛ epu aŋuhu kɔ bagɛ badɛ yɛkɛaŋa, so tɛ batɛ mɔ kibui dzyɔgo nɛ futɛtã gɛ kɛnu Kristo kabhaŋɛŋa gɛ alɛ Kpaya tɛzɛzɛmɛ.

Efesoanɛ 2:2

nɛ gɛ nɔ za kanɔ mɛ ebui nɛede klɛ agɛ aŋa bukusi nɛ kɛlɛmɛ, ɔfufɔɛ nɛ gɛ lɔ waɛxwɛ ɔtsɔ̃nɛ nɛ́ bagɛ ba ta ta tɔ nɛ mɛ.

2 Timotio 3:8

Anasɛ gɛ Yanɛsɛ anɛ Yambrɛsɛ ba lɔ kititi nɛ Mose shu, kana tsyɛ banɔa nɛ balɔ kititi nɛ kɛgba nɛ shu—be nu banɔ gɛ atɔkpu mɛ adɛ na kɔa lɛ, gɛ, nɛ tɛyɛyɛkɛŋa nɛ nu, be ti bua lɛ atɛ̃.

Yakobo 3:15

“Kibuinyinyi” lɛ nɛɛ di de owũsise ba pɔ ki nu kesukpɛa bha kibui, kidɛ de ɔfufɔɛ mɛ, ki de Abosamu ɔkɔ.

Tɛbubukasɛ 12:17

Ɔkɛlɛ eblidzyagbla nɛ amɔ obulo nɛ adzɛ klɛ ashɛ avɛ asɛ tɛ ada ta keyu anɛ yeyialɛ gɔgɔɛ—bagɛ bata batɔ nɛ Kpaya ɛshã klɛ la nyɛna yɛ Yesu kibuimumɔɖɔ nɛ mɛ evunɔ.

Tɛbubukasɛ 12:9

Be hu eblidzyagbla nɛ ebho— kɛlɛbe eblidzya alɛlɛ nɛ gɛ be kulu asɛ ɔfufɔɛkpã ɔdɔgɔsɛ Satana, gɛ agbanɔ kanɔ nɛ petee alɛla. Be huyɛebho asɛsɛ kesukpa, anɛ yɛ baxwɛdɛ.

Tɛbubukasɛ 18:23

Kanɛgbɛ kifu kɛɛ tɛa fla tã nɛ wɔ mɛ. Adzɛenyine anɛ adzɛ oli mɛ be tie fle nu nɛ wɔ mɛ. Wɔ bedziniga balɛ dzi kanɔ nɛ mɛ banɔgbɛgbla. Ganɔ wɔ bawa mɛ ɔgbanɔ amadi nɛ ɔlɛla.

Tɛbubukasɛ 19:20

Pɔ be vu agavuga, ɔplɛnɔ otro atɔnu nɛ gɛ abhɛtɛ ebuimumɔ nɛ gɛ abhɛtɛ bi nɛ yɛ nu. Ɔyɛkɔ plɛnɔ ebui mumɔa nɛɛ alɛ ayɛkɔ awɛ bagɛ ba yɛkɛ agavuga nɛ ebi pɛ ba kpɛ kɛtɔkpuesi kɔ yɛ abhubhɔ. Ba yɛkɔ batɛabha nɛ atɛ̃ elulu akpɛ kɛklãgbui fui vɔ nɛ mɛ.

Tɛbubukasɛ 20:10

Klɛ ɔfufɔɛkpã, nɛ gɛ ɔwɛa lɛ, ba yɛkɔ ɔlɛ atɛ̃akpɛ kɛklãgbui fui vɔ gɛ tã nɛ mɛ, ɔkɛlɛ gɛ ba yɛkɔ ayakpamaga anɛ itro batɔnu nɛ atɛ̃a kpɛ. Ba ba nyagbã nɛ balɛ elishi anɛ kemuze ɔvɛnɔ mabeke mabeke mɛ.

Tɛbubukasɛ 9:11

Ekusi alɛ balɛ ahwɛ gɛ enu Ozi gɛ ɔlɛ obekekɔ ɔma kpayaxwɛdɛ, gɛ yɛ kinyi nɛ Yuɖa bunuhu mɛ nu sɛ Abaɖɔnɛ, klɛ nɛ Griki mɛ, Apoliɔnɛ.