2 Tɛsolonianɛ 2:8 - ONUGBÙ NYƐNYÃ VUVƆ

⁸ Klɛ ɔkɛlɛ flogo pɛ be be bu agɛ ama ɔshã mɛ nɛ akasɛ, agɛ yɛ Apalete Yesu nɛ aba tsɛ atɛ̃ nɛ yɛ onugbu mɛ ɔfufɔɛ klɛ yɛ tɛbɛba anɛ yɛ tɛpupudi nɛ ba zi yɛ.

2 Tɛsolonianɛ 2:8 ပူးပေါင်းရင်းမြစ်များ

Mateo 13:19

Kibe lɛ gɛ anɔ teli enu bukusiɔŋakɔ kibui pɛ edi nu klɛe si, ɔfufɔɛkpã nɛ ɔbɔ ba ɔbɔ bhɛ kɛ gɛ ba tɛ ɖa kpɛ idzyi nɛ mɛ nɛ obu. Kɛlɛ nu eyii nɛ gɛ awɔlɛ adɔ kidzo nɛ shu.

Mateo 13:38

Buya nɛ mɛ bulɛ nu kanɔ nɛ mɛ, klɛ eyi dzyɔgo nɛ alɛ nu bukusiɔŋakɔ nɛ mɛ bee yi. Tɛwa nɛ klɛ nu ezizi nɛ yeyialɛ,

Mateo 16:27

Alasɛ Anɔdzyrame yɛ Eyi nɛ aba ba nɛ Yaka ishu bhubhui mɛ nɛ yɛ baxwɛdɛ, klɛ aba buya kɛbhɛ kɔ anɔnyanɔ nɛ kana gɛ awa kɛxwɛ nɛ nu.

Mateo 16:28

Itsre nɔ kɛgba, banɔ teli gɛ be lii titi nɛ ɔkɛ̃ be ti be mini butsi flogo pɛ ba ba mɔ Anɔdzyrame yɛ Eyi nɛ aaba nɛ yɛ bukusi mɛ.”

1 Kɔrintioanɛ 1:28

Ebuidɔ zhizhiesi nɛ́ kanɔ nɛ mɛ anɛ agɛ la ma kibuinyɛbui mɛ—anɛ́ agɛ la ma—tɛ le zi ebui nɛ gɛ alɛ,

2 Tɛsolonianɛ 2:3

Nɔ tɛ kɔ anɔnyanɔ awɛ nɔ nɛ kidzonyɛdzoa bha, alasɛ kiwi lɛlɛ nɛ tɛ baa ba odi nu sɛ kititilulɔ bɛ lɛ mɛ klɛ be bu anɔ gɛ ama ɔshã kanyaka mɛ nɛ akasɛ, anɔ nɛ gɛ atɛ wɔlɛ eku butsyrɔ mɛ.

1 Timotio 6:14

nɔ nyɛna ɔshã nɛm ovunɔ tɛ kibo ɔdɔgɔsɛ kɛpɔbubu tɛ za kɛlɛ mɛ ɔdɔnanɔ bulɔ Apalete Yesu Kristo tɛwɛ̃wɛ̃,

2 Timotio 1:10

pɔ ɔtsɔ̃, be be bu kɛlɛ akasɛ ganɔ Ayɛyɛkɛkɔlɔ, Kristo Yesu tɛwɛ̃wɛ̃ nɛ mɛ, gɛ ebe zi butsi klɛ ayɛkɔ ɛkpã anɛ matsimatsi amɛna ɔtɔ ganɔ kibuidzyɔgo nɛ mɛ.

2 Timotio 4:1

Nɛ Kpaya anɛ Kristo Yesu amɛ, bagɛ ebe kulu kebhui nɛ belulu anɛ betsitsi, klɛ nɛ yɛ tɛwɛwɛ̃ anɛ yɛ bukusiɔŋakɔ nɛ mɛ, ɛyɛkɔ ebuia nɛ kpɛ wɔahwɛ sɛ:

2 Timotio 4:8

Ɔtsɔ̃ nɛɛ tɛzɛzamnɛna kikutu nɛ lɛ kɛdɔ ɔbalakɔ kɔ mɛ, gɛ Apalete, ebhuiklu nɛna, nɛ aba yɛkɔ akɔ mɛ nɛ kiwi lɛ nɛa bha—klɛ ganɛ kɔ mɛ tite, pɔ kɔ banɔ nɛ petee gɛ bee di kidzoenu kɔ yɛ tɛwɛ̃wɛ̃ nɛ tsyɛ.

Titusɛ 2:13

nɛ kibe lɛ gɛ bu dzi zi po kidzoenudidi yuyula, nɛ bulɔ Kpaya gbla anɛ Yesu Kristo Agɛ ayɛkɛ kɔ lɔ, nɛ tɛwɛwɛ̃,

Hebriuanɛ 10:27

pɔ kifusisi kɔ kɛpɔbubu anɛ kifu tɛtã gbɛgbla gɛ kɛba tãnyɛ̃ bagɛ ba ta pɛɛ Kpaya bui ko.

1 Yohanɛsɛ 2:13

Ɛŋlɔmɛ kɔ nɔ, baka, alasɛ nɔ tɛ ti yɛ agɛ alɛ denɔ kesikpɛkpɛ. Ɛŋlɔmɛ kɔ nɔ, banyɛnɛvɔɛ, alasɛ nɔ ŋa ezizi nɛabha. Ɛŋlɔmɛ kɔ nɔ, bunuvɔɛ mumɔa, alasɛ nɔ nyi Aka.

1 Yohanɛsɛ 3:12

Nɔ tɛ za anasɛ Kain, gɛ edzi ɔfufɔɛkpã ayɛ klɛ eyi yɛ adzya. Klɛ kideso gɛ eyi yɛ? Alasɛ yɛnahwɛ ebui bhɛbhɛtɛ nɛ dzi kizizi klɛ yɛ adzya yɛ edzi kɛdzyɔgo.

1 Yohanɛsɛ 5:18

Bu nyi sɛ anɔnyanɔ gɛ ba mɔ nɛ Kpaya mɛ ata za lɛabha abhɛtɛ kibui kpã, agɛ yɛ la mɔ nɛ Kpaya mɛ akpɛ buka akana yɛ, klɛ ɔfufɔɛ kpã nɛ lɔ tɛ bɔ bhɛtɛ yɛ kizizi.

Tɛbubukasɛ 1:16

Nɛ yɛ kɛŋa ɔhwɛ nɛ mɛ evunɔ awɛ̃wɛ̃ tegene, klɛ ɛhɛ shɛshɛ inugbutɛbha de koeyi nɛ yɛ onugbu nɛ mɛ. Yɛ amɛnɛm aza ansɛ kiwi gɛ kɛɛ tã nɛ kɛlɛ tɛgɛganɛ mɛ petee.

Tɛbubukasɛ 13:5

Ba kɔ agavuga nɛ onugbu sɛ tɛ aɖɔ ishufifeke ebui anɛ ebusobui tɛ awa yɛ kabhaŋɛŋa nɛ shuixwɛ wele afɛtanlɛ̃ntɛabha.

Tɛbubukasɛ 19:15

Denɔ yɛ onugbu nɛ mɛ ɛhɛ shɛshɛ eekoeyi gɛ yɛ aba yɛkɔ ehu amadi nɛe si nɔ. “Aba ŋa balɛa bha nɛ ɔɖa dzyamgbɛ.” Aga Kpaya Gbɛgbladɛ nɛ kanya obulo bulu kizi nɛa bha.

Tɛbubukasɛ 2:16

Kɛlɛ so no tsyina kitem! Odinuana nɛɛ, eti be dze ɛba ba tɔnɔ nɔ klɛ ɛba gɔnɛ nɛ balɛ nɛ mɛ onugbu mɛ ɛhɛ.

Tɛbubukasɛ 20:10

Klɛ ɔfufɔɛkpã, nɛ gɛ ɔwɛa lɛ, ba yɛkɔ ɔlɛ atɛ̃akpɛ kɛklãgbui fui vɔ gɛ tã nɛ mɛ, ɔkɛlɛ gɛ ba yɛkɔ ayakpamaga anɛ itro batɔnu nɛ atɛ̃a kpɛ. Ba ba nyagbã nɛ balɛ elishi anɛ kemuze ɔvɛnɔ mabeke mabeke mɛ.