2 Tɛsolonianɛ 2:16 - ONUGBÙ NYƐNYÃ VUVƆ

¹⁶ Kɔ bulɔ Apalete Yesu Kristo nahwɛ anɛ bulɔ Aka Kpaya, gɛ aɖɔ lɔ klɛ ganɔ yɛ eshutukubui didi mɛ pɛ akɔ lɔ ɔfufɔɛ mɛ kemikpɛkpɛ anɛ kidzoenudidi dzyɔgo,

2 Tɛsolonianɛ 2:16 ပူးပေါင်းရင်းမြစ်များ

Luka 16:25

“Pɔ Abraham ebuilɛnu asɛ, ‘Eyi, baka sɛ nɛ wɔ ɛkpã za bɛ ɔyɛkɛ wɔɛ dɔ dzyɔgo, nɛ lɛ be Lazaro ayɛkɛ dɔ zizi, pɔ ɔtsɔ̃ nɛ yɛ shu yɔ nɛ ɔkɛ̃ nɛ klɛ wɔ mɔ butɔ.

Yohanɛsɛ 13:1

Agɔ kiwui tirikpo tɛ baŋa Tɛfɛflawui. Yesu eti sɛ kibe na kɔ yɛ sɛ tɛ ashɛ̃ nɛ kanɔ nɛ mɛ tɛ avɛ Aka nɔ kɔ. Nɛ tɛdɛdɛmɛnɔ nɛ bagɛ benu yɛ ayɛ alɛ gɛ ba lɛ kanɔ nɛ mɛ, ɔtsɔ̃ nɛ akasɛ alɛ tɛdɛdɛmɛnɔ nɛna.

Yohanɛsɛ 15:13

Tɛdɛdɛmɛnɔ gbɛgbladɛ nɛ anɔ vama dɛ kɛnɛ, sɛ ayɛkɔ yɛ kpã etsye yɛ ɛbhɛya.

Yohanɛsɛ 15:9

“Anasɛ gɛ Aka nɛ adɛmɛnɔ nɛ mɛ, kana mɛ tsyɛ ɛdɛmɛnɔ nɛ wunɔ. Ɔtsyɔnɛ nɔ za mɛ́ tɛdɛdɛmɛ mɛ.

Yohanɛsɛ 16:22

Kanake wunɔ tsyɛ nɔ lɛ: Ɔtsɔnɛ wunɔ be lɛ nu sɛ nɔ bɔ mɔ butɔ, pɔ ɛzɛa mɔ nɔ klɛ nɔ bɔ tsodzi ɔmɔ same gɛ anɔnyanɔ atɛ ba yɛkɛ wunɔ same mumɔ.

Yohanɛsɛ 3:16

“Alasɛ Kpaya adɛmɛnɔ nɛ kanɔ sɛ ayɛkɔ yɛa yɛ gɛ enu Eyianyɛ terikpo akɔ, sɛ tɛ anɔnyanɔ gɛ ayɛkɛ yɛabha ŋa eti be tsi pɔ aba mɔ ɛkpã mabeke.

Yohanɛsɛ 4:14

pɔ anɔ nɛ gɛ awɔ̃ɛ buni gɛ ɛba kɔ yɛ oniwɛ ɔtɛɔ ta yɛ. Kɛgbɛagba, buni nɛ gɛ ɛba kɔ yɛ bu badzi buni tɛtade tisimɛ gɛ bu baza yɛ shu mɛ ɔdɔtɔnɔ ɛkpã mabeke mabeke mɛ.”

Axwɛwɛwa 15:11

Owo! Bɔyɛkɛ ŋa sɛ ganɔ Apalete Yesu eshutukubui tɛ didi mɛ klɛ lɔ mɔ tɛyɛyɛkɛkɔ, ansɛ gɛ balɛ tsyɛ amɔ.”

Axwɛwɛwa 18:27

Kibelɛ gɛ Apollosɛ apɛa sɛ tɛ ashɛ̃ avɛ Atsyia nɛɛ, badzya na kpɛ yɛ kemi klɛ ba ŋlɔmɛ asɛsɛ badɔkpasɛ nɛ ɔklɛ sɛ ba yɛkɛ yɛ mɔɔ mɔ. Nɛ yɛ ɛklɛ tɛ kuku mɛ nɛ, ede dzi tɛpɛplɛnɔ gelee kɔ bagɛ ganɔ Kpaya tɛpɛpɛ mɛ gɛ ba tɛ yɛkɛ kibui nɛa bha ŋa.

Romanɛ 1:7

Kɔ banɔ nɛ petee anɛ Roma gɛ Kpaya aɖɔ klɛ eklu sɛ be be dzi banɔnɛna: Eshutukubui didi nɛ ishyuyɔ kɔnɔ denɔ Kpaya bulɔ Aka anɛ Apalete Yesu Kristo ɔkɔ.

Romanɛ 4:16

Kɛlɛso, tɛtutrɔ kɛɛ ba denɔ tɛyɛyɛkɛŋam, sɛ tɛ kɛ ba dzi ganɔ eshutukubui didi nɛ ganɔ kidekpɛkpɛ kɔ Abraham yɛeyialɛ nɛ petee— ganɛ sɛ bagɛ ba lɛ nɛ ɔshã nɛ ko, pɔ kɔ bagɛ ba lɛ nɛ Abraham tɛyɛyɛkɛŋa nɛ mɛ tsyɛ. Yɛ enu aka kɔ bulɔ petee.

Romanɛ 4:4

Ɔtsɔ̃ onu gɛ anɔ awa kɛxwɛ, ba tɛ yɛkɔ yɛ kɛbhɛbubuya nɛ akɔ yɛ anasa kɛdɔkukɔ, pɔ ayɛkɛ kɛlɛ ansɛ kɛdɔ gɛ kɛ lɛ sɛ tɛ ba kɔ yɛ.

Romanɛ 5:8

Pɔ Kpaya ebu yɛnahwɛ tɛɖuɖɔ nɛ gɛ aɖɔ lɔ nɛ akasɛ nɛ kidzoe nɛa bha sɛ: Nɛ kibe lɛ gɛ bu ka nu buziziabhɛtɛ, Kristo etsi nɛ bulɔɛ tɔkpu!

Efesoanɛ 5:2

klɛ nɔ za nɛ kpã nɛ anɔɛbui dɛdɛmɛ mɛ, anasɛ gɛ Kristo adɛmɛ bulɔɛ bui klɛ ayɛkɔ ishu akɔ nɛ bulɔɛ tɔkpu anasɛ kɛdɔ lɛlɔ̃ huhu gɛ ayɛkɔ etsye Kpaya.

Efesoanɛ 5:25

Badzɛenyine, nɔ dɛmɛ wɔnɔedzini alɛ bui, anasɛ gɛ Kristo adɛmɛ busɔlɛha nɛ bui klɛ ayɛkɔ yɛnahwɛ shu akɔ nɛ ɛlɛ tɔkpu

Koloseanɛ 1:23

onugɛ nɔ za wɔnɔ tɛyɛyɛkɛŋa abha, nɔ kpɛ kɛdɔesi nɛ́ tɛgɛganɛ, nɔ ti koeyi nɛ kidzoenudidi gɛ nɔ nyana nɛ kibui dzyɔgo nɛ mɛ. Kɛnɛ kɛlɛ nu kibui dzyɔgo gɛ nɔ nu klɛ kidzi kɛgɛ ba ɖɔ kɔ kɛdɔnyɛdɔ gɛ kɛ lɛ owũsise nɛesi, klɛ Mɛ, Paolo, ɛba dzi axwɛdɛ.

Koloseanɛ 1:5

tɛyɛyɛkɛŋa anɛ̀ tɛdɛdɛmɛnɔ gɛ ki koeyi denɔ kidzoenudidi gɛ ba bala lu kɔ nɔ nɛ owũsise klɛ kɛ lɛ sɛ wɔnɔ no ti nu kibuigba nɛ dɔ, gɛ nu kibui dzyɔgo

1 Tɛsolonianɛ 1:3

Bu lɛ kɛlɛa bha baka nɔ nɛ bulɔ Kpaya anɛ Aka nɛ amɛ wɔnɔ kɛxwɛwɛwa nɛ gɛ tɛyɛyɛkɛŋa bhɛtɛ, wɔnɔ kɛxwɛwɛwa nɛ gɛ tɛɖuɖɔ mɛna, anɛ wɔnɔ kanyɛtsitsi nɛ gɛ ka ba denɔ kidzoenudidi mɛ anɛ bulɔ Apalete Yesu Kristo mɛ.

1 Tɛsolonianɛ 3:11

Ɔtsɔ̃ kɔ bulɔ Aka anɛ Kpaya nahwɛ anɛ bulɔ Apalete Yesu adanɛ kidzo kɔ lɔ sɛ tɛ bu ba wɔnɔ ɔbha.

2 Tɛsolonianɛ 2:13

Pɔ alasɛ tɛ kibenyɛbe buhu Kpaya ahwɛ nɛ nɔɛ tɔkpu, badzya gɛ Apalete nɛ aɖɔ, alasɛ denɔ kesikpɛkpɛ Kpaya ekulu nɔ sɛ tɛ be bu nɔ ganɔ Ɔfufɔɛ nɛ kɛxwɛ shu dɛdanɛ nɛ ganɔ kɛgba nɛa bha yɛyɛkɛŋa mɛ.

Titusɛ 1:2

tɛyɛyɛkɛŋa anɛ kibuititi nɛ gɛ kɛ kpaplɛnɔ kidzoenudidi kɔ ɛkpã gɛ tɛ ba beke, gɛ Kpaya, gɛ eti hu otro, nɛ aɖɔɛ lɛ elu denɔ kibe nɛ kesikpɛkpɛ mɛ,

Titusɛ 2:13

nɛ kibe lɛ gɛ bu dzi zi po kidzoenudidi yuyula, nɛ bulɔ Kpaya gbla anɛ Yesu Kristo Agɛ ayɛkɛ kɔ lɔ, nɛ tɛwɛwɛ̃,

Hebriuanɛ 7:19

(kɛlɛ ɔshã nɔdɔ bɔza kibuinyɛbui mɛ), klɛ ba bakasɛ kidyo dzyɔgo tili, gɛ kɛkɔ lotsobunɔ Kpaya.

1 Yohanɛsɛ 3:16

Kɛnɛ kɛlɛ kɔ sɛ bu nyi kɛdɔnɔ gɛ tɛdɛdɛmɛnɔ nu: Yesu Kristo ayɛkɔ yɛ ɛkpã nɛ etsye nɛ bulɔɛ tɔkpu. Klɛ alasɛ bulɔ tsyɛ bu yɛkɔ bulɔ ɛkpã nɛ tsye nɛ bulɔ adzyalɛ tɔkpu.

Tɛbubukasɛ 1:5

anɛ denɔ Yesu Kristo ɔkɔ, gɛ yɛ enu ebuimɔɖɔ kɛgbɛagbayɛ, eyitutɔpu nɛ gɛ ba mɔ denɔ bekpu nɛ mɛ, anɛ agɛ yɛ aŋa bekusi nɛa bha anɛ kesukpa nɛa bha. Kɔ agɛ yɛa dɛmɛ lɔɛ bui klɛ ebu lɔ edenɔ bulɔ buzizi mɛ ganɔ yɛ dzyosu mɛ,

Tɛbubukasɛ 22:5

Elishi atɛa za. Be tie bisi kanɛgbɛ fu ɔdɔgɔsɛ kiwi nɛ fu, alasɛ Apalete Kpaya nɛ aba kɔa lɛ kifu. Klɛ ba ba ŋɛabha ɔkɔ vɛnɔ mabeke mabekem.

Tɛbubukasɛ 3:9

Ɛba bhɛtɛ bagɛ nu Satana oxogokɔanɔ, gɛ be kulu shu asɛ nu Yuɖanɛ flogo pɛ be di nu, pɔ be nu betroni, ɛba bhɛtɛ balɛ le be zhiadɔ nɛ wɔ otugba klɛ be be buaɖɔ sɛ ɛpɛɛ wɔɛ bui.