2 Tɛsolonianɛ 2:13 - ONUGBÙ NYƐNYÃ VUVƆ

¹³ Pɔ alasɛ tɛ kibenyɛbe buhu Kpaya ahwɛ nɛ nɔɛ tɔkpu, badzya gɛ Apalete nɛ aɖɔ, alasɛ denɔ kesikpɛkpɛ Kpaya ekulu nɔ sɛ tɛ be bu nɔ ganɔ Ɔfufɔɛ nɛ kɛxwɛ shu dɛdanɛ nɛ ganɔ kɛgba nɛa bha yɛyɛkɛŋa mɛ.

2 Tɛsolonianɛ 2:13 ပူးပေါင်းရင်းမြစ်များ

Luka 1:75

nɛ́ ishubhubhui nɛ̀ tɛzɛza dzyɔgoe mɛ nɛ yɛ amɛ nɛ bulɔ ewui petee mɛ.

Yohanɛsɛ 1:1

Nɛ kesikpɛkpɛ Kibui nɛ lɛ, klɛ Kibui nɛ lɛ plɛnɔ Kpaya, klɛ Kibui nɛ kɛlɛ nu Kpaya.

Yohanɛsɛ 14:6

Yesu ebuilɛnu sɛ, “Mɛ nu kidzo, kɛgbɛagba anɛ̀ ɛkpã. Anɔnyanɔ atɛ ba ba Aka ne ɔkɔ onugɛ adɛ ga mɛabha.

Axwɛwɛwa 13:48

Gɛ bagɛ edi nu Yuɖanɛ ne nu kibui nɛɛ, ba mɔ same klɛ ba yɛkɛ Apalete nɛ bui, klɛ bagɛ balɛ petee be klua kɔ ɛkpã mabeke mabeke na yɛkɛaŋa.

Axwɛwɛwa 15:9

Adɛ kpɛ ɔtɔgɛga nɛ bulɔ nɛ balɛ kishi, alasɛ eplu balɛ idzyi nɛm nɛ tɛyɛyɛkɛŋa.

Romanɛ 6:17

Pɔ ahwɛhuhu kɔ Kpaya sɛ, kɛ nya lɛ kɛlɛm sɛ tsã no dzi banɔdzidzi kɔ buzizi, nɔ yɛkɔ wɔnɔ idzyi petee ɔtatɔ nɛ kɛdɔkɛkasɛ nɛ di gɛ ba yɛkɔ kpɛ ahwɛ kɔ nɔ.

Romanɛ 8:33

Anee gɛ aba yɛkɔ kibui tili nɛ bagɛ Kpaya eti bu nɛ shu? Kpaya ya danɛ anɔ shu.

Romanɛ 9:11

Pɔ, flogo tɛ la ba mɔ tɛabhaeyi ɔdɔgɔsɛ ba bhɛtɛ kibui dzyɔgo ɔdɔgɔsɛ kɛkpã tili, sɛ tɛ kɛdɔnɔ nɛ so pɛ Kpaya akasɛ wɔɛ nɛ ba za:

1 Kɔrintioanɛ 1:21

Alasɛ nɛ Kpaya buititi mɛ kanɔ gabɔ kalɛ kibuinyinyi mɛ ke di ti yɛ, kɛku Kpaya awɔ̃ ganɔ matimati kɛdɔ kɛkasɛ busɔlɛ buiɖɛɖɔ tɛ bayɛkɛkɔ bagɛ bayɛkɛ aŋa.

Galatianɛ 3:1

Wunɔ Galatianɛ bagã! Ane yɛ atã nɔ? Flogo wunɔ aŋɔhu alɛlɛ bakasɛ wee asɛ ba kpla Yesu Kristo asɔ.

Efesoanɛ 2:8

Alasɛ ganɔ ɛyamyuyɔ mɛ be bhui nɔ ayɛkɛ, nɛ tɛyɛyɛkɛŋa mɛ—klɛ kɛnɛ kɛ di de wɔnɔ nahwɛ ɔkɔ, kɛ nu Kpaya kɛdɔ gɛ akɔ—

Koloseanɛ 1:5

tɛyɛyɛkɛŋa anɛ̀ tɛdɛdɛmɛnɔ gɛ ki koeyi denɔ kidzoenudidi gɛ ba bala lu kɔ nɔ nɛ owũsise klɛ kɛ lɛ sɛ wɔnɔ no ti nu kibuigba nɛ dɔ, gɛ nu kibui dzyɔgo

Koloseanɛ 3:12

Kɛlɛso anasɛ Kpaya banɔ kuklu, tɛbhubhui anɛ tɛdɛdɛmɛnɔ mɔmɔ, wɔnɔ nahwɛ nɔ nyumu eshutukubuididi, ɛyamɛyɛyɔ ishubububɔ, ishunyɛnyɛna anɛ tɛdɛdɔfɔɔ̃.

1 Tɛsolonianɛ 1:4

Alasɛ bu nyi, badzya mɔ gɛ Kpaya aɖɔ, so pɛ ekulu nɔ,

1 Tɛsolonianɛ 2:12

balɛ kemikpɛkpɛ, ishumyuyɔ klɛ etsre nɔ asɛ tɛ nɔ za nɛ ɛkpã gɛ ku Kpaya awɔ̃, gɛ eekulu nɔ akpɛ yɛ bukusiɔŋakɔ nɛ ishubhubhui nɛ mɛ.

1 Tɛsolonianɛ 4:7

Alasɛ Kpaya adɛ bhɛtɛ lɔ sɛ tɛ bulɔ shu tɛ bhui, pɔ bu za nɛ ɛkpã gɛ ɛlɛ shu bhui.

1 Tɛsolonianɛ 5:9

Alasɛ Kpaya edi bu lɔ sɛ bu ba tɔ nɛ yɛ obuloe si, pɔ tɛ bu yɛkɛ tɛbubu ganɔ bulɔ Apalete Yesu Kristoa bha.

2 Tɛsolonianɛ 1:3

Alasɛ kibenyɛbe tɛ bu zɛ hu Kpaya ahwɛ nɛ wɔnɔɛ tɔkpu, badzya mɔ, klɛ kana kɛ lɛ, alasɛ wɔnɔ tɛyɛyɛkɛŋa nɛ kii she trɔ, klɛ tɛɖuɖɔ nɛ gɛ lɛ anɔnyanɔa hwɛ kɔ yɛɔhayɛ nɛɛ she trɔ.

2 Tɛsolonianɛ 2:10

klɛ nɛ kibui tsutsɔmɔ kanyaka gɛ wɛɛ bagɛ bee beke. Be beke alasɛ ba dɛ dɛmɛ asɛ tɛ ba ɖɔ kɛgba sɛ tɛ be bua lɛ.

2 Tɛsolonianɛ 2:12

klɛ so sɛ tɛ be bu bagɛ ba dɛ yɛkɛ kɛgba nɛa bha ŋa nɛ petee pɔ, gɛ ba mɔ same nɛ kɛtɔkpum gɛganɛ shu.

2 Tɛsolonianɛ 2:16

Kɔ bulɔ Apalete Yesu Kristo nahwɛ anɛ bulɔ Aka Kpaya, gɛ aɖɔ lɔ klɛ ganɔ yɛ eshutukubui didi mɛ pɛ akɔ lɔ ɔfufɔɛ mɛ kemikpɛkpɛ anɛ kidzoenudidi dzyɔgo,

2 Timotio 1:9

gɛ ebu lɔ kɔ ɛkpã klɛ ekulu lɔ amɛna akɔ ɛkpã dzyɔgo—ganɛ sɛ kɛdɔnyɛdɔ gɛ bu bhɛtɛ so pɔ nɛ yɛnahwɛ tɛtutrɔ nɛ ɛyamyuyɔ nɛ shu so. Ɛyamyuyɔ nɛɛ ba kɔ lɔ ɛlɛ nɛ Kristo Yesu mɛ flogo pɛ kibe nɛ ba kpɛesi,

2 Timotio 2:15

Bhɛtɛ mɔmɔ tɛ ɔyɛkɔ wɔ shu ɔkɔ Kpaya ansɛ anɔ gɛ ba trɔ ahwɛ yɛabha, axwɛwa gɛ ama sɛ tɛ kɛwɛ̃ ku yɛ klɛ aanyɛna kibuigba nɛ mɔmɔ.

2 Timotio 3:15

klɛ ansɛ kana gɛ denɔ wɔ kɛnuvɔbe pɛ onyi Kpayɛbui buplukpa mɛ ebui gɛ alɛ shu bhui, gɛ ana wɔ bhɛtɛ pɛ onyibui kɔ tɛbubu ganɔ tɛyɛyɛkɛŋa nɛ Kristo Yesu mɛ.

Hebriuanɛ 1:10

Aza ɖɔ sɛ, “Nɛ kesikpɛkpɛ, O Apalete, wɔ bhɛtɛ kesukpa, klɛ owũsise lɛ nu wɔ ahwɛ dɔ bhɛbhɛtɛ.

Yakobo 1:18

Ayɛkɔ sɛ aba mɔ lɔ ganɔ kɛgba kibui nɛm, sɛ tɛ bu ba dzi eyuyu tutɔpu teli di nɛ kɛdɔ nɛ petee gɛ abhɛtɛ nɛ shi.

1 Yohanɛsɛ 4:10

Kɛnɛ kɛlɛ nu tɛdɛdɛmɛnɔ, ganɛ sɛ bulɔ tɛdɛdɛmɛnɔ nɛ Kpaya, pɔ sɛ adɛmɛ bulɔɛ bui klɛ asɛsɛ yɛ Eyianyɛ anasɛ ishu kukɔ kɔ bulɔ buzizi tsyitsye.

1 Yohanɛsɛ 4:19

Budɛmɛ anɔɛ bui alasɛ Kpaya eputɔ adɛmɛ bulɔɛ bui.