2 Kɔrintioanɛ 9:8 - ONUGBÙ NYƐNYÃ VUVƆ

⁸ Klɛ Kpaya abana kɛdɔkukɔ petee abhɛtɛ kɔ nɔ, so tɛ kɛdɔ petee mɛ nɛ kibe petee mɛ, kɛdɔ petee gɛ nɔ pɛɛ kɛ lɛ yɛ ahwɛ, nɔ bɔ mɔ kɛdɔ gelee nɛ kɛxwɛwɛwa dzyɔgo kanyaka mɛ.

2 Kɔrintioanɛ 9:8 ပူးပေါင်းရင်းမြစ်များ

Axwɛwɛwa 9:36

Nɛ Yoppa adɔkpasɛ teli aza ɔkɛlɛ gɛ be klu asɛ Tabita (gɛ onu be bu kɛlɛesi nɛɛ, kinu sɛ Dɔkasɛ) gɛ kɛdzyɔgo ko aabhɛtɛ aplɛnɔ betsyutsyuini.

1 Kɔrintioanɛ 15:58

Kɛlɛso, mɛ badzya mumɔa, nɔ za nɛ awɔ̃ gɛganɛ. Nɔ tɛkɔ kɛdɛnyɛdɔ ge nɔ. Kibenyɛbe nɔ yɛkɔ wunɔ ishu kɔ bui bhɛbhɛtɛ kɔ Apalete nɛ kɛxwɛ, alasɛ nɔ nyi sɛ wɔnɔ kɛxwɛwɛwa anɛ́ Apalete nɛ mɛ kɛtɛ ba dzi kɛkpɛkpa.

2 Kɔrintioanɛ 13:3

nɛ kɛlɛmɛ gɛ nɔ pɛɛ sɛ tɛ nɔ ti sɛ Kristo aɖɔaɖɔ ganɔ mɛabha. Eke botso sɛ tɛ atɛta wunɔ batɔ, pɔ kemi alɛ yahwɛ nɛ wunɔɛ shi.

2 Kɔrintioanɛ 8:19

Kɛgɛ ka lɛ, busɔlɛha nɛ bui yɛ sɛ atɔnɛ lɔ kɔ bugu kukɔ gɛ bu wa axwɛ sɛ tɛ bu yɛ kɔ kpɛ Apalete nahwɛ nɛ́ nyi nɛabha klɛ tɛ bu kasɛ sɛ bu pɛɛ sɛ tɛ bu plɛnɔ.

2 Kɔrintioanɛ 8:2

Nɛ tɛfifekɛdi gbɛgbla gelee mɛ, balɛ samɛ eyuku agbɛgba klɛ balɛ kitsyui tsutsɔmɔ kɛ yuku dzi ɛɛyamyuyɔ.

2 Kɔrintioanɛ 8:7

Pɔ anasɛ gɛ buna nɛ kɛkanyaka mɛ—nɛ tɛyɛyɛkɛŋa mɛ, nɛ kaɖɔɖuɖɔ mɛ, nɛ kibuititi mɛ, nɛ kemi gbɛagba kpɛkpɛmɛ anɛ̀ wunɔ tɛdɛdɛmɛ nɛ lɔ—nɔ di sɛ wunɔnɔ tsyɛ nɔ na nɛ kɛdɔkukɔɛ nɛ mɛ kɔ kɛkukɔ.

2 Kɔrintioanɛ 9:11

Ba ba bhɛtɛ nɔ bɔ dzi ehoeyielete nɛ kidzonyɛdzo abha sɛ tɛ nɔ bɔ na kɛdɔ zɔ kɔ banɔ nɛ kibenyɛbe kɛdɔ bhɛtɛ kɔ, klɛ ganɔ bulɔ abha wunɔ dɔkukɔ badzi ahwɛhuhu kɔ Kpaya.

Efesoanɛ 2:10

Alasɛ bu nu Kpaya axwɛwɛwaɛdɔ, nɛ Kristo Yesu mɛ abhɛtɛ lɔ sɛ bu waɛxwɛ dzyɔgo gɛ Kpaya eti putɔ abhɛtɛ kɔ lɔ sɛ tɛ bu bhɛtɛ.

Efesoanɛ 3:20

Ɔtsɔ̃nɛ kɔ yɛ gɛ abana kɛdɔ bhɛtɛ tɛsɛsɔnɔ dɛ kɛgɛ kɛlɛ petee bu bisi ɔdɔgɔsɛ bɔ bhɛtɛ kɛtɔkpu mɛ, nɛ yɛ kemi nɛ gɛ kɛwa kɛxwɛ nɛ bulɔ mɛ,

Filipianɛ 4:11

Ɛtɛ ɖɔ kibuinɛ alasɛ ɛpɛɛ dɔ so, pɔ alasɛ ɛtɛ mɔ sɛ kɛ gɛ lɛ mahwɛ kɛkumawɔ̃ nɛ kɛkanyaka di gɛ kɛ zɛ dzyɔ.

Koloseanɛ 1:10

Klɛ bu klukpaya sɛ tɛ nɔ za nɛ ɛkpã nɛ Apalete tɛpɛpɛɛ klɛ tɛ kiku yɛ awɔ̃ nɛ́ kidzonyɛdzo abha, tɛ kɛmɛna tɛyuyu anɛ kɛxwɛwɛwa dzyɔgo, tɛ bu zɛ she nɛ́ Kpaya kibui titi mɛ,

2 Tɛsolonianɛ 2:17

akpɛ wɔnɔ idzyi nɛ kemi klɛ tɛ akɔ nɔ gɛganɛ nɛ nɔ kibui dzyɔgo bhɛbhɛtɛ kanyaka mɛ anɛ kaɖɔɖuɖɔ.

2 Timotio 2:21

Onu gɛ anɔ teli eŋuse yɛ shu ebu nɛ kɛgɔgɔɛ nɛ mɛ, ebe dzi kɛxwɛwadɔ kɔ kibui gbɛgbla tɛbhɛbhɛtɛ, gɛ ba bhɛtɛ lɛ pɛ kɛlɛ shu bhui, gɛ kɛlɛ kɛxwɛwa mɛ kɔ Apalete klɛ ba bala kɛlɛ elu kɔ kɛxwɛ dzyɔgo kanyaka wɛwa nɔ.

2 Timotio 3:17

sɛ tɛ Kpayanɔ kɛxwɛwadɔ kanyaka za yɛahwɛ kɔ kɛxwɛ dzyɔgo kanyaka.

Titusɛ 2:14

gɛ ayɛkɔ yɛ shu akɔ nɛ bulɔɛ tɔkpu sɛ tɛ ebu lɔ edenɔ kɛtɔkpum gɛganɛ petee mɛ tɛ epulu banɔ nɛ gɛ enu yɛnahwɛ ayɛ nɛ akɔ shu, gɛ ba pɛa sɛ tɛ ba bhɛtɛ kɛgɛ nu kɛdzyɔgo.

Titusɛ 3:14

Alasɛ tɛ bulɔkɔayɛ nɛ bakpasɛ kana gɛ ba ba yɛkɔ ishu akɔ nɛ kɛdzyɔgo tɛbhɛbhɛtɛ mɛ, sɛ tɛ ba bhɛtɛ kiwinyɛwi kɛdɔ bhɛbhɛtɛ tɛ ba tɛ za nɛ ɛkpã nɛ gɛ kɛdɔnyɛdɔ tɛ ba de kɛlɛ mɛ koeyi.

Titusɛ 3:8

Kibui nɛ nu kibuiɖuɖɔ gɛ ba ba yɛkɛ kɛlɛa bha aŋa. Klɛ ɛpɛɛ sɛ tɛ nɔ trɔ kɛklãgbu nɛ ebuia nɛa bha, sɛ tɛ bagɛ atɛ yɛkɛ Kpayabha aŋa nɛ be luawɔ̃ tɛ ba yɛkɔ ishu etsye nɛ kibui dzyɔgo tɛbhɛbhɛtɛ mɛ. Ebuia nɛ apɛ̃ezi klɛ le be dzi kɛdɔ kɔ anɔnyanɔ.

1 Petro 4:10

anɔnyanɔ awa kɛdɔnɔ gɛ ayɛkɛ shu kɛxwɛ kɔ ɛhaglɔ, nɛ tɛyɛyɛkɛŋa mɛ gɛ kɛ nu Kpaya ɛyamyuyɔ edidedi