2 Kɔrintioanɛ 8:9 - ONUGBÙ NYƐNYÃ VUVƆ

⁹ Alasɛ nɔ nyi bulɔ Apalete Yesu Kristo kɛdɔkukɔ, sɛ nɛlɛmɛ aba mɔ ehueyi, pɔ nɛ bulɔɛ tɔkpu ebe dzi kitsyutsyuikpɛ̃, so tɛ ganɔ yɛ butsyutsyuikpɛ̃ mɛ nɔ bɔ dzi ehueyilete.

2 Kɔrintioanɛ 8:9 ပူးပေါင်းရင်းမြစ်များ

Mateo 17:27

“Pɔ sɛ tɛ bu tɛ da nɛ balɛa bha, vɛ kɛvɔ nɛ mɛ tɛ ɔdɔ kpɛ wɔ ɖaɖuwɛ. Yɛkɔ kɛkpã tutɔpu nɛ gɛ obo bu, yaka kɛlɛ onugbu nɛ mɛ klɛ ɔbɔ mɔ kɔba tɛalɛ̃ kihoeyi tili. Yɛkɔɛ lɛ tɛ ɔdɔ kɔ kadzyɔ nɛ mɛ nɛ wɔnɔ nu.”

Mateo 20:28

anasɛ gɛ Anɔdzyrame yɛ Eyi nɛ adɛ ba sɛ tɛ ba dɛ axwɛ akɔ yɛ, pɔ aba sɛ tɛ aba dɛ axwɛ, tɛ ayɛkɔ yɛ ɛkpã nɛ abuya anasɛ kɛbhɛ nɛ banɔɛ tɔkpu.”

Mateo 8:20

Yesu ebu lɛ nu sɛ, “Ayakpamkudzɔgɛ nɛ mɔ ɛlɛ okukɔ klɛ kɛlɛɛm buzhuɔɛ nɛ tsyɛ mɔ bulɛ evu, pɔ Anɔdzyrame yɛ Eyi nɛ aka mɔ ɔkɛlɛ gɛ ebe lu yɛ tɔkpu.”

Marko 6:3

Ganɛ osiafatɛ nɛ naa? Ganɛ Maria yɛeyi Yakobo, Yosɛfu, Yuɖas anɛ Simɔnɛ balɛ adzya nɛ naa? Sɛ yɛadalɛ nɛ balɛ ɔkɛ̃ nɛ bulɔ?” Klɛ banɔ na mɔ obulo nɛ yɛ.

Luka 16:11

So onugɛ ba dɛ yɛkɛ wɔ abhaŋa nɛ kanɔɛmɛ ehoeyi abha didi, anɛ yɛ aba yɛkɛ wɔ abhaŋa nɛ ehoeyi gbɛagba?

Luka 2:7

klɛ amɔ yɛ eyianyɛ, tɛtɔpu. Anya yɛ akpɛ kɛpɔtɛ mɛ klɛ ayɛkɔ yɛ akpɛ kɛdɔ nɛ mɛ gɛ baga na ŋaɛdɔ, alasɛ ba dɛ mɔ ɔyakɔ nɛ befu ɔtsɛkɔ.

Luka 8:3

Kuza gɛ edi Heroɖesɛ bupa nɛabha yɛedzini Yohana, Susana, nɛ̀ be gelee bhlatɔ. Badzɛa nɛ ba plɛnɔ atɔ alɛ owunɔ denɔ balɛ nahwɛ dɔ.

Luka 9:58

Yesu ebui lɛ nu asɛ, “Ɛzi lɛ ayakpɛakudzogɛ ahwɛ klɛ buzhuɔɛ nɛ kɛlɛɛ mɛ evu alɛ bulɛ ahwɛ, pɔ Anɔdzyrame Yi ɔzakɔ ma yɛ ahwɛ gɛ aba yikɔ yɛ tɔkpu elu.”

Yohanɛsɛ 1:10

Aza kanɔ nɛ mɛ, klɛ kɛbɛlɛmɛ sɛ babhɛtɛ kanɔ nɛ aganɛ yɛ abha, kanɔ nɛ kediti yɛ.

Yohanɛsɛ 1:14

Kibui nɛ badzi ishuidzya klɛ abhɛtɛ yɛ ɔzakɔ nɛ bulɔɛ mɛ. Bumɔ yɛ ishubhubhui, ishubhubhui Terikpoe lɛlɛ klɛ Ɛlɛ ko, gɛ aba denɔ Aka nɛ ɔkɔ, gɛ eyuku nɛ ɛyamyuyɔ anɛ kɛgba.

Yohanɛsɛ 1:17

Alasɛ ba kɔ ɔshã ganɔ Mose abha, ɛyɛmɛyuyɔ anɛ̀ kɛgba nɛ ba ganɔ Yesu Kristoa bha.

Yohanɛsɛ 12:30

Yesu aɖɔ sɛ, “Wunɔ tɛpɛpɛ̃ so gɛ olimɛ kaɖɔ nɛ yi, anɛ mɛ tɛpɛpɛ̃.

Yohanɛsɛ 16:15

Kɛdɔnyɛdɔ gɛ kɛlɛ Aka na hwɛ kɛ nu mɛ yɛ. Kɛlɛ so gɛ ɛɖɔ sɛ, Ɔfufɔɛ nɛ bɔ yɛkɛ denɔ kɛdɔ nɛ gɛ kɛ nu mɛ yɛ klɛ aba kɔ nɔ ti lɛ.

Yohanɛsɛ 17:19

Alasɛ iipulu mɛ nahwɛshu, sɛ tɛ ba lɛ tsyɛ ba ba plu shu kɛgbɛagba.

Romanɛ 11:12

Pɔ onu gɛ balɛ buzizi nɛ nu kɛkesrɔdɔ kɔ kanɔ, klɛ balɛ kɛdɔlɛlɛla nɛ nu kɛkesrɔdɔ kɔ baga dɛ yɛkɛaŋa, kɛlɛ kɛkesrɔdɔ gbɛgbla dɛa na nɛ balɛ ahwɛ nɛ taa mɛna!

Romanɛ 15:3

Alasɛ Kristo tsyɛ edi ku ishuawɔ̃ pɔ, anasɛ gɛ ba ŋlɔmɛ elu asɛ: “Bagɛ ba kula nɔ nɛ akulatu nɛ awɔlɛ adɔ mɛa bha.”

Romanɛ 5:8

Pɔ Kpaya ebu yɛnahwɛ tɛɖuɖɔ nɛ gɛ aɖɔ lɔ nɛ akasɛ nɛ kidzoe nɛa bha sɛ: Nɛ kibe lɛ gɛ bu ka nu buziziabhɛtɛ, Kristo etsi nɛ bulɔɛ tɔkpu!

Romanɛ 8:32

Agɛ adɛ da ahwɛ akpɛ yɛ nɛahwɛ Yeyi, pɔ ayɛkɔ yɛ akpɛahwɛ nɛ lɔɛ tɔkpu, klɛ tsyɛ ataa yɛkɔ aplɛnɔ yɛ, nɛ eshutukubuididi mɛ akɔ lɔ kɛdɔnyɛdɔɛdi?

1 Kɔrintioanɛ 1:4

Ɛhu Kpaya ahwɛ kibenyɛbe nɛ wunɔɛ tɔkpu alasɛ yɛ ɛyɛmɛyuyɔ gɛ akɔ nɔ ganɔ Kristo Yesu abha.

1 Kɔrintioanɛ 15:47

Anɔ tɛtɔpu kesukpaɛ tisi kɛlɛ ba yɛkɔ abhɔ yɛ nɔ, anɔ bhla ede owũsise.

2 Kɔrintioanɛ 13:14

Kɔ Apalete Yesu Kristo ɛyamyuyɔ, anɛ Kpaya tɛdɛdɛmɛnɔ, anɛ Ɔfufɔɛ Dzyɔgo ɔhakpɛkpɛ lɔ za plɛnɔ wɔnɔ petee.

2 Kɔrintioanɛ 6:10

samemamɔ mamɔ, pɔ kibenyɛbe bu mɔ same, be tsyutsyukpɛ̃, pɔ bu mɔ ehoeyi gelee, kɛdɔmaza maza anɔ ahwɛ, pɔ kɛdɔnyɛdɔ lɛ anɔ ahwɛ.

Efesoanɛ 2:7

sɛ tɛ nɛ agɔ nɛ gɛ la ba nɛ mɛ tɛ ebe bu kɛsɔnɔ nɛ gɛ adɛsɔnɔ anɔnyanɔ akasɛ asɛ tɛmumɔ gɛ kɛ baa aba kasɛ kedziŋɛŋa gɛ kadɛ sɔnɔ yɛ dɔkukɔ, ebukasɛ nɛ yɛ ɛyɛmɛyɛyɔ kɔ lɔ nɛ Kristo Yesu mɛ.

Efesoanɛ 3:19

klɛ tɛ nɔ tii yɛ anɔɛbui tɛdɛdɛmɛ gɛ kɛdɔ fla tititi—tɛ be yuku nɔ kɔ tɛsɛsɔnɔ Kpaya tɛyuyuku petee.

Efesoanɛ 3:8

Kɛlɛ anasɛ enu ebhliyi dɛ Kpaya banɔ bhliyi, yɛ kɛdɔ kuku ba kɔ mɛ: sɛ tɛ ɛɖɔ kibui dzyɔgo nɛ kɔ bagɛ bedinu Yuɖanɛ Kristo kedziŋɛŋa gɛ ɔtɛ bɔ pɛɛɔ mɔ,

Koloseanɛ 1:24

Ɔtsɔ̃nɛ ɛmɔ same nɛ́ butɔ gɛ ɛtɔ kɔ nɔ, klɛ iti nɛ mɛ ishuidzya mɛ gɛ kɛ ka gbaede kɔ Kristo yɛ butɔ mumɔ kɔ yɛ shudzya, gɛ kɛ nu busɔlɛɔha.

1 Timotio 6:18

Bu otsre alɛ sɛ ba bhɛtɛ kɛdzyɔgo, tɛ kibui dzyɔgo ehoeyi aza balɛ ahwɛ, tɛ ba pɛ̃ ɛyam tɛ ba dɛmɛ akɔ kɛdɔ.

Hebriuanɛ 1:2

pɔ nɛ ewui gugɔɛa nɛ mɛ aɖɔaɖɔ aganɔ yɛ Yi nɛabha kɔ lɔ, gɛ yɛ eklu akɔ kɛdɔnyɛdɔ, nɛ yɛabha aga gɛ abhɛtɛ kanɔ.

Yakobo 2:5

Nɔ tatɔ, madzyalɛ gɛ ɛɖɔ mɔ: Kpaya edi kulu bagɛ be nu betsyutsyuini nɛ ebu nɛ banɔ amɛ nɛ kanɔa nɛm sɛ tɛyɛyɛkɛŋa ehoeyi aza balɛ ahwɛ klɛ tɛ ba ba mɔ ɔŋakɔ nɛ bukusi nɛm gɛ aɖɔ asɛ aba kɔ bagɛ ba ɖɔɛ nɛ dza?

Tɛbubukasɛ 2:9

Inyi ebui nɛ gɛ atrɔ wɔabha anɛ wɔ kitsyui—pɔ ehoeyi alɛ wɔahwɛ! Inyi bagɛ asɛ enu Yuɖanɛ flogo pɛ bedi nu, pɔ be nu Satana oxogokɔvu.

Tɛbubukasɛ 21:7

Aanɔ nɛ gɛ aŋɛabha aba mɔ ɔŋakɔ nɛ anɛ nɛ peteem, klɛ ɛba dzi yɛ Kpaya klɛ ebe dzi mɛ eyi.

Tɛbubukasɛ 3:18

Ɛkasɛ wɔɛdɔ sɛ tɛ odzi ɔfufɔɛ mɛ sɛkadzɛdzã gɛ be plui nɛ kifu mɛ, sɛ tɛ obo dzi ehoeyielete, nɛ apɔtɛ fufu sɛ tɛ onyumu, sɛ tɛ ɔyɛkɔ ɔda wɔ kɛwɛ̃ buzholia, anɛ bubɔ gɛ ɔbɔ kpɛ anhũm sɛ tɛ ɔzɔɔ mɔ.