2 Kɔrintioanɛ 7:10 - ONUGBÙ NYƐNYÃ VUVƆ

¹⁰ Kpaya obulo mɛna kitemtsyitsyina gɛ kɛkɔ sɛ nɔ mɔ tɛbhubhuiyɛkɛ klɛ kɛ dɛ tɔ anɔ, pɔ kanɔɛmɛ obulo mɛna butsi.

2 Kɔrintioanɛ 7:10 ပူးပေါင်းရင်းမြစ်များ

Mateo 26:75

Ɔkɛlɛ Petro abaka ebui nɛ gɛ Yesu aɖɔ etsre yɛ asɛ, “Flogo tɛ ɔkukɔ ɔbɔ bɔ, wɔ ɔbɔ dɛada ada tata sɛ oti nyi mɛ.” Ɔkɛlɛ Petro ekoeyi ashɛ̃ klɛ ede bi iyuyo popoopo.

Luka 15:10

Nɛ kidzo lɛlɛ nɛabha, itsre nɔ sɛ, samemumɔ aba za Kpaya axwɛdɛ amɛ nɛ ezizi terikpo gɛ etsyina temɛ.”

Luka 18:13

Pɔ adɔdzyɔ alɔɛ titi nɛ odzidze kɔ. Edi bu amɛ akpɛ kabha edi owũsise kuratsyɛ, pɔ edzu ahwɛ nɛ te mɛ klɛ aɖɔ sɛ, ‘Kpaya di mɛ eshutukubui, anɔzizi mɛ nu.’

Axwɛwɛwa 11:18

Gɛ be nua na nɛ, kibuinyɛbui daa za balɛ ahwɛ ɔyɛkɔ dɛ sɛ tɛ ba kpɛ Kpaya nɛa bha, nɛ tɛ ɖuɖɔ sɛ, “Klɛ so, Kpaya atrɔ ahwɛ bagɛ be di nu Yuɖanɛ nɛ tsyɛ kitem tsyitsyina nɛa bha nɛ kanɔa nɛ mɛ.”

Axwɛwɛwa 3:19

No tsyina kitem, tɛ no tsyina amɛ ɔtɔnɔ Kpaya, sɛ tɛ be xule wɔnɔ buzizi, tɛ kimuenebe ba kɔnɔ denɔ Apalete nɛ ɔkɔ,

2 Kɔrintioanɛ 12:21

Kifu ku mɛ sɛ kibenɔ nɛ gɛ ɛzɛ ba mɛ Kpaya aba kɔ mɛ shuimɛyɔ nɛ wunɔ amɛ, klɛ ɛba mɔ obulo nɛ banɔ gelee gɛ babhɛtɛ ebuikpã bafla klɛ ba dɛ tsyinɛtɛmɛ nɛ balɛ buzizi nɛ mɛ, badzɛ ebuikpã bhɛbhɛtɛ anɛ ɛkpãzizi zɛza gɛ ba yɛkɔ ishu akpɛ lɛ mɛ.

2 Kɔrintioanɛ 7:9

pɔ ɔtsɔnɛ ɛmɔ same, ganɛ sɛ gɛ ba kɔ nɔ mɔ obulo so, pɔ alasɛ wunɔ obulo nɔ kɔ sɛ nɔ tsyinɛtemɛ. Alasɛ nɔ bɔ dzi obulo banɔ anasɛ gɛ Kpaya atrɔ klɛ bu dɛ zi kɛdɔnyɛdɔ nɛ kidzonyɛdzo abha nɛ wunɔ shu.

Hebriuanɛ 12:17

Kɛlɛede, anasɛ gɛ no nyi, kibe lɛ gɛ apɛasɛ tɛ ayɛkɛ tɛyuyulaɛ nɛ, ba dɛ dɛmɛ akɔ yɛ lɛ. Ada na kɛtɔkpu mɛ tsɛtsrakɛ kanyaka mɛna, kɛnya za kɛlɛ mɛ sɛ ebi iyuyo akpɛ lɛ pɔ.