2 Kɔrintioanɛ 6:10 - ONUGBÙ NYƐNYÃ VUVƆ

¹⁰ samemamɔ mamɔ, pɔ kibenyɛbe bu mɔ same, be tsyutsyukpɛ̃, pɔ bu mɔ ehoeyi gelee, kɛdɔmaza maza anɔ ahwɛ, pɔ kɛdɔnyɛdɔ lɛ anɔ ahwɛ.

2 Kɔrintioanɛ 6:10 ပူးပေါင်းရင်းမြစ်များ

Mateo 5:12

Nɔ mɔ same tɛ nɔ wɔ, alasɛ wɔnɔɛ bhɛ tri nɛ owũsise, alasɛ kidzoe lɛ nɛ dia bha ke la ga pɛ ba kpatɔnɔ batɔnu nɛ gɛ eputɔ kɔ nɔ.

Mateo 5:4

Ba yula bagɛ balɛ akpasɛ awɔ̃hũdzɛdza mɛ, alasɛ balɛ kite le be vu idzyi akpɛ.

Luka 6:21

Bayula wunɔ agɛ bubhɛ yi ɔtsɔnɛ, alasɛ wunɔ bo xui. Bayula wunɔ agɛ nɔ biyo ɔtsɔnɛ, alasɛ wunɔ bɔ mɔɛ̃mɔɛ̃.

Yohanɛsɛ 16:22

Kanake wunɔ tsyɛ nɔ lɛ: Ɔtsɔnɛ wunɔ be lɛ nu sɛ nɔ bɔ mɔ butɔ, pɔ ɛzɛa mɔ nɔ klɛ nɔ bɔ tsodzi ɔmɔ same gɛ anɔnyanɔ atɛ ba yɛkɛ wunɔ same mumɔ.

Axwɛwɛwa 16:25

Nɛ elishi kishitibha mɛ nɛɛ Paolo anɛ Silas ba za ɛdzɛ zhɛzha nɛ Kpaya kuklua bha, klɛ baga za buvu nɛ aplɛnɔa lɛ na za ta batɔ nɛ ebui nɛ gɛ ba za bhɛtɛ.

Axwɛwɛwa 3:6

Petro efeke aɖɔ asɛ, “Sɛkafufu ɔdɔgɔsɛ adzɛdzã ama mahwɛ, pɔ kɛgɛ lɛ mahwɛ nɛ mɛ ɛba kɔ wɔ. Nɛ Yesu Kristo Nazarɛtɛ eyi nɛ kinyi mɛ, lɔ ga.”

Axwɛwɛwa 5:41

Banɔkpɛkpɛ na shɛ nɛ Bebhuiklu nɛ amɛ nɛ same mumɔ sɛ ba kla lɛ asɛ bana kɔ butsɔ kpɛkpɛ nɛ Kinyi nɛ tɔkpu.

Romanɛ 11:12

Pɔ onu gɛ balɛ buzizi nɛ nu kɛkesrɔdɔ kɔ kanɔ, klɛ balɛ kɛdɔlɛlɛla nɛ nu kɛkesrɔdɔ kɔ baga dɛ yɛkɛaŋa, kɛlɛ kɛkesrɔdɔ gbɛgbla dɛa na nɛ balɛ ahwɛ nɛ taa mɛna!

Romanɛ 12:15

Mɔ same nɛ baga mɔ same, tsishu nɛ bagɛ be tsi shu.

Romanɛ 15:13

Kɔ kidzoenu didi Kpaya nɛ eyuku nɔm nɛ same anɛ ishuyuyɔ ansɛ gɛ nɔ yɛkɛ yɛa bha ɔŋa, sɛ tɛ no bo yuku ɔgbɛgba nɛ kidzoenu didi ganɔ Ɔfufɔɛ Dzyɔgo anɛ kemi mɛ.

Romanɛ 8:32

Agɛ adɛ da ahwɛ akpɛ yɛ nɛahwɛ Yeyi, pɔ ayɛkɔ yɛ akpɛahwɛ nɛ lɔɛ tɔkpu, klɛ tsyɛ ataa yɛkɔ aplɛnɔ yɛ, nɛ eshutukubuididi mɛ akɔ lɔ kɛdɔnyɛdɔɛdi?

Romanɛ 9:2

Same mamɔmamɔ gbla anɛ butɔ vɛa bha nɛ mɛ idzyim.

1 Kɔrintioanɛ 1:5

Alasɛ nɛ yɛ mɛ nɔ bɔ dzi ehoeyielete nɛ kidzonyɛdzo abha—nɛ kɛlɛ petee mɛ wunɔ kaɖɔɖuɖɔ nɛ kɛlɛmɛ petee nɛ kibuititi—

2 Kɔrintioanɛ 2:4

Alasɛ ɛŋlɔmɛ kɔ nɔ nɛ ishu mɛ pupɔɛ anɛ butɔ denɔ idzyi mɛ nɛ ɛwɔ̃mɛ gelee, ganɛ sɛ tɛ kpɛ nɔ obulo pɔ sɛ tɛ ɛkɔ nɔ mɔ tɛdzudzu mɛ kɔ wɔnɔ tɛdɛdɛmɛnɔ.

2 Kɔrintioanɛ 4:15

Anɛ petee lɛ nu wunɔ tɛpɛpɛ̃, se tɛ kɛdɔkukɔ gɛ kɛnanɛ lɔ gelee klɛ banɔ gelee ba bakɔ ahwɛhuhu be yukuagbɛgba kɔ Kpaya kabhaŋɛŋa.

2 Kɔrintioanɛ 4:7

Pɔ ehoeyi butsukpu nɛ lɛ bulɔ ahwɛ gɛ bu ba tɛ yɛkɔ kasɛ sɛ, kemi gɛ kagɛganɛ adɛ petee kede Kpaya kɔ klɛ ganɛ bulɔ kɔ ke de.

2 Kɔrintioanɛ 8:9

Alasɛ nɔ nyi bulɔ Apalete Yesu Kristo kɛdɔkukɔ, sɛ nɛlɛmɛ aba mɔ ehueyi, pɔ nɛ bulɔɛ tɔkpu ebe dzi kitsyutsyuikpɛ̃, so tɛ ganɔ yɛ butsyutsyuikpɛ̃ mɛ nɔ bɔ dzi ehueyilete.

Efesoanɛ 3:16

Iklukpaya sɛ nɛ yɛ kedziŋɛŋa ishubhubhui nɛ mɛ akɔ wɔ bugɛganɛ plɛnɔ kemi ganɔ yɛ ɔfufɔɛ nɛ mɛ nɛ kɛmɛ,

Efesoanɛ 3:8

Kɛlɛ anasɛ enu ebhliyi dɛ Kpaya banɔ bhliyi, yɛ kɛdɔ kuku ba kɔ mɛ: sɛ tɛ ɛɖɔ kibui dzyɔgo nɛ kɔ bagɛ bedinu Yuɖanɛ Kristo kedziŋɛŋa gɛ ɔtɛ bɔ pɛɛɔ mɔ,

Filipianɛ 2:17

Pɔ tsyɛ onugɛ ba balɛ mɛ elu ansɛ bulu bɛbalɛesi anɛ tɛyɛyɛkɔkɔ nɛ kɛxwɛwa gɛ de wɔnɔ tɛyɛyɛkɛŋa nɛ mɛ ba, ki ku mɛ awɔ̃ klɛ mɛ mɔ same nɛ wɔnɔ petee.

Filipianɛ 4:4

Nɔ mɔ same nɛ́ Apalete nɛ mɛ kibenyɛbe. Ɛka baɖɔ lɛ sɛ: Nɔ mɔ same!

Koloseanɛ 1:24

Ɔtsɔ̃nɛ ɛmɔ same nɛ́ butɔ gɛ ɛtɔ kɔ nɔ, klɛ iti nɛ mɛ ishuidzya mɛ gɛ kɛ ka gbaede kɔ Kristo yɛ butɔ mumɔ kɔ yɛ shudzya, gɛ kɛ nu busɔlɛɔha.

Koloseanɛ 3:16

Nɔ kɔ Kristo ebui la za wɔnɔɛ mɛ nɛ kedziŋɛŋa nɛ́ kɛlɛmɛ gɛ nɔ kasɛdɔ klɛ nɔ yɛ kɔ tɛtsitsrenɔ kɔ ɔhaglɔ nɛ ebuinyinyi petee, klɛ anasɛ gɛ nɔ zha be Pɛsalomo busɔlɛ ɛdzɛ, anɛ ɛfufɔɛmɛ ɛdzɛ, anɛ̀ ahwɛhuhu denɔ wɔnɔ idzyi mɛ kɔ Kpaya.

1 Tɛsolonianɛ 1:6

No bo dzi banɔ gɛ no di bulɔ anɛ Apalete nɛ pɛ nɔɔ bhɛtɛ; nɛ butɔ gɛganɛɛ mɛ tsyɛ, nɔ yɛkɛ kibui nɛ gɛ ba mɛna nɔ nɛ same ganɔ Ɔfufɔɛ Dzyɔgo nɛ ɔkɔ.

1 Tɛsolonianɛ 5:16

Nɔ mɔ same kibenyɛbe;

1 Timotio 4:8

Alasɛ ishuidzyam hihe nɛ lɛ kedziŋɛŋa tieli mɛ, pɔ kpayamzɛza kedziŋɛŋa lɛ kɔ kɛlɛ nɛ ebui nɛ petee mɛ, ki vunɔ kidzoenudidi kɔ ɔtsɔ̃ nɛ ɛkpã anɛ ɛkpã nɛ gɛ ba tɛ ba.

1 Timotio 6:18

Bu otsre alɛ sɛ ba bhɛtɛ kɛdzyɔgo, tɛ kibui dzyɔgo ehoeyi aza balɛ ahwɛ, tɛ ba pɛ̃ ɛyam tɛ ba dɛmɛ akɔ kɛdɔ.

Hebriuanɛ 10:34

Eshutukubui kunɔ nɛ bagɛ bakpɛvu klɛ onugɛ ba yɛkɛ kɛdɔ gɛ kɛlɛ wɔnɔahwɛ nɔ yɛkɛ lɛ nɛ same, alasɛ wɔnɔ nahwɛ nɔ nyi sɛ kɛdɔ gɛ kɛbaza ɔvɛnɔ fãã lɛ wɔnɔahwɛ.

Yakobo 2:5

Nɔ tatɔ, madzyalɛ gɛ ɛɖɔ mɔ: Kpaya edi kulu bagɛ be nu betsyutsyuini nɛ ebu nɛ banɔ amɛ nɛ kanɔa nɛm sɛ tɛyɛyɛkɛŋa ehoeyi aza balɛ ahwɛ klɛ tɛ ba ba mɔ ɔŋakɔ nɛ bukusi nɛm gɛ aɖɔ asɛ aba kɔ bagɛ ba ɖɔɛ nɛ dza?

1 Petro 4:13

Pɔ nɔ mɔ same sɛ nɔ bhɛtɛ tili nɛ Kristo butɔ mumɔ nɛ mɛ, sɛ tɛ nɔ bɔ mɔ same ɔflanɔ kibenɔ nɛ gɛ be bu yɛ ishubhubhui nɛ akasɛ.

Tɛbubukasɛ 2:9

Inyi ebui nɛ gɛ atrɔ wɔabha anɛ wɔ kitsyui—pɔ ehoeyi alɛ wɔahwɛ! Inyi bagɛ asɛ enu Yuɖanɛ flogo pɛ bedi nu, pɔ be nu Satana oxogokɔvu.

Tɛbubukasɛ 21:7

Aanɔ nɛ gɛ aŋɛabha aba mɔ ɔŋakɔ nɛ anɛ nɛ peteem, klɛ ɛba dzi yɛ Kpaya klɛ ebe dzi mɛ eyi.