2 Kɔrintioanɛ 4:4 - ONUGBÙ NYƐNYÃ VUVƆ

⁴ Kanɔanɛ mɛ kpaya nɛ epu aŋuhu kɔ bagɛ badɛ yɛkɛaŋa, so tɛ batɛ mɔ kibui dzyɔgo nɛ futɛtã gɛ kɛnu Kristo kabhaŋɛŋa gɛ alɛ Kpaya tɛzɛzɛmɛ.

2 Kɔrintioanɛ 4:4 ပူးပေါင်းရင်းမြစ်များ

Mateo 13:22

Eyii nɛ gɛ adɔ ewi mɛ alɛ nu anɔ gɛ enu kibui, pɔ ɛkpã nɛ mɛ butɔ nɛ kɛnɔmɛdɔ anɔwuwɔɛ eshe ada yɛ so kibui nɛ dɛ yu eyuyu nɛ yɛ mɛ.

Yohanɛsɛ 1:14

Kibui nɛ badzi ishuidzya klɛ abhɛtɛ yɛ ɔzakɔ nɛ bulɔɛ mɛ. Bumɔ yɛ ishubhubhui, ishubhubhui Terikpoe lɛlɛ klɛ Ɛlɛ ko, gɛ aba denɔ Aka nɛ ɔkɔ, gɛ eyuku nɛ ɛyamyuyɔ anɛ kɛgba.

Yohanɛsɛ 1:18

Anɔnyanɔ aka mɔ Kpaya edi, pɔ Kpaya Eyi nɛ̀ Terikpo, gɛ alɛ Aka nɛ wã, ye abhɛtɛ sɛ bu ti yɛ.

Yohanɛsɛ 12:31

Ɔtsɔnɛ kɛbena kɔ kebhuikuklu nɛ kanɔ, ɔtsɔnɛ ba ba kɛka ekusieyi nɛ kanɔa nɛ mɛ.

Yohanɛsɛ 12:35

Ɔkɛlɛ Yesu etsre alɛ sɛ, “Nɔ bɔ yɛkɛ kifu nɛ kibebhli ko. Ga kibelɛlɛ nɛ gɛ nɔ yɛkɛ kifu, flogo tɛ otumu lo bo vu nɔ. Anɔ nɛ gɛ aga nɛ otumuɛ mɛ eti nyi ɔkɔnɔ nɛ gɛ avɛ.

Yohanɛsɛ 12:40

“Epu ba lɛ awɔ̃hu klɛ eyi ba lɛ dzyi, so tɛ ba tɛ na kɛdɔ mɔnɛ balɛ awɔ̃hu, ɔdɔgɔsɛ be nu kibuiesi nɛ balɛ idzyi, ɔdɔgɔsɛ be tsyina—klɛ ɛba beke balɛ banya.”

Yohanɛsɛ 12:45

Kibelɛlɛ nɛ gɛ edi mɛ, amɔ agɛ akpɛ mɛ.

Yohanɛsɛ 14:30

Ɛtɛaɖɔ kaɖɔ dzidze nɛ nɔ, alasɛ anɔ nɛ gɛ aŋa kanɔ nɛabha aba. Bupu ma yɛ ahwɛ nɛ mɛ shu,

Yohanɛsɛ 15:24

Ɔtɔsɛ ɛdɛ bhɛtɛ nɛ balɛ shi kɛ gɛ anɔ teli adɛ bhɛtɛ, batɛ ba bu alɛ pɔ kɔ buzizi. Pɔ ɔtsɔnɛ ba mɔ ebuiyinɔanɔ anɛ, klɛ tsyɛ be gu bulɔ tɛabha mɛ nɛ ma Aka.

Yohanɛsɛ 16:11

klɛ nɛ kebhuikuklu nɛ shu, alasɛ ekusieyi nɛ kanɔa nɛ mɛ ɔtsɔ̃ nɛ alɛ kɔ kɛpɔ bubu.

Yohanɛsɛ 8:12

Gɛ Yesu aza ɖɔaɖɔ etsre banɔ nɛ, aɖɔsɛ, “Mɛ nu kifu kɔ kanɔ. Anɔ gɛ aza mɛede atɛ ba ga otumui mɛ, pɔ kifu ɛkpã ba za yɛ ahwɛ.”

Axwɛwɛwa 26:18

sɛ tɛ ɔdɔ danɛ balɛ awɔ̃hũ tɛ otsyina lɛ odenɔ otumum ɔkɔ vɛnɔ kelidɛdanɛ mɛ, anɛ denɔ Satana kemi mɛ ɔvɛnɔ Kpaya ɔkɔ, sɛ tɛ ba yɛkɛ buzizi tɛyɛyɛkɔ tsye nɛ ɔzakɔ mumɔ nɛ bagɛ balɛ shu la tɛ danɛ nɛ shi ganɔ tɛyɛyɛkɛŋa nɛ mɛmɛ.’

Axwɛwɛwa 26:23

sɛ agɛ nu Kristo na ba mɔ butɔ, nɛ ansɛ anɔ tutɔpu gɛ anyɛmɛ edenɔ butsi mɛ, klɛ aba ɖɔ kadɔ edenɔ tɛtɛtã shu etsre yɛnahwɛ yeletea lɛ anɛ baga dɛ yɛkɛ aŋa.”

1 Kɔrintioanɛ 10:20

Ao, pɔ obudielete bugui dɔ kukɔ ɛfufɔɛkpã la kɔ, ganɛ Kpaya la kɔ, klɛ ɛdɛ pɛɛ kɔ nɔ sɛ tɛ nɔ zɔ sɔlɛ nɛ ɛfufɔɛkpã.

2 Kɔrintioanɛ 2:11

sɛ tɛ Satana atɛ ba ŋa bulɔ abha. Alasɛ bu nyi yɛ bushɛwuwa.

2 Kɔrintioanɛ 2:12

Ɔtsɔnɛ gɛ ɛvɛ Troasɛ tɛ ɛɖɔ Kristo bui dzyɔgo klɛ ɛmɔ sɛ Apalete adanɛ kidzo kɔ mɛ,

2 Kɔrintioanɛ 3:11

Klɛ onugɛ kɛ gɛ xule koeyi nɛ ba nɛ kabhaŋɛŋa, kɛlɛ kabhaŋɛŋa gɛ ka ba za gelee ke be tri gelee dɛ!

2 Kɔrintioanɛ 3:14

Pɔ balɛ amɛ dɔ otumu, alasɛ ɔdɔtɔnɔ obowui nɛabha kɛdɔ kukumu lɛlɛ nɛ wɔ kɛbelɛlɛ gɛ ba kla tɛnyɛnya kuku keplukpa. Kɛ dɛ tsɛ nɛ balɛ amɛ, alasɛ Kristo terikpo mɛzɛza la ba tsɛ lɛ bu.

2 Kɔrintioanɛ 3:18

Klɛ bulɔ bagɛ amɛ dɛdadɔ ma bulɔ petee bu mɔ Apalete nɛ kabhaŋɛŋa bulɔ amɛ letsyina kpɛ yɛ tɛzɛzɛmɛ nɛ kabhaŋɛŋa gelee-vɛabha, gɛ kɛ de Apalete nɛ mɛ, gɛ yɛ nu Ɔfufɔɛ.

2 Kɔrintioanɛ 4:6

Alasɛ Kpaya gɛ aɖɔ sɛ, “Kɔ kifu nɛ tã denɔ otumu mɛ,” bhɛtɛ yɛ fu tɛ kɛtã nɛ bulɔ idzyi mɛ tɛ kɛkɔ lɔ kifu buititi nɛ́ Kpaya kabhaŋɛŋa nɛ Kristo amɛ.

Galatianɛ 1:4

agɛ ayɛkɔ yɛnahwɛshu akɔ kɔ bulɔ ebuizizi tɔkpu sɛ tɛ ebu lɔ denɔ ɔtsɔ̃nɛ kanɔ zizia nɛ mɛ, anɛ́ bulɔ Kpaya anɛ̀ Aka nɛ́ tɛpɛpɛɛ nu,

Efesoanɛ 2:2

nɛ gɛ nɔ za kanɔ mɛ ebui nɛede klɛ agɛ aŋa bukusi nɛ kɛlɛmɛ, ɔfufɔɛ nɛ gɛ lɔ waɛxwɛ ɔtsɔ̃nɛ nɛ́ bagɛ ba ta ta tɔ nɛ mɛ.

Efesoanɛ 6:12

Alasɛ bulɔ tɛwuwlãkɛ nɛ ma ishuidzya anɛ dzyosu shu, pɔ bagɛ ba ŋɛabha, ɛshã, kanɔa nɛ mɛ otumu mɛ kemi anɛ ɛfufɔɛ tsutsɔmɔ bugɛganɛ nɛ owũsise kɛdɔ nɛ mɛ be.

Filipianɛ 2:6

Ane, gɛ yɛ tɛzɛza mɛ nu Kpaya, adɛ di ishu yɛyɛkɔ sɔnɔ Kpaya ki nu kɛdɔ gɛ be be vu,

Koloseanɛ 1:15

Kristo yɛ tɛzɛzamɛ nu Kpaya gɛ ba ta mɔ, eyi tɛtɔpu kɔ kɛdɔ bhɛbhɛtɛ kanyaka.

Koloseanɛ 1:27

Kɔ ba gɛ Kpaya eklu tɛ akɔ balɛmɛ Bagɛdinu Yuɖanɛ tii kabhaŋɛŋa ehueyi yɛ ebuikpukpu gɛ kɛ nu Kristo nɛ wɔnɔɛ mɛ, kidzoenu didi kabhaŋɛŋa.

1 Timotio 1:11

nɛ kɛgɛ ga plɛnɔ kibui dzyɔgo gɛ kɛlɛ shu bhui gɛ nu anɔyuyula Kpaya, nɛ gɛ ayɛkɔ akpɛ mɛ ahwɛ.

Titusɛ 2:13

nɛ kibe lɛ gɛ bu dzi zi po kidzoenudidi yuyula, nɛ bulɔ Kpaya gbla anɛ Yesu Kristo Agɛ ayɛkɛ kɔ lɔ, nɛ tɛwɛwɛ̃,

Hebriuanɛ 1:3

Eyi yɛ nu kɛfutɛtã kɔ Kpaya otugbavɛvɛ klɛ ayɛkɔ Kpaya tɛzɛzɛmɛ, abhɛtɛ kɛdɔnyɛdɔ nɛ yɛ bupu kibui ɖuɖɔɛ mɛ. Gɛ akɔ ebuizizi tipuplu beke, ada za Ɔgbɛgblakɔ kɛŋamɛ nɛ owũsise.

Hebriuanɛ 6:4

Kɛtɛ ba bɛlɛmɛ kɔ bagɛ ba tɛ danɛ balɛ amɛ nɛ kibe tili, gɛ be ti mini owũsise kɛdɔkukɔ, pɛ ba tɛ mɔ balɛ yɛ ayɛkɛ nɛ Ɔfufɔɛ Dzyɔgo nɛ mɛ,

2 Petro 1:19

Klɛ bu yɛkɛ kibui gɛ atɔnu na bhɛtɛ gɛ kɛlɛmɛdɔ dɛ, klɛ nɔ bɔ bhɛtɛ mɔmɔ sɛ nɔ ta tɔ nɛ lɛ, anasɛ gɛ kifu tã nɛ otumuimɛ, ɔdɔtɔnɔ kibelɛlɛ nɛ gɛ olizatɔ na, klɛ kɛvulɔɛ wũwɔɛ̃ neyi nɛ wũnɔ idzyi mɛ.

1 Yohanɛsɛ 2:11

Pɔ anɔ nɛgɛ egu yɛ adzya alɛ otumu mɛ klɛ aga nyɔ nɛ otumu mɛ, eti nyi ɔkɔnɔ gɛ avɛ, alasɛ otumu nɛ pu yɛ awɔ̃hu.

1 Yohanɛsɛ 2:8

Tsyɛ nɛ ɛŋlɔmɛ ɔshã vuvɔ kɔ nɔ, ba mɔ ɔlɛ kɛgbɛagba nɛ yɛ mɛ nɛ̀ wũnɔɛ mɛ, alasɛ otumu lɔ fla klɛ kifu kɛgbɛagba kɛ tɛ tenɛ tã.

1 Yohanɛsɛ 5:19

Bu nyi sɛ bu nu Kpaya yɛ yialɛ, klɛ sɛ kanɔ nɛ petee kabhaŋɛŋa lɛ ezizi nɛesi.