2 Kɔrintioanɛ 2:17 - ONUGBÙ NYƐNYÃ VUVƆ

¹⁷ Bulɔ bu tɛ dzi anasɛ banɔ gelee, bu tɛ yɛkɔ Kpaya buiɖɛɖɔ akpɛ anasɛ kedzigɛga sɛ tɛ bu mɔ trɔ. Kɛlɛlɛ nɛede, nɛ Kristoe mɛ bu ɖɔaɖɔ nɛ Kpaya amɛ anɛ kɛdzyɔgo bhɛbhɛtɛ, anasɛ banɔ gɛ ba kpɛ denɔ Kpaya kɔ.

2 Kɔrintioanɛ 2:17 ပူးပေါင်းရင်းမြစ်များ

Mateo 24:24

Alasɛ itro be Kristo nɛ itro batɔnu nɛ ba ba wɛ̃ klɛ ba ba bhɛtɛ kɛdɔmumɔ gbɛgbla nɛ ebui gɛ abhɛtɛ bi sɛ tɛ ba yɛkɔ awɛɛ bagɛ be klu nɛ tsyɛ—onu gɛ kɛ ba kɛlɛ mɛ ana.

Axwɛwɛwa 20:20

No nyi sɛ ɛdɛ yii de nɛ kɛdɔ kɛkasɛ gɛ ba kɔ nɔ tɛpɛplɛnɔ shu, pɔ ɛkasɛ nɔ kɛdɔ nɛ ɔtɔ denɔ bupa mɛ ɔvɛ bupa mɛ.

Axwɛwɛwa 20:27

Alasɛ ɛdɛ yii de nɛ Kpaya tɛpɛpɛ nɛ tɛ bubuɖɔ tsre nɔ shu.

1 Kɔrintioanɛ 5:8

Kɛlɛso nɔ kɔ lɔ ŋa Kiwui, ganɛ nɛ̀ bunaɛyekedɔ kuku, anɔshuzizi anɛ kɛtɔkpum gɛganɛ, pɔ nɛ gbɛ̃gbɛvu gɛ ba dɛ kpɛ bunaɛyekedɔ, tɛɖuɖɔ anɛ kɛgba gbɛ̃gbɛvu.

2 Kɔrintioanɛ 1:12

Ɔtsɔ̃nɛ kɛnɛ kɛlɛ nu bulɔ ishufifeke: Bulɔ tɔkpuimɛ tsre lɔ sɛ bu nyɛna shu nɛ kanɔ nɛ mɛ, klɛ ɔyɛkɔdɛana terikpo bhɛbhɛtɛ nɛ nɔ, nɛ tɛbhubhui anɛ kibui gbɛgbla bhɛbhɛtɛ gɛ kide Kpaya kɔ. Bu bhɛtɛ kibui nɛ ana ganɛ nɛ kanɔmɛ kibuinyinyi shu pɔ nɛ Kpaya kɛdɔkukɔ shu.

2 Kɔrintioanɛ 1:18

Pɔ kɛgbɛagba anasɛ gɛ Kpaya tɛyɛyɛkɛŋa lɛ, bulɔ ɔklasɔ kɔ nɔ kɛ dɛ nu sɛ “Ee,” anɛ “Oo.”

2 Kɔrintioanɛ 11:11

Kideso? Alasɛ ɛdɛ pɛɛ wunɔ bui? Kpaya enyi sɛ ɛpɛɛ wunɔ bui!

2 Kɔrintioanɛ 12:19

No bui tɔkpuimɛ kibenyɛbe sɛ bu wlãnkɛ bulɔnahwɛ shu kɔ nɔ? Bu ɖɔaɖɔ nɛ Kpaya amɛ anasɛ bagɛ ba lɛ nɛ Kristo, klɛ kɛdɔnyɛdɔ gɛ bu bhɛtɛ, mɛ ɔbhɛalɛ mɔ, wunɔ tɛ gɛganɛ so gɛ bu bhɛtɛ lɛ.

2 Kɔrintioanɛ 4:2

Nɛlɛede bu shɛnahwɛ ebui kpukpu anɛ̀ kɛwɔɛ̃ edzo nɛ shu lu, bu tɛyɛkɔ anɔ wuwɔɛ ebui, ɔdɔgɔsɛ bu tsyina Kpaya bui. Kɛlɛmaza, ganɔ kɛgbɛagba kɛkasɛ wee bulɔnahwɛ bu trɔ ahwɛ kɔ anɔnyanɔ bui bhɛbhɛtɛ nɛ Kpaya amɛ.

2 Kɔrintioanɛ 6:7

nɛ́ kɛgba kaɖɔɖuɖɔ anɛ̀ Kpaya kemi; nɛ̀ tɛzɛzamnɛna keyutɛtadɔ nɛ́ kɛŋa ɔhwɛ mɛ anɛ̀ nɛ kɛbhɛtɛkpɛ mɛ,

Galatianɛ 1:6

Kɛbhɛtɛ mɛ bi sɛ ɔtsɔ̃tsiɔ̃ nɔ tɛ shɛ̃nahwɛ agɛ ye klu nɔ nɛ́ Kristo ɛyamyuyɔ nɛabha klɛ nɔ tsyina tɔ kibui dzyɔgo bhlatɔ—

1 Tɛsolonianɛ 2:4

Kɛɛlɛ nɛ mazɛ lɛ mɛ, bu ɖɔaɖɔ anasɛ banɔ gɛ Kpaya atrɔahwɛ bulɔa bha pɛ ba ba yɛkɔ kibuidzyɔgo nɛ akpɛ bulɔ ahwɛ. Bu tɛ bhɛtɛ sɛ tɛ bu ku banɔ awɔ̃ pɔ Kpaya, gɛ eefeke bulɔ idzyi nɛ mɛ edi.

Titusɛ 1:11

Alasɛ tɛ ba bhɛtɛ alɛ tɛ ba da onugbu, alasɛ baa yɛɛ bapa gelee ganɔ balɛ kɛdɔkɛkasɛ nɛ gɛ kɛma sɛ ba kasɛ nɛ mɛ, klɛ apɛa sɛ tɛ ba mɔ kɛdɔ ganɔ otro mɛ so.

Hebriuanɛ 11:27

Tɛyɛyɛkɛŋa so ashɛ̃ nɛ Egipte, ekusi nɛ obulo odi ku yɛ kifu, alasɛ anyɛna agɛ ata mɔ gɛganɛ anasɛ bumɔ yɛamɔ yɛ.

1 Petro 4:11

Onugɛ anɔnyanɔ aba ɖɔ, abhɛtɛ lɛ anasɛ aɖɔ Kpaya ebui alɛlɛ, Onugɛ anɔnyanɔ adɛ axwɛ, abhɛtɛ lɛ nɛ̀ tɛgɛganɛ gɛ Kpaya akɔ yɛ, sɛ tɛ nɛ ebuinɛ petee mɛ ba bakpɛ Kpaya nyi nɛabha aganɔ Yesu Kristo abha. Kɔ yɛ kɛlɛ nu ishubhubhui anɛ̀ kemi denɔ mabeke ɔvɛnɔ mabeke. Tɛlɛbɛlɛm.

1 Yohanɛsɛ 4:1

Ɛbhɛalɛ mumɔa, nɔ tɛ yɛkɛ ɛfufɔɛ ɛkanyaka abhaŋa, pɔ feke ɛfufɔɛ nɛ odi tɛ nɔ mɔ sɛ lɛ de Kpaya kɔ, alasɛ itro batɔnu gelee ba tɛ ga ekoeyi etsoku kanɔ nɛ mɛ.

Yuɖa 1:4

Alasɛ banɔ teli gɛ be bu kɛpɔ pɛ ba ŋlɔmɛ kɛdɔ nɛ balɛ shu kukuku, ba ga tɛkpukpu mɛ ashɔku wɔnɔɛ shi. Be nu banɔ gɛ kpaya ama balɛ mɛ, gɛ be tsyina Kpaya ɛyamyuyɔ nɛ edzi kidzokukɔ kɔ azhuzhɔlɛbui bhɛbhɛtɛ klɛ ba dɛ yɛkɛ Yesu Kristo bulɔ Ishuahwɛzɛza anɛ Apalete terikpo.

Tɛbubukasɛ 12:9

Be hu eblidzyagbla nɛ ebho— kɛlɛbe eblidzya alɛlɛ nɛ gɛ be kulu asɛ ɔfufɔɛkpã ɔdɔgɔsɛ Satana, gɛ agbanɔ kanɔ nɛ petee alɛla. Be huyɛebho asɛsɛ kesukpa, anɛ yɛ baxwɛdɛ.

Tɛbubukasɛ 19:20

Pɔ be vu agavuga, ɔplɛnɔ otro atɔnu nɛ gɛ abhɛtɛ ebuimumɔ nɛ gɛ abhɛtɛ bi nɛ yɛ nu. Ɔyɛkɔ plɛnɔ ebui mumɔa nɛɛ alɛ ayɛkɔ awɛ bagɛ ba yɛkɛ agavuga nɛ ebi pɛ ba kpɛ kɛtɔkpuesi kɔ yɛ abhubhɔ. Ba yɛkɔ batɛabha nɛ atɛ̃ elulu akpɛ kɛklãgbui fui vɔ nɛ mɛ.

Tɛbubukasɛ 2:20

Pɔ, kibui lɛ mɛ ahwɛ nɛ wɔ: Adzɛ alɛlɛ Yezebɛl ɔkɔ yɛ amɛ, gɛ ekulu shu as enu adzɛ atɔnu. Ganɔ yɛ kɛdɔkɛkasɛ nɛ nu agbanɔ mɛ baxwɛdɛ ada kpɛ azhuzhɔlɛbui bhɛbhɛtɛ mɛ anɛ ibuidi dɔŋɛŋa mɛ.