2 Kɔrintioanɛ 12:9 - ONUGBÙ NYƐNYÃ VUVƆ

⁹ Pɔ aɖɔ tsre mɛ sɛ, “Mɛ ɛyamyuyɔ kpe kɔ nɔ, alasɛ ba bhɛtɛ mɛ kemi nɛ kana nɛ́ tɛbubotsoe mɛ.” Kɛlɛso ɛba fekeshu gelee dɛa na gɛ ɛba mɔ same nɛ mɛ tɛbubotso shu, sɛ tɛ Kristo bupu nɛ za mɛabha.

2 Kɔrintioanɛ 12:9 ပူးပေါင်းရင်းမြစ်များ

Mateo 28:18

Ɔkɛlɛ Yesu aba balɛ ɔbha klɛ asɛ, “Kabhaŋɛŋa petee anɛ owũsise anɛ kesukpa, ba tɛ yɛkɔ akpɛ mɛ ahwɛ.

Mateo 28:20

klɛ tɛ nɔ kasɛ dɔ sɛ anɔnyanɔ abhɛtɛ ansɛ gɛ ɛtrɔ kɔ nɔ. Klɛ kɛlɛ kɛlɛm sɛ ɛlɛ plɛnɔ nɔ kibenyɛbe, ɔkɔ dɔ nanɔ kanɔ nɛ tibibeke.”

Luka 21:15

Alasɛ ɛba kɔ wɔ ebuiɖɛɖɔ nɛ kibuinyinyi sɛ ba gɛ bata pɛɛ wɔɛbui ba tɛ bana kibui nɛ shu shɛ̃nahwɛ pɛnɔ betsyinɛ la ɖɔ.

1 Kɔrintioanɛ 10:13

Tɛfifekedi kanyaka ka vu wɔ dɛ kɛgɛ ba anɔnyanɔ abha. Klɛ Kpaya enu ayɛyɛkɛŋa, atɛ bakɔ tɛfifekedi dɛ kɛgɛ ɔtɛ bɔ na. Pɔ kibenɔ gɛ befeke wɔ di, aba kasɛ wɔ kidzo sɛ tɛ ɔga lɛabha tɛ obo koeyi nɛ lɛesi.

1 Kɔrintioanɛ 15:10

Pɔ nɛ Kpaya ɛyɛmɛyuyɔ enu agɛ enu, klɛ yɛ ɛyɛmɛyuyɔ kɔ mɛ kɛdi dzi kɛkpɛkpa. Oo, ɛwa kɛxwɛ dɛ balɛ petee—ganɛ mɛ nahwɛ, pɔ Kpaya ɛyɛmɛyuyɔ kɛlɛ za plɛnɔ mɛ.

1 Kɔrintioanɛ 2:3

Ɛba nɔ kɔ nɛ butɔ anɛ kifu, anɛ tɛshushuku gelee.

1 Kɔrintioanɛ 2:5

kɛlɛso wunɔ tɛyɛyɛkɛŋa kɛtɛ trɔ banɔ kibuinyinyi abha, pɔ nɛ́ Kpaya bupu abha.

2 Kɔrintioanɛ 11:30

Onugɛ alasɛ tɛ ɛfekeshu, ɛba fekeshu nɛ ebui nɛ gɛ la kasɛ mɛ tɛ bugblɔdzɔ.

2 Kɔrintioanɛ 12:1

Ɛba ɛvɛ lɛabha zɛ fekeshu. Kɛlɛlɛmɛ sɛ kɛdɔnyɛdɔ ma gɛ ɛba mɔ trɔ, ɛba vɛ lɛabha tɛ ɛmɔ klɛ tɛ ibukasɛ denɔ Apalete nɔ kɔ.

2 Kɔrintioanɛ 12:10

Kɛlɛ nu sɛ, alasɛ Kristo so ɛdɛmɛ nɛ tɛbubotso, tɛkukula, butɔ mumɔ, tɛ kpɛkpatɔnɔ, nɛ ebui tɛtɛtrɔ anɔabha. Alasɛ kibe nɔ gɛ ebotso, kɛlɛ mɛ gɛganɛ.

2 Kɔrintioanɛ 12:15

So same be kumɛ mɔmɔ sɛ ɛba tɛkɔ kɛdɔnyɛdɔ gɛ kɛlɛ mahwɛ klɛ nɛ kɛgɛ mɛ nahwɛ wa lɛ shuixwɛ. Onugɛ ɛdɛmɛ wunɔ bui mɔmɔ, nɔ bɔ dɛmɛ mɛbui bhliyi?

2 Kɔrintioanɛ 12:5

Ɛba fekeshu nɛ̀ anɔ anɛ di, pɔ mɛnahwɛ ɛtɛ ba fekeshu, ɔdɛ sɛ mɛ tɛbubotso shu.

Efesoanɛ 3:16

Iklukpaya sɛ nɛ yɛ kedziŋɛŋa ishubhubhui nɛ mɛ akɔ wɔ bugɛganɛ plɛnɔ kemi ganɔ yɛ ɔfufɔɛ nɛ mɛ nɛ kɛmɛ,

Filipianɛ 4:13

Ɛbana kɛdɔnyɛdɔ bhɛtɛ ganɔ yɛ abha agɛ akɔmɛ bugɛganɛ.

Koloseanɛ 1:11

akɔ lɔ tɛgɛganɛ nɛ̀ yɛ kemi petee anɛ́ yɛ kabhaŋɛŋa sɛ tɛ nɔ bɔ yɛkɛ kɛxwɛwɛwa gbɛgbla, nɛ ishu bububɔ anɛ̀ samemumɔ

1 Timotio 1:14

Ba yɛkɔ bulɔ Apalete nɛ ɛyamyuyɔ nɛ abalɛ mɛa bha gelee, ɔyɛkɔ plɛnɔ tɛyɛyɛkɛŋa nɛ tɛɖuɖɔ nɛ gɛ kpasɛ Kristo Yesu mɛ.

Hebriuanɛ 11:34

balɛ eni efu gɛ latã gɛganɛ klɛ besi nɛ kɛpamɛ nu, balɛ shuimɛ yɛyɔ badzi tɛgɛganɛ, gɛ ba ba wɔe keyu tɛtɛta mɛ gɛ bakɛka befu nɛ gɛ bata buyu.

Hebriuanɛ 4:16

Nɔ kɔlɔ yɛ kɔ kemikpɛkpɛ tsobunɔ ɛyɛmɛyuyɔ bukusi, sɛ tɛ bu yɛkɛ eshutukubui didi nɛ tɛ bupɛɛ ɛyɛmɛyuyɔ tɛ kɛplɛnɔ lɔ nɛ kibe gɛ bupɛɛ nɛ mɛ.