2 Kɔrintioanɛ 12:20 - ONUGBÙ NYƐNYÃ VUVƆ

²⁰ Alasɛ isifu sɛ kibenɔ nɛ gɛ ɛba ɛtɛ ba mɔ nɔ anasɛ gɛ ɛpɛɛ sɛ tɛ nɔ za, klɛ nɔ tɛ bɔ mɔ mɛ anasɛ gɛ nɔ pɛɛ sɛ tɛ ɛza. Isifu sɛ ebla pɛpɛɛ, kabhawuwlãnkɛ, obulo gɛganɛ mumɔ, kɛdɔ wuwlãnkɛ, kɛdɔ kukula, aglɔ shuibui ɖɛɖɔ, ishu fifeke anɛ aglɔ shu zizi.

2 Kɔrintioanɛ 12:20 ပူးပေါင်းရင်းမြစ်များ

Romanɛ 1:29

Be be yuku nɛ kɛtɔkpum gɛganɛ kanyakɛ di, butsutsɔmɔ, kɛdɔ gbɛgbla pɛpɛɛ nɛ butafa. Be yuku nɛ kawɔ̃kpɛ, anɔyiyi, ebla pɛpɛɛ, anɔwuwɔɛ anɛ otrohuhu. Be nu aglɔ shuibui aɖuɖɔ,

Romanɛ 1:30

banɔ gɛ bee zi ɔhayɛ shu, banɔ gɛ ba dɛ ɖɔ Kpaya, aglɔkuklɔa, ishufifeke nɛ ɔwɔ̃dzu; be bhui edzo kɔ buzizi; ba dɛ ta balɛ ni nɛ aka tɔ;

Romanɛ 2:8

Pɔ kɔ banɔ nɛ gɛ ba pɛɛ ishuiyɛ ko, klɛ ba shɛnahwɛ kɛgba nɛ shu, pɛ ba lɛ butsutsɔmɔe de, batɔtɛtɛta anɛ oblo obɔ za kɔa lɛ.

1 Kɔrintioanɛ 1:11

Madzyalɛ, banɔ tɛli gɛ be de Kloe bupa mɛ ba kɔ mɛ ti sɛ ebla kpasɛ wunɔɛ shi.

1 Kɔrintioanɛ 14:33

Alasɛ Kpaya edi nu agadzyidzye Kpaya pɔ alɛ kɔ ishuyuyɔ. Anasɛ gɛ kɛlɛ nɛ banɔnɛna oxogokɔ,

1 Kɔrintioanɛ 5:2

Klɛ nɔ feke shu! Kide pɛ kɛ taa trɔ wɔnɔa bha pɛ no bo bu anɔa lɛ nɛɛdi nɛ ɔkasɛ?

2 Kɔrintioanɛ 1:23

Ɛklu Kpaya anasɛ ebuimɔɖɔ sɛ kɛza kɛlɛɔzakɔ sɛ ɛshɛnahwɛ wunɔ shu lu sɛ ɛda tsodzi vɛ Kɔrinto.

2 Kɔrintioanɛ 10:2

Ɛkpɛtɔkpuesi kɔ nɔ kɛbenɔ gɛ ɛbá, ɛtɛ ba za gɛganɛ anasɛ gɛ ɛpɛɛ sɛ tɛ ɛza nɛ banɔ teli shu gɛ ba yɛkɔ sɛ bɔ lɛ nɛ ɛkpã nɛ́ kanɔa nɛ tɛzɛza mɛ nu.

2 Kɔrintioanɛ 10:6

Klɛ bu ba za tɛ bɛbala mɛ kɔ batɔtɛtɛta kɔ bagɛ ba ta ta tɔ nɛ balɛ ebuibhɛbhɛtɛ shu, kibelɛlɛ nɛ gɛ batɔtɛta nɛ ana.

2 Kɔrintioanɛ 12:21

Kifu ku mɛ sɛ kibenɔ nɛ gɛ ɛzɛ ba mɛ Kpaya aba kɔ mɛ shuimɛyɔ nɛ wunɔ amɛ, klɛ ɛba mɔ obulo nɛ banɔ gelee gɛ babhɛtɛ ebuikpã bafla klɛ ba dɛ tsyinɛtɛmɛ nɛ balɛ buzizi nɛ mɛ, badzɛ ebuikpã bhɛbhɛtɛ anɛ ɛkpãzizi zɛza gɛ ba yɛkɔ ishu akpɛ lɛ mɛ.

2 Kɔrintioanɛ 13:2

Ɛtɛ kɔ nɔ tɛtsitsrenɔ nɛ kɛbelɛlɛ gɛ ɛba wɔnɔ bha bubhla. Ɛka tsodzi ɖɔ ɔtsɔnɛ gɛ ɛma: Nɛ mɛ tɛtɛtsodziba mɛ, ɛtɛ ba yɛkɔ tsye ba gɛ ba bhɛtɛ ebuizizi eputɔ pɛnɔ abhlatɔ kanyaka,

2 Kɔrintioanɛ 2:1

Kɛlɛso ɛbhɛtɛ nɛ́ mɛ́ kɛtɔkpu mɛ sɛ ɛtɛa ba wunɔ kɔ nɛ ishui mɛ pupɔɛ.

Galatianɛ 5:15

Onugɛ nɔ tsri liabha onemi klɛ nɔ kpɛ aglɔ apɔ, nɔ dimɔ odinuana nɔ zii aglɔ.

Galatianɛ 5:26

Nɔ tɔ kɔ lɔ ku shu awɔ̃, bunuhukpɛkpɛ anɛ aglɔ awɔ̃kpɛkpɛ.

Yakobo 4:11

Badzya mɔ, no ti zi aglɔ shu. Anɔnyanɔ gɛ aɖɔaɖɔ kpã nɛ yadzya shu ɔdɔgɔsɛ ekluebhui nɛ yɛ aɖɔaɖɔ kpã nɛ ɔshã nɛ shu klɛ ekluebhui nɛ ɔlɛ. Onu gɛ okluebhui nɛ ɔshã nɛɛ, anɛ ɔlɛabha ɔbhɛtɛ, pɔ ozhiodzi kebhuikuklum nɛ ɔlɛa bha.

1 Petro 2:1

Kɛlɛso, nɔ bu wɔnɔshu denɔ ebuikpã petee mɛ, anɔwuwɔɛ, otro petee, awɔ̃dzɛdzã anɛ anɔshuzizi kanyakaɛ di.

2 Petro 2:18

Alasɛ ba lɛ nɛ onugbu kpɛkpa, ishufifeke buɖɔ klɛ, ba pɛɛ kɔ aglɔbui bhɛbhɛtɛ anɛ anɔdzyrame ɛkpãzizi zɛza, ba tɔɛgba kɔ banɔ gɛ bakpɛesi sɛ tɛ be koeyi nɛ bagɛ ba lɛ ebuikpã nɛ mɛ.

Yuɖa 1:16

Banɔa be nu banɔ gɛ bee tsi ishu klɛ bee bu buzizi akɔa nɔ; ba lɛ balɛnahwɛ butsutsɔmɔ pɛpɛ nɛede; bee feke ishu klɛ baa kpɛ banɔ bhlatɔ nɛ bugã, kɔ balɛ nahwɛ kɛdzyɔgo mumɔ.