2 Kɔrintioanɛ 12:19 - ONUGBÙ NYƐNYÃ VUVƆ

¹⁹ No bui tɔkpuimɛ kibenyɛbe sɛ bu wlãnkɛ bulɔnahwɛ shu kɔ nɔ? Bu ɖɔaɖɔ nɛ Kpaya amɛ anasɛ bagɛ ba lɛ nɛ Kristo, klɛ kɛdɔnyɛdɔ gɛ bu bhɛtɛ, mɛ ɔbhɛalɛ mɔ, wunɔ tɛ gɛganɛ so gɛ bu bhɛtɛ lɛ.

2 Kɔrintioanɛ 12:19 ပူးပေါင်းရင်းမြစ်များ

Romanɛ 12:19

Nɔ tɛ bhɛtɛ kibui ɔkpɛ kibui nu, mɛ ɔbhɛalɛ mɔ, pɔ nɔ bala kɔ Kpaya obulo, alasɛ kɛ ŋlɔmɛ li sɛ: “Mɛyɛ kɛlɛ nu buwule bibisi; Apalete na sɛ ɛba buya kɛbhɛ kɔ anɔnyanɔ,”

Romanɛ 14:19

Kɛlɛso nɔ kɔ lɔ ga kidzo kanyakɛabha sɛ tɛ bu bhɛtɛ kɛgɛ ba gbanɔ lɔ vɛnɔ ishuyuyɔ anɛ kɛtɔkpu tirikpom bhɛbhɛtɛ.

Romanɛ 15:2

Alasɛ tɛ bulɔmɛayɛ kanyaka eku yɛɔhayɛ awɔ̃ kɔ yɛ tɛpɛpɛ̃, sɛ tɛ atɔ yɛ ewunɔ.

Romanɛ 9:1

Ɛɖɔ kɛgba nɛ Kristo mɛ—iti hu otro, mɛ kititi nɛ ɖɔ trɔɛ lɛa bha nɛ Ɔfufɔɛ Dzyɔgo nɛm,

1 Kɔrintioanɛ 10:14

Kɛlɛso mɛ ebhɛya mumɔa, shɛ́ nɛ obudi basɔlɛsɔlɛ shu.

1 Kɔrintioanɛ 10:33

anasɛ gɛ ɛwlãnkɛ tsyɛ sɛ tɛ iku anɔnyanɔ awɔ̃ nɛ kidzonyɛdzoa bha. Alasɛ ɛtɛ́ pɛɛ mɛnahwɛ tɛpɛpɛ̃ pɔ banɔ gelee tɛpɛpɛ̃, sɛ tɛ ba ba yɛkɛ kɔa lɛ.

1 Kɔrintioanɛ 14:26

Kide kɛlɛ bu baɖɔ ɔtsɔ̃ nɛ, badzya mɔ? Kibenɔ nɔ bɔ xogo, anɔnyanɔ evunɔ ɛdzɛ zhɛzha, ɔdɔgɔsɛ kibui gɛ ba kasɛ kɛdɔ, tɛbubukasɛ, ɔfufɔɛmɛaɖɔ ɔdɔgɔsɛ kibuiesibubu. Anɛ nɛɛ di petee alasɛ sɛ tɛ ba bhɛtɛ kɔ busɔlɛɔha nɛ tɛgɛganɛ.

2 Kɔrintioanɛ 10:8

Alasɛ tsyɛ onugɛ ɛfekeshu nɛ kibui tili shu wee denɔ kemi gɛ Apalete akɔ lɔ kɔ wunɔ tɛbhubhɔtrɔ dɛ sɛ tɛ ɛti yɛ ehuesi, Mɛ kɛwɔɛ̃ tɛbaku mɛ nɛ lɛ shu.

2 Kɔrintioanɛ 11:10

Anasɛ gɛ Kristo bui gbɛagba lɛ mɛ mɛ, anɔnyanɔ ama Akaia gɛ aba dzrɔnɛ mɛ ishufifeke nɛ́.

2 Kɔrintioanɛ 11:31

Kpaya anɛ Apalete Yesu Aka, gɛ yɛ nyi ba bakpɛabha ɔvɛnɔ faã, enyi sɛ ɛtɛ hu otro.

2 Kɔrintioanɛ 12:15

So same be kumɛ mɔmɔ sɛ ɛba tɛkɔ kɛdɔnyɛdɔ gɛ kɛlɛ mahwɛ klɛ nɛ kɛgɛ mɛ nahwɛ wa lɛ shuixwɛ. Onugɛ ɛdɛmɛ wunɔ bui mɔmɔ, nɔ bɔ dɛmɛ mɛbui bhliyi?

2 Kɔrintioanɛ 13:10

Kɛnɛ nɛ so gɛ ɛŋlɔmɛ ebui anɛ kibenɔ nɛ gɛ ɛma, sɛ kibenɔ nɛ gɛ ɛba ɛtɛ ba yɛkɔ bugɛganɛ kabhaŋɛŋa ɛnyɛna nɔ—kabhaŋɛŋa kalɛ Apalete akɔ mɛ sɛ tɛ ɛyɛkɔ zɛ bhɔ nɔ trɔ, ganɛ sɛ tɛ ɛyɛkɔ zɛ yɛ nɔ lu kesukpa.

2 Kɔrintioanɛ 2:17

Bulɔ bu tɛ dzi anasɛ banɔ gelee, bu tɛ yɛkɔ Kpaya buiɖɛɖɔ akpɛ anasɛ kedzigɛga sɛ tɛ bu mɔ trɔ. Kɛlɛlɛ nɛede, nɛ Kristoe mɛ bu ɖɔaɖɔ nɛ Kpaya amɛ anɛ kɛdzyɔgo bhɛbhɛtɛ, anasɛ banɔ gɛ ba kpɛ denɔ Kpaya kɔ.

2 Kɔrintioanɛ 3:1

Bu zɛ tɛ kpɛ lɛesi kpɛ bulɔshu nɛabha? Pɛnɔ bu pɛɛ, anasɛ banɔ teli, gɛ kabhakpɛkpɛ keplukpa akɔnɔ, pɛnɔ denɔ wunɔ kɔ?

2 Kɔrintioanɛ 7:1

Mɛ ɛbhɛalɛ, Nɛ kibelɛlɛ gɛ atɔnu alɛ bulɔ ahwɛ, mɛ ɔbhɛya lɛ mumɔa, nɔ kɔ lɔ plu bulɔnahwɛshu denɔ kɛdɔnyɛdɔ gɛ kɛba tutru lɔ shuidzya anɛ ɔfufɔɛ, sɛ tɛ bu za amɛ bhubhui mɛ kɔ Kpaya.

Filipianɛ 4:1

Kɛlɛso, madzyalɛ mɔ, wɔnɔ bagɛ ɛdɛmɛnɛnɔ klɛ ɛpɛɛ sɛ tɛ ɛmɔ nɔ, mɛ same anɛ ekusikutu, mɛ ɛbhɛyalɛ mɔ kana kɛlɛ sɛ nɔ za gɛganɛ nɛ́ Apalete nɛ mɛ.

1 Tɛsolonianɛ 5:11

Kɛlɛ so, nɔ kpɛ aglɔ kemi tɛ nɔ bhɔ aglɔ trɔ, ansɛ gɛ nɔ bhɛtɛ nɛ kɛgba mɛ.

Hebriuanɛ 6:9

Kɛlɛlɛmɛ tsyɛ sɛ bu buɖɔ ebuianɛ di, mɛ ɔbhɛalɛ mɔ, bɔ yɛkɛ lɛabhaŋa sɛ ebui dzyɔgo alɛ wɔnɔ shu—ebui gɛ ala plɛnɔ tɛ bhubhuiyɛkɛ.