2 Kɔrintioanɛ 11:3 - ONUGBÙ NYƐNYÃ VUVƆ

³ Pɔ isifu sɛ anasɛ gɛ eblidzya bushɛ wuwa wɔɛ Eva, wunɔ tɔkpuimɛ kɛba na tsyina lɛla denɔ wunɔ kɛmumɔ nɛ kɛdzyɔgo kɔ Kristo.

2 Kɔrintioanɛ 11:3 ပူးပေါင်းရင်းမြစ်များ

Mateo 24:24

Alasɛ itro be Kristo nɛ itro batɔnu nɛ ba ba wɛ̃ klɛ ba ba bhɛtɛ kɛdɔmumɔ gbɛgbla nɛ ebui gɛ abhɛtɛ bi sɛ tɛ ba yɛkɔ awɛɛ bagɛ be klu nɛ tsyɛ—onu gɛ kɛ ba kɛlɛ mɛ ana.

Yohanɛsɛ 8:44

Wunɔ aka, gɛ enu Abɔnsam, ye yialɛ nɔ nu klɛ nɔ pɛɛ sɛ tɛ nɔ bhɛtɛ ɔtrɔ wunɔ aka tɛpɛpɛɛ nɛabha. Enu akpɛnɛ denɔ kesikpɛkpɛ nɛ ke, kibui gbɛagba ma yɛ ahwɛ, alasɛ kibui gbɛagba ma yɛ mɛ. Kibenɔ nɛ gɛ ehu otro, ehu yɛ epi bunuhu, alasɛ enu otroelete klɛ yɛ enu itro lete petee aka.

Romanɛ 12:8

onu kɛ nu kemikpɛkpɛ, kɔ yɛ akpɛ anɔ kemi, onu kinu kɛdɔdzyudzyɔ kɔ banɔ bhlatɔ, kɔ akɔɛ lɛ nɛ yɛ yam petee, onu kinu anɔnuzɛza, kɔ yɛ agbanɛ anɔ mɔmɔ; onu kinu eshutukubui didi, kɔ abhɛtɛ lɛ nɛ same.

2 Kɔrintioanɛ 1:12

Ɔtsɔ̃nɛ kɛnɛ kɛlɛ nu bulɔ ishufifeke: Bulɔ tɔkpuimɛ tsre lɔ sɛ bu nyɛna shu nɛ kanɔ nɛ mɛ, klɛ ɔyɛkɔdɛana terikpo bhɛbhɛtɛ nɛ nɔ, nɛ tɛbhubhui anɛ kibui gbɛgbla bhɛbhɛtɛ gɛ kide Kpaya kɔ. Bu bhɛtɛ kibui nɛ ana ganɛ nɛ kanɔmɛ kibuinyinyi shu pɔ nɛ Kpaya kɛdɔkukɔ shu.

2 Kɔrintioanɛ 11:20

Kɛgbɛagba nɛ, wunɔ tsyɛ nɔ ganɔ nɛ anɔnyanɔ gɛ ayɛkɔ nɔ anasɛ anɔdzidzi pɛnɔ ezru nɔ pɛnɔ aga wɔabha edzi anɔ pɛnɔ efekeshu pɛnɔ abɔ wɔɛ dɔ nɛ amɛ.

2 Kɔrintioanɛ 11:29

Ane yɛ agblɔdzɔ klɛ mɛ ɛdɛgblɔdzɔ? Ane ba gbanɔ akpɛ buzizi mɛ klɛ kɛdɛ pɔɛ mɛ shui mɛ?

2 Kɔrintioanɛ 2:17

Bulɔ bu tɛ dzi anasɛ banɔ gelee, bu tɛ yɛkɔ Kpaya buiɖɛɖɔ akpɛ anasɛ kedzigɛga sɛ tɛ bu mɔ trɔ. Kɛlɛlɛ nɛede, nɛ Kristoe mɛ bu ɖɔaɖɔ nɛ Kpaya amɛ anɛ kɛdzyɔgo bhɛbhɛtɛ, anasɛ banɔ gɛ ba kpɛ denɔ Kpaya kɔ.

2 Kɔrintioanɛ 4:2

Nɛlɛede bu shɛnahwɛ ebui kpukpu anɛ̀ kɛwɔɛ̃ edzo nɛ shu lu, bu tɛyɛkɔ anɔ wuwɔɛ ebui, ɔdɔgɔsɛ bu tsyina Kpaya bui. Kɛlɛmaza, ganɔ kɛgbɛagba kɛkasɛ wee bulɔnahwɛ bu trɔ ahwɛ kɔ anɔnyanɔ bui bhɛbhɛtɛ nɛ Kpaya amɛ.

Galatianɛ 1:6

Kɛbhɛtɛ mɛ bi sɛ ɔtsɔ̃tsiɔ̃ nɔ tɛ shɛ̃nahwɛ agɛ ye klu nɔ nɛ́ Kristo ɛyamyuyɔ nɛabha klɛ nɔ tsyina tɔ kibui dzyɔgo bhlatɔ—

Galatianɛ 2:4

Kibui nɛ kɛ koeyi alasɛ itro badzya teli ba shɔku bulɔɛ shi sɛ tɛ be zuru ebui kpukpu nɛ ishuahwɛ zɛza gɛ bu lɛ nɛ Yesu Kristo nɛ tɛ babhɛtɛ lɔ banɔdzidzi.

Galatianɛ 3:1

Wunɔ Galatianɛ bagã! Ane yɛ atã nɔ? Flogo wunɔ aŋɔhu alɛlɛ bakasɛ wee asɛ ba kpla Yesu Kristo asɔ.

Galatianɛ 4:11

Isifu kɔ nɔ, sɛ kɛbadzi sɛ ɛzi kibe nɛ wɔnɔ shu.

Efesoanɛ 4:14

Kɛlɛ bu tɛa dzi banɛvɔ, gɛ kɛlɛɛ ba wanya vɛnɔ kede anɛ otugba klɛ kɛdɔkɛkasɛ kɛlɛɛ ba fu lɔ vɛnɔ ɔkɛ̃ anɛ mɛna ɔkɛ̃ ganɔ banɔ anɔwuwɔɛ anɛ bushɛ edzo bhɛbhɛtɛ mɛ.

Efesoanɛ 4:22

Bakasɛ ɛkpã kuku gɛ nɔ za bafla tɛ nɔshɛnahwɛ ɛkuku nɛ shu, gɛ butsutsɔmɔ wɔɛ nɔ kpɛ buzizi mɛ,

Efesoanɛ 6:24

Ɛyamyuyɔ kɔ nɔ petee gɛ nɔ dɛmɛ nɛ bulɔ Apalete Yesu Kristo plɛnɔ tɛdɛdɛmɛnɔ gɛ kɛ tɛ ba tsi di.

Koloseanɛ 2:18

Nɔ tɛ kɔ anɔnyanɔ gɛ akasɛ ishu sɛ yɛ adɛ klɛ nɛ busɔlɛsɔlɛ kɔ kpaya baxwɛdɛ kɔsɛ ɔdɛŋa abha. Anɔa nɛɛ di avɛ ebui gbɛgbla ɔɖɔ kɔ denɔ agɛ amɔ, klɛ yɛ ɔfufɔɛ maza tɔkpuimɛ kɔ yɛ efekeshu nɛ ebui bhɛbhɛtɛ.

Koloseanɛ 2:4

Itsre nɔ kibui nɛ sɛ tɛ anɔnyanɔ atɛ ba wɔɛ nɔ nɛ̀ onugbu-tsyɛmɛtsyɛmɛ bui wuwlãnkɛ.

Koloseanɛ 2:8

Nɔ di kɛlɛ ɔkɔ sɛ anɔnyanɔ adɛ vu nɔ aganɔ kidzo kɔklɔ̃ nɛ tɛwɛwɔɛ dɔnyinyi, gɛ kɛlɛ anɔdzyrame begu nɛ̀ kanɔ nɛmɛ ebui bhɛbhɛtɛ ɔyɛkɔdɛ Kristo abha.

1 Tɛsolonianɛ 3:5

Kibui nɛ so, gɛ ɛtɛa na kɛlɛ nu za, ɛkpɛ odu sɛsɛ sɛ tɛ iti kibui denɔ wɔnɔ tɛyɛyɛkɛŋa nɛ shu. Ɛganɔ awɔ̃ sɛ nɛ kidzo tilia bha Satana eti be feke nɔ edi klɛ bulɔ tɛ tɛbhɛbhɛtɛ nɛ tɛa ba za kibuinyɛbui mɛ.

1 Timotio 1:3

Ansɛ gɛ itsre nɔ nɛ kibe lɛ nɛ gɛ ɛvɛ Makedonia, nɔ za ɔkɛlɛ nɛ Efesosɛ sɛ tɛ nɔ kɔ sɛ banɔ teli ba taa kasɛ itroe dɔ ɔtsɔlɛ

1 Timotio 2:14

Klɛ ganɛ Aɖam la wɛɛ; adzɛ nɛ la wɛɛ klɛ edzi buziziabhɛtɛ.

2 Timotio 3:13

nɛ kibe lɛ mɛ gɛ banɔ tsutsɔmɔ anɛ bagɛ ba wɛanɔ na ba lɔ denɔ butsutsɔmɔ mɛ avɛ butsutsɔmɔ dɛa na nɛ mɛ, aza wɛanɔ klɛ la ba za wɛalɛ tsyɛ.

Titusɛ 1:10

Alasɛ banɔ dzyidzyeaga gelee alɛ, kaɖɔɖuɖɔte elete nɛ banɔ gɛ bawɛ anɔ, ɔyɛkɔdɛ nɛɛ bagɛ ba kpasɛ Yuɖanɛ bugu nɛ mɛ.

Hebriuanɛ 13:9

Nɔ tɛkɔ kɛdɔ kɛkasɛ bhlatɔ dinyɛdi kɛ gbanɛ nɔ koeyi nɛ kidzo dzyɔgo nɛabha. Kɛbɔ sɛ tɛ kɛdɔkukɔ kpɛ lɔ idzyi kemi, anɛ kibenyɛbe dɔ ŋɛŋa gɛ kɛdɛ plɛnɔ bagɛ baŋa lɛ.

2 Petro 3:17

Kɛlɛso, ɛbhɛya mumɔa, nɛ kɛbelɛlɛ nɛ gɛ nɔ tɛ ti kibuinɛ, nɔ zanawɔ̃ sɛ tɛ banɔ gɛ ba taa bhɛtɛ ɔshã abha na ba ga kitoa bha agbanɔ nɔ nɛ wɔnɔ ɔzakɔ dzyɔgo.

2 Petro 3:3

Oputɔ nɔ, kɛlɛsɛ tɛ nɔ nulɛesi sɛ nɛ ewui gugɔɛ nɛ mɛ bagɛ ba mɔɛ̃ anɔ ba ba za mɔɛ̃ banɔ klɛ ba ba za ga nɛ balɛ ebuikpã bhɛbhɛtɛ nɛabha.

1 Yohanɛsɛ 2:18

Banuvɔ mumɔa, ɔɖatɛta gugɔɛ mɛ na nɛ, klɛ anasɛ gɛ nɔ tɛ nu sɛ otrokristo aba, ɔtsɔ̃nɛ kuratsyɛ otrokristo atɛ ba. Kana lɔ nyi kɛ nu ɔɖatɛta gugɔɛ.

1 Yohanɛsɛ 4:1

Ɛbhɛalɛ mumɔa, nɔ tɛ yɛkɛ ɛfufɔɛ ɛkanyaka abhaŋa, pɔ feke ɛfufɔɛ nɛ odi tɛ nɔ mɔ sɛ lɛ de Kpaya kɔ, alasɛ itro batɔnu gelee ba tɛ ga ekoeyi etsoku kanɔ nɛ mɛ.

Yuɖa 1:4

Alasɛ banɔ teli gɛ be bu kɛpɔ pɛ ba ŋlɔmɛ kɛdɔ nɛ balɛ shu kukuku, ba ga tɛkpukpu mɛ ashɔku wɔnɔɛ shi. Be nu banɔ gɛ kpaya ama balɛ mɛ, gɛ be tsyina Kpaya ɛyamyuyɔ nɛ edzi kidzokukɔ kɔ azhuzhɔlɛbui bhɛbhɛtɛ klɛ ba dɛ yɛkɛ Yesu Kristo bulɔ Ishuahwɛzɛza anɛ Apalete terikpo.

Tɛbubukasɛ 12:15

Ɔkɛlɛ ebe epi buni ansɛ keni, edenɔ yɛ onugbu mɛ, sɛ tɛ adɔ adzɛ nɛ afla tɛ ayɛkɔ agba yɛ anɛ buni nɛ ashɛnɔ.

Tɛbubukasɛ 12:9

Be hu eblidzyagbla nɛ ebho— kɛlɛbe eblidzya alɛlɛ nɛ gɛ be kulu asɛ ɔfufɔɛkpã ɔdɔgɔsɛ Satana, gɛ agbanɔ kanɔ nɛ petee alɛla. Be huyɛebho asɛsɛ kesukpa, anɛ yɛ baxwɛdɛ.

Tɛbubukasɛ 20:2

Evu eblidzyagbla, gɛ enu atiti eblidzya, gɛ enu ɔfufɔɛkpã, ɔdɔgɔsɛ Satana, klɛ anya yɛ agɔ kɛkpã zɛzɛ.