2 Kɔrintioanɛ 10:7 - ONUGBÙ NYƐNYÃ VUVƆ

⁷ Nɔ di ebui nɛ kabhaɛdɔ kɔ ko. Onugɛ anɔteli ayɛkɛ shuabhaŋa sɛ Kristo ayɛ yɛ enu, alasɛ tɛ etsodzi avɛ ishu mɛ sɛ bunu Kristo ayɛ anasɛ gɛ enu.

2 Kɔrintioanɛ 10:7 ပူးပေါင်းရင်းမြစ်များ

Mateo 23:5

“Kɛdɔnyɛdɔ gɛ ba bhɛtɛ nɛɛ, ba bhɛtɛ kɛlɛ sɛ tɛ banɔ amɔ, Ba bhɛtɛ balɛ besebe nɛ gɛ ba ta shu nɛ bhlɛlɛlɛ klɛ balɛ bawi nɛ butɔ ihui nɛ dze dzroɖoɖo,

Luka 16:15

Yesu etsre alɛ sɛ, “wunɔ nu banɔ nɛ gɛ nɔ bu shu tsya nɛ banɔ amɛ, pɔ Kpaya enyi wunɔ dzyi mɛ. Kɛdɔnɔ gɛ bayɛkɔ sɛ kinu kɛdɔ gbɛgbla nɛ banɔ amɛ, ki di yi kɛdɔnyɛdɔ nɛ Kpaya amɛ.

Yohanɛsɛ 7:24

Nɔ zɛkɔlɔ anɔamɛ kebhui kuklu, klɛ tɛ nɔ klu kibui dzyudzyɔ.”

1 Kɔrintioanɛ 1:12

Kibui nɛ gɛ ɛɖɔ klɛ nu sɛ: wunɔ mayɛ teli aɖɔ sɛ, “Ɛlɛ Paolo ede”, anɔbhlatɔ, “Ɛlɛ Apolo ede”, abhlatɔ, “Ɛlɛ Kefas ede”; abhlatɔ tsyɛ asɛ “Ɛlɛ Kristo ede.”

1 Kɔrintioanɛ 14:37

Onugɛ anɔ teli ayɛkɔ sɛ enu atɔnu, ɔdɔgɔsɛ ɔfufɔɛmɛ kɛdɔkukɔ tili lɛ yɛahwɛ, nɔ kɔ yɛ adɛmɛ lɛ asɛ ebui nɛ gɛ ɛŋlɔmɛ kɔ nɔ lɛ nu Apalete nɛ eshã.

1 Kɔrintioanɛ 15:23

Pɔ anɔnyanɔ nɛ yɛ kibe, Kristo eyuyu tɛtɔpu, kɛlɛede, kibenɔ nɛ gɛ aba ba, aba gbanɔ ba gɛ benu yɛ ayalɛ.

1 Kɔrintioanɛ 3:23

kle wunɔ nu Kristo ayɛ, klɛ Kristo enu Kpaya ayɛ.

1 Kɔrintioanɛ 9:1

Ganɛ anɔ gɛ alɛ ishuahwɛ mɛ nu? Ganɛ anɔkpɛkpɛ mɛ nu? Ɛdɛmɔ Yesu bulɔ Apalete? Ganɛ wunɔ nu mɛ kɛxwɛwɛwa bubukasɛ nɛ Apalete nɛ mɛ?

2 Kɔrintioanɛ 10:1

Kristo yɛ tɛyɛyɔ anɛ ishunyɛnyɛna, ibisi denɔ wunɔ kɔ—Mɛ, Paulo, gɛ mɛ “kɛwɔ̃ɛ ku” kibelɛlɛ gɛ bu tsya amɛ nɛ amɛ nɛ wunɔ, pɔ “ɛgɛganɛ” kibelɛlɛ gɛ ɛma!

2 Kɔrintioanɛ 11:18

Nɛ kibelɛlɛ gɛ banɔ gelee be fekeshu nɛ kidzo nɛabha gɛ kanɔ navɛ mɛ tsyɛ ɛba fekeshu.

2 Kɔrintioanɛ 11:23

Kristo baxwɛdɛ lɛ nu? (Ɛmamɔ sɛ tɛ ɛɖɔ kaɖɔa nɛ di.) Ɛdɛ́ alɛ. Ɛtɛ waɛxwɛ gɛganɛ dɛ, ɛza vu gelee ziazia, be tu mɛ ebe gelee, klɛ be tii mɛ akpɛ butsi mɛ etsodzi etii akpɛ.

2 Kɔrintioanɛ 11:4

Alasɛ onugɛ anɔteli aba wunɔ kɔ klɛ aba ɖɔaɖɔ denɔ Yesu teli shu ɔyɛkɔ dɛ Yesu nɛ gɛ yɛ shuibui lɔ ɖɔ, ɔdɔgɔsɛ onugɛ nɔ yɛkɛ ɔfufɔɛ bhlatɔ toli ɔyɛkɔ dɛ ɔgɛ ɔlɛ nɔ yɛkɛ, ɔdɔgɔsɛ kibui dzyɔgo bhlatɔ gɛ ga ɔtɔ nɛ kɛgɛ nɔ yɛkɛ nɛ shu, wɔnɔ nɔ yɛkɔɛ lɛ bhɔnɔ mɔmɔ.

2 Kɔrintioanɛ 12:11

Ɛkpɛ manahwɛ shu bugã, pɔ wunɔ gbanɛ mɛ ɔkpɛ lɛ mɛ. Wunɔ lɛ lɛkɔ sɛ tɛ nɔ kpɛ mɛ nɛabha alasɛ ɛdɛ nu agugɔɛ zhiesi kɔ “bagbɛgbladɛ-bakpɛkpɛ,” kɛlɛmɛ tsyɛ ɛdɛ nu kɛdɔnyɛdɔ.

2 Kɔrintioanɛ 13:3

nɛ kɛlɛmɛ gɛ nɔ pɛɛ sɛ tɛ nɔ ti sɛ Kristo aɖɔaɖɔ ganɔ mɛabha. Eke botso sɛ tɛ atɛta wunɔ batɔ, pɔ kemi alɛ yahwɛ nɛ wunɔɛ shi.

2 Kɔrintioanɛ 5:12

Butɛ wlãnkɛ kpɛ bulɔshu nɛ otugba kɔ nɔ bubhla, pɔ bu yɛ̀kɔ kidzoenɛ kɔ nɔ tɛ nɔ fekeshu nɛ bulɔ abha, sɛ tɛ nɔ bɔ na ishunubu kɔ bagɛ befeke shu nɛ ebui mumɔɛ mɛ dɛ agɛ alɛ idzyi nɛ mɛ.

Galatianɛ 3:29

Onugɛ onu Kristo ayɛ, kɛlalɛ onu Abraham eshui, nɛ bagɛ ba baŋa yɛ ɔzakɔ nɛ kɛ tɛtrɔlu nɛ shu.

1 Yohanɛsɛ 4:6

Bulɔ bu de Kpaya ɔkɔ, klɛ anɔ nɛ gɛ enyi Kpaya aba ta bulɔ atɔ, pɔ anɔ nɛ gɛ edi de Kpaya atɛ ba ta bulɔ atɔ. Kɛnɛ kɛlɛ kɔ sɛ bu ba ti Ɔfufɔɛ kɛgbɛagba anɛ̀ otro ɔfufɔɛ.