2 Kɔrintioanɛ 10:6 - ONUGBÙ NYƐNYÃ VUVƆ

⁶ Klɛ bu ba za tɛ bɛbala mɛ kɔ batɔtɛtɛta kɔ bagɛ ba ta ta tɔ nɛ balɛ ebuibhɛbhɛtɛ shu, kibelɛlɛ nɛ gɛ batɔtɛta nɛ ana.

2 Kɔrintioanɛ 10:6 ပူးပေါင်းရင်းမြစ်များ

Romanɛ 2:23

Wɔ nɛ gɛ ofekeshu sɛ onyi ɔshã, ɔtɔɔ kpɛ Kpaya nɛa bha ganɔ ɔshã nɛa bha mabhɛtɛ mabhɛtɛ?

1 Kɔrintioanɛ 4:21

Kɛ ɖuweɖu nɔ pɛɛ? Ɛbá nɔ bha nɛ kishi, pɛnɔ nɛ tɛdɛdɛmɛnɔ ɖɛɖɔ nɛ ɔfufɔɛ shu nyɛnyɛna?

2 Kɔrintioanɛ 13:10

Kɛnɛ nɛ so gɛ ɛŋlɔmɛ ebui anɛ kibenɔ nɛ gɛ ɛma, sɛ kibenɔ nɛ gɛ ɛba ɛtɛ ba yɛkɔ bugɛganɛ kabhaŋɛŋa ɛnyɛna nɔ—kabhaŋɛŋa kalɛ Apalete akɔ mɛ sɛ tɛ ɛyɛkɔ zɛ bhɔ nɔ trɔ, ganɛ sɛ tɛ ɛyɛkɔ zɛ yɛ nɔ lu kesukpa.

2 Kɔrintioanɛ 13:2

Ɛtɛ kɔ nɔ tɛtsitsrenɔ nɛ kɛbelɛlɛ gɛ ɛba wɔnɔ bha bubhla. Ɛka tsodzi ɖɔ ɔtsɔnɛ gɛ ɛma: Nɛ mɛ tɛtɛtsodziba mɛ, ɛtɛ ba yɛkɔ tsye ba gɛ ba bhɛtɛ ebuizizi eputɔ pɛnɔ abhlatɔ kanyaka,

2 Kɔrintioanɛ 2:9

Kɛbui nɔ nɛ so gɛ ɛŋlɔmɛ sɛsɛ nɔ kɛlɛ nu sɛ tɛ ɛmɔ onugɛ nɔ bɔ ŋa tɛfifekedi nɛ abha klɛ nɔ bɔ tatɔ nɛ́ ebui petee mɛ.

2 Kɔrintioanɛ 7:15

Klɛ yɛ tɛdɛdɛmɛnɔ kɛlɛ petee ba tridɛ kibelɛlɛ gɛ abaka sɛ wunɔ petee nɔ dzi batɔ tɛta elete, nɔ yɛkɛ yɛ nɛ kifusisi anɛ tɛshushuku.

1 Timotio 1:20

Balɛm banɔ teli balɛ nu Himenaɛusɛ anɛ Alɛxanda, gɛ ɛtɛ yɛkɔ kpɛ ahwɛ kɔ Satana sɛ tɛ akasɛ balɛ asɛ ba taa ɖɔ ebusobui.

3 Yohanɛsɛ 1:10

Kɛlɛso onugɛ ɛba ba, ɛba kɔ nɔ ti kɛgɛ abhɛtɛ, itro ebui kpã ɖɛɖɔ nɛ bulɔ shu. Kɛlɛ lɛ nɛ dɛ xui yɛ, atɛ yɛkɛ yɛ adzyalɛ. Adzrɔ nɛ bagɛ ba pɛɛ asɛ tɛ ba yɛkɛ banɔ klɛ ebualɛ nɛ busɔlɛɔha nɛ mɛ.