2 Kɔrintioanɛ 10:4 - ONUGBÙ NYƐNYÃ VUVƆ

⁴ Buyutɛdɔ gɛ bɔ yɛkɔ ta buyu nɔ bu dɛ nu kanɔɛmɛ buyutɛdɔ. Nɛ kɛlɛmaza, Kpaya bupu lɛ balɛ ahwɛ gɛ ba bayɛkɔ ayɛɛ ɛgɛganɛ kɔ.

2 Kɔrintioanɛ 10:4 ပူးပေါင်းရင်းမြစ်များ

Axwɛwɛwa 7:22

Ba nyunɔ Mose klɛ ayɛkɛ kɛdɔkɛkasɛ nɛ Egibiteanɛ kibuinyinyi kanyaka shu klɛ kemi ka za yɛ ahwɛ nɛ kaɖɔɖuɖɔ anɛ ebui bhɛbhɛtɛm.

Romanɛ 13:12

Otumu nɛ ɔɔfla beke; keli nɛ kaza beke. So nɔ kɔ lɔ shɛ̃nahwɛ otumum ebui nɛ shu tɛ bu yɛkɔ kelizɛza keyuawi nɛ kpɛ.

Romanɛ 6:13

Nɔ tɛ yɛkɔ wɔnɔ ishu nɛ bupɛ nɛ ɔkɔ buzizi, ansɛ kɛtɔkpum gɛganɛ kɛxwɛwadɔ, pɔ nɔ yɛkɔ wɔnɔ ishu ɔkɔ Kpaya, ansɛ banɔ gɛ be bu edenɔ butsi mɛ amɛna ɛkpãm, tɛ nɔ yɛkɔ wɔnɔ ishu nɛ bupɛ ɔkɔ yɛ ansɛ tɛnɛnamɛzɛza kɛxwɛwadɔ.

1 Kɔrintioanɛ 2:5

kɛlɛso wunɔ tɛyɛyɛkɛŋa kɛtɛ trɔ banɔ kibuinyinyi abha, pɔ nɛ́ Kpaya bupu abha.

1 Kɔrintioanɛ 9:7

Ane yɛ awa kɛxwɛ anasɛ keyutugbani gɛ abuya kɛbhɛ kɔ shu? Ane gɛ adɛ vãyɛ̃ buya klɛ atɛ ŋa yɛ eyuyu? Ane gɛ anyɔnɔ baga gɛ atɛ wɔɛ balɛ bumɔni?

2 Kɔrintioanɛ 10:8

Alasɛ tsyɛ onugɛ ɛfekeshu nɛ kibui tili shu wee denɔ kemi gɛ Apalete akɔ lɔ kɔ wunɔ tɛbhubhɔtrɔ dɛ sɛ tɛ ɛti yɛ ehuesi, Mɛ kɛwɔɛ̃ tɛbaku mɛ nɛ lɛ shu.

2 Kɔrintioanɛ 13:10

Kɛnɛ nɛ so gɛ ɛŋlɔmɛ ebui anɛ kibenɔ nɛ gɛ ɛma, sɛ kibenɔ nɛ gɛ ɛba ɛtɛ ba yɛkɔ bugɛganɛ kabhaŋɛŋa ɛnyɛna nɔ—kabhaŋɛŋa kalɛ Apalete akɔ mɛ sɛ tɛ ɛyɛkɔ zɛ bhɔ nɔ trɔ, ganɛ sɛ tɛ ɛyɛkɔ zɛ yɛ nɔ lu kesukpa.

2 Kɔrintioanɛ 3:5

Ganɛ sɛ bu na nɛ bulɔ nahwɛ shu mɛ gɛ bu bayɛkɛ kɛdɔtili kɔ bulɔnahwɛ, pɔ bulɔ tɛnɛna de Kpaya kɔ.

2 Kɔrintioanɛ 4:7

Pɔ ehoeyi butsukpu nɛ lɛ bulɔ ahwɛ gɛ bu ba tɛ yɛkɔ kasɛ sɛ, kemi gɛ kagɛganɛ adɛ petee kede Kpaya kɔ klɛ ganɛ bulɔ kɔ ke de.

2 Kɔrintioanɛ 6:7

nɛ́ kɛgba kaɖɔɖuɖɔ anɛ̀ Kpaya kemi; nɛ̀ tɛzɛzamnɛna keyutɛtadɔ nɛ́ kɛŋa ɔhwɛ mɛ anɛ̀ nɛ kɛbhɛtɛkpɛ mɛ,

1 Tɛsolonianɛ 5:8

Pɔ gɛ bulɔ bu nu kelizɛza mɛ banɔ, nɔ kɔ lɔ ŋa ishuabha, tɛ bu yɛkɔ tɛyɛyɛkɛŋa anɛ tɛɖuɖɔ kpla ansɛ kitemɛnyadɔ, anɛ tɛbubu kidzoenu didi ansɛ ɔɖa kikutu.

1 Timotio 1:18

Meyianyɛ, Timotio, itsre wɔ kibui nɛ kɛnyɛna nɛ gɛ ɔbɔ nyɛna ebui nɛ gɛ ba ɖɔelu nɛ wɔ shu nɛm ovunɔ, sɛ tɛ ganɔ alɛede zɛza tɛ ɔbɔ gɔnɛ tɛgugɔnɛ dzyɔgo,

2 Timotio 2:3

Za gɛganɛɛ nɛ butɔ mɛ nɛ bulɔ ansɛ Kristo Yesu keyutugbani dzyɔgo.

Hebriuanɛ 11:30

Tɛyɛyɛkɛŋa so Yeriko edri nɛ akpa, nɛ kibelɛlɛ gɛ Izraɛlanɛ aga akana alɛ nɛ ewui tegene mɛ.