2 Kɔrintioanɛ 1:6 - ONUGBÙ NYƐNYÃ VUVƆ

⁶ Onugɛ ebui atrɔ bulɔ abha, la lɛ kɔ nɔ ɛyamyuyɔ anɛ tɛyɛyɛkɛkɔ, onugɛ bulɔ ɛyamyuyɔ, kɛ kɔ nɔ ɛyamyuyɔ, gɛ kɛ kɔ nɔ tɛdɛdɔfɔ̃ awɔ̃dzudzu anɛ butɔ lɛlɛ nɛ gɛ bulɔ bumɔ.

2 Kɔrintioanɛ 1:6 ပူးပေါင်းရင်းမြစ်များ

Axwɛwɛwa 21:5

Pɔ kibe lɛ gɛ bulɔ ɔɖa nɛ mɛ ɔna, bu shɛ klɛ bu vɛ bulɔ kidzo gɛga nɛa bha. Badɔkpasɛ nɛ petee anɛ balɛ edzini alɛ nɛ aplɛnɔ lɔ pɛ bu koeyi nɛ ɔmagbla nɛ mɛ, klɛ ɔkɛlɛ nɛ aƒu nu tɔ bu zhikpla kɔ kpayakuklu.

Romanɛ 8:28

Klɛ bu nyi sɛ nɛ ebui nɛ petee mɛ Kpaya awa kɛxwɛ akɔ bagɛ ba ɖɔ yɛ nɛ tɛpɛ̃pɛ, gɛ be kulu nɛ yɛ kɛgɛ apɛɛ nɛ nu.

2 Kɔrintioanɛ 1:4

agɛ akɔ lɔ ɛyamyuyɔ anɛ́ bulɔ tɛtɛtrɔ petee abha, sɛ tɛ bu bana ɛyamyuyɔ kɔ bagɛ ba lɛ tɛtɛtrɔ tili mɛ nɛ̀ ɛyamyuyɔ nɛ gɛ bulɔnahwɛ bu yɛkɛ denɔ Kpaya ɔkɔ.

2 Kɔrintioanɛ 12:15

So same be kumɛ mɔmɔ sɛ ɛba tɛkɔ kɛdɔnyɛdɔ gɛ kɛlɛ mahwɛ klɛ nɛ kɛgɛ mɛ nahwɛ wa lɛ shuixwɛ. Onugɛ ɛdɛmɛ wunɔ bui mɔmɔ, nɔ bɔ dɛmɛ mɛbui bhliyi?

2 Kɔrintioanɛ 5:5

Ɔtsɔ̃nɛ Kpaya ye bhɛtɛ lɔ kɔ kibui nɛ tututu klɛ akɔ lɔ Ɔfufɔɛ anasɛ kɛdɔluluesi, anɔede zɛza kɔ kɛ gɛ tɛ ba.

Efesoanɛ 3:1

Kibui nɛ so Mɛ, Paulo, anɔ gɛ bakpɛ buvu nɛ Kristo Yesu kɛtɔkpu kɔ wɔnɔa gɛ no di nu Yuɖanɛ.

Efesoanɛ 3:13

Kɛlɛso, ibisi denɔ wɔnɔ kɔ sɛ, nɔ tɛkɔ idzyi ekoeyi nɛ wɔnɔɛ kite mɛ alasɛ butɔ nɛ gɛ ɛtɔ nɛ wɔnɔɛ tɔkpu, kɛ nu wɔnɔ tɛkpɛkpɛ nɛabha.

Filipianɛ 1:19

alasɛ ɛnyi sɛ ganɔ wɔnɔ kpayakuklu abha nɛ Yesu Kristo Ɔfufɔɛ tɛpɛplɛnɔ, kibui nɛ gɛ ba mɛabha nɛɛ kɛ ba tsyina dzi mɛ tɛbubu.

2 Timotio 2:10

Kɛlɛ so ɛdzrɔ nɛ kibuinyɛbui nu nɛ agɛ be kulu nɛ tɔkpu, sɛ tɛ balɛ tsyɛ ba mɔ tɛbubu nɛ gɛ kpasɛ Kristo Yesu mɛ, ɔplɛnɔ ɔfufɔɛ mɛ ishubhubhui.