2 Kɔrintioanɛ 1:19 - ONUGBÙ NYƐNYÃ VUVƆ

¹⁹ Alasɛ Kpaya yɛ Yi, Yesu Kristo, gɛ yɛ bui mɛ nɛ Silas anɛ Timotio bu ɖɔ nɛ wunɔ shi, kɛ dɛ nu “Ee” nɛ “Oo,” pɔ nɛ yɛ mɛ kɛbenyɛbe kɛnu “Ee.”

2 Kɔrintioanɛ 1:19 ပူးပေါင်းရင်းမြစ်များ

Mateo 17:5

Nɛ kibe lɛ gɛ Petro ekedza ɖɔ kaɖɔ, ɔmunɔ fufu toli ɔbɔ kana balɛ ɔtsya, klɛ olim toli oyi denɔ ɔlɛ mɛ sɛ, “Meyi naa, gɛ ɛdɛmɛ yɛ bui; yɛmɛ mɛ mɔ amɛ zhizhiesi. Nɔta yɛa tɔ!”

Mateo 24:35

Owũsise anɛ kesukpa aba ba fla, pɔ mɛ kibui nɛ tɛ ba fla di.

Mateo 27:40

“Wɔ nɛ gɛ ɔsɛ ɔbɔ yɛ busɔlɛvu, klɛ obo tsodzini bulɛ ɔbhɔ nɛ ewi tata mɛ, bu wɔshue! Zhi ɔba nɛ butsiosi nɛ shue, onu gɛ onu Kpaya yɛ Eyi!”

Mateo 27:54

Gɛ keyutugbani anɛ bepupo nɛ Yesu odzre nɛ shu ba mɔ kesukpahuhwa anɛ ebui nɛ petee gɛ aba kɛlɛ mɛ, kifu kua lɛ tsutsɔmɔ tsɔmɔ, klɛ be bu aɖɔ asɛ, “Kɛgbɛagba Kpaya yɛ Eyi edzi!”

Mateo 3:17

Klɛ oli toli mɛ ode owũsise sɛ, “Meyi naa, gɛ ɛdɛmɛnɔ; yɛm mɛ mɔ awɔ̃kuku mɔmɔ.”

Mateo 4:3

Ɔfufɔɛkpã nɛ ɔba yɛ ɔbha klɛ lɔ ɖɔ sɛ, “Onu gɛ onu Kpaya Yeyi, klɛ tɛ otsre aklãgbua nɛ tɛ le tsyina dzi kɛŋɛŋa.”

Marko 1:1

Yesu Kristo, Kpayayɛeyi nɛ bui nɛ kesi ɔkpɛkɔ.

Luka 1:35

Axwɛdɛ nɛ ebui lɛ nu asɛ, “Ɔfufɔɛ Dzyɔgo nɛ lɔ bɔ ba wɔa bha, klɛ Agbɛgbladɛ nɛ kemi nɛ kebe kumu wɔ. Kɛlɛ so agɛ yɛ shu bhui gɛ la ba mɔ ba be klu yɛ asɛ Kpaya yɛ Eyi.

Yohanɛsɛ 1:34

Ɛmɔ klɛ ɛmɔɖɔ sɛ yɛe nu Kpaya yɛ Yi.”

Yohanɛsɛ 1:49

Ɔkɛlɛ Nataniɛl ebu aɖɔ sɛ, “Rabbi, wɔ nu Kpaya yɛ Yi, wɔ nu Ekusi nɛ Izraɛl.”

Yohanɛsɛ 19:7

Yuɖanɛ baza ɖɔ sɛ, “Ɔshã lɛ bulɔ ahwɛ, klɛ nɛ ɔshã nɛ nu alasɛ tɛ etsi, alasɛ aɖɔ sɛ enu Kpaya yɛ Yi.”

Yohanɛsɛ 20:28

Toma aɖɔ tsre yɛ asɛ, “Ma Apalete anɛ mɛ Kpaya!”

Yohanɛsɛ 20:31

Pɔ ba ŋlɔmɛ anɛ sɛ tɛ nɔ zɔ yɛkɛŋa sɛ Yesu yɛenu Kristo, Kpaya yɛ Yi, klɛ nɛ yɛabha yɛyɛkɛŋa nɔbɔ mɔ ɛkpã nɛ yɛ nyi mɛ.

Yohanɛsɛ 3:16

“Alasɛ Kpaya adɛmɛnɔ nɛ kanɔ sɛ ayɛkɔ yɛa yɛ gɛ enu Eyianyɛ terikpo akɔ, sɛ tɛ anɔnyanɔ gɛ ayɛkɛ yɛabha ŋa eti be tsi pɔ aba mɔ ɛkpã mabeke.

Yohanɛsɛ 6:69

Bu yɛkɛŋa klɛ bunyi sɛ wɔ nu Kpaya dzyɔgo Anɔ.”

Yohanɛsɛ 8:58

Yesu ebuilɛnu sɛ, “Ɛtsre nɔ kɛgba sɛ, ɛlɛ ɔkɛlɛ, flogo gɛ ba mɔ Abraham!”

Axwɛwɛwa 15:22

Ɔkɛlɛ Yesu Banɔkpɛkpɛ nɛ beshishe, busɔlɛ nɛ petee, ba trɔ sɛ be be bu balɛ nahwɛ mɛ banɔ tɛ ba sɛsɛ alɛ nɛ Antiɔkɛ ɔyɛkɔ plɛnɔ Paolo nɛ Banabasɛ. Be bu Yuɖas (gɛ be klua sɛ Basabbasɛ) nɛ Silasɛ, gɛ be dzi bagbɛgbanɔ nɛ ɔha nɛ shi.

Axwɛwɛwa 16:1

Paolo ebe ku Dɛbi klɛ afla vɛ Listra, ɔkɛlɛ adɔkpasɛ teli gɛ be klua sɛ Timotio aza, yɛeni edzi Yuɖadzi teli gɛ ayɛkɛaŋa, pɔ yaka nɛ edzi Grikieyi teli.

Axwɛwɛwa 18:5

Gɛ Silas anɛ Timotio ede Makedonia aba, Paolo ayɛkɔ kibuinɛ tɛɖuɖɔ atrɔ shu, klɛ ebu akasɛ Yuɖanɛ na sɛ Yesu yɛ enu Kristo.

Axwɛwɛwa 8:36

Gɛ ba vɛ nɛ kidzo nɛa bha, ba ba tɔnɔ buni tuli klɛ anɔgbla nɛ asɛ, “Di, buni tuli nũ. Kide so pɛ ɛta yɛkɛ bunikpɛkpɛ?”

Axwɛwɛwa 9:20

Tsɛɔ̃ ko Saolo agbla kpa Kpayɛbui nɛ ɖɔ nɛ oxogokɔ bevugbla nɛm asɛ Yesu yɛenu Kpaya yɛ Eyi.

2 Kɔrintioanɛ 1:1

Mɛ Paolo, Kristo Yesu anɔkpɛkpɛ nɛ́ Kpaya tɛpɛpɛɛ nu, Timotio bulɔ adzya. Kɔ Kpaya busɔlɛɔha nɛ́ Kɔrintio, ɔyɛkɔ plɛnɔ kpayabanɔ nɛ petee ganɔ Akasia:

1 Tɛsolonianɛ 1:1

Paolo, Silasɛ anɛ Timotio, kɔ Tɛsalonianɛ busɔlɛɔha nɛ Kpaya gɛ enu Aka anɛ Apalete Yesu Kristo: Eshutukubui didi anɛ ishuyuyɔ kɔ nɔ.

2 Tɛsolonianɛ 1:1

Paolo, Silasɛ anɛ Timotio, kɔ Tesalonikanɛ busɔlɛɔha anɛ Kpaya bulɔ anɛ Apalete Yesu Kristo mɛ:

1 Timotio 3:16

Nɛ ebui bibisi nɛ petee de, kpayamzɛza kibuikpukpu nɛ kitri: Awɛ̃ nɛ ishuidzya mɛ, Ɔfufɔɛ nɛ obu yɛ butsya, kpayaxwɛdɛ nɛ ba mɔɛ, ba ɖɔ yɛ bui nɛ amadi nɛ mɛ, ba yɛkɛ yɛa bha ŋa nɛ kanɔ nɛ mɛ, ba feke yɛ ashɛnɔ nɛ ishubhubhui mɛ.

Hebriuanɛ 1:11

Alɛ petee la bezi, pɔ wɔnɔ nɔ bɔza, ba bedzi ekuku anasɛ apɔtɛ.

Hebriuanɛ 13:8

Yesu Kristo terikpo alɛ nɛ ko enu kivu gɛ ba fla anɛ kibenyɛbe.

1 Petro 5:12

Nɛ̀ tɛpɛplɛnɔ denɔ Silas kɔ, agɛ ɛyɛkɔ kɛlɛ anasɛ tɛyɛyɛkɛŋa adzya, ɛtɛ ŋlɔmɛ sɛsɛnɔ gugunu, ɛkpɛ nɔ kemi klɛ mɛ ɖɔ sɛ kɛnɛ kɛlɛnu Kpaya ɛyɛmɛyuyɔ gbɛagba. Nɔ za lɛ mɛ gɛganɛ.

2 Petro 1:17

Alasɛ ayɛkɛ kabhaŋɛŋa anɛ tɛbhubhui denɔ Aka Kpaya kɔ nɛ kibelɛlɛ gɛ kaɖɔɖuɖɔ nɛ aba kɔ yɛ denɔ Kabhakpɛkpɛ Gbɛgbladɛ ɔkɔ, kaɖɔ sɛ, “Ye nu mɛ Eyianyɛ, gɛ ɛdɛmɛnɔ, nɛ yɛ ɛpɛɛ yɛ bui mɔmɔ.”

1 Yohanɛsɛ 1:3

Bu butsre nɔ kɛdɔ nɛ gɛ bu mɔ klɛ bu nu, sɛ tɛ wũnɔ tsyɛ nɔ za terikpo bhɛbhɛtɛmɛ nɛ lɔ. Klɛ bulɔ terikpo bhɛbhɛtɛ nɛ Aka anɛ̀ yɛ Eyianyɛ Yesu Kristo.

1 Yohanɛsɛ 5:20

Bu ka nyi sɛ Kpaya ye Yi nɛ aba klɛ akɔ lɔ kibuititi, sɛ tɛ bu ti yɛ gɛ enu agbɛagba. Klɛ bulɛ yɛ mɛ gɛ enu anɔɛgbɛagba—nɛ yɛ Yi Yesu Kristo tsyɛ mɛ. Ye nu kɛgbɛagba Kpaya anɛ̀ ɛkpã mabeke mabeke.

2 Yohanɛsɛ 1:9

Anɔnyanɔ gɛ esi afla vɛ otugba klɛ ata za Kristo kɛdɔkɛkasɛ nɛede adɛ yɛkɛ Kpaya, ánɔ nɛgɛ aza kɛdɔkɛkasɛ nɛabha ayɛkɛ balɛ tɛabha Aka anɛ Eyi.

Tɛbubukasɛ 1:11

gɛ kaa ɖɔ sɛ, “Ŋlɔmɛ kɛdɔnɔ nɛ gɛ ɔmɔ nɛ ɔtrɔ keplukpa bha tɛ ɔyɛkɔ sɛsɛ basɔlɛha tigene: Efesusɛ, Simina, Pɛgamum, Taɛtira, Saɖisɛ, Filadelfia anɛ Laoɖisea.”

Tɛbubukasɛ 1:17

Gɛ ɛmɔ yɛ, ɛwɔlɔdɔ nɛ yɛ otugba ansɛ butsi mɛ itsi. Kɛlɛ ayɛkɔ yɛ kɛŋa ɔhwɛ nɛ atrɔ mɛa bha klɛ asɛ, “Ti si kifu. Mɛ nu atutɔpu anɛ agɔgɔɛ.

Tɛbubukasɛ 1:8

Apalete Kpaya nɛ asɛ, “Mɛ nu Kesikpɛkpɛ anɛ Tɛbibeke,” “gɛ alɛ, klɛ aza, klɛ yɛ aba ba, Agɛ yɛa dɛ.”

Tɛbubukasɛ 2:18

“Kɔ kpayaxwɛdɛ nɛ Taɛtira sɛ: Ebuia nɛ alɛ enu Kpaya yɛ Eyi nɛ kaɖɔɖuɖɔ, gɛ yɛ anhũ nɛ edzi ansɛ kifu tɛtã klɛ yɛ butsrukpɔ nɛ dzi ansɛ ayawa gɛ atã.