1 Yohanɛsɛ 4:6 - ONUGBÙ NYƐNYÃ VUVƆ

⁶ Bulɔ bu de Kpaya ɔkɔ, klɛ anɔ nɛ gɛ enyi Kpaya aba ta bulɔ atɔ, pɔ anɔ nɛ gɛ edi de Kpaya atɛ ba ta bulɔ atɔ. Kɛnɛ kɛlɛ kɔ sɛ bu ba ti Ɔfufɔɛ kɛgbɛagba anɛ̀ otro ɔfufɔɛ.

1 Yohanɛsɛ 4:6 ပူးပေါင်းရင်းမြစ်များ

Luka 10:22

“Maka ayɛkɔ kɛdɔ nɛ petee akpɛ mɛ ahwɛ. Anɔnyanɔ eti nyi anɔ nɛ gɛ Eyi nɛ enu ɔdɛ̀ sɛ Aka, klɛ anɔnyanɔ eti nyi anɔ nɛ gɛ Aka nɛ enu ɔdɛ̀sɛ Eyi nɛ̀ ba gɛ Eyi eklu sɛ tɛ be bu yɛ akasɛ.”

Yohanɛsɛ 10:16

Ibhoshi bhlatɔ lɛ mɛ ahwɛ gɛ lɛ ma ibhoshi buka nɛ mɛ. Ɛba tɛ gbanɛ lɛ tsyɛ mɛna. Ɛlɛ tsyɛ ba nu mɛ olimɛ, klɛ ibhoshiha tirikpo nɛ agbɛgbanɔ Terikpo.

Yohanɛsɛ 10:27

Mɛ ibhoshi nɛ nu mɛ olimɛ, ɛnyi lɛ klɛ lɛ za mɛede.

Yohanɛsɛ 10:3

Epupo nɛ adanɛ buka nɛ akɔ lɛ, klɛ ibhoshi nɛ nu yɛ olimɛ. Eklu yɛ nahwɛ ibhoshi nɛ kinyi gɛ akɔɛ lɛ klɛ agbanɛ lɛ koeyi.

Yohanɛsɛ 13:20

Itsre nɔ gbɛagba sɛ, anɔ nɛ gɛ ayɛkɛ anɔnyanɔ gɛ ɛkpɛ, ayɛkɛ mɛ, klɛ anɔ nɛ gɛ ayɛkɛ mɛ, ayɛkɛ agɛ akpɛ mɛ.”

Yohanɛsɛ 14:17

ɔlɛ nu Ɔfufɔɛ gbɛagba. Kanɔ ka tɛ bana yɛ ayɛkɛ, alasɛ ka ta mɔ yɛ klɛ ke ti nyi yɛ. Pɔ nɔ nyi yɛ, alasɛ alɛ wunɔ bha klɛ alɛ wunɔɛ mɛ.

Yohanɛsɛ 15:26

“Kɛbenɔ nɛ gɛ Apɛplɛnɔ aba ba, agɛ yɛ ɛba kpɛ nɛ wunɔ kɔ denɔ Aka nɔ kɔ, kɛgbɛagba Ɔfufɔɛ gɛ lɔ ga koeyi denɔ Kpaya ɔkɔ, aba ɖɔaɖɔ denɔ mɛ shu.

Yohanɛsɛ 16:13

Pɔ kibenɔ nɛ gɛ yɛ, kɛgbɛagba Ɔfufɔɛ, nɔ ba, aba gbanɔ lɔ kpɛ kɛ gbɛagba petee mɛ. Atɛ ba ɖɔaɖɔ nɛ́ yɛnahwɛ shu ahwɛ, aba ɖɔ kɛgɛ enu nɛ ko, klɛ aba ɖɔ tsre nɔ kɛ gɛ kɛ ba ba.

Yohanɛsɛ 18:37

Pilato ebisi asɛ, “Kɛlɛso ekusi wɔ nu?” Yesu ebushunu asɛ, “Kibui gbɛagba wɔɖɔ Ɛnu ekusi. Kɛgbɛagba kɛlɛso gɛ bamɔ mɛ, nɛ kɛlɛso gɛ ɛba kanɔ nɛ mɛ, sɛ tɛ ibu kɛgbɛagba nɛ kasɛ. Anɔnyanɔ gɛ alɛ kibui gbɛagba nɛede ata mɛatɔ.”

Yohanɛsɛ 20:21

Yesu aza ɖɔ sɛ, “Nɔ lɛ mɔmɔ! Anasɛ gɛ Aka na kpɛ mɛ, ɛkpɛ nɔ tsyɛ.”

Yohanɛsɛ 8:19

Klɛ Farisianɛ ne bisi yɛ asɛ, “Fakɔ wɔ aka alɛ?” Yesu ebuilɛnu asɛ, “No ti nyi mɛ gɛ ma Aka no bo ti.” “Onugɛ no nyi mɛ, nɔ bɔ ti ma Aka tsyɛ.”

Yohanɛsɛ 8:23

Pɔ aza vɛ lɛabha, “Nɔ de kesi, mɛ ɛde kabha, Kanɔa nɛ lete no nu, mɛ anɛ kanɔa nɛ mɛ elete mɛ nu.

Romanɛ 1:1

Paolo, axwɛwa kɔ Yesu Kristo, gɛ be kulu sɛ tɛ ebe dzi anɔkpɛkpɛ klɛ be bu yɛ ɔtɔ akɔ Kpaya kibuidzyɔgo—

Romanɛ 11:8

ansɛ gɛ ba ŋlɔmɛ elu asɛ: “Kpaya akpɛ alɛ ɔfufɔɛ omumu, anhũ epu sɛ ba tɛa mɔ klɛ batɔ epu sɛ be tie nu, ɔbɔ nanɔ oboewi.”

1 Kɔrintioanɛ 14:37

Onugɛ anɔ teli ayɛkɔ sɛ enu atɔnu, ɔdɔgɔsɛ ɔfufɔɛmɛ kɛdɔkukɔ tili lɛ yɛahwɛ, nɔ kɔ yɛ adɛmɛ lɛ asɛ ebui nɛ gɛ ɛŋlɔmɛ kɔ nɔ lɛ nu Apalete nɛ eshã.

2 Kɔrintioanɛ 10:7

Nɔ di ebui nɛ kabhaɛdɔ kɔ ko. Onugɛ anɔteli ayɛkɛ shuabhaŋa sɛ Kristo ayɛ yɛ enu, alasɛ tɛ etsodzi avɛ ishu mɛ sɛ bunu Kristo ayɛ anasɛ gɛ enu.

2 Tɛsolonianɛ 1:8

Aba tɛta butɔ akɔ bagɛ eti nyi Kpaya pɛ ba taa tatɔ nɛ bulɔ Apalete Yesu kibuidzyɔgo.

1 Timotio 4:1

Ɔfufɔɛ nɛ ɔdanɛ kɛlɛ mɛ ɔɖɔ sɛ nɛ kibe gɔgɔɛ nɛ mɛ banɔ teli aba shɛnahwɛ tɛyɛyɛkɛŋa nɛ shu klɛ ba tɛ za ɛfufɔɛ nɛ gɛ wɛɛ anɔ anɛ ɛfufɔɛkpã kɛdɔkɛkasɛ nɛe de.

2 Petro 3:2

Ɛpɛɛ sɛ tɛ nɔ baka ebui nɛ gɛ batɔnu bhubhui naɖɔ bafla nɛ̀ ɛshã gɛ bulɔ Apalete anɛ̀ Ayɛyɛkɛkɔ aganɔ wunɔ banɔkpɛkpɛ nɛabha.

1 Yohanɛsɛ 4:1

Ɛbhɛalɛ mumɔa, nɔ tɛ yɛkɛ ɛfufɔɛ ɛkanyaka abhaŋa, pɔ feke ɛfufɔɛ nɛ odi tɛ nɔ mɔ sɛ lɛ de Kpaya kɔ, alasɛ itro batɔnu gelee ba tɛ ga ekoeyi etsoku kanɔ nɛ mɛ.

1 Yohanɛsɛ 4:4

Wunɔ, banuvɔ mumɔa, nɔ de Kpaya kɔ klɛ nɔ ŋa ɛlɛabha, alasɛ agɛ alɛ wunɔɛ mɛ etri adɛ ɔgɛ lɔ lɛ kanɔ nɛ mɛ.

1 Yohanɛsɛ 4:8

Anɔ nɛ gɛ adɛ dɛmɛnɔ nɛ anɔ eti nyi Kpaya alasɛ Kpaya enu adɛdɛmɛnɔ.

1 Yohanɛsɛ 5:19

Bu nyi sɛ bu nu Kpaya yɛ yialɛ, klɛ sɛ kanɔ nɛ petee kabhaŋɛŋa lɛ ezizi nɛesi.

Yuɖa 1:17

Pɔ, ɛbhɛalɛ dzyɔgo mɔ, nɔ baka kɛgɛ bulɔ Apalete Yesu Kristo banɔkpɛkpɛ nɛ ba ɖɔ eputɔnɔ.