1 Yohanɛsɛ 3:5 - ONUGBÙ NYƐNYÃ VUVƆ

⁵ Pɔ nɔ nyi sɛ aba sɛ tɛ ayɛkɔ bulɔ ebuikpã ashɛnɔ. Klɛ yɛ mɛ kibuikpã ma.

1 Yohanɛsɛ 3:5 ပူးပေါင်းရင်းမြစ်များ

Mateo 1:21

Aba mɔ eyianyɛ, gɛ kɛlɛ sɛ tɛ ɔkɔ yɛ nyi sɛ Yesu, alasɛ yɛ ebe bu yɛ banɔ nɛ edenɔ balɛ buzizi mɛ.”

Luka 23:41

Ba tɛta lɔ batɔ nɛ kidzo dzyɔgo abha, alasɛ bu yɛkɛ kɛgɛ bulɔ ebui bhɛbhɛtɛ nɛ ebisi. Pɔ anyɛa nɛ adɛ bhɛtɛ kibui zizi.”

Luka 23:47

Keyutugbani anɔ gbɛgbla, gɛ amɔ ebui gɛ la ba ba, akpɛ Kpaya kɛtɔkpu nɛabha klɛ aɖɔ sɛ, “Kɛgbɛagba anɔ dzyɔgo yɛ edzi.”

Yohanɛsɛ 1:29

Kiwui bhla nɛ Yohanɛsɛ amɔ Yesu aba yɛ ɔkɔ klɛ aɖɔ sɛ, “Di, Kpaya Obhoshieyi, agɛ yɛ ayɛkɔ kanɔɛmɛ ebuizizi nɛ ashɛ̃nɔ!

Yohanɛsɛ 1:31

Mɛ nahwɛ ɛdɛ ti yɛ, pɔ kibuinɔ nɛ so gɛ ɛkpɛuni nɛ̀ buni kɛlɛesi kɛlɛ nu sɛ tɛ be bu yɛ akasɛ Izraɛl banɔ.”

Yohanɛsɛ 14:30

Ɛtɛaɖɔ kaɖɔ dzidze nɛ nɔ, alasɛ anɔ nɛ gɛ aŋa kanɔ nɛabha aba. Bupu ma yɛ ahwɛ nɛ mɛ shu,

Yohanɛsɛ 8:46

Wunɔ mayɛ̃ teli aba na mɛ kɛpɔ bu sɛ ɛbhɛtɛ ebuizizi? Onugɛ ɛɖɔ kibui gbɛagba, kideso gɛ nɔ tɔ yɛkɛ mɛ abhaŋa?

2 Kɔrintioanɛ 5:21

Kpaya abhɛtɛ anɔ gɛ buzizima yɛ shu tɛ edzi ezizi kɔ lɔ, sɛ tɛ nɛ yɛ mɛ bu badzi banɔnɛna kɔ Kpaya.

1 Timotio 1:15

Kibuiɖuɖɔ gɛ kɛlɛ sɛ ba yɛkɛ kɛlɛa bha ŋa nɛ nɛɛ: Kristo Yesu aba kanɔ nɛm sɛ tɛ aba yɛkɛ kɔ bezizi—gɛ mɛ inu ezizi nɛ dɛ nɛ balɛm.

1 Timotio 3:16

Nɛ ebui bibisi nɛ petee de, kpayamzɛza kibuikpukpu nɛ kitri: Awɛ̃ nɛ ishuidzya mɛ, Ɔfufɔɛ nɛ obu yɛ butsya, kpayaxwɛdɛ nɛ ba mɔɛ, ba ɖɔ yɛ bui nɛ amadi nɛ mɛ, ba yɛkɛ yɛa bha ŋa nɛ kanɔ nɛ mɛ, ba feke yɛ ashɛnɔ nɛ ishubhubhui mɛ.

Titusɛ 2:14

gɛ ayɛkɔ yɛ shu akɔ nɛ bulɔɛ tɔkpu sɛ tɛ ebu lɔ edenɔ kɛtɔkpum gɛganɛ petee mɛ tɛ epulu banɔ nɛ gɛ enu yɛnahwɛ ayɛ nɛ akɔ shu, gɛ ba pɛa sɛ tɛ ba bhɛtɛ kɛgɛ nu kɛdzyɔgo.

Hebriuanɛ 1:3

Eyi yɛ nu kɛfutɛtã kɔ Kpaya otugbavɛvɛ klɛ ayɛkɔ Kpaya tɛzɛzɛmɛ, abhɛtɛ kɛdɔnyɛdɔ nɛ yɛ bupu kibui ɖuɖɔɛ mɛ. Gɛ akɔ ebuizizi tipuplu beke, ada za Ɔgbɛgblakɔ kɛŋamɛ nɛ owũsise.

Hebriuanɛ 4:15

Alasɛ kpayazakɔanɔ ɖɛɖama ama bulɔ ahwɛ gɛ aba na eshutukubui di nɛ bulɔ kesizhizhi mɛ, pɔ teli alɛ bulɔ ahwɛ gɛ be tɛfeke yɛ di nɛ kidzonyɛdzoe abha, anasɛ gɛ bu lɛ—pɔ adɛ za nɛ buzizi.

Hebriuanɛ 7:26

Kpayazakɔanɔ ɖɛɖama nɛdi atsyanɔ bulɔ kɛdɔ pɛpɛɛ—agɛ yɛ shu bhui, kɛpɔ ma yɛ shu, ana, alɛ ɔtɔ nɛ banɔ zizi shi, klɛ bakpɛ yɛ nɛabha adɔ flanɔ owũsise.

Hebriuanɛ 9:26

Kɛlɛalɛ Kristo agɛ ta mɔ butɔ ebe gelee odenɔ kanɔ kesikpɛkpɛ. Pɔ ɔtsɔnɛ aba bu ba tirikpo kɔ lɔ petee nɛ kanɔ bibeke ewia nɛ mɛ tɛ ayɛkɔ yɛshu egu bugu tɛ ebu ezizi nɛ atɛ̃.

Hebriuanɛ 9:28

so Kristo akɔ yɛ be yi yɛ bu yi trukpo sɛ tɛ ebu banɔ gelee ebuizizi nalɛ shu, klɛ azia ba bubhla, ganɛ sɛ tɛ aba bhɛtɛ kibuinyɛbui denɔ ebuizizi shu, pɔ amɛna ishu bhubhuiyɛkɛ kɔ bagɛ be po yɛ.

1 Petro 1:18

Alasɛ nɔ nyi sɛ ganɛ nɛ́ kɛdɔzizi anasɛ sɛkafrɛrɛ pɛnɔ sɛkadzɛdzã gɛ ba yɛkɔ ayɛkɛ nɔ nɛ́ kɛdzo kpɛkpa ɛkpã gɛ ba shɛnahwɛ elu kɔ nɔ denɔ wũnɔ bakashishe be.

1 Petro 1:20

Be klu yɛ flogo gɛ ba bhɛtɛ kanɔ, pɔ be bui yɛ akasɛ nɛ ewia gugɔɛa nɛ mɛ nɛ́ wũnɔɛ tɔkpu.

1 Petro 2:22

“Kristo adɛ bhɛtɛ kizizi, klɛ otro huhu odi koeyi nɛ yɛ onugbui mɛ.”

1 Petro 2:24

Kristo nahwɛ ayɛkɔ bulɔ ebuizizi nɛ akpɛ ishuidzya mɛ nɛ osi nɛ shu, sɛ tɛ bu ba tsi kɔ kizizi klɛ bu za nɛ ɛkpã kɔ kɛdzyɔgo bhɛbhɛtɛ, yɛ apɔ la kɔ sɛ bunya koeyi nɛ bulɔ shuimɛ.

1 Petro 3:18

Alasɛ Kristo etsi kɔ kizizi butsi tirikpo ko, kɔ banɔ dzyɔgo anɛ be zizi tɛ agbanɛ nɔ avɛnɔ Kpaya kɔ. Be yii yɛ nɛ ishuidzya mɛ pɔ ba bhɛtɛ yɛ alɛ nɛ ɛkpã ganɔ ɔfufɔɛ abha,

1 Yohanɛsɛ 1:2

Ɛkpã ba koeyi, bumɔɛ lɛ klɛ buɖɔaɖɔ nɛ lɛ shu, klɛ bu bu ɛkpãmabeke ebui tsre nɔ, gɛ lɛza Aka nɔ bha klɛ lɛ ba koeyi kɔ lɔ.

1 Yohanɛsɛ 1:7

Pɔ onugɛ bu ga nɛ obhubhuikɔ, anasɛ gɛ alɛ nɛ obhubhuikɔ, bu yɛkɛ terikpo bhɛbhɛtɛ nɛ ɔhaglɔ, klɛ ye Yianyɛ Yesu dzyosu, eplu buzizi petee bu nɛ bulɔ shu.

1 Yohanɛsɛ 2:1

Me yialɛ mumɔa, ɛŋlɔmɛ kɛnɛ sɛsɛ nɔ sɛ tɛ nɔ tɛ bhɛtɛ kibuikpã. Pɔ onugɛ anɔ teli abhɛtɛ kibuikpã, anɔ terikpo alɛ bulɔ ahwɛ gɛ aɖɔaɖɔ kɔ Aka gɛ awlãkɛ bulɔɛ tɔkpu—Yesu Kristo, Adzyɔgo Terikpo.

1 Yohanɛsɛ 2:2

Yɛ ayɛkɔ ishu etsye kɔ bulɔ ebuizizi, klɛ ganɛ bulɔ tite pɔ kɔ kanɔ nɛ petee buzizi.

1 Yohanɛsɛ 2:29

Onugɛ nɔ nyi sɛ enu anɔ dzyɔgo, nɔ nyi sɛ anɔnyanɔ gɛ abhɛtɛ kɛgɛ nu kɛdzyɔgo yɛ mɛ la mɔ yɛ.

1 Yohanɛsɛ 3:8

Anɔ nɛ gɛ abhɛtɛ kibuizizi enu ɔfufɔɛkpã ayɛ, alasɛ ɔfufɔɛkpã nɛ lɔ bhɛtɛ kizizi denɔ kesikpɛkpɛ ke. Kibui nɛ so gɛ Kpaya yɛ Yi aba kɛlɛ nu sɛ tɛ ezi ɔfufɔɛkpã nɛ kɛxwɛwɛwa.

Tɛbubukasɛ 1:5

anɛ denɔ Yesu Kristo ɔkɔ, gɛ yɛ enu ebuimɔɖɔ kɛgbɛagbayɛ, eyitutɔpu nɛ gɛ ba mɔ denɔ bekpu nɛ mɛ, anɛ agɛ yɛ aŋa bekusi nɛa bha anɛ kesukpa nɛa bha. Kɔ agɛ yɛa dɛmɛ lɔɛ bui klɛ ebu lɔ edenɔ bulɔ buzizi mɛ ganɔ yɛ dzyosu mɛ,