1 Yohanɛsɛ 3:24 - ONUGBÙ NYƐNYÃ VUVƆ

²⁴ Bagɛ ba tatɔ nɔ yɛ ɛshã balɛ yɛ mɛ klɛ alɛ balɛ mɛ. Klɛ kɛnɛ kɛlɛ kɔ sɛ bu nyi sɛ alɛ bu lɔɛ mɛ: Bu nyi lɛ denɔ Ɔfufɔɛ nɛ gɛ akɔ lɔ nɛ mɛ.

1 Yohanɛsɛ 3:24 ပူးပေါင်းရင်းမြစ်များ

Yohanɛsɛ 10:38

Pɔ onugɛ ɛbhɛtɛ lɛ, tsyɛ kɛlɛmɛ nɔ dɛ yɛkɛ mɛabhaŋa, nɔ yɛkɛ ebuiyinɔanɔ nɛabhaŋa, sɛ tɛ nɔ bɔ ti tɛ nɔ nu kilɛesi sɛ Aka na lɛ mɛ mɛ klɛ mɛ lɛ Aka nɛ mɛ.”

Yohanɛsɛ 14:17

ɔlɛ nu Ɔfufɔɛ gbɛagba. Kanɔ ka tɛ bana yɛ ayɛkɛ, alasɛ ka ta mɔ yɛ klɛ ke ti nyi yɛ. Pɔ nɔ nyi yɛ, alasɛ alɛ wunɔ bha klɛ alɛ wunɔɛ mɛ.

Yohanɛsɛ 17:21

sɛ tɛ balɛ petee ba be dzi terikpo, Aka, anasɛ gɛ ɔlɛ mɛ́ mɛ klɛ mɛ lɛ wɔɛ mɛ. Kɔ ba lɛ tsyɛ ba baza bulɔɛ mɛ sɛ tɛ kanɔ na ba yɛkɛŋa sɛ wɔ kpɛ mɛ.

1 Kɔrintioanɛ 3:16

Nɔ ti nyi sɛ wunɔ nahwɛ no nu Kpaya buvu klɛ Kpaya Ɔfufɔɛ lɔ lɛ wunɔɛ mɛ?

1 Kɔrintioanɛ 6:19

Nɔ ti nyi sɛ wunɔ shuidzya nɛ nu busɔlɛvu kɔ Ɔfufɔɛ Dzyɔgo, gɛ lɔ lɛ wunɔ mɛ, gɛ nɔ yɛkɛ de Kpaya kɔ? Nɔ ma wunɔ ishuahwɛ,

2 Kɔrintioanɛ 6:16

Tɛnyɛnya ɖueɖu kɛlɛ lɛ Kpaya busɔlɛvu anɛ̀ obudi shu? Alasɛ bulɔ nu Kpaya lulu busɔlɛvu. Anasɛ gɛ Kpaya aɖɔ, “Ɛba za nɛ alɛ klɛ ɛba ga nɛ balɛ shi, klɛ ɛba dzi balɛ Kpaya, klɛ ba be dzi mɛ banɔ.”

1 Tɛsolonianɛ 4:8

Kɛlɛ so, anɔ nɛ gɛ adɛ yɛkɛ kɛdɔkɛkasɛ ganɛ anɔ yɛ adɛ yɛkɛ, pɔ Kpaya, nɛ gɛ aakɔ nɔ yɛ Ɔfufɔɛ Dzyɔgo.

2 Timotio 1:14

Nyɛna kɛdɔbɛbala dzyɔgo nɛ gɛ bayɛkɔ akpɛ wɔahwɛ nɛ gɛganɛɛ, tɛ opoe lɛ ganɔ Ɔfufɔɛ Dzyɔgo nɛ gɛ ɔkpasɛ bulɔ mɛ nɛ tɛpɛplɛnɔ mɛ.

1 Yohanɛsɛ 2:24

Nɔ di lɔ kɔ sɛ kɛgɛ nɔ nu denɔ kesikpɛkpɛ kɛ wɔ nɔɛ mɛ. Onugɛ kɛ bhɛtɛ ana, wũnɔ tsyɛ nɔ bɔ wɔ Eyi anɛ̀ Aka nɛ mɛ.

1 Yohanɛsɛ 2:3

Bu nyi sɛ bu ba sɛ tɛ bu ti yɛ onugɛ bu bhɛtɛ trɔ yɛ ɛshã nɛabha.

1 Yohanɛsɛ 2:5

Pɔ onugɛ anɔ teli ata yɛ ebui nɛ atɔ, Kpaya tɛdɛdɛmɛnɔ kɛgbɛagba petee lɛ yɛ mɛ. Kɛnɛ kɛlɛ kɔ sɛ bu nyi sɛ bu lɛ yɛ mɛ:

1 Yohanɛsɛ 2:6

Agɛ ayɔkɔ sɛ alɛ Kpaya mɛ, alasɛ tɛ aga anasɛ gɛ Yesu abhɛtɛ.

1 Yohanɛsɛ 3:22

klɛ bu yɛkɛ kɛdɔnyɛdɔ gɛ bu bisi, alasɛ bu tatɔ yɛ ɛshã klɛ bu bhɛtɛ kɛgɛ apɛɛ.

1 Yohanɛsɛ 4:7

Ɛbhɛya mumɔa, nɔ kɔ lɔ dɛmɛnɔ ɔhagblɔ, alasɛ tɛdɛdɛmɛnɔ de Kpaya ɔkɔ. Anɔnyanɔ gɛ adɛmɛnɔ anɔ Kpayaɛ mɛ la mɔ yɛ klɛ enyi Kpaya.