1 Yohanɛsɛ 3:1 - ONUGBÙ NYƐNYÃ VUVƆ

¹ Kɛlɛ Aka nɛ tɛdɛdɛmɛnɔ nɛ anɔ etri gɛ ayɛkɔ akɔ lɔ, sɛ tɛ be klu lɔ asɛ Kpaya ye yialɛ! Klɛ kɛlɛ kɔ sɛ bu nu yɛ ayɛ! Kibui nɛ so gɛ kanɔ nɛ tinyi lɔ kɛlɛ nu sɛ ke tɛ nyi yɛ.

1 Yohanɛsɛ 3:1 ပူးပေါင်းရင်းမြစ်များ

Luka 20:36

klɛ be tie tsi, alasɛ bedzi anasɛ axwɛdɛ. Be nu Kpaya ye yialɛ, nɛ kibe lɛlɛ gɛ be dzi banɔ nyɛnyɛmɛ denɔ bekpui mɛ.

Yohanɛsɛ 1:12

Pɔ kɔ bagɛ balɛ petee gɛ bayɛkɛ yɛ, kɔ bagɛ ba yɛkɛ yɛ nyi nɛa bha ŋa, akɔ alɛ kidzo sɛ tɛ ba be dzi Kpaya yɛeyialɛ—

Yohanɛsɛ 11:52

klɛ anɛ kɔ ɔma lɛlɛ tite so, pɔ kɔ Kpaya banuvɔ nɛ gɛ balɛ ebha tɛ ba gbanɛ ala exogo tɛ ba bhɛtɛ alɛ terikpo.

Yohanɛsɛ 15:21

Ba bakpɛ nɔ butɔ nɛ kidzoe nɛabha alasɛ nɛ mɛ nyi nɛ so, alasɛ be tinyi Anɔ nɛ gɛ yɛ akpɛ mɛ.

Yohanɛsɛ 16:3

Ba babhɛtɛ ebuia nɛdi alasɛ beti nyi Aka pɛnɔ mɛ.

Yohanɛsɛ 17:25

“Aka Nɛna, kɛlɛlɛmɛ sɛ kanɔ nɛ ti nyi wɔ, mɛ nyi wɔ, klɛ benyi sɛ wɔ kpɛ mɛ.

Yohanɛsɛ 3:16

“Alasɛ Kpaya adɛmɛnɔ nɛ kanɔ sɛ ayɛkɔ yɛa yɛ gɛ enu Eyianyɛ terikpo akɔ, sɛ tɛ anɔnyanɔ gɛ ayɛkɛ yɛabha ŋa eti be tsi pɔ aba mɔ ɛkpã mabeke.

Romanɛ 5:8

Pɔ Kpaya ebu yɛnahwɛ tɛɖuɖɔ nɛ gɛ aɖɔ lɔ nɛ akasɛ nɛ kidzoe nɛa bha sɛ: Nɛ kibe lɛ gɛ bu ka nu buziziabhɛtɛ, Kristo etsi nɛ bulɔɛ tɔkpu!

Romanɛ 8:19

Kanɔ nɛ mɛ kepo nɛ kidzoenu didi gɛganɛ kɔ Kpaya yɛeyialɛ nɛ tɛbubukasɛ.

Romanɛ 8:21

sɛ kanɔ nɛ nahwɛ ka ba za tibubule mɛ edenɔ kalɛ tɛnyɛnyam vɛnɔ tɛtsutsɔmɔ mɛ klɛ la ba yɛkɔ amɛna Kpaya yɛeyialɛ nɛ ishubhubhui tɛbuboli mɛ.

Romanɛ 8:32

Agɛ adɛ da ahwɛ akpɛ yɛ nɛahwɛ Yeyi, pɔ ayɛkɔ yɛ akpɛahwɛ nɛ lɔɛ tɔkpu, klɛ tsyɛ ataa yɛkɔ aplɛnɔ yɛ, nɛ eshutukubuididi mɛ akɔ lɔ kɛdɔnyɛdɔɛdi?

2 Kɔrintioanɛ 6:18

“Ɛba dzi Aka kɔ nɔ, klɛ wunɔ bɔdzi me beyianyɛ nɛ̀ mɛ beyiadzɛ, Apalete Kemielete yɛ ɖɔ.”

Galatianɛ 3:26

Ɛnɔ petee Kpaya ye yialɛ nɔ nu ɔganɔ tɛyɛyɛkɛŋa nɛ Kristo Yesu abha,

Galatianɛ 3:29

Onugɛ onu Kristo ayɛ, kɛlalɛ onu Abraham eshui, nɛ bagɛ ba baŋa yɛ ɔzakɔ nɛ kɛ tɛtrɔlu nɛ shu.

Koloseanɛ 3:3

Alasɛ otsi, klɛ wɔnɔ kpã nɛ kpu nɛ̀ Kristo anɛ́ Kpaya mɛ.

1 Yohanɛsɛ 3:10

Kɛnɛ kɛlɛ kɔ bu ti bagɛ benu Kpaya yɛ yialɛ klɛ ganɛ̀ bagɛ benu ɔfufɔɛkpã yɛ yialɛ. Anɔnyanɔ gɛ adɛ bhɛtɛ kɛ gɛ nu kɛdzyɔgo edɛnu Kpaya yɛ yi, ɔdɔgɔsɛ adɛ dɛmɛnɔ nɛ yɛ adzya, edi nu Kpaya yɛ yi.

1 Yohanɛsɛ 3:2

Ɛbhɛya mumɔa, ɔtsɔ̃nɛ bu nu Kpaya ye yialɛ, klɛ kɛdɔnɔ nɛ gɛ bu badzi ba ka kɔ lɔ ti lɛ. Pɔ bu nyi sɛ kibe nɔ gɛ aba koeyi, bu ba dzi anasɛ yɛ, alasɛ bu ba mɔ yɛ anasɛ gɛ alɛ.

1 Yohanɛsɛ 4:17

Nɛ kidzoɛ nɛabha, tɛdɛdɛmɛnɔ na nɛ bulɔɛ mɛ sɛ tɛ idzyi aza bulɔ ahwɛ nɛ kebhuikuklu wui nɛabha, alasɛ nɛ kanɔa nɛ mɛ bu lɛ anasɛ yɛ.

Tɛbubukasɛ 21:7

Aanɔ nɛ gɛ aŋɛabha aba mɔ ɔŋakɔ nɛ anɛ nɛ peteem, klɛ ɛba dzi yɛ Kpaya klɛ ebe dzi mɛ eyi.