1 Yohanɛsɛ 2:29 - ONUGBÙ NYƐNYÃ VUVƆ

²⁹ Onugɛ nɔ nyi sɛ enu anɔ dzyɔgo, nɔ nyi sɛ anɔnyanɔ gɛ abhɛtɛ kɛgɛ nu kɛdzyɔgo yɛ mɛ la mɔ yɛ.

1 Yohanɛsɛ 2:29 ပူးပေါင်းရင်းမြစ်များ

Yohanɛsɛ 1:13

banuvɔ gɛ ba dɛ mɔa lɛ aganɔ tɛmumɔɛ dzo nɛa bha, ɔdɔgɔsɛ ganɔ anɔdzyrame tɛtutrɔ mɛ ɔdɔgɔsɛ adzɛenyine tɛpɛpɛɛ nu, pɔ Kpaya mɛ la mɔa lɛ.

Yohanɛsɛ 7:18

Anɔ nɛ gɛ aɖɔaɖɔ nɛ yɛ nahwɛshu ahwɛ apɛɛ tɛgbɛgbla kɔ ishu, pɔ anɔ gɛ awa kɛxwɛ kɔ agɛ akpɛ yɛ, sɛ tɛ akpɛ yɛnyi nɛabha, enu anɔ gɛ aɖɔ kibui gbɛagba, kibuinyɛbui dɛ zi nɛ yɛ shu.

Axwɛwɛwa 10:35

so ayɛkɛ banɔ edenɔ kɛmadi kanyakam gɛ esi yɛ kifu klɛ ba bhɛtɛ kɛgɛ nu kɛdzyɔgo.

Axwɛwɛwa 22:14

“Ɔkɛlɛa ɖɔ sɛ: ‘Blɔa kalɛ Kpaya nɛ ebu wɔ sɛ tɛ oti yɛ tɛpɛpɛ, tɛ ɔmɔ Anɔnɛna, tɛ onu kibui odenɔ yɛ onugbu mɛ.

Axwɛwɛwa 3:14

No tsyri Anɔnɛna anɛ Adzyɔgo klɛ no bisi sɛ ba shɛnahwɛ anɔkpã gɛ eyi anɔ nɛ shu kɔ nɔ.

2 Kɔrintioanɛ 5:21

Kpaya abhɛtɛ anɔ gɛ buzizima yɛ shu tɛ edzi ezizi kɔ lɔ, sɛ tɛ nɛ yɛ mɛ bu badzi banɔnɛna kɔ Kpaya.

Hebriuanɛ 7:2

klɛ Abraham akɔ yɛ kɛdɔnyɛdɔ kapɛ tierikpo nɛ kɛfɔɛ mɛ. Tɛtɔpu, yɛ nyi nɛesi kɛlɛ dzi “adzyɔgo ekusi”, kɛlɛede tsyɛ, “Salɛm ekusi” kɛlɛesi kɛlɛ nu “ishuyuyɔ ekusi.”

Hebriuanɛ 7:26

Kpayazakɔanɔ ɖɛɖama nɛdi atsyanɔ bulɔ kɛdɔ pɛpɛɛ—agɛ yɛ shu bhui, kɛpɔ ma yɛ shu, ana, alɛ ɔtɔ nɛ banɔ zizi shi, klɛ bakpɛ yɛ nɛabha adɔ flanɔ owũsise.

Yakobo 1:18

Ayɛkɔ sɛ aba mɔ lɔ ganɔ kɛgba kibui nɛm, sɛ tɛ bu ba dzi eyuyu tutɔpu teli di nɛ kɛdɔ nɛ petee gɛ abhɛtɛ nɛ shi.

1 Petro 1:23

Alasɛ betsodzi nɔ amɔ, anɛ kiyi zizi, pɔ nɛ́ mazimazi, ɔganɔ Kpaya ɛkpã zɛza nɛ ebui bhɛbhɛtɛ.

1 Petro 1:3

Kabhakpɛkpɛ kɔ Kpaya anɛ Aka bulɔ Apalete Yesu Kristo! Nɛ yɛ eshutukubuididi gbɛgbla mɛ akɔ lɔ tɛmumɔ vuvɔ akpɛ nɛ ɛkpã kɛdzoenudidi mɛ ganɔ Yesu Kristo tɛnyɛnyɛmɛ denɔ bekpui mɛ,

1 Petro 3:18

Alasɛ Kristo etsi kɔ kizizi butsi tirikpo ko, kɔ banɔ dzyɔgo anɛ be zizi tɛ agbanɛ nɔ avɛnɔ Kpaya kɔ. Be yii yɛ nɛ ishuidzya mɛ pɔ ba bhɛtɛ yɛ alɛ nɛ ɛkpã ganɔ ɔfufɔɛ abha,

2 Petro 1:4

Ganɔ anɛ nɛabha akɔ lɔ yɛ dɔ gbɛgbla anɛ̀ kedziŋɛŋa gɛ aɖɔlu kɔ lɔ so tɛ ganɔ balɛ abha nɔ bɔ bhɛtɛ nɛ́ kanɔ mɛ kemi klɛ nɔ bɔ koeyi nɛ otumu mɛ kɛdɔ yɛyɛkɛ anɛ kanɔ mɛ gɛ ke de ɔfufɔɛ zizi tɛpɛpɛɛ ɔkɔ.

1 Yohanɛsɛ 2:1

Me yialɛ mumɔa, ɛŋlɔmɛ kɛnɛ sɛsɛ nɔ sɛ tɛ nɔ tɛ bhɛtɛ kibuikpã. Pɔ onugɛ anɔ teli abhɛtɛ kibuikpã, anɔ terikpo alɛ bulɔ ahwɛ gɛ aɖɔaɖɔ kɔ Aka gɛ awlãkɛ bulɔɛ tɔkpu—Yesu Kristo, Adzyɔgo Terikpo.

1 Yohanɛsɛ 3:5

Pɔ nɔ nyi sɛ aba sɛ tɛ ayɛkɔ bulɔ ebuikpã ashɛnɔ. Klɛ yɛ mɛ kibuikpã ma.

1 Yohanɛsɛ 3:7

Banɛvɔ mumɔa, nɔ tɛ kɔ anɔnyanɔ awɔɛ nɔ. Anɔ gɛ abhɛtɛ kɛdɔ dzyɔgo enu anɔ dzyɔgo, anasɛ gɛ Kristo enu adzyɔgo.

1 Yohanɛsɛ 4:7

Ɛbhɛya mumɔa, nɔ kɔ lɔ dɛmɛnɔ ɔhagblɔ, alasɛ tɛdɛdɛmɛnɔ de Kpaya ɔkɔ. Anɔnyanɔ gɛ adɛmɛnɔ anɔ Kpayaɛ mɛ la mɔ yɛ klɛ enyi Kpaya.

1 Yohanɛsɛ 5:1

Anɔnyanɔ gɛ ayɛkɛŋa sɛ Yesu yɛ nu Kristo enu Kpaya ye yi, klɛ anɔnyanɔ gɛ adɛmɛnɔ nɛ aka adɛmɛnɔ nɛ yɛ eyi tsyɛ.

1 Yohanɛsɛ 5:18

Bu nyi sɛ anɔnyanɔ gɛ ba mɔ nɛ Kpaya mɛ ata za lɛabha abhɛtɛ kibui kpã, agɛ yɛ la mɔ nɛ Kpaya mɛ akpɛ buka akana yɛ, klɛ ɔfufɔɛ kpã nɛ lɔ tɛ bɔ bhɛtɛ yɛ kizizi.

1 Yohanɛsɛ 5:4

alasɛ anɔnyanɔ gɛ enu Kpaya ye yi aŋa kanɔ nɛabha. Kɛnɛ kɛlɛ nu kabhaŋɛŋa nɛ gɛ kaŋa kanɔ nɛabha, bulɔ tɛyɛyɛkɛŋa tsyɛ.

3 Yohanɛsɛ 1:11

Ɔbhɛa mumɔa, tɛ kpasɛ kibui kpã bhɛbhɛtɛ pɔ kɛgɛ nu kɛdzyɔgo. Anɔnyanɔ gɛ abhɛtɛ kɛ gɛnu kɛdzyɔgo ede Kpaya kɔ. Anɔnyanɔ gɛ abhɛtɛ kɛgɛ nu kizizi atɛ mɔ Kpaya.