1 Yohanɛsɛ 2:27 - ONUGBÙ NYƐNYÃ VUVƆ

²⁷ Wɔnɔ xũ nɛ, bubɔsɛsra nɛ gɛ nɔ yɛkɛ denɔ yɛ ɔkɔ bu wɔ nɔɛ mɛ, klɛ nɔ dɔ pɛɛ anɔnyanɔ sɛ tɛ akasɛ nɔɛ dɔ. Pɔ anasɛ gɛ yɛ bubɔsɛsra kasɛ nɔ nɛ ebui nɛ petee shu klɛ anasɛ gɛ bubɔsɛsra nɛ nu kɛgbɛagba, ganɛ kɛdɔ gɛ kɛyi dɔ—anasɛ gɛ kɛ kasɛ nɔ, nɔ wɔ yɛ mɛ.

1 Yohanɛsɛ 2:27 ပူးပေါင်းရင်းမြစ်များ

Mateo 13:11

Ebui lɛ nu asɛ, “Ba tɛ yɛkɔ ebui kpukpu nɛ owũsise bukusiɔŋakɔ nɛ tɛtiti akɔ nɔ, pɔ ganɛ kɔ balɛ.

Yohanɛsɛ 14:16

Ɛba bisi Aka, klɛ aba kɔ Apɛplɛnɔ bhlatɔ tɛ aza nɔ ɔbha ɔvɛnɔ mabeke mɛ—

Yohanɛsɛ 14:17

ɔlɛ nu Ɔfufɔɛ gbɛagba. Kanɔ ka tɛ bana yɛ ayɛkɛ, alasɛ ka ta mɔ yɛ klɛ ke ti nyi yɛ. Pɔ nɔ nyi yɛ, alasɛ alɛ wunɔ bha klɛ alɛ wunɔɛ mɛ.

Yohanɛsɛ 14:26

Pɔ Apɛplɛnɔ, Ɔfufɔɛ Dzyɔgo, gɛ Aka na ba sɛsɛ nɔ nɛ mɛ nyimɛ, lɔ bɔ kasɛ nɔ ebui nɛ petee klɛ lɔ bɔ baka nɔ kibuinyɛbui gɛ ɛtsre nɔ.

Yohanɛsɛ 16:13

Pɔ kibenɔ nɛ gɛ yɛ, kɛgbɛagba Ɔfufɔɛ, nɔ ba, aba gbanɔ lɔ kpɛ kɛ gbɛagba petee mɛ. Atɛ ba ɖɔaɖɔ nɛ́ yɛnahwɛ shu ahwɛ, aba ɖɔ kɛgɛ enu nɛ ko, klɛ aba ɖɔ tsre nɔ kɛ gɛ kɛ ba ba.

Yohanɛsɛ 4:14

pɔ anɔ nɛ gɛ awɔ̃ɛ buni gɛ ɛba kɔ yɛ oniwɛ ɔtɛɔ ta yɛ. Kɛgbɛagba, buni nɛ gɛ ɛba kɔ yɛ bu badzi buni tɛtade tisimɛ gɛ bu baza yɛ shu mɛ ɔdɔtɔnɔ ɛkpã mabeke mabeke mɛ.”

Yohanɛsɛ 6:45

Ebuiɖɔlu Ba ŋlɔmɛ nɛ Atɔnu keplukpa nɛ mɛ asɛ: ‘Kpayɛa aba kasɛ alɛ petee dɔ.’ Anɔnyanɔ gɛ ata Aka na tɔ klɛ akpasɛ bui denɔ yɛ ɔkɔ aba ba mɛ kɔ.

1 Kɔrintioanɛ 2:12

Bu kayɛkɛ kanɔ nɛ mɛ ɔfufɔɛ pɔ Ɔfufɔɛ nɛ gɛ lo de Kpaya ɔkɔ, sɛ tɛ bu nu kɛgɛ Kpaya atɛ yɛkɔ kɔ lɔ fãa.

1 Kɔrintioanɛ 2:13

Kɛnɛ kɛlɛ lɔ ɖɔ, ganɛ nɛ ebui gɛ Anɔdzyrame kibuinyinyi gɛ akasɛ lɔ pɔ nɛ ebui nɛ gɛ Ɔfufɔɛ nɔ kasɛ, kɛ kasɛ ɔfufɔɛ gbɛagba nɛ ɔfufɔɛ mɛ ebui.

2 Kɔrintioanɛ 1:21

Ɔtsɔ̃nɛ Kpaya yɛ abhɛtɛ bulɔ editabha klɛ nɔ lɛ gɛganɛ nɛ́ Kristo mɛ. Yɛ abalɛ bubɔ nɛ bulɔ abha,

Efesoanɛ 4:21

Kɛgbɛagba nɔ nu yɛ bui klɛ bakasɛ nɔ kibui gbɛagba nɛ gɛ kɛlɛ Yesu mɛ.

Koloseanɛ 2:6

Kɛlɛso anasɛ gɛ nɔ yɛkɛ Kristo Yesu anasɛ Apalete, nɔ vɛ kɛlɛ abha tɛ nɔ za nɛ́ yɛ mɛ,

1 Tɛsolonianɛ 2:13

Klɛ bu tsri lɛa bha tsyɛ hu Kpaya ahwɛ alasɛ, onu gɛ nɔ yɛkɛ Kpaya kibui, gɛ no nu denɔ bulɔ kɔ, nɔ yɛkɛ lɛ ganɛ ansɛ banɔdzyrame kibui ɖuɖɔ, pɔ ansɛ gɛ kɛ lɛ, pɛ ki nu Kpaya bui, nɛ gɛ kɛwa kɛxwɛ nɛ wɔnɔa gɛ ɔyɛkɛ ɔŋa nɛ mɛ.

1 Tɛsolonianɛ 4:9

Ɔtsɔ̃ nɛ kɛdzya mɛ tɛɖuɖɔ shu kɛ dɛ zhã sɛ bu ŋlɔmɛ kɔ nɔ, alasɛ wɔnɔ nahwɛ Kpaya atɛ kasɛ nɔɛ dɔ sɛ nɔ ɖɔ aglɔ.

1 Timotio 2:7

Klɛ kɛɛ nɛ nɛ shu so pɛ be bu mɛ asɛ idzi otugbanɔ anɛ anɔkpɛkpɛ, gɛ ɛɛɖɔ kɛgba, iti hu otro—klɛ mɛ nu kɛgba tɛyɛyɛkɛŋa adɔkasɛ kɔ Bagɛ ba dɛ yɛkɛaŋa.

1 Petro 1:23

Alasɛ betsodzi nɔ amɔ, anɛ kiyi zizi, pɔ nɛ́ mazimazi, ɔganɔ Kpaya ɛkpã zɛza nɛ ebui bhɛbhɛtɛ.

1 Yohanɛsɛ 2:28

Klɛ ɔtsyɔnɛ, banuvɔ mumɔa, nɔ za kɛlɛa bha nɛ yɛ mɛ, sɛ tɛ kibenɔ gɛ abe koeyi idzyi aba za bulɔ mɛ klɛ tɛ kɛwɔɛ̃ tɛku lɔ nɛ yɛ amɛ nɛ́ yɛ tɛbɛba mɛ.

1 Yohanɛsɛ 3:24

Bagɛ ba tatɔ nɔ yɛ ɛshã balɛ yɛ mɛ klɛ alɛ balɛ mɛ. Klɛ kɛnɛ kɛlɛ kɔ sɛ bu nyi sɛ alɛ bu lɔɛ mɛ: Bu nyi lɛ denɔ Ɔfufɔɛ nɛ gɛ akɔ lɔ nɛ mɛ.

2 Yohanɛsɛ 1:2

alasɛ kɛgbɛagba, gɛ kɛ lɛ bulɔ mɛ klɛ kɛ ba za bulɔ ɔbha ɔyɛkɔ vɛnɔ,