1 Yohanɛsɛ 2:24 - ONUGBÙ NYƐNYÃ VUVƆ

²⁴ Nɔ di lɔ kɔ sɛ kɛgɛ nɔ nu denɔ kesikpɛkpɛ kɛ wɔ nɔɛ mɛ. Onugɛ kɛ bhɛtɛ ana, wũnɔ tsyɛ nɔ bɔ wɔ Eyi anɛ̀ Aka nɛ mɛ.

1 Yohanɛsɛ 2:24 ပူးပေါင်းရင်းမြစ်များ

Luka 1:2

anasɛ gɛ ba yɛkɔ akpɛ bulɔ ahwɛ nɛ bagɛ denɔ kesikpɛkpɛ gɛ bedzi awɔ̃hũ bebuimɔɖɔ nɛ baxwɛdɛ kɔ ebui.

Luka 9:44

“Nɔtatɔ mɔmɔ nɛ kibui gɛ ɛba tsre nɔ nɛ shu: Ba ba yɛkɔ Anɔdzyrame yɛ Eyi akpɛ ahwɛ kɔ banɔ.”

Yohanɛsɛ 14:23

Yesu ebuilɛnu asɛ, “Onugɛ anɔ teli adɛmɛnɔ nɛ mɛ, aba bhɛtɛ atrɔ mɛ kɛdɔkɛkasɛ nɛabha. Mɛ Aka aba dɛmɛnɔ nɛ yɛ, klɛ bu ba ba yɛ ɔkɔ klɛ bu ba yɛ kɔ ɔkɛlɛ bhɛtɛ bulɔ kepi.

Yohanɛsɛ 15:7

Onugɛ nɔ wɔ mɛ́ mɛ klɛ mɛ ebui na lɛ wunɔɛ mɛ, bisi kɛdɔnyɛdɔ gɛ nɔ pɛɛ, klɛ ba bakɔ nɔ.

Yohanɛsɛ 6:56

Anɔ nɛ gɛ atã mɛ ishuidzya klɛ awɔɛ̃ mɛ dzyosu awɔ mɛ mɛ klɛ mɛ ɛlɛ yɛ mɛ.

Yohanɛsɛ 8:25

Be bisi asɛ, “Ane wɔ onu?” Yesu etsre alɛ sɛ, “Kɛgɛ ɛɖɔ tsre nɔ kibenyɛbe nɛ ko.”

Filipianɛ 4:15

Ɔyɛkɔdɛana, anasɛ wunɔ Filipianɛ nɔ nyi, nɛ ewui tɛtɔpu nɛ mɛ gɛ nɔ ti kibui dzyɔgo, gɛ ɛshɛ nɛ Makedonia, busɔlɛha torikpo tsyɛ dɛ bhɛtɛ kɛdɔkukɔ nɛ kɛdɔyɛyɛkɔ nɛ kibui nɛ mɛ ɔyɛkɔ dɛ wɔ ko,

Koloseanɛ 3:16

Nɔ kɔ Kristo ebui la za wɔnɔɛ mɛ nɛ kedziŋɛŋa nɛ́ kɛlɛmɛ gɛ nɔ kasɛdɔ klɛ nɔ yɛ kɔ tɛtsitsrenɔ kɔ ɔhaglɔ nɛ ebuinyinyi petee, klɛ anasɛ gɛ nɔ zha be Pɛsalomo busɔlɛ ɛdzɛ, anɛ ɛfufɔɛmɛ ɛdzɛ, anɛ̀ ahwɛhuhu denɔ wɔnɔ idzyi mɛ kɔ Kpaya.

Hebriuanɛ 2:1

Alasɛ tɛ buza awɔ̃zɛza abha mɔmɔ, kɔ ebui nɛ gɛ bunu, sɛ tɛ batɛ bege lɔ ashɛnɔ.

Hebriuanɛ 3:14

Bu ba sɛ tɛ bubhɛtɛ terikpo nɛ Kristo onugɛ bu nyɛna yɛ gɛganɛ ɔdɔtɔnɔ tɛbibeke anɛ tɛyɛyɛkɛŋa gɛ bunyɛna vunɔ denɔ kesikpɛkpɛ.

1 Yohanɛsɛ 1:3

Bu butsre nɔ kɛdɔ nɛ gɛ bu mɔ klɛ bu nu, sɛ tɛ wũnɔ tsyɛ nɔ za terikpo bhɛbhɛtɛmɛ nɛ lɔ. Klɛ bulɔ terikpo bhɛbhɛtɛ nɛ Aka anɛ̀ yɛ Eyianyɛ Yesu Kristo.

1 Yohanɛsɛ 1:7

Pɔ onugɛ bu ga nɛ obhubhuikɔ, anasɛ gɛ alɛ nɛ obhubhuikɔ, bu yɛkɛ terikpo bhɛbhɛtɛ nɛ ɔhaglɔ, klɛ ye Yianyɛ Yesu dzyosu, eplu buzizi petee bu nɛ bulɔ shu.

1 Yohanɛsɛ 2:7

Ɛbhɛya mumɔa, ɛtɛ ŋlɔmɛ ɔshã vuvɔ kɔ nɔ pɔ ɛkuku tirikpoe lɛ, gɛ nɔ tɛ yɛkɛ denɔ kesikpɛkpɛ. Ɔshã kukuɔ nɛ ɔlɛ nu kibuiɖɛɖɔ gɛ nɔ tɛ nu.

1 Yohanɛsɛ 3:24

Bagɛ ba tatɔ nɔ yɛ ɛshã balɛ yɛ mɛ klɛ alɛ balɛ mɛ. Klɛ kɛnɛ kɛlɛ kɔ sɛ bu nyi sɛ alɛ bu lɔɛ mɛ: Bu nyi lɛ denɔ Ɔfufɔɛ nɛ gɛ akɔ lɔ nɛ mɛ.

1 Yohanɛsɛ 4:13

Bunyi sɛ bulɛ nɛ ɛkpã nɛ yɛ mɛ klɛ alɛ bulɔɛ mɛ, alasɛ ayɛkɔ yɛ Ɔfufɔɛ akɔ lɔ.

1 Yohanɛsɛ 4:15

Onugɛ anɔ teli adɛmɛ atrɔ sɛ Yesu enu Kpaya yɛ Yi, Kpaya alɛ yɛ mɛ klɛ alɛ Kpaya mɛ.

1 Yohanɛsɛ 4:16

Klɛ so bu nyi klɛ bu tsiri tɛdɛdɛmɛnɔ nɛ gɛ Kpaya akɔ lɔ nɛabha. Kpaya enu adɛdɛmɛnɔ. Anɔ gɛ alɛ tɛdɛdɛmɛnɔ mɛ alɛ Kpaya mɛ klɛ Kpaya alɛ yɛ mɛ.

2 Yohanɛsɛ 1:2

alasɛ kɛgbɛagba, gɛ kɛ lɛ bulɔ mɛ klɛ kɛ ba za bulɔ ɔbha ɔyɛkɔ vɛnɔ,

2 Yohanɛsɛ 1:9

Anɔnyanɔ gɛ esi afla vɛ otugba klɛ ata za Kristo kɛdɔkɛkasɛ nɛede adɛ yɛkɛ Kpaya, ánɔ nɛgɛ aza kɛdɔkɛkasɛ nɛabha ayɛkɛ balɛ tɛabha Aka anɛ Eyi.

3 Yohanɛsɛ 1:3

Kɛ ku mɛ same gɛganɛ sɛ badzya teli ba tsre mɛ edenɔ wɔ tɛyɛyɛkɛŋa kɔ kibui gbɛagba anɛ̀ kana gɛ nɔ ga nɛ́ kibuigbɛagba mɛ.

Tɛbubukasɛ 3:11

Ɛɛba kplitaa. Nyɛna kɛ gɛ lɛ wɔahwɛ nɛ mɛ ovunɔ, sɛ tɛ anɔnyanɔ atɛ ba yɛkɛ wɔ bukusikutu.

Tɛbubukasɛ 3:3

Kɛlɛ so, baka, wɔ kɛ gɛ ɔtɛ yɛkɛ klɛ onu, ta kɛlɛ atɔ, tɛ otsyina kitem. Pɔ onu gɛ ɔdɛ nyɛmɛ, ɛba ba ansɛ ezi, klɛ ɔtɛ bo ti kibe nɛ gɛ ɛba ba wɔ bha.