1 Yohanɛsɛ 2:22 - ONUGBÙ NYƐNYÃ VUVƆ

²² Ane yɛ enu otroelete? Enu anɔ nɛ gɛ adaɛda sɛ Yesu enu Kristo. Anɔ alɛlɛ nɛ di yɛ nu otrokristo—yɛ adaɛda nɛ Aka anɛ̀ Eyi nɛ shu.

1 Yohanɛsɛ 2:22 ပူးပေါင်းရင်းမြစ်များ

Mateo 24:24

Alasɛ itro be Kristo nɛ itro batɔnu nɛ ba ba wɛ̃ klɛ ba ba bhɛtɛ kɛdɔmumɔ gbɛgbla nɛ ebui gɛ abhɛtɛ bi sɛ tɛ ba yɛkɔ awɛɛ bagɛ be klu nɛ tsyɛ—onu gɛ kɛ ba kɛlɛ mɛ ana.

Mateo 24:5

Alasɛ banɔ gelee ba baa ba nɛ mɛ kinyi mɛ, aza ɖɔ asɛ, ‘mɛ nu Kristo,’ klɛ ba baa wɛɛ banɔ gelee.

Yohanɛsɛ 8:44

Wunɔ aka, gɛ enu Abɔnsam, ye yialɛ nɔ nu klɛ nɔ pɛɛ sɛ tɛ nɔ bhɛtɛ ɔtrɔ wunɔ aka tɛpɛpɛɛ nɛabha. Enu akpɛnɛ denɔ kesikpɛkpɛ nɛ ke, kibui gbɛagba ma yɛ ahwɛ, alasɛ kibui gbɛagba ma yɛ mɛ. Kibenɔ nɛ gɛ ehu otro, ehu yɛ epi bunuhu, alasɛ enu otroelete klɛ yɛ enu itro lete petee aka.

1 Yohanɛsɛ 1:6

Onugɛ buɖɔ sɛ terikpo bhɛbhɛtɛ alɛ nɛ yɛmɛ pɔ bu ga nɛ otumumɛ, bu hu otro klɛ bu ma nɛ kibui gbɛagba abha.

1 Yohanɛsɛ 2:18

Banuvɔ mumɔa, ɔɖatɛta gugɔɛ mɛ na nɛ, klɛ anasɛ gɛ nɔ tɛ nu sɛ otrokristo aba, ɔtsɔ̃nɛ kuratsyɛ otrokristo atɛ ba. Kana lɔ nyi kɛ nu ɔɖatɛta gugɔɛ.

1 Yohanɛsɛ 2:23

Anɔnyanɔ gɛ ada kada nɛ́ Eyi nɛ́ shu Aka lɛ yɛ ahwɛ, ánɔ nɛ gɛ adɛmɛ atrɔ sɛ Eyi nɛ alɛ Aka nɛ tsyɛ alɛ yɛ ahwɛ.

1 Yohanɛsɛ 2:4

Anɔ nɛ gɛ aɖɔ sɛ, “Ɛnyi yɛ,” pɔ ata bhɛtɛ atrɔ yɛ ɛshã nɛ gɛ akpɛ nɛabha enu otro lete, klɛ kibuigbɛagba ma yɛ mɛ.

1 Yohanɛsɛ 4:20

Onugɛ anɔ teli aɖɔ sɛ, “Ɛdɛmɛ Kpaya bui,” pɔ egu yɛ adzya, enu otro lete. Alasɛ anɔnyanɔ gɛ adɛ dɛmɛnɔ adzya, gɛ amɔ, atɛ bana Kpaya gɛ yɛ ata mɔ mɛ bui adɛmɛnɔ.

1 Yohanɛsɛ 4:3

pɔ ɔfufɔɛ kanyaka gɛ lɔ dɛ dɛmɛ ɔyɛkɛ Kristo lɔ dɛ de Kpaya kɔ. Ɔnɛ ɔlɛ nu otrokristo ɔfufɔɛ, gɛ nɔ tɛ nu sɛ lɔ ba klɛ ɔtsɔnɛ kuratsyɛ lɔ tɛ boku kanɔ nɛ mɛ.

1 Yohanɛsɛ 5:1

Anɔnyanɔ gɛ ayɛkɛŋa sɛ Yesu yɛ nu Kristo enu Kpaya ye yi, klɛ anɔnyanɔ gɛ adɛmɛnɔ nɛ aka adɛmɛnɔ nɛ yɛ eyi tsyɛ.

2 Yohanɛsɛ 1:7

Banɔ awuwɔɛ gelee, gɛ ba dɛdɛmɛ atrɔ Yesu Kristo anasɛ gɛ aba nɛ ishuidzya mɛ, ba tɛ koeyi ɛtsoku kanɔ nɛ mɛ. Anɔ alɛ nɛdi enu agɛ awɔɛ anɔ anɛ̀ otrokristo.

Yuɖa 1:4

Alasɛ banɔ teli gɛ be bu kɛpɔ pɛ ba ŋlɔmɛ kɛdɔ nɛ balɛ shu kukuku, ba ga tɛkpukpu mɛ ashɔku wɔnɔɛ shi. Be nu banɔ gɛ kpaya ama balɛ mɛ, gɛ be tsyina Kpaya ɛyamyuyɔ nɛ edzi kidzokukɔ kɔ azhuzhɔlɛbui bhɛbhɛtɛ klɛ ba dɛ yɛkɛ Yesu Kristo bulɔ Ishuahwɛzɛza anɛ Apalete terikpo.

Tɛbubukasɛ 3:9

Ɛba bhɛtɛ bagɛ nu Satana oxogokɔanɔ, gɛ be kulu shu asɛ nu Yuɖanɛ flogo pɛ be di nu, pɔ be nu betroni, ɛba bhɛtɛ balɛ le be zhiadɔ nɛ wɔ otugba klɛ be be buaɖɔ sɛ ɛpɛɛ wɔɛ bui.