1 Yohanɛsɛ 2:19 - ONUGBÙ NYƐNYÃ VUVƆ

¹⁹ Ba shɛ nɛ bulɔɛ shi, pɔ ba dɛ nu bulɔ banɔ kɛgbɛagba. Alasɛ onugɛ benu bulɔ banɔ ba ta wɔ bulɔ bha, pɔ balɛ tɛ shɛshɛ̃ nɛ kasɛ sɛ balɛ akanyaka edi nu bulɔ ayɛ.

1 Yohanɛsɛ 2:19 ပူးပေါင်းရင်းမြစ်များ

Mateo 24:24

Alasɛ itro be Kristo nɛ itro batɔnu nɛ ba ba wɛ̃ klɛ ba ba bhɛtɛ kɛdɔmumɔ gbɛgbla nɛ ebui gɛ abhɛtɛ bi sɛ tɛ ba yɛkɔ awɛɛ bagɛ be klu nɛ tsyɛ—onu gɛ kɛ ba kɛlɛ mɛ ana.

Marko 13:22

Alasɛ Kristo itroayɛ anɛ batɔnu itroa yɛ nɛ be koeyi klɛ ba baa bhɛtɛ ebuimumɔ anɛ ebuiyiyinɔ anɔ, sɛ tɛ ba yɛkɔ awɛɛ bagɛ be kulu, onu gɛ kɛɛ ba za bɔbɔɛbɔɛ.

Luka 8:13

Eyi gɛ adɔ aklagbu nɛabha alɛ nu ba gɛ bayɛkɛ bui nɛ same kɛbelɛlɛ gɛ be nu lɛ, pɔ kɛ dɛkpɛ ɛgu. Ba yɛkɛŋa kɛ be, pɔ tɛfifekedi ba ko, ba wɔlɛ ekoeyi.

Yohanɛsɛ 15:2

Ete ɔshɛ̃nyɔshɛ̃ nɛ mɛ mɛ gɛ lɔ dɛ yu nɛ ebu, nɛlɛmɛ lɛ gɛ yu akanɛ lɛ sɛ tɛ lɛ yu gelee.

Yohanɛsɛ 4:14

pɔ anɔ nɛ gɛ awɔ̃ɛ buni gɛ ɛba kɔ yɛ oniwɛ ɔtɛɔ ta yɛ. Kɛgbɛagba, buni nɛ gɛ ɛba kɔ yɛ bu badzi buni tɛtade tisimɛ gɛ bu baza yɛ shu mɛ ɔdɔtɔnɔ ɛkpã mabeke mabeke mɛ.”

Axwɛwɛwa 15:24

Bunu sɛ banɔ teli be koeyi nɛ bulɔ mɛ nɛ bulɔ kidzo makɔ makɔa lɛm klɛ ba kpɛ wɔnɔ bunuhu, ba kpɛ wɔnɔ atɔkpum bunuhu nɛ balɛ ebui nɛ gɛ ba ɖɔ.

Axwɛwɛwa 20:30

Nɛ wɔnɔ nahwɛ tɛkpikpem tsyɛ banɔ aba lɔ kititi klɛ le be futsu kɛgba nɛ akpɛ sɛ tɛ be yinɔ badɔkpasɛ nɛ gɛ ba lɛ kɛlɛede nɛ kide.

Romanɛ 9:6

Anɛ sɛ gɛ Kpaya kibui nɛ dɛ ba kɛlɛ mɛ. Alasɛ ganɛ banɔ nɛ petee gɛ ba mɔ denɔ Izraɛl nɛ balɛ nu Izraɛlanɛ.

1 Kɔrintioanɛ 11:19

Otro ɔma kɛlɛ mɛ alasɛ tɛ ɔtɔgɛga ɔza wɔnɔɛ shi, tɛ kɛ kasɛ anɔ nɛ gɛ yɛ abha Kpaya atrɔ ahwɛ.

2 Timotio 2:10

Kɛlɛ so ɛdzrɔ nɛ kibuinyɛbui nu nɛ agɛ be kulu nɛ tɔkpu, sɛ tɛ balɛ tsyɛ ba mɔ tɛbubu nɛ gɛ kpasɛ Kristo Yesu mɛ, ɔplɛnɔ ɔfufɔɛ mɛ ishubhubhui.

2 Timotio 2:19

Pɔ, Kpaya kesikpɛkpɛ nɛna nɛ keli gɛganɛɛ, gɛ ba da kɛlɛ adɛda nɛ gɛ ba ŋlɔmɛ atrɔ yɛabha sɛ: “Apalete nɛ enyi bagɛ be nu yayɛalɛ,” klɛ, “Anɔnyanɔ gɛ ebu Apalete nɛ nyi aɖɔ, alasɛ tɛ etsodzi nɛ kɛtɔkpu mɛ gɛganɛe de.”

2 Timotio 3:9

Pɔ be ti be ku odzidzekɔ fanɔ alasɛ, nɛ banɔa lɛ nɛ kapɛ mɛ, balɛ butsutsɔmɔ nɛ mɛ ba danɛ kɔ anɔnyanɔ.

Hebriuanɛ 10:39

Pɔ bu dɛ nu bagɛ be tsodzi aba kide klɛ ba lɛla, pɔ bagɛ ba yɛkɛŋa klɛ be bhuialɛ ayɛkɛ.

2 Yohanɛsɛ 1:7

Banɔ awuwɔɛ gelee, gɛ ba dɛdɛmɛ atrɔ Yesu Kristo anasɛ gɛ aba nɛ ishuidzya mɛ, ba tɛ koeyi ɛtsoku kanɔ nɛ mɛ. Anɔ alɛ nɛdi enu agɛ awɔɛ anɔ anɛ̀ otrokristo.

Yuɖa 1:1

Yuɖa, Yesu Kristo axwɛdɛ anɛ Yakobo yɛadzya, Kɔ bagɛ be kulu, gɛ Kpaya Aka nɛ aɖɔ klɛ Yesu Kristo anyɛna evunɔ:

Yuɖa 1:19

Balɛ enu banɔ nɛ gɛ aba pɔɛ nɔɛ shi, gɛ baa tɔ nɔ kanɔa nɛm ishumɛ ebuie de klɛ Ɔfufɔɛ nɛ ɔma balɛ ahwɛ.